ولا اعرف اي حاجه عنها عارف ايه اللي حصل
كريم بتحفز:ايه ايه
حسام:انا قابلتها واتعرفنا علي بعض
كريم:بجد ازاي وطلعت حلوه بقي ولا وحشه ولا صاروخ ولا ايه احكي ياعم مستني ايه
حسام:اتلم بقي وبعدين دي طلعت اخت حمزه
كريم متسائلا: اخت حمزه !
حسام :اه اخت حمزه ومحترمه جدا جدا
كريم: اهدي ياعم انت اخت حمزه مين بالظبط اهدي كده بس تفهمني علشان انا مش جاي في بالي غير حمزه عمران بس واكيد مش هو يعني
حسام ضاحكا بسخرية: لا هو ياحلو
كريم مندهشا: بجد ياابن الايه وعرفتها ازاي
حسام: انت غبي ولا هتجبلي شلل
كريم: والله مافي غبي غيرك ما انا عارف انت عرفتها ازاي قصدي عرفت انها هي ازاي
حسام: خلاص خلاص هحكي
من ثم يقص له حسام ماحدث
_______________
في منزل حمزه
حمزه:عملتي ايه في الخروجه اتبسطي
مريم:اه جدا ياارتك كنت معانا
حمزه:والله كان نفسي بس كان لازم ارتاح علشان اقدر اوصلك بكره
مريم:الف سلامه عليك ياحبيبي انا هروح اجهز الشنط محتاج حاجه
حمزه:لا شكرا
تجلس مريم في الغرفه محدثه نفسها"" باين عليه بيحيبها اووي بس هي مش مقدره النعمه اللي في ايديها ,,ايه دا انا هضعف ولا ايه احنا صحاب صحاب بس لازم نفضل صحاب علي طول الحب هيدمر الصحوبيه وظلت تردد احنا صحاب مرات عديده
________
يطرق كريم غرفة حسام ويدخل مسرعا
كريم:حسام حسام بص بص عاوز اوريك حاجه
حسام منزعجا :ياادي النيله في ايه
كريم مسرعه:هي دي مريم صح
ينظر حسام للصوره ثم يقول بغضب:ايوه هي بس انت عرفت منين
يتجاهل كريم غضب حسام قائلا:كنت بتفرج علي الماتش اللي فات بتاعك علشان زي ما قولتلك مسمعتهوش
حسام:ادخل في الموضوع انت هتحكي قصه حياتك
كريم:كنت بتفرج وجت صورتها علي الكدر
حسام: ما كان في ١٠٠٠ بنت في المدرجات اشمعنا دي يعني قصدي عرفت ازاي انها مريم
كريم:خليني اكمل اول ماجات صورتها المعلق اتكلم عنها
حسام بلهفة غريبه: قال ايه
كريم:لما جت صورتها قال ومعانا في المدرجات مريم الصاوي اخت لاعبنا حمزه عمران الصاوي لاعبه الفريق الأول لكره الطائره لنادي#### ماشاءالله يعني هي واخوها في مجال الرياضه ومحققه إنجازات كتير بالرغم من صغر سنها
حسام مقاطعا : كون انها تبقي معروفه والمعلق عرفها ،، كده يبقي هي فعلا مشهور
كريم:مااهو المعلق قال إنها ليها إنجازات ثم أكمل متسائلا متعجبا:وبعدين استني ثانيه كده و هو انت مكنتش تعرف
حسام بانزعاج:مش قولتلك اني مكنتش اعرف عنها حاجه حتي اسمها كانت كاتبه على الفيس مريم الصاوي مش مريم عمران فمجاش في بالي انها هي اصلا
كريم: ممكن
حسام:خلاص شكرا ياكريم
كريم: انتي بتطردني صح !!
حسام :بالظبط! اطلع بقي وخد الباب وراك
__________________
حمزه:انتي جهزتي يامريم
مريم:اااه ثانيه واحده وجايه
تأتي مريم ويخرجون من المنزل يجدون حاتم بالخارج
حاتم: مكانش ينفع تمشي من غير ما أسلم عليكي
مريم بضحك:والله كنت عاوزه اكلمك واسلم عليك قبل مااامشي
حمزه:صاحب واجب ياابو الصحاب
ثم قام باحتضانه
حاتم:الحمد لله اطمنت عليكو يلا عاوزين حاجه علشان معطلكوش
حمزه:لا ياحبيبي شكرا
حاتم :صحيح انت هترجع امتي
حمزه:بكره الصبح
حاتم:تمام يلا سلام
مريم:سلملي علي طنط
حاتم:يوصل
يصعدان مريم وحمزه للسياره ويصلون الي منزلهم بالسلامه ويجدون ترحيب من الاهل يجلسون معهم ويتناولون طعامهم
______
في غرفه مريم
مريم:ميين
خالد:انا
مريم:اتفضل
ثم يدخل
تقوم مريم باحتضان خالد لأنها لم تراه بالاسفل ثم تهم عليه بالكلام قائله بحنان وشوق : انت وحشتني اووي
خالد بجمود :وانتي كمان ها عملتي ايه في موضوع حسام
مريم منزعجه :يووووه مش هنخلص بقي
مفيش انا وحسام بقينا صحاب زي حاتم كده خالد:ها وبعدين ايه اللي حصل
مريم:محصلش وبعدين انا مش هشوفه تاني غير لما اسافر اصلا
خالد: معرفش ليه انا مش مرتاح للموضوع دا اصلا
مريم ضاحكه:لا متقلقش خير انشاء الله بس سؤال مااا حاتم صاحبي معملتش كده ليه
خالد:هتعرفي بعدين
ثم يغادر الغرفه وهو يفكر بتسئلني ليه مضايق وهي اكتر واحده عارفه انا مضايق ليه ازاي يبقوا صحاب وهي بتحبه ايوه بتحبه مريم اختي وانا عارف مش هينفع يبقوا صحاب هي كده بتأذي نفسها وهي مش واحده بالها ياارب خليك معاها وساعدها كله هيبان
___________
حسام:ها وصلتي ولالا
مريم:اه الحمد لله وصلنا
حسام: حمدالله علي السلامه
وحمزه جاي امتي
مريم:بكره
حسام:كويس
_______________
تمر شهور ولا جديد في حياه مريم فقط تزداد الصداقه بينها وبين حسام
_____________________
في احد الايام
الكابتن مناديا علي حمزه:حمزه حمزه
حمزه:نعم يااكابتن
الكابتن:لما تخلص التدريب عاوزك تروح اداره النادي عاوزينك هناك
حمزه بقلق: عاوزاني ليه يااكابتن
الكابتن بجد :لما تروح هناك هتعرف
يذهب حمزه ليكمل تدريبه وهو لا يفعل شئ سوي التفكير في ماذا يريدون منه في الاداره ،،ينهي حمزه تدريبه ثم يتوجه إلي مبني الاداره
____________
حمزه:الكابتن قالي ان حضرتك عاوزني
رئيس مجلس الاداره:اتفضل يا حمزه اقعد
حمزه بقلق:خير يافندم حصل حاجه
ر.م.ا: لا خير بس انا كنت عاوز اسئلك سؤال
حمزه: اتفضل اتفضل
ر.م.ا:مش انت عندك اخت صغيره اسمها مريم صح
حمزه________________________________
أنت تقرأ
احببتك منذ البدايه (مكتملة)
Romansaعلينا أن نؤمن أن الحب ليس بالقرب أو البعد الحب بالافعال والمشاعر المتبادله الحب يمكن أن يعبر بحار وجبال اذا كان صادقا فقط عليك أن تكون مستعد له عندما يدق بابك 👌❤ ____:___:___:___:___:___ يمكن أن تحب شخص دون أن تراه يمكن أن تحب شخص منذ البدايه ف...
