حسام 19 عام يدرس في الفرقه الأولي لكليه التجاره و علي الرغم من صغر سنه الا انه لاعب كره قدم شهير ومعروف في جميع البلدان العربية و الغربيه
يتمتع بقدر عالي من الجمال فهو ذو أعين بنيه لامعه تجعل الواقف أمامه يذوب من نظره واحده فقط ، و عضلاته البارزه الساحره لكل الفتيات بالاضافه الي بشرته البيضاء و شعره الاشقر .
مواصفاته تصلح لفارس احلام كل الفتيات .......
يخرج حسام من غرفة سريعا قائلا:ماما انا نازل التدريب عاوزه حاجه
والدته:ايه مش هتفطر ثواني والاكل يكون جاهز
حسام متأسفا:معلش ياماما انا متأخر اوي مش هلحق ،،،هبقي اجيب اي حاجه وانا ماشي يلا بقي سلام علشان الوقت عاوزه حاجه اعملها قبل مااامشي
والدته بحنيه: لا ياحبيبي تسلملي
يركب حسام سيارته ويتجهه مسرعا الي النادي لكي يلتحق بتمارينه فهو لا يريد أن يعاقب علي تأخيره هذا
وأثناء دخوله يوقفه بعض من معجبيه
احد منهم: كابتن كابتن ممكن نتصور مع حضرتك
فكر حسام كثيرا قبل الاجابه لكنه علم أنه لا يمكن أن يقول لا لأحد منهم حتي وان كان سيعاقب فهؤلاء هم من صنعو بحبهم له رد حسام عليهم بأبتسامه: اكيد اتفضلو
يلتقطون مع حسام بعض الصور وبعدها يدخل النادي يغير ملابسه سريعا سريعا ثم يذهب اللي الملعب لاداء التدريبات
الكابتن: أخرت ليه
حسام معتذراً: اسف والله ياكابتن ماكنش بأيدي
الكباتن: خلاص هعديها المره دي بس ياريت متتكررش
حسام: اه اه يا كابتن اكيد مش هتتكرر
يبدأ في التسخين والاحماء والمدرب يراقبه من بعيد ثم يقترب منه مره اخري قائلا : شد ياحسام يلا اجمد
حسام بصوت مرتفع: حاضر ياكابتن
يكمل باقي تدريبه وبعدها يخرج لتغير ملابسه
محمد: ايه رايك ياحس ننزل النهارده
حسام:تمام انا معاك وكارم وحاتم جايين
محمد: اكيد دول راشقين
حسام بضحك: اشطا عاوز حاجه
محمد : انت مروح علي طول
حسام: لا هعدي علي بابا في العياده واشوفه لو عاوز حاجه ولالا
محمد:تمام سلام
يركب حسام سيارته متجها الي عياده أبيه وعند دخوله تقف الممرضه قائله كابتن حسام اتفضل هدخلك حالا
حسام: لالا هستني لما العدد يخف شويه
الممرضه:براحتك يافندم
يدخل حسام غرفه من غرف العياده وهي غرفه يمكن أن يقال انها مخصصه لها لأنه دائما مايجلس فيها عندما يأتي الي ابيه
يدخل حسام ويقوم بالامساك بهاتفه ويتصل بحبيبته ليلي ذات الشعر الاسود الطويل الذي يكاد أن يقترب من خصرها وعيناها السوداتان كسواد الليل وذات القوام المتناسق ، التي عرفها صدفه عندما كان في المغرب بعد مباراه كانت تجمع فريقه بالفريق التي تشجعه ومن بعدها وهم يحبون بعضهم البعض
حسام : الو ازيك عامله ايه
ليلي:لابأس وانت كيفك
حسام: الحمد لله وحشتيني
ليلي:توحشتك بزاف في اي وقت راح تيجي كنشوفك
حسام:في اقرب وقت انشاء الله لما يكون في ماتش في المغرب هاجي اكيد
ثم يكمل كلامه بمرح: عارفه بسببك كنت هاخد عقوبه النهارده
ليلي: ياويلي علاش
حسام:بعد ماكلمتك امبارح قعدت افكر فيكي ومنتمتش غير متأخر
ليلي:يسلملي حبيبي كنحبكو بزاف
حسام: حبيتي انتي كل حاجه علشان تهون
ليلي: ياويلي علي كلام مزوين بزاف
يتحدث معها قليلا ثم يغلق المكالمه
يتصفح الانستقرام والفيس والسوشيل الخاصه به ويري اراء الجماهير به يضحك لأشياء وتحزنه الأخري ظل علي هذا الحال حتي أتت طرقات من الباب معلنه صوت الممرضه قائله: الدكتور فضي وعاوزك ياكابتن
يذهب حسام الي غرفه أبيه
حسام ضاحكا:حاج هشام واحشني يااتش
هشام : مجيتك دي مش مرتحلها
حسام بمرح:ايه يااتش انت علي طول ظالمني كده
يقطع كلامهم دق الباب ودخول كريم اخو حسام يشبه الي حد ما مع اختلاف لون البشره فهو يميل الي اللون الحجيري قليلا , قائلا:هشام باشا وحسام بيه يامحاسن الصدف متجمعين عند النبي انشاء الله ويارب صبحنا وربحنا
هشام : انتو الاتنين ماشاءالله جايين ليه بقي وبعدين انت بتجيب الكلام دا
كريم بضحك: بالحب ياحاج ورضا الوالدين
حسام :اهو ياابابا ابتدينا
كريم :ولا اهدي انا الكبير ها الكبير
حسام :بس يابابا كبير واهبل
كريم: انت عاوز تضرب بقي
حسام مازحا:وريني لو تقدر
هشام : اسكتو انتو الاتنين وقولولي جايين ليه
كريم:مفيش ياحاج وحشتني قولت اجي اشوفك واسلم عليك
هشام :دا علي أساس اني مكنتش معاك الصبح اخلص وقول عاوز كام
كريم بضحك:احبك يااحاااج وانت فاهمني شوف بقي وقدر انت
هشام:وانت ياحسام عاوز كام
حسام: لا يابابا انا جاي اطمن عليك علشان مشفتكش الصبح
هشام: شايف اخوك مش انت كل ماااتشوفني تقولي عاوز فلوس عاوز فلوس
كريم:يابوب انت الاصل وبعدين اكيد هو معاه فلوس لكن انا دا انا غلبان ولسه بدرس مش بلعب
حسام:يابني بس بقي وبعدين حد قالك سيب الكوره وادخل هندسه
هشام:طيب يلا من غير مطرود عندي مرضي وناس اهم منكم
حسام موجها كلامه الي كريم:عجبك كده ادينا اطردنا وبقي شكلنا وحش
كريم ببلاهه: واحنا من امتي مش بنطرد
حسام :عند حق
هشام :يلا بقي صدعتوني
بعد خروجهم يحدث هشام نفسه قائلا يارب خليهم لبعض ومشفش فيهم حاجه وحشه انا مليش غيرهم
_____________________
بالاسفل _في الشارع_
كريم: تعالي وصلني مش معايا العربية
حسام مازحا:تدفع كام
كريم :اخلص
حسام: الله متزوقيش بس
يركب كريم وحسام السياره
يتحدث كريم قائلا: عملت ايه في حوار روان؟؟
حسام:معملتش انا اصلا مش بحبها وهي فاهمه غير كده
كريم:بس هي بتحبك
حسام غاضبا:وانا مبحبهاش مش كل لما تكلم بنت او ارد عليها يبقي بحبها وبفكر في اسم ولادنا هي آخرها معايا بلوك والدنيا هتبقي فل
كريم بضيق:براحتك
يصلون اللي المنزل ويتناول طعامهم ثم يدخلون غرفهم حسام يرتاح قليلا ثم ينزل مع أصدقائه
_________________
في المقهي :-
محمد:انتو ياعيال
كارم:بتكلم ولاد اختك انت صح
حاتم: بس خليه يقول عاوز ايه
محمد بترقب:عاوز اخطب
كارم :طيب يلا بينا احنا بقي وسيبكو منو
محمد:بطلو غتاته ولا انا مش مكتوبلي اتجوز
حاتم :انت عندك كام سنه
محمد:20
كارم:وعاوز تتجوز من دلوقتي
حسام بأستهتار:ومين بقي اللي هتتجوزها حد من اللي بتكلمهم
محمد:ياعم دول ناس فاضيه بيجرو ورا اي واحد مشهور يعني احنا لو حصلنا حاجه وراحت شهرتنا هينسونا
حاتم:امال مين
محمد: شخص يحبني لشخصي مش لشهرتي
حسام ضاحكا:ياحنين
يقوم محمد بخبطه علي رأسه بخفه قائلا: بس بقي
يستمرون في حديثهم لفتره ثم يعود كل منهم الي منزله
__________________________
مريم 14 سنه ذات عينان خضراء ک لون الزرع وبياضها ناصع شعرها طويل جدا لكنها ترتدي الحجاب ذات وجه طفولي يجعل كل من يراها ينجذب إليها وهي علي قدرا علي من الاحترام والعلم ،، من احدي محافظات الصعيد . لها شقيقين خالد وهو يشبهه الي حد كبير الفرق لون الشعر فهو اشقر الشعر
والثاني حمزه فهو ذو شعر بني وعيون بنيه ايضا طويل القامه مفتول العضلات مهندس معماري ويلعب كره القدم وهو أكبر اخواتها
مريم:صباح الخير ياماما
والدتها _امنه_ :صباح النور يامريم احضرلك الفطار قبل ماتروحي المدرسه
مريم:تمام حضري حاجه اكلها في الطريق ثم تكمل متسائله صحيح هو فين خالد
مامتها:خالد بيزاكر
مريم مكمله كلامها: وحمزه هيجي امتي
امنه:لا مش دلوقتي حمزه قدامه كتير لما ياخد اجازه الاول
مريم:هو هيسافر امتي
امنه:بعد بكره انشاء الله
مريم: انشاء الله يرجعو كسبانين يلا سلام ياماما عاوزه حاجه
___________
امام بوابه المنزل تنتظر مريم وتسئل أحد الحراس :هو فين عم صبري
الحارس:لسه مجاش ياهانم
مريم:خلاص مش مشكله هرن عليه
قبل أن تحدثه تجده قادم
عم صبري:اسف ياابله مريم أخرت عليكي
مريم:خلاص مش مشكله حصل خير المهم يلا بسرعه علشان الحق اوصل بدري
تذهب مريم الي مدرستها وتنهي اليوم الدراسي بعدها تعود إلي المنزل تأكل طعامها وتأخذ حقيبتها
مريم:خالو انا ماشيه ولما ماما تيجي قولها اني مشيت
حامد (الخال الأكبر لمريم وهو صعيدي الطباع لدرجه كبيره ): انتي بردو هتعملي اللي في دماغك وهتكملي
مريم بضيق: معلش انا متأخرة دلوقتي ومش هعرف اتكلم مع حضرتك في الموضوع
تخرج مريم يوجه لها عم صبري سؤاله المعتاد :ها ياابنتي هنروح التدريب دلوقتي ولالا
مريم مجيبه:اه اه اكيد
تذهب مريم الي تدريبها لكنها تجد لوحه موضوعه علي أحد أبواب النادي مكتوب عليها إخطار عندما تقوم مريم بقرائتها تتصل سريعا بمدربها
يأتي المدرب
تتحدث مريم مسرعه:هو صحيح اللي مكتوب دا
الكابتن بحزن:اه للاسف
مريم بغضب:اه يعني هنمشي ومش هنكمل
الكابتن:هعمل ايه دي اوامر ومش بأيدي
مريم:طيب والتدريب والتعب اللي تعبناه
الكابتن:للاسف ملهوش لازم دلوقتي بس انا قولتلك قبل كده كذه مره انتي مينفعش تكملي هنا انتي لازم تروحي تتدربي في نادي كبير هناك هيبقي في فرصه احسن بكتير ليكي من هنا
مريم بحزن شديد:طيب شكرا
تترك مريم الكابتن وتتجه اللي السياره
أنت تقرأ
احببتك منذ البدايه (مكتملة)
Romanceعلينا أن نؤمن أن الحب ليس بالقرب أو البعد الحب بالافعال والمشاعر المتبادله الحب يمكن أن يعبر بحار وجبال اذا كان صادقا فقط عليك أن تكون مستعد له عندما يدق بابك 👌❤ ____:___:___:___:___:___ يمكن أن تحب شخص دون أن تراه يمكن أن تحب شخص منذ البدايه ف...
