صرخات أنثى

البارت الرابع عشر

……… البارت الرابع عشر ……
………#صرخات_أنثى ……...
......…. #بقلمي_شمس……..

أشعر بأن الزمن توقف .. وانتهى كل شئ ..
ذكرياتي ..
طفولتي..
عائلتي ..
لم يبقى احدا لي ..
اشعر ببرد وخوف ..
وليس هناك دفئ عائلتي وحبهم ..
أمان ابي واخي قد اختفى ..
وحنان امي لم يعد موجود ..
لم يبقى سوى الضياع والالم ..

بين دموعي وحسرتي ..
سمعت صوت خشن ..
اجه الشرطي .  يله گومي . الضابط قصي يريدج ..
حتى مالحگت ابدل ..

فتح الباب طلعت ..
سحبني حيل من ايدي ..
گتله .. لا تلزمني
.. ههههه لاتصرين شريفه براسي همزين انتي ..
لو خليني ساكت ..

دموعي تنزل مااگدر ارد..  ياربي شسويت بروحي اني
دخلت للضابط قصي..

گام .. انسان حباب ومثقف ..
يگولون الضباط متكبرين ويخوفون بس هو عاملني بأحترام وماحسسني اني سجينه ..

گال تعاي اگعدي حنين.. 
خلينا نكمل التحقيق حتى نحولج للمحكمه ..
الخوف كاتلني وكلما اتذكر واسولف الي صار تتقلب المواجع ..

كتب ورقه واخذوني للمستشفى سوولي تقرير
الدكتوره گالت اكو اثار اغتصاب ..
واكو جروح
ومبينه عذريتج ماخذوه عن قريب
فرحت واخيرا راح تثبت برائتي ..

شاف الضابط التقرير .. گال جيد
راح نستدعي بالمحكمه كل الي گلتي عليهم شاركوا وي مهند بخطفج والاعتداء عليج ..
لتخافين . 
بس اريد اگلج . عم الولد بالامن . 
وجاي يحاول ياخدج يحولج ع الامن ..
وهناك مايرحموج .
لهذا احاول اخلص تحقيق واحولج للمحكمه ..

من گال خفت .. گتله يعني شيسويلي ..

سكتت واخذ حسره وگال .. كل انواع التعذيب . حتى الي قتلتي شخص بسببه مستعدين يسووه ..
اني خايف عليج لان انتي مبينه حبابه وشريفه ..
واني اعرف الزينه والي مو زينه من عيونها .. لان مرن اشكال عليه ..

حنين .. انت صار يومين من شفتني وصدگت برائتي وتحاول تحميني ..
وخطيبي واهلي تخلوا عني وماصدگوني ..
الحمد لله والشكر .
بس وربي اني سويت هذا كله عمود ماينسجون همه بسببي ..

ندگت الباب اجه المحامي ..
گال البقيه بحياتج .. اني فقدت وتخبلت ..
گمت اعيط من غير مااعرف منو ..

گلت لو ابويه لو امي ..
گتله منو .. گال الوالده ..

اووووف يمه .. شسويت بيج اني .. عساني متت ولا شفت هذا اليوم ..
ليش هيج صار ..
لو قاتله روحي . ولا سويت بيكم هيج ..

گمت اتوسل بالضابط ..
سيدي اترجاك حولني للمحكمه خلي يعدموني وارتاح مااريد اعيش بعد امي ..
وابوي بالسجن بسببي ..
ليش ياالهي .. معقوله المظلوم هذا جزاءة

گال المحامي .. شدي حيلج ..
اخوانج هم اخذوهم الامن ومايعرفون وين مصيرهم ..

آآآأه ياالهي .. ع كيفك وياي وحده وحده مو كلهن سوه
ارحمني ..

جا اني ليش ماحجيت .. وليش ماگلتلهم غير حتى مايتأذون ..

تالي اضيعهم كلهم بيوم واحد ..

خلص مااريد اي شي .. حتى محامي مااريد ..
موتوني احكموا عليه ..

شلون اقابلهم .. شلون اباوع بوجهم ولو ادري بيهم نسووني وتبروا مني ..
بس هم اهلي ويبقون اهلي ..

اووووف يمه وجعتج جبيره ..

بعدني ممكمله كلامي انفتحت الباب ..
دخل رجال يخوف ضخم وعنده شوارب .. ووراه حمايه
يخنزر عليه واني گلبي گام يدگ بسرعه ..

الضابط قصي گام واخذله تحيه ..
طلعوا المحامي من الغرفه ..
واتجه الي اول ماصار مقابيلي انطاني راجدي فراني فر حسيت بعد مااشوف واذني مااسمع بيها ..

باوعت للضابط قصي .. دنگ وضايج
بس مايگدر يسوي شي مو بيده ..

دور گال ولج ساقطه .. قتلتيه لان تركج ..
وانتي گاضيتها طلعات وعايشين مثل المتزوجين
ومن راد يتركج قتلتيه ..
طبعا خوش صيده شلون تعوفيها ..

استغربت هذا شيحجي .. باوعت للضابط قصي ..
گتله والله جذب ..
اني مخطوبه وع وشك زواج ..
ولان ماانطيته مجال ..
نومني واعتدى عليه ..
يگلي اكسر خشمج

ضربني هذا اليخوف . گال احجي وياي اني ..
هذا حجيج مايوكل خبز ..
وماامشي بي لان اكو شهود ودلائل..

بعدين باوع للضابط گاله .. حظر اوراقها راح تتحول يمنا هناك الضباط يلزمون القضيه ويشوفوها ..
شلون اتجرأت وقتلت مهند ..

الضابط قصي .. هز راسه معناها مابيدها شي..

گلتله. .. اروح وياكم بس اريد غراضي بالسجن وملابسي
عاط بيه .. گال واحد من الشرطه يجيبهن ورانا ..
امشي گدامي دفعني ..
وركبوني بسياره وعصبوا عيني بعد مااشوف شي
الخوف كتلني ..

وحسرتي ع امي الي مالحگت احزن لو ابجي عليها ..
منو دفنها هسا واخواني وابويه بالسجن ..
نسرين وحدها هسا منو الها الله يعينها ..

بس ع الاقل راح تشوف امي وتودعها ..
تحزن عليها وتبجي وتلطم ..

وكفت السياره ونزلوني ويدفعون بيه وكل ساعه اريد اوگع ويلزموني من صدري او من اماكن تشمأز نفسي منها ..#شمس

ابجي دم من داخلي وعيوني متبطلن بجي .
اني وين وگعت نفسي بيا مصيبه ..
ردت احافظ ع اهلي تالي خسرتهم كلهم ..

قبل كم يوم اني بنص اهلي وفرحانه ..
وهسا اني بكابوس مايخلص .

دخلوني الغرفه .. فتح عيوني شفت ضابط اربعيني بس هم عنده شوارب وضخم ..
ابتسم من شافني ..
گاله الضابط .. عم مهند

هاي يمك اريدك تداريها ..

ضحك الضابط .. هههههه تدلل اخليها بعيوني ..

عم مهند طلع .. بقيت يم هذا الخوف كاتلني
ومااعرف وين اني ..
اجه الضابط تقرب مني ..
يباوع بنضرات تخوف ..
گال الصراحه .. مااتوقعت هيج حلوه وجسم وطول ..

حقه مهند ههههه
شمأزيت منه ..
گتله .. بس تاليتها اخذ جزاته ..

هههههه سحبني من شعري . لج تخوفيني
اني مو مهند ..
ادعسج جوه رجلي ..

اندگت الباب اجه الشرطي ..
گال هاي غراضها ..

اشر الي گال روحي هسا واخذي غراضج ..
گال للشرطي .. اخذها ..
#بقلمي_شمس
يتبع…..