صرخات أنثى

البارت الثالث

……… البارت الثالث ………..
………#صرخات_أنثى ……...
......…. #بقلمي_شمس……..

كملنا الشكرلمه .. ورتبنا المطبخ .. ورحنا المقرنا
غرفتنا وعشنا الي نسولف ونضحك ونبجي ونگرض كله بيها ..
بس اذا راحت نسرين شلون بيه .. سولفت النسرين ع الولد الي ضوجني ..
نسرين .. اهمليه وسوي نفسج مشايفته .. من وحده يتركج ..

خلصنا سوالف وبقت تلبس وتنزع حايره شنو تلبس باجر خطيه مرتبكه ..
اني ماحسيت بروحي غفيت..  نمت بيومها من وقت لان تعبانه وورايه دوام .. (بقلمي شمس)
بالگوة گعدت مو مثل نشاط اول يوم😉

بدلت ولبست حجابي وهالمره .. ماما مخلتني اطلع الا اتريگ .. اكلن  لفه صغيره ..
واندگت الباب اجت علياء بسرعه غسلت وطلعت ..

حنين .. صباح الخير
علياء .. صباح النور
حنين .. لج علياء نهايه الشهر تتزوج نسرين ..
واليوم نيشانها جيبي امج وتعالوا ..
علياء .. هله هله يعني انحظر واخيرا راح تجي حفله 💃💃 نشبع رگص ..
حنين .. واني اشبع بجي .
علياء .. ليش ولج هاي بدل متفرحيلها
حنين .. فرحانه والله بس راح ابقى وحيده بدونها ..
علياء..  وليهمج اني يمج وبنين هم مو تگولين حبابه ..
حنين .. اي حبابه بس مو مثل الاخت ..

گضيناها سوالف الى ان اجت الفورتات وصعدنا .. والبنات مداحس ..
تارس السياره .. الجو بارد بس داخل السياره عبالك حمام وبي صوبه اختنگنه..

وصلنا للكليه . وعلياء راحت القسمها واني رحت القسمي ..
دخلت گلت السلام عليكم .. من غير مااتباوع بوجه احد مثل موصتني نسرين ..(بقلمي شمس)
خفت اشوفه ويسوي حركه تضوجني ..

بيومها استلمنا كتب هم كم كتاب مو كاملات ..
اساتذه داخله واساتذه طالعه وكان اليوم مزدحم..
حتى علياء مشفتها ..

طلعنا لگيت علياء منتظرتني بباب القاعه ..
گالت خلي ناكل شي ..
حنين . لا ماأگدر وعدت نسرين خطيه اجي من وقت ..
وهي منو يگول اختارت شي تلبسه ..
اعتمدت عليه وتركتها ونمت ..

علياء .. حنين عندي فستان اشتريته بزواج ابن عمي حلو ولونه شذري ..
خلي تلبسه ومحد شايفه من اهلكم لان ادري بيجن متلبسن اللبس الي شايفيه ..
حنين.. ههههه اي صدگ ..
خوش اروح وياج انطينياه واشوفها اذا عجبها ..

طلعنا وبيومها مشفته للمزعج ..
لان مااعرف اسمه وعود هو ويانا بالقاعه ..

اخذت الفستان من علياء ودخلت للبيت ..
لگيت خالاتي وعماتي وبناتهم كلهم مجموعين احنه منصدگ اكو حفله ..
هاي بالنيشان هيج جا بالزواج شلون ..

تذكرت الهوسه مال زواج علي والتعب ..

دخلت سلمت .. لگيت نسرين جاي تسوي شعرها ..
ومخبوصه ..
بوستها ..
نسرين .. هلو حنونه ليش تأخرتي
حنين .. غير محاظرات واول مطلعت اجيت بسرعه ..
دگومي گدري هذا الفستان ..

لبسته يخبل عليها ومخصر جسمها .. فرحت .. لان الصراحه .. احنه ماعندنا امكانيه نجيب مثله
علياء الوحيده الاهلها واخوها يبيع ملابس وفساتين ..
وامها خياطه ..
بس مو اي خياطه محترفه .. يخبل خياطها بس غاليه ..

بقن البنات وي نسرين يجهزنها .. والبقيه يبدلن ويعدلن .
واني عيني ع المطبخ والطباخ ..
سحبت روحي رحت للگدوره .. مسويه فاصوليه وتمن وتشريب دجاج ..
امممممم واني جوعانه .. من الجوع والاستعجال گمت اخبط بالگدر واكل ..(بقلمي شمس)

الكل متغديه .. ومبقيلي بالگدر الحكاكه واني اموت عليها وي الفاصوليا ..
كملت دخلت للحمام .. لبست تنوره قصيره وقميص جرجيت حلو ونازك .. هو اصلا مال ماما بشبابها بس سويتله تعديلات ..
وشسورت شعري لان مبلل . طلعت حلوه ..

اجو بيت خالوا .. والصراحه ممخلين شي مجايبيه
ثلاث جنط كبار متروسه ملابس ومكياج وجنطيتن وحذائين بيجي واسود .. هم جايبين الذهب بالعقد ..

دخلت نسرين تخبل طالعه.. وفتحنا كاسيت ونرگص واجت علياء وامها ..
تالي ماما گالت كافي راح يأذن ضمن حيلجن للحنه مابقى شي ..

الكل راح ولازم ننضف البيت ابويه راح للگهوه .. وعلى جيه هسا ..
بدلت نسرين واجت تساعدنا ..
بيومها ملحگنا نسوي عشا .. اكو دجاج زايد حميناه وزلاطه سوينا ..

كملنا عشا وكعدنا نشرب جاي بالصاله وبابا يوصي بنسرين ترفع راسه .. وتتحمل وترضي زوجها ..

وهي مدنگه راسها خجلانه .. واني اتباوعلها واضحك
تالي عاط بيه ابويه ..
گلي متستحين تضحكين واني احجي ..
هم لاحگه تمرين بموقفها وخلي نشوفج شتسوين ..

ضجت ودنگت .. وگام هي تضحك عليه ..
طلعت الاخبار وتطشرنا كلنا ..
دخلنا للغرفه نسولف على ما تخلص الاخبار ..
واتباوعنا النيشان نسرين ورتبناه ..

تالي نمت وماشفت فلم السهره ..
ثاني يوم گعدت وبدلت وانتضرت علياء .. اجت ورحنا للكليه ..(بقلمي شمس)

دخلنا وكل وحده راحت القسمها .. ردت ادخل للقاعه لگيت المزعج واگف بالباب ..

حنين ..من رخصتك اريد ادخل ..
المزعج .. ومتدخلين قابل لازمج
حنين .. اذا انت واكف شلون ادخل
المزعج .. تفضلي عيني ايناس طالب ..
باوعتله واني معصبه ودخلت ..

شافتني البنيه الي تعرفت عليها اول ماداومت ..
هي لبسها شويه فاضح وسافره بلا حجاب اسمها منى ..
گالت شبي وياج مهند .
حنين .. يامهند .
منى.. هسا الي جنتي تحجين وياه
حنين .. ماعنده احترام يشوف بنيه تريد تدخل ميبتعد ..
منى .. اي عيني مو هذا ابن عضو فرقه وشايف نفسه وعمه مااعرف منو بالامن ..

حنين .. واذا يعني ابن عضو فرقه هو وقندرتي .
بيومها عصبت وغلطت وتورطت ..
خفت لان نروح بالرجلين اذا احد سمع ..

وابويه موصينا منجيب طاري النظام والحزب بشي ..
يگول الحيطان الها اذان ..
وزارعين بكل مكان جواسيس ..

اووووف يلساني .. مااتوب ..
حجيت وتورطت .. وخفت لاهاي البنيه توصله واني مااعرفها وفلت الساني يمها ..
#بقلمي_شمس
يتبع…