صرخات أنثى

البارت السادس

……… البارت السادس ………..
………#صرخات_أنثى ……...
......…. #بقلمي_شمس……..

اجت العروسه طالعه تخبل .. گضيناها دگ ورگص صحيح راح يبقى مكانها فارغ ووحشه عليها البيت والغرفه
بس اهم شي سعادتها ..

مرت عمو انطت الخبر .. وگالت الحاظر يعلم الغايب الاسبوع الجاي يوم الجمعه .. عقد حسين وحنين ..
اني استحيت ..
وخالاتي بوسني وباركن .. #شمس

شوية گالوا اجت الزفه ونسرين گامت ترجف ..
واني اضحك عليها ..
نسرين .. اي خلي نشوفج من تتزوجين
دخل عبد الله باسها بگصتها ..

عندي كاميرا ام الفلم .. اخذتلهم لقطات هوايه
تالي لبسوها البرگع ..
وطلعوا .. والولد ودگ ورگص
اني اخذت غراضها البقيه وصعدنا بالسياره ..
فرونا شويه ..
واخذونا للبيت ..
دخلت الغرفتها ورتبت غراضها ..

تعشت الناس وزفوهم للغرفه ..
ورجعنا كل واحد البيته ..
وصلوني بيت خالتي .. وخالتي تگلي ردتج الابني منتضر بس يله هي قسمه .. #شمس

ضجت حيل منتضر زعطوط ومدلل لان الوحيد عندها ..
بس كون اوصل للبيت واخلص ..
وماصدگت وصلت ..
دخلت .. لگيت ماما تبجي .. حضنتها وبوستها
يوم اني يمج .. ادعيلها ترتاح بحياتها

ماما .. وانتي هم انخطبتي وراح تتزوجين ..
حنين .. بطلت مااتزوج
ماما .. لا يمه هاي قسمتجن وماكو ام ماتفرح البناتها ومدام مرتاحات ومو عند غربه .
هذا هو .. عبدالله فقير وحباب
وحسين هم خوش ولد ويحافظ عليج ..
بعد شأريد من الدنيا .. #شمس

اجه بابا سألني عن نسرين گلتله زينه ..
ودخلت للغرفه ..
احسها ظلمه بلا نسرين .. هي الي مخليه طعم للغرفه
هسا وحدي المن اشكي واسولف بعد ..

حتى تلفون ارضي ماعدنا اتصل عليها ..
الا اروح العلياء ..
هفففف خليت روحي ع المخده ماحسيت بروحي من التعب صار كم يوم نفس التعب والركضه ..
همزين باجر جمعه وارتاح .. #شمس

ثاني يوم گعدت كملت شغلي ونضفت .. رحت جبت المحاظرات من علياء .. حتى اكتبهن .
گالت امي اني طبخت ورايحه البيت خالج اشوف نسرين
حنين .. حبابه يوم ثواني مااتأخر ابدل واروح وياج

ماما .. هسا بالعشره واني اريد اروح وارجع بسرعه خليها. العصر روحي وي بنين وعلي ..

حنين .. ها اي زين اني اروح اكتب ..
كملت كتابه المحاظرات اجه بابا واخواني من السوگ يرحون للگهوه يمنا لان السوگ قريب

صبينا غدا اني وبنين .  دخلت ماما ..
سألناها ع نسرين گالت زينه .. وتسلم عليكم
اووووف والله اشتاقيتلها احس صار سنه مشايفتها مو يوم .. #شمس

للعصر بدلنا ورحنا شفنا نسرين .. لابسه فستان وگاعده
وعندهم هواي خطار والجيران ..
علاوي جايبلها فرشه كلش حلوه ..
دخلتها بنين للغرفه ..

بقينا شويه وطلعنا .. رحنا للبيت سوينا عشا وخلصنا دخلت ادرس ..
ثاني يوم دوام ..
داومت .. دخلنا للكليه اني وعلياء . هي راحت للقسم مالها واني جاي امشي للقسم ..

شفت مهند وگف گبالي .. #شمس
حنين .. رحت منا اجه گبالي ..
رجعت من الجهه الثانيه اجه ورايه ..
گتله .. اذا تسمح اريد امر
مهند .. اريد اسألج سؤال
حنين .. ماعندي حجي وياك ابتعد عن طريقي
مهند .. اني شنو سويتلج وتغلطين عليه .. اعرفج تعرفيني ..
بساعتها احس رجليه متشيلني ..
حنين .. الي وصلك كذاب واني مثل مگلت انت لااعرفك ولاتعرفني ..
مهند .. ههههههه راح امشيه لان معجب بيج ومااحب اضوجج #شمس
حنين .. من فضلك اني مخطوبه ..
مهند .. اشو ماكو حلقه
حنين .. مو شغلك
مهند .. لج لتبيعين ثگل عليه وتشيلين خشمج ..
بنات يسون راسج بأشاره يجن يركضن
حنين .. ههههه اي انت گلتها مو اني البنات .. واني مو منهم ..
مهند .. لج تعرفين اني منو ..
حنين .. اي اعرف بس شعجب مادخلت طبيه هندسه ليش اجيت عربي ..
مهند .. مو شغلج
حنين .. دفعته ابتعد واذا ابن وزير ميحقلك تسوي هيج

تركته لزم ايدي تفلت عليه .. اصدقائه كلها واكفه والطلاب تباوع عفته ومشيت استحيت ..
هو بقى يعيط وراي الا انزل خشمج شوفي شراح اسوي بيج .. #شمس
امشي وارجف شفت منى واكفه ..
حنين .. مو عيب عليج احجي وياج وتوصلين حجي عليه
منى .. شوفي حنين هو جبرني احجي ..
وانتي ماتعرفين مهند . ابوه دخله كليه قانون وتعارك وي الاستاذ وقتله ..
وستروا ع السالفه وابوه عقاب اله حوله تربيه عربي هو ميجب العربي انجبر ..
واذا حط شي بباله يسويه ديري بالج ..

تركتها ومشيت .. بين خايفه وبين ممهتمه .. يعني شيريد يسوي
رحت العلياء خايفه .. سولفتلها ..
گالت بعد اتجنبيه واذا حجى لتردين ولترحين وحدج الاي مكان ..
خوفتني بالزايد ..
ردت اليوم يخلص بسرعه وارتاح ..
حتى محاظرات مادخلت بقيت وي علياء وهي هم خطيه مدخلت ..
خلص الدوام .. طلعنا
رجعت للبيت لگيت حسين وامه ..
ردت روحي شويه .. #شمس
گالت ماما يله اتغدي وبدلي بسرعه راح نروح للسوگ عمود الحلقات ويردون غراض يشترولج ..

اكلت بسرعه حتى المشتهايه طارت ..
لبست تنوره بلوزه بيجي وحجاب وحذاء وجنطه بيجي..
رحت سلمت عليهم وحسين بس يباوع ويبتسم ..
گعدنا شويه وهاي اول مره ..

مرت عمو اشرت الماما وطلعوا ..
يمكن يردون يتركونا وحدنا ..
حسين .. شلونج وي الدوام
حنين .. زينه وذكرت مهند اليوم ضجت .. اني اريد انسى وهو يذكرني ..
هو يسأل واني احاوب ومدنگع ..
تالي تجرأت ..
گتله حسين اريد اسألك سؤال وتجاوب عليه بصراحه لان اريد نبدي حياتنا وماكو اي سر بينا ..
حسين .. تفصلي گولي
حنين .. شنو بينك وبين آيات .
#بقلمي_شمس
يتبع…  

……………………

حبايب صحيح البدايه هادئه ومابيها احداث بس هي هاي حياتها بالبدايه بسيطه وحلوه ..
بس بعدين حتنقلب رأسا على عقب لهذا انتضروا ولتستعجلون فديتكم ❤💙💙💙❤