#بسمة_الحزين20
#النهاية
Shahd Alsalman
عوضني رب العالمين عن ذيج الايام بأيام احلى ويا زياد من دريت بالحمل طرت من السعادة واخيرا حيصيرلي طفل من حبيبي شكد جنت اتمنى هاللحظة وشفت الفرحة بعيونة كل يوم اتأكد من حبة الي
شوية حملي متعب لأن دوام وبيت ويامن همين اداري بس زياد بكل شي يساعدني
جبت بنوتة بعد عناء متقبل تطلع للدنيا هههههه
سميناها جمانة خالة سمتها واحنا عجبنا الاسم
احلى شي يامن من يداريها و يلعبها ماخذ دور الاخ الجبير والحنون واني هم اعلمة حتى يتعلم يحن على اختة ويسندها للكبر
جنت كاعدة الصبح اتريكت اني و زياد مثل كل يوم وصلتة ع الباب بوستة وراح لشغلة
كلت مدام الجهال نايمين اعزل البيت واغسل البردات همين حطيت خطة للتنظيف وبلشت
اندكت الباب صحت منو محد جاوب رجعت اندكت مرة لوخ رحت فتحت هيج شوية من الباب جان واحد مشايفتة قبل يعني مو جوارين
- تفضل اخويا
- اختي ولو زحمة عليج اريد صوندة ومي سيارتي حمت
- دقيقة
رحت اجيب الصوندة حسيت شي ينحط على حلكي من شميتة صار خدر بجسمي وراها كل شي ما اتذكر
نسيت سجل الصيدلية بالبيت مليون مرة كلتلي بسمة علي تالي هم نسيتة كلت ارجع اجيبة واستغلها احضن حبيبتي اشتاقيتلها
نزلت من السيارة باب البيت مفتوح دا افوت لكيت بسمة واكعة ع الكاع ركضت عليها اصحي بيها ماكو منتهية شلتها وفوتتها رحت اشوف الجهال بيبان البيت مفتوحة
بس يامن بفراشة وجمانة ماكو دورتها بكل البيت ماكو ولا بأي غرفة
حتى بالحمام رحت بعد ربع ساعة صحت بسمة متدري شكو بالدنيا اريد بس افتهم شنو الصار منها كالتلي ع الموضوع كتلها بسمة بنتنا انخطفت وماكو كامت تدك وتلطم وتصيح خابرت على اهلي يجون يمها واخذت راشد طلعنا ندور وراشد دك لصديقة بالمركز يشتغل عمم ع الدوريات وهم يدورون ويانة بس وين نلكاهم فص ملح و ذاب ما لكينا اي اثر و حتى بسمة مشافت اي احد وياه ولا شكل السيارة ولا اي شي بس تكول شفتة وهمين نستة لشكلة من الفزة
تخبلنا كلنا ندور والمشكلة محد اتصل علينا حتى يساوم على شي بسمة انتهت بعد واني ما اعرف شسوي لا مراكز لا بيوت لا اخباريات
حتى ع الفيس نشرنا بكل مكان والناس الخيرة تشارك على امل احد يلكاها
شهر واحنا على هالحال كل يوم عايشين ع الامل حتى كاميرات الجوارين ملاكطة اي شي
خليت بسمة ويامن يم امي رجعنا يمهم كمت اخاف عليهم واطلع من الفجر ادور بكل مكان حتى بملاجئ الايتام ..
من يوم ما انخطفت بنتي لليوم واني حال الضيم حالي لا اكل لا شرب لا نوم اذا اغفى اكعد مكوبسة
صدك الضنا غالي
اللي ما افتهمتة ليش بنتي بالذات وليش ما طلبو شي او خابرو علينا او رادو فدية
هيج من نص البيت واخذوها مني وبطريقة بسيطة ومكدرت احميها اني صوجي لان فتحت الباب بس شون حتى ببيتي كاعدة وماكو امان يا رب سترك وعفوك ما فاركت الدموع عيوني
