صرخات أنثى

البارت التاسع

……… البارت التاسع ………..
………#صرخات_أنثى ……...
......…. #بقلمي_شمس……..

استغربت من كلام منى .. احنه صديقات وتجاملني وفوگاها جايبه عصير ههههه

الله يهدي النفوس .. ماردت اخذلها واخذت العصير
منى .. حنين اني اسفه ع كل الي بدر مني ..
وخلينا نفتح صفحه جديده ..
اني ماعندي صديقه وانتي بنيه حبابه ومؤدبه ..
واتشرف تصيرين صديقتي ..
خلينا نمشي يم الحدايق نغير جو ..

كسرت خاطري وهي تحجي وصدگ ماعندها صديقه ..
بعد وكت نطلع للبيت .. تمشينا اني وياها ونشرب عصير
وتسألني عن خطبيبي ..

گلتلها ابن عمي واليوم عقدنا محكمه ومابقى شي ع زواجنا ..
فرحتلي ..
گعدنا شويه .. حسيت بتعب وخمول ونعاس ..
منى .. شبيج حنين
حنين .. ماادري يمكن من التعب اليوم تعبت ومن الصبح گعدت ..
والامتحان تعبني .. لهذا نعست .. احس حلگي انشگ من التثائب .
وماحسيت ع روحي ..

فتحت عيني واشوف غواش .. باوعت للمكان ..
هاي اني وين ..
حسيت نفس يمي .. التفتت ..
شفت مهند بصفي ..
طفرت من مكاني .. حسيت ع جسمي ملابسه شي ..
سحبت ملابسي وتغطيت ببطانيه ع السرير وابجي واعيط ..

الله لينطيك ياساقط .. ليش شنو سويتلك حرام عليك الله ينتقم منك .. الا افضحك .. باوعت للغرفه ..
اني وين وشلون جبتني .. شلون ماحسيت ..

گام وهو يلبس ملابسه ولا يستحي واني غمضت عيني بسرعه ..
يضحك ويحجي .. غير اني وقندرتج .. ذكرتي هذي الحجايه ..
ردت اشوفج القندره شتسوي ..
ورت اختبرج شريفه .. بس طلعتي توووب ..
كسرت غرورج واخيرا ..
هسا اريد اشوفج شلون تصرين مغروره وترفعين خشمج
ياحقير ضيعت شرفي ومستقبلي ..  لك اني مخطوبه شأكول الخطيبي واهلي مافكرت بيه ..

شسويتلك اني .. بس مااسكت شوف شراح اسوي وهسا اطلع لك خلي ابدل ..

سحبني من شعري ..
اسمعي لج  اذا احد درى اوديج ورى الشمس تعرفين اني منو وابن منو ..
ابوج واخوانج يضيعون اذا حجيتي وجبتي اسمي..
هههههه ولتخافين خطيبج ابن عمج واكيد راح يستر عليج ..
شلون عرفت اهلي . ضربته راجدي دفرني .
گعدت ابجي الله لينطيك..
اروح الابوك اني سامعه عنه ميرضى ع الغلط واكيد يطلع حقي .. مثل ماذلك وخلاك بالعربي .
هالمره يبطلك ويگعدك ..

اذا وصل الكلام الابويه .. اهلج بساعتها يحتركون حرگ واخليج تتندمين ع اليوم الي حجيتي بي ..
لاتستهنين بيه اني مو ابويه واصير حقاني ..
اني ماارحم وادمر ..
وخاصه انتي اخليج من ايد الايد ..
واولهم اصدقائي . ذوله بالباب واكفين ..
شتگولين ادخلهم لو تسكتين ..

فتح الباب صاروا گبالي ..
اتوسلت بي .. لا عفيه والله مااحجي بس اتركني اروح .
مهند .. ههههه يله بدلي واطلعي..

باوعت للسرير متوسخ گمت ابجي ..
المفروض هذا يصير بيوم زواجي ووي حسين .. مو وي هذا النذل ..
بدلت وعدلت ملابسي وطلعت ..
لفيت حجابي .. باوعت للساعه ..
اوووف اتأخرت .. اكيد علياء منتضرتني ..

طلعت من الغرفه .. شنو هاي احنا بالكليه  ..
هاي غرفه الحارس .. معقوله الحارس متفق وياهم
زين شلون جابوني لهنا ..

رحت گبل للمغاسل .. ماأگدر امشي .. من الالم
والصدمه ..
كل ساعه اگول هذا كابوس وراح اخلص منه ..
اي ممعقوله حياتي هيج تنگلب ..

دخلت للمغاسل .. غسلت وغسلت رجلي كلها دم ..
وعدلت حجابي ..
دخلت علياء طفرت ..
علياء .. هاي شبيج حنين گلبت الكليه عليج وين صرتي ..
حظنتها وابجي .
بس مااگدر احجي
علياء .. شبيج حنونه .. المفروض اليوم فرحانه لان عقدتوا محكمه ..
خوفتيني صار شي ..  عقدتوا لو لا

حنين .. عقدنا بس تخربطت مااعرف شبيه وموزينه بالامتحان لهذا ابجي ..

علياء .. ههههه لان موزينه بالامتحان اتخربطتي  .  لو شايفه وني شخبطت وطلعت ..

گلتلها تعبانه خلينا نطلع ..
طلعنا .. الفورتات رايحه لان اتأخرنا ..

گالت اوكفي خلي نشوف تكسي بيها رجال كبير .. مااناجر شاب .. لا يخطفنا .. (بقلمي شمس)

ههههه عبالها اهتم بعد وحياتي صارت عباره عن سحابه سوده ..
شلت راسي .. لگيت النذل هو واصدقائه واكفين ويباوعلي ويضحك بمكر ..
والسياره السوده واكفه يمه ..

اجه تقرب يمنا گمت ارجف كلي .  اخاف يحجي شي گدام علياء .. درت وجهي

مهند .. هاي شنو حنين الكليه كلها فرغت وانتو واكفين هسا دنيا الظهر .. تعالوا اوصلكم
حنين .. لا شكرا هسا انأجر تكسي ..
علياء .. خويه روح الله وياك احنه نمشي وحدنا ..
مهند .. لامااگدر اترك اثنين بنات وحدهم غيرتي ماتسمحلي ..
( غيرتك يانذل ليش هو انت عندك غيره .. بعد الي سويته)

علياء ملتهيه تأشر للتكسي ..
همسلي .. خليني اوصلج لو اسوي الي سويته بيج بصديقتج ..
التفتت علياء .. هو ابتسم ..

اتباوعت الها وهي خايفه منه .. لان اني سولفتلها عنه وتعرفه مو راحه ..

بس لو درت الي سواه بيه شتسوي..
رجليه مااگدر اوگف عليهن .. گلتله ..
بعد ماكو شي اخسره مستعده اقتلك ولا اخليك تسوي شي لواحد من اهلي لو صديقتي ..

اجرت علياء تكسي .  تركناه وصعدنا هو ضاج. عباله بعد الي سواه يسيطر عليه ويخليني اخضع اله ..

كرهته اكثر ومااعرف شلون اطلع من مصيبتي ..
افكر اليوم الصبح بكلام حسين وغزله . ويگلي شوكت تصيرين مرتي ..
اني لمسه مااخليه يلمسني .. اگله خليها للزواج..
اذا درى هسا شيگول يصدگني لو لا ..

هو راد بنت عمه لان شرييفه ويعرفها .. ويگول بنات الجامعه مو راحه .
لعد اذا عرف بيه شراح يگول ..

اگله مهند اغتصبني وياخذ حقي . بس اخاف يقتلوه لو يسجنوه ويضيع مستقبله بسببي ..
بقيت افكر ودموعي تنزل ..
وماحسيت الا علياء تگلي ..
حنونه وصلنا يالله نزلنا ..
#بقلمي_شمس
يتبع…