#بسمة_الحزين19
Shahd Alsalman
شكد انقهرت وتذكرت من تهمني زياد ويا راشد مثل ما وليد تهمني بزياد وتخيل انه هو صاحبي
لا هو زوجي لا هو طليقي ميفهمني وما ممكن ارجعلة بين نارين صرت بس من وصلت لسمعتي طلبت منة الطلاك وانهاريت بالبجي
ما اعرف ليش كلبي خايف ومديسامح احس بكسرة مو اني بسمة مال قبل اللي تصبر وتتحمل وتكول تهون مدا اتخيل اي شي يهون صار كل شي يختلف وياه صعب وبلاه بعد اصعب شسوي يا رب ساعدني
بعد اسبوع من العركة يالا داومت خجلت من الصار وفشلانة من كل شي برغم مالي ذنب بس مستحية
شفت وليد جاي واحنا بالقاعة هو مو ويانة بس شدخلة بقاعتنا
- استاذ من رخصتك ممكن دقيقة من وقتكم
- تفضل منو انت
- اني وليد مو وياكم ومو بقسمكم يمكن اغلب الطلاب يعرفوني بس اريد اكول شغلة بحضورك وحضور الموجودين
- تفضل
- هاي البنية اني جرحتها بالكلام قبل اسبوع وتهمتها باطل وطعنت بشرفها واخلاقها بس لانه مكدرت احصل صديقتها اللي هي تكون حماتها اخت زوجها
واني كدام الكل اعتذر منها ومن سما على هالموقف
الصار وان شاء الله ميتكرر
- بارك الله بيك هو هذا التصرف الصحيح
- اعرف حاخذ من وقتك ووقت المحاضرة بس والله استاذ اريدكم شاهدين علية اني رايد سما على سنة الله ورسولة اذا قبلت اعتذاري واذا انطتني فرصة باجر ادز اهلي لاهلها
من رخصتكم استاذ وشكرا على وقتكم
ترخص وطلع واني وسما صافنين مثل الهبلات متوقعنا حيسوي هيج ابد والاستاذ فرحان اكثر من سما هههههه الطلاب كلهم متفاجئين
من طلعنا صاحني وليد واني اكيد اخذت الاوكي من سما وكتلها موافقة بي كالت اي
فسالني ع البيت والعنوان وباجر يروح هو واهلة ويخطب والحمدلله هو يحبها بس جان سوء تفاهم وتخيلها صيدة سهلة
انخطبو وقرو فاتحتهم بعدما اعتذر لزياد وراشد وصار كلش صديقهم وسماوي مرتاحة صدك ما محبة الا بعد عداوة
كالو بالعطلة يسون عرسهم لان وليد يتخرج وهو يشتغل ويا ابو و بيتهم جاهز يعني ما عندة شي ينتظرة كامل ولله الكمال
اصرت سما اروح لحنتها واحضر وهذا يعني حروح لبيتهم واني ما اريد بس مضطرة وما حبيت اكسر بخاطر سما
كالتلي الحنة بس بنات بعدين وليد يجي ويحنيني ولبست وكشخت كلش بحيث الانظار علينا اني و سما العروس
من رحت للبيت خالة استقبلتني تبجي وتحضني واني هم اشتاقيتلها وبوست عمو وحضني شكد حنين
سلمت على راشد بس مشفت زياد بوست يامن وظل مجلب بحضني تالي اخذتة مني خالة
رحت احضر مواعين العشا علمود كل شي يجهز وخلصنا بلشو المعازيم يجون وكل البنات صديقاتنا والجوارين يعني صارت خوش لمة وفتحنا اغاني والركص ما وكف حيل متونسين وفرحانين ومخلينا سما تكعد رحت اشرب مي عطشت سمعت صوت ورايا
