#بسمة_الحزين3
Shahd Alsalman
الوم نفسي ليش مجاوبت ع التلفون جان اقلها لحكت احجي وياها او اسمع صوتها لاخر مرة
هملت نفسي وبيتي وابني وشغلي ما اعرف شي عن اي احد
بقيت سنة على هالحال والمصيبة ماابجي وارتاح وافرغ اللي بداخلي مكابل كبرها وكاعد واذا اريد ارجع للبيت ارتاح واخذ عبرية وهم اروحلها
اهلي يحجون وياية وحتى اهلها بس ما اسمعلهم وما اعرف شنو يكولون ما كمت اتحمل
تركت صلاتي وجزعت وعفت ايماني بالله الشيطان لعب بعقلي وكمت كل يوم اشرب واتمنى الموت اشرب لحد السكر يجي اخوية يشيلني شيل ويرجعني للبيت دخلت بالسنة الثالثة واني على نفس الوضع الشي اللي تغير كمت اشتغل و بس مدا اتقبل الصار و قل ايماني نسيت هاي الدنيا حياة وموت وما تدوم لاحد وكلنا النا يوم وينتهي عمرنا ومنحصل الا الاعمال بهالدنيا ..
اهل زوجتي يعني بيت خالتي سافرو قدمو لجوء وبعد ما يرجعون لهنا مديكدرون على فراكها وابني دائما يم امي واختي وما ادري عنة اكل شرب لبس اتمرض نام انمغص
اهلي ملو من هالوضع وبالاخص امي مدترضى ارجع سكران كل يوم ولا اكابل كبرها ولا تريدني بهالحال وتريد انساها بيوم رجعت من الشغل ابدل حتى اطلع اشرب مثل العادة
ابويا صاح علية وكالي تعال يابة رايدك رحتلة ولكيتة هو وامي كاعدين
- ابني زياد حبيبي اعرف التعيشة صعب بس هاي سنة الحياة وهاي نهايتنا كلنا انت رجال وعقلك جبير وفاهم ودارك وواعي لهذا القدر حرام عليك التسوي بنفسك
- مو حرام لعد انحرم منها
- يا يمة دستغفر ربك هاي حال الدنيا شون تكول هيج مو انت صايم مصلي وتعرف الله
- يمة اني ما اعرف احد عوفوني لحد يحجي وياية
- زياد لا تعلي صوتك اني ابوك وهاي امك اصحى على نفسك
- يابة عوفوني معليكم مني
- شون معلينا بيك انت هسة لازم تشوف حياتك وابنك وتتزوج و تنسى وتكمل وين ما وكفت
- انتو شدتحجون شنو اتزوج شنو اكمل حياتي
من سمعتهم هيج يحجون كمت اصيح بلا وعي واكفر ومخليت شي محجيتة حتى ما اتذكرة
ما شفت الا امي وكعت وديناها مستشفى ومرتفع الضغط عدها وبداية جلطة
خفت على امي لا اخسرها مثل مخسرت جيهان وبقيت احجي على نفسي شون هيج رفعت صوتي عليهم من صحت شوية وكالت اريد زياد رحتلها واني فشلان وندمان
- يمة اني اسف والله مو قصدي الصار
- لا تعتذر امي ما بية شي ومصار شي لا تضوج
- شون ما اضوج اني وصلتج لهاي الحالة
- اذا تريد تريحني قبل لا اموت تخليني ازوجك واتطمن عليك
- يوم
- ابني اسمعني الله يخليك اني تعبت وكبرت واختك على وجه زواج منو يداريك منو يداري ابنك هالمسكين لو جيهان عايشة مجان قبلت على هذا وضعك
- لو عايشة ليش اتزوج اني
- مو بس عن الزواج احجي انت دتدمر حياتك بالشرب وتركك للشغل حرام هذا رزقك
- ما اريد اتزوج
- اذا تريد ارضى عنك و ارتاح لازم تقبل
كامت تبجي وما اريد حالتها تسوء اكثر
- يمة اطلعي وكومي بالسلامة وبعدين نتفاهم بس طيبي
عفتها وسوينا اجراءات خروج ورجعنا للبيت
بعد ما رجعت عافيتها شوية وتحسنت فتحت وياية الموضوع مرة لوخ ما اعرف هي صدك مريضة لو دتمثل علية المرض حتة اقبل بالزواج
و مع هذا قبلت وشرطت عليها ما اتقربلها ولا اريدها زوجة مجرد تربي ابني وهي قبلت ومعارضت وفرحت ولا عبالك الماتت حبيبتي او بنت اختها ..
