#بسمة_الحزين16
Shahd Alsalman
فكرت بيني وبين نفسي شلون ابعدها عنة ما لكيت الا راشد اقرة براس زياد واني مستغلة نقطة ضعفة الي هي بنتي فخليتة ينتبه لتصرفاتهم هم دائما سوة ويضحكون ويشاقون فد يوم شفت راشد ياشر لبسمة حتى تروحلة للغرفة
صعدت وراهم وسمعتهم يحجون من ورة الباب
- اكلك يعني برايك هنا احسن نسوي لو بالمطعم
- لا بالمطعم راح اخذة وانت جيبي البقية وتعالو واتفق ويا اهل المطعم ع الكيك والاغنية اوكي
- اي هم خوش فكرة زين شجيبلة شنو يحب هو
- زياد يموت ع الساعات فانت جيبي ساعة والبقية بكيفهم
- كلش حابة يغير جو ان شاء الله يفرح بهاي المفاجأة
- يفرح هو يحب احد يفاجأة كلش جان قبل هواية يهتم بهيج شغلات
- يلة خل اروح لعد اكول لسما حتى نطلع نشتري هديتة
- باعي لعد اختاري شكل الكيكة انت وياها ودزولي حتى اوصي عليها
- خير ان شاء الله
- ههههههه شكد حلوة تكوليها لهاي الكلمة
- هههههه يلة اروح لعد
ختلت يم الممر حتى لحد يشوفني منهم وكلت هاي خوش فرصة مفكرت اذا انكشفت او لا المهم ما يعيشون مرتاحين وبنتي جوة التراب وهم بكيفهم يتصرفون
من اجة زياد اني جنت منتظرتة وسويت نفسي ابجي اجة علية
- خالة شبيج شصاير هاي هم سوتلج شي
- لا خالة هالمرة الي مو الك
- يعني شنو مفتهمت
- خالة انت مخدوع بيها والله اني يمكن الله خلاني ارجع لهنا حتة اكتشف حقيقتها
- وكعتي كلبي شصاير
- مصاير بس هي دتخونك
من كالتلي تخونك حسيت بشي نزل على راسي مدري لان احس بشي تجاهة او لان اتخبل من احد يغدرني
- ويامن وشلون عرفتي
- اخ يا جيهان انت اللي طول عمرج صاينتة تالي تجي بت شارع مثلها هيج تسوي بحبيبج و رجلج
- احجي لا تخليني هسة احرك البيت باللي بي
- المصيبة صعب اكول ويامن
- ويامن لا تكليلي راشد
- هو اي راشد اني كم مرة نبهتك واليوم شفتها صاعدة يمة وتكلة ما اريد زياد يدري وطولو ومن طلعت جانت فرحانة العار ما اعرف شسوي نزلت هنا اندب حظك يا خالة
- شدتحجين انت
- وداعة بنتي والله جانت يمة وبغرفتة
لا تسوي شي هسة راقب تصرفاتهم وشوف بعينك حتى لا كل مرة تنكر وتكلك خالتك تتهمني
احس اريد اموتها هسة هي وراشد بس مثل مكالت خالتي كل مرة وشيصير تذبها براسها هالمرة الزمهم بالجرم المشهود احسن واذا صدك اذبحهم اثنينهم ولا يرفلي جفن عليهم
هي هاي مجايب امي واختيارها خليها تشوف شفوتت لبيتنا تتمسكن حتى تتمكن وتسوي نفسها مداريتنا بس حتى نغطي عليها
كمت كل يوم اراقبهم اشوفهم ملتهين اثنينهم بالتلفون و فجأة واحد يباوع للاخ ويبتسمون
ومرة لحكتها لكيتها دتطلع لمطعم من فاتت شفتها واكفة يم راشد ويمهم الكابتن مال مطعم صديقنا
وديحجون بس ما اعرف بشنو وما اكدر افوت الهم
بداخلي احس متسويها بس خما اجذب خالتي و هي حلفت بجيهان وهم عيوني دتشوف كل شي
حتى يتوشوشون بيناتهم ويحجون ويا سما حتى يغطون عملتهم الخونة بلة هي بت شارع انت شبيك مو اخويا
