بسمة الحزين

10

#بسمة_الحزين10
Shahd Alsalman
جنت نايم بحضنها مرتاح لاول مرة من وفاة جيهان لليوم انام مرتاح واحس بحنية صحيح احس بتعب ما اعرف شصارلي من شفت الموقف وتخيلت ابني يموت مثل امة احس روحي راحت ووكعت متحملت ليش هيج اعصابي ضعيفة و ما اتحمل شي
من رجعت لوعيي  لكيت جيهان يمي اني شفتها الها بس هي جانت بسمة وين اني ما اعرف منو الحقيقة جيهان لو بسمة

صعدت بالسيارة من تعبي ذبيت ثكلي ونمت محسيت ع الوقت كعدت واني بحضن بسمة لافة ايدها على ظهري والثانية على راسي ونايمة محاسة بشي كعدت وخرت منها
ابوية كالي حمدلله على سلامتك وامي تكلي شلون صرت سالتهم وكالو فقدت وعيك والحمدلله بسمة صحتك وراها سكتو لان هي نايمة خافو لا تكعد كالت امي خل ترتاح خطية هبطت عليك وعلى ابنك

من كعدت هي تسال عني وتطمن علية و تحجي ويا اهلي بادب ومستحية لان يشكروها اني مو يمهم اصلا بالي مو هنا ..

وصلنا البيت اخذت يامن لغرفتة ورجعتلي بيدها جهاز الضغط
- انزع ردان قميصك اليسرة
- شحتسوين
- اقيس ضغطك
- ما اريد ما بية شي
- اعرف ما بيك شي بس اتطمن اكثر عليك
- ما اريد وخري عني
- مدا اسالك ترة يلة انزع
- انت شنو تأمريني يعني ؟
- حاليا وبهذا الوضع اي اعتبرة امر
- هي هاي العايزة بعدين انت شعرفج كلج اعدادية
- ميرادلها طبية حتى اعرف اقيس ضغط
يلة حتى اسويلك عصير وتنام وترتاح
- كتلج ما اريد لا تلحين
- زياد (هاي اول مرة اصيحلة بأسمة )
الله يخليك لخاطر يامن خليني اقيسة وبعدها ما اضوجك اوعدك
شفتها مصرة وكالتلي لخاطر يامن قبلت ونزعت الردان
قاستليا طلع نازل
- فوت اسبح بينما احضرلك شي ولا تعترض حباب
مو زين يبقى هيج منخفض
- ماشي
رحت سبحت وهي حضرتلي هدوم ومنشفتي وكل شي وهوت الغرفة ونزلت

رحت سويتلة عصير وخليت بي شكر و سويت خيار ولبن وملحتة حتى ياكلة وصعدت لكيتة توة طالع من الحمام
سديت الشبابيك نسيت اصعد اسدهم حتى لا يتمرض
جان شعرة بعدة مبلل لزمت الخاولي وهو كاعد نشفتة الحمدلله مكال شي ولا اعترض
نطيتة العصير واكل شوية
- شونك هسة مرتاحيت
- لا احسن
- الحمدلله تنام لعد ؟
- اي يا ريت
- يلة لعد راح انزل جوة اني من تحتاج شي صيحني

نزلت وعفتة ينام ويرتاح ورحت اسبح بالحمام الجوة
دا افكر بي شكد جان يحبها لعد وهيج ديتوجع عليها وميكدر ينساها جنت اتمنى اتزوج احد يحبني مثلة نيالها بعدين صفنت على نفسي شبية حطيت عيني عليها وهي ميتة خطية
ضحكت على عقلي وتفكيري
كملت ومشطت شعري يم سما جففتة وصعدت اطل علي خاف ممتغطي او يريد شي غاط بسابع نومة
غطيتة زين حس علية ولزم ايدي باسها متخيلت حيسوي هيج ابد بس اكيد ديحلم بمرتة جيهان يعني مو الي يلة نعمة كريم ما نكول لا هههه

كعدنا نتفرج اخبار ويا عمو و راشد كال حروح اجيب  على بقلاوة وداطلي اشتهيت و طلع خالة وصتة على كم غرض و سما
- بقت عليج وصيني انت هم شتريدين شمشتهية اليوم انت سوبر مان مالتنا
- هههههه سلامتك بس حليب اريد
- مجفف لو سائل
- لا ليامن مو الي ههههه
- لج بابا الج الج مو الة
- هههههه ما محتاجة شي والله شبيك
- لا راشد جيبلها هاي الحبوب اول بارحة رادت تطلع ومن ورة يامن مكدرت تجيبهم
- لعد رجلج مو صيدلاني ما كتيلة
- انسى والله اني اجيبهم مو فد مشكلة
- زين هاي مال شنو
- حساسية
- صار من عيوني
- الله يسلم عيونك

دنحجي ونزل زياد ومبين صار احسن الحمدلله
سالو اهلة على صحتة واتطمنو علي بس مباوعلي ولا شافني حتى اني هم غلست وصعدت ليامن

- ابو يامن تروح وياية
- وين
- نجيب حلويات وجم شغلة للبيت
- ها
- يلة نتونس بالطريق كوم بلا ها ولا
- اوكي
- متبدل
- ما بية حيل هو هنا رايحين
- خوش يلة رايحين اني و زياد
- الله وياكم يمة

بالطريق ردت اتحارش بزياد اشوف ردة فعلة لان ممعقولة بعد كل هالمداراة منها وما يحس بوجودها او ميشوف التغيير الصار عدنا بالبيت وبيامن ابنة حتى بي هو مهتمة وتداري برغم ما منطيهة ولا ربع اللي هي تقدمة الة

- شون واكعلك بمرة انت غير محظوظ
- شنو
- لك مربية وطباخة وست بيت وذكية و فوك كل هذا ممرضة وعيونها حلوة
- انت شكد تحجي عنها
- ليش ما احجي مدتشوف شون جو البيت حلو وهي موجودة ومن تروح لاخوانها شكد نضوج
- ما ادري ممنتبه
- لك اليوم صفنتني ركضت لابنك ونقذتة ولا اني ويا سرعتي وما لحكت علي عبالك ابنها تبجي علي وخايفة
- افتحلنا شي نسمع
- اي . وما لحكت تكوم من هبطة ابنك نوب انت وكعت عليها
- شون يعني
- مو اجتي عاطت بيك انت فقدت وكعت عليها وهي هم وكعت وياك
- اممم ما اتذكر
- لا والاحلى العالم كلها ملتمة واني وابويا ورياجيل وكلشي ما عرفنا نسويلك هي عدلتك ورفعت رجلك
وتصيح تريد حلا تحطة بحلكك
- صدك !
- اي والله حتى او لا عيب هههههههه
- شنو دحجي
- لك فتحت دكم قميصك وحزامك وبنطرونك اجاني تفكير وصخ الصراحة ههههههههه
- شكد متستحي انت
- الظاهر هي خبرة
- لك حيوان شنو خبرة عيب عليك شوية اخجل
- لك شوف شون تفكيرك راح لذاك الراي اني اقصد خبرة بالاسعافات الاولية او خل نكول سبعة بهيج مواقف
- هاا عبالي
- هههههههههههههه والله انت اللي تفكيرك وصخ مو اني
لاول مرة ابتسم حسيت احد يخاف علية اعرف اهلي يخافون علية بس ما ادري هيج حسيت غير شعور
هاي وين ديروح بالي اني ما اريدها
- زياد
- ها عيني
- غرت عليها من كتلك على تفكيري
- لا
- لعد ليش ضجت
- ما ادري بس ..

سكتت مكملت باوعتلة هو ابتسم وعلا صوت الاغنية جان فاتح بحبك انا كتير مال وائل كفوري
صفنت بحجايتة اني صدك ضجت من حجة عنها هيج او عن افكارة وحتى من كال خبرة فكرت راسا احميها بأي كلمة من هالوصف ليش هيج دا اتصرف
كملنا مسواك ورجعنا للبيت

دورتها ماكو هي بس مسالت عنها شافتني الظاهر سما فكالت فوك نايمة غشمت نفسي بس مرهمت هذولة مستلميني هي وراشد واني مالي خلكهم

صعدت ورة شوية لكيتها ع القنفة نايمة ونومتها مو مريحة كلت بداخلي اكعدها لو شلون بعدين كلت لا حشيلها وانومها على الفراش ترتاح اكثر
حست علية وتحجي بصوت ناعس
- شدسوي
- اشيلج للفراش هنا مترتاحين
- لا انت هنا مكانك
- اششش ارجعي نامي يلة

حضنتني من كتلها ارجعي نامي مدري شصار بية
ومتقبل تهدني لحد ما خليتها بالفراش وعافتني رخى جسمها ونامت غطيتها وطلعت ..