احببتك منذ البدايه (مكتملة)

الفصل الثامن عشر

يقوم حاتم بالاتصال بحسام ويوبخه
حاتم بغضب: انت ايه يااخي مش مقدر النعمه اللي في ايدك ليه هي عملتلك ايه لكل دا هو دا زنبها انها حبتك
حسام يتحمل كل ألالم رأسه ويجيب: اهدي بس
حاتم: لا مش ههدي انت اللي عملته ميتسكتش عليه
حسام: انت بردو مش هتسمعني زي مريم
حاتم: اسمعك ايه ماكل حاجه واضحه
حسام:اقسم بالله ياحاتم انا معملتش حاجه دي ليلي هي اللي كانت بتقرب وانا ببعدها وهي وقعتني علي الكنبه
حاتم: وايه اللي عطاها فرصه علشان تعمل كده
حسام: كانت حطالي مخدر في العصير ،والله ياحاتم ماحصل حاجه انا اتحطيت في الموقف دا غظب عني ومريم معطتنيش فرصه احكي
حاتم بغضب : طيب احكيلي اديني هديلك فرصه بس اقسم بالله لو كدبت عليا لتندم بعد كده
حسام: لا والله هحكيلك بالظبط اللي حصل يقص له حسام كل ماحدث ويبرئ نفسه
حاتم بهدوء: طيب وايه اللي خلاها تلعب اللعبه القذره دي
حسام: مش عارف بس اكيد علشان سبتها وعرفت اني خطبت مريم منين بقي معرفش علشان كده عملت كل دا
حاتم:طيب وهتعمل ايه دلوقتي
حسام: مش عارف هي مش سيبالي اي فرصه اكلمها وقافله موبايلها ومش عارف هي فين وقلقان عليها ومش عارف هي قالت لمين غيرك ومرضتش اكلم حد واسئله وانا اصلا مش قادر اصلب طولي ولا اقف ومش قادر انزل ادور عليها
حاتم: اطمن هي بايته عندنا انا ماما ومش هينفع تجيلها ولا تكلمها خالص سيبها كام يوم كده و خليها تهدي
حسام: الحمد لله انها عندك خلاص انا هعمل اللي انت قولت عليه بس علشان خاطري حاول تفهمها اني مليش زنب وهي فاهمه غلط
_________________
في اليوم التالي
مريم: طنط انا نازله التدريب حضرتك عاوزه حاجه
يخرج حاتم من غرفته مسرعا : استني هروح معاكي
مريم بأستغراب: بس انت تدريبك مش دلوقتي لسه بعد ساعه
حاتم: ااا لا عادي هنزل معاكي كنت عاوز اجيب حاجات من مكان قريب من النادي وكده يعني
مريم: خلاص براحتك يلا عاوزه حاجه يا طنط
منال: لا ياحبيبتي شكرا
ينزلون سويا وفي الطريق
حاتم: انتي عامله ايه كويسه دلوقتي انا مرضتش اتكلم قدام ماما علشان متعرفش
مريم بحزن محاوله منع دموعها: كويسه الحمد لله احسن
حاتم: انتي كلمتي حسام
مريم بسرعه وغضب:لا ومش عاوزه اكلمه تاني
حاتم: اديلو فرصه مينفعش تحكمي عليه من غير ماتسمعيه اكيد في حاجه غلط في الموضوع انا حاسس كده
مريم: غلط ولا مش غلط انا شفت بعيني ومبقاش يهمني وقفل علي الموضوع دا والا والله هنزل من العربيه
حاتم: اهدي خلاص خلاص براحتك مش هتكلم فيه تاني
يوصلها الي التمرين وبعد انتهاء تدريبها تجد حسام ينتظرها بالخارج محاولا محادثاتها لكن مريم لا تريد ولا تنظر إليه حتي يظل يحدثها وينادي عليها لكن لاامل
حسام:عاجبك اللي بتعملوا دا
حاتم:انا قولتلك سيبها دلوقتي لحد ماتعدي
حسام: وهستني قد ايه وهي مش راضيه حتي تبصلي انا مش هستني لحد ماتيجي وتديني دبلتها
حاتم: انا حاولت اكلمها في الموضوع وهي رافضه تتكلم فيه
حسام: انا بحبها ياحاتم بحبها ومش قادر اني اشوفها زعلانه مني أو اتجرحت بسببي
حاتم: خلاص اهدي دلوقتي وخلينا نركز للماتش بتاع بعد بكره وبعده صدقني انا هقعد معاها ومش هسيبها غير لما تعرف كل حاجه
حسام: خلاص امري لله هستني انا ماشي عاوز حاجه
حاتم:مكانش لازم تيجي النهارده طالما استأذنت من التدريب
حسام: كان عندي امل انها تصدقني
_____________________
مريم:حبيبي كنت لسه هكلمك والله
خالد: وحشاني والله انتي عامله ايه
مريم: الحمد لله وانا كويسه
خالد: اخبار تدريباتك ايه
مريم: ماشيه وانت اخبار شغلك ايه
خالد: اهو تمام استلمت قضيه جديده
مريم :ايوه بقي ثم أكملت ضاحكه وياتري قضيه نصب ولا قتل بقي
خالد مترددا: لا غير كده خالص
مريم مازحه: امال ايه
حسام بتردد: احم لا قضيه الحوثي
مريم بخوف وصدمه: انت بتقول ايه انت اتجننت ياخالد اتجننت
خالد: اهدي مش بأيدي دي اوامر عليا
مريم: متكدبش دا بأرادتك وحتي لو كانت أوامر فاانت اللي رشحت نفسك ليها
خالد: دا شغلي واكيد في يوم من الايام كان هيحصل كده
مريم بخوف: طيب وانت هتعمل ايه
خالد: اهو ربنا معانا ونعدي منها علي خير
مريم:طيب ماشي سلام سلام

خالد محدثه نفسه مكانش لازم اقولها انا عارف ان الموضوع صعب عليها, لكن بعد كده اكيد هتقتنع أنه لمصلحتنا بس مكانش لازم اقولها بردو .بس هي كده كده كانت هتعرف
_______________________
تقوم مريم بالاتصال بحمزه
مريم: عاجبك اللي عامله اخوك دا
حمزه: يامريم دا شغله مش بأرادته
مريم: يعني انت كمان كنت عارف
حمزه: اه كنت عارف وحاولت اقنعه ميقبلش لكن مفيش فايده
مريم: حمزه انا خايفه عليه
حمزه: وانا كمان وكلنا كمان بس انتي عارفه اخوكي هنعمل ايه
مريم: علشان خاطري حاول معاه تاني
ثم تغلق الخط باكيه وتفكر وهي تعلم كل العلم أن هذا الموقف لن يمر علي خير ابدا لكن تنكر احساسها
______
يحاول حسام مرارا وتكرارا محادثاتها لكن لا يجدي هذا
لكن معني هذا أن مريم سوف تنهي خطبتها معه لكن ايعقل ان تفعلها ايعقل فهي لم تخبر اي احد سوي حاتم حتي خالد لم تخبره لو سمحت لي قليلا بأن احدثها لحل كل الامر
_______________
بعد يومان من حزن مريم وأمل حسام
يأتي موعد مباراة حسام وموعد المباراة النهائية لمريم في الكأس لكن تحدث الكارثة