حسام: ياابنتي اهدي مينفعش كده
مريم: هتسيبه يشيلها ولااا
حسام ينظر للنادل: اعمل زي ما قالت لو سمحت
مريم: انت بتشيش
حسام بأرتباك: مش كتير
مريم :وحد من النادي عارف انك بتشيش
حسام بقلق:مريم دا سر محدش يعرفو
مريم بمكر: محدش هيعرف بس بشرط
حسام: تحت امرك
مريم: توعدني انك متكررهاش تاني خالص
حسام ضاحكا: بس ياماما اقعدي علي جنب انتي بتهزري صح
مريم بحده: لا وهو دا اللي عندي قولت ايه
حسام:مريم متهزريش مينفعش أبطالها وبعدين انا مش بشربها كتير اصلا
مريم:لو مش خايف علي اسمك ومستقبلك خاف علي صحتك
حسام: لا معلش مش هقدر
مريم: انا قولت اللي عندي ،،براحتك بقي
حسام بأستسلام: خلاص هحاول
مريم: توعدني
حسام بخيبه: اوعدك
مريم: لو شربت تاني هعرف
حسام لاهيا الموضوع:ماخلاص ياوحش في ايه
حسام: عاوز اسئلك بس سؤال هو انتي ليه مقولتليش أن دا فهد اول لما شفتك
مريم بحده وغضب : وهو انت سبتلي فرصه انطق
حسام: خلاص خلاص غيري الموضوع
___________________________
تمر عده شهور ويتم فيها تعافي حمزه لكنه لديه فتره تأهيل ويمكن أن تطول ويتم عقد خطبته علي حبيبه طفولته وكذلك حاتم يعقد خطبته علي ياسمين حبيبته
______________________________
في كافيتريا النادي
مريم: كويس اني لقيتك
حسام: في ايه خير
مريم : انا جالي عريس
حسام يعدل من جلسته : بتقولي ايه
مريم:زي ما سمعت جالي عريس
حسام بحنقه: ودا مين دا
مريم ببرود:رجل اعمال سوري وعايش في مصر
حسام: احم وعرفتيه امتي دا انشاء الله
مريم: انا معرفوش هو راح عندنا البيت واتقدم وهما وافقو عليه ومستنين رئيي
حسام بقلق: وانتي رئيك ايه
مريم باستفزاز: اااممم بفكر هو مش بطال وعينيه زرقاء وابيضاني
حسام يغلي من داخله ويحاول تفادي استفزازها له: وانتي اي حد عينه زرقا هتتجوزيه يعني
مريم: لا غير كده مفيهوش عيب
حسام : لا لا انتي لسه صغيره مينفعش تتخطبي وتتجوزي لما تكبري شويه
مريم : بس انا موافقه
حسام: وانا مش موافق
مريم: ليه وبعدين القرار يرجعلي
حسام:كده لو وافقتي يبقي بلاها صحوبيتنا دي تمام ثم تركها وذهب
مريم مناديه عليه :حسام حسام
ينظر لها حسام ويقول: اتجوزيه يامريم اتجوزيه وخليه ينفعك بقي ،ههه طيب ماانا عيني ملونه وشعري اصفر اتجوزيني انا بقي ثم ذهب
مريم : هو اتجنن هو اتعصب ليه من الأساس يمكن عنده ضغط،، أو زعل اني لما اتجوز مش هنبقي صحاب زي الاول وممكن مشفهوش كتير ياختاااي ودا أهديه ازاي اصلا ولا يمكن.... لا لا اكيد لا كان قالي اكيد يعني
____________________________
يذهب حسام الي مكان عمل كريم
عندما يراه كريم
كريم متفاجئٍ: في ايه ايه اللي حصل
حسام: عاوزك ضروري
كريم: خلاص روح اقعد في المكتب ودقيقتين بالظبط وهبقي عندك
يذهب حسام لينتظره من ثم يأتي كريم
كريم بقلق: ها ايه اللي حصل
حسام بغضب: جالها عريس
كريم متسائلا:مين هي
حسام: مريم
كريم:ايه! جالها عريس ازاي وانت عملت ايه ولا هتعمل ايه وعرفت ازاي اصلا
حسام: اه جالها عريس وعرفت منها هي ،،،و انا معملتش سبتها ومشيت
كريم: وهي موافقه
حسام:هي بتقول ايوه
كريم : طيب ولو مقبلتش
حسام: مش عارف
كريم: طيب وناوي تعمل ايه لو رفضته لازم تروح وتتقدم بسرعه قبل ما يجي غيره
حسام: بس هي ترفضه بجد هي لو قبلت انا ممكن يجرالي حاجه
كريم: لا اهدي واكيد في حاجه غلط سيبني انا اتصرف
حسام: طيب تمام عاوز حاجه انا ماشي
كريم: اقعد شويه وانا هخلص واجي معاك
حسام:لا لا انا عاوز امشي
ثم يتركه حسام ويذهب
كريم: ليه كده يامريم معقوله هتوافقي علي الجوازه دي انتي مش حاسه باي حاجه من ناحيه حسام
يلتقط هاتفه ويبحث عن رقمها و يقوم بالاتصال بها
كريم: ازيك ياروما
مريم: ازيك ياكيمو عامل ايه
كريم بأستهبال : انا تمام مبروك عرفت من حسام انك جالك عريس ربنا يتمملك علي خير
مريم: الله يبارك فيك بس انا لسه موافقتش
كريم: ماخلاص انتي هتوافقي ف حبيت اقولهالك مقدما
مريم: ومين قالك اني هوافق
كريم بأصطناع : ياابنتي دي فرصه متتسابش لازم توافقي
مريم: بس انا مش هوافق علي حد انا مش بحبه
كريم: الحب بيجي بعدين
مريم: انا لو وافقت عليه وانا مش بحبه هيبقي وافقت علشان فلوسه وانا مش بحب الفلوس فمش هقبل وكلمت عمي وقولتله اني مش موافقه
كريم بعدم تصديق: بجد يعني انتي مش موافقه
مريم: ايوه مالك فرحت كده ليه
كريم بحمحمه: احم.. مفرحتش ولا حاجه بس ردك اقنعني وعجبني
مريم بضحك: ههههه طيب اي خدمه انا ردودي كلها مقنعه
كريم مازحا :طيب بقي اسيبك انا علشان تشوفي وراكي ايه واروح اشوف شغلي أنا كمان
مريم: تمام الله معك
يغلق كريم الخط ويقفز فرحا في الهواء ويقوم بالاتصال بحسام ويخبره
حسام بعدم تصديق :, بجد متأكد
كريم: ايوه والله
حسام: طيب طيب انت عرفت منين
كريم: مريم هي اللي قالتلي ياعم والله
حسام: انا مش مصدق والله طيب بص سلام دلوقتي واسبقني علي البيت حالا
كريم: ليه في ايه
حسام :, اعمل زي مابقولك كده
ثم اغلق حسام الخط مع كريم واتصل بوالده وطلب منه الذهاب إلي المنزل ايضا
______________________
في المنزل
هناء: خير ياابني جمعتنا كلنا ليه
حسام: كنت عاوزكم في موضوع مهم
كريم: تقريبا كده أنا عرفت
هشام: اتكلم في ايه فهمونا
حسام : بابا... بابا.. انا قررت اخطب
هشام متفاجئا: بجد مبروك ياحبيبي
هناء: ومين هي انا وباباك نعرفها ولالا
كريم مقاطعا: انتي مش تعرفيها انتي كمان بتحبيها
هناء بتعجب : مريم!
حسام: بالظبط
هناء: دا يوم سعدي ياحبيبي انا مش هلاقي احسن من مريم دا كفايه احترامها
هشام: يازين مااخترت ياحبيبي مش هتلاقي زي مريم حد يخاف عليك وعلي سمعتك
حسام بقلق: بس انا خايف ل...
هناء مقاطعه: لمتوافقش
حسام يومئ بالايجاب
هناء: وانت مقولتلهاش
حسام بسرعه: لالا مقولتلهاش حاجه وياريت محدش يقولها
هناء: ومش هتوافق ليه انت ناقصك حاجه هشام : انا عارف حسام قصده ايه حسام خايف لمتوافقش علشان مستواها وعيشتها
كريم: انت مجنون ياحسام مريم عمرها ما تفكر كده وانت اكتر واحد عارف
هناء بأستنكار:انت من عيله كبيره وانت مشهور في الشرق وفي الغرب واهلك مش قليلين في البلد وانت عارف كده وعارف احنا مين وعارف بردو زي ماكريم قال إن مريم عمرها ماهتفكر كده
حسام: عارف بس خايف بردو انها متكونش بتحبني
هشام: هو وارد انها متكونش بتحبك ووارد بردو انها تكون بتحبك ماتخدش الوحش خد الحلو
كريم: جرب مش هتخسر حاجه
حسام بعصبيه: ماانا لو جربت وهي موفقتش هخسرها هي
هشام:متفكرش كده لانك كده فعلا تخسرها مريم هتوافق لو بتحبك صدقني
ينهون الحديث علي أن حسام سيتصل باخيها ويحدد ميعاد ويقوم بخطبتها
__________________
حسام: الو ازيك يا حمزه عامل ايه
حمزه: انا الحمد لله وانت
حسام: انا الحمدلله بس كنت عاوز منك خدمه
حمزه: أؤمر
حسام: مش هينفع في التليفون
حمزه: امال فين
حسام: تعرف تيجي القاهره كنت عاوزك في موضوع مهم صدقني
حمزه: خير في ايه
حسام: لالا خير متقلقش
المهم هتعرف ولا صعب عليك
حمزه:لا سهل متقلقش المهم انت عاوزني امتي
حسام: دلوقتي لو تقدر ...لا خليها بكره علشان تعرف تيجي
حمزه:خلاص تمام هكلم مريم واظبط معاها
حسام مسرعا: لالا بلاش تقول لمريم
حمزه:ليه
حسام:كده
حمزه مستنكرا : يعني ايه كده يعني ابقي في القاهره ومشوفش اختي
حسام: معلش يا حمزه متقولهاش انك جاي ولما اخلص انا وانت لو عاوز تروح تشوفها روح
حمزه بقلق: مريم كويسه
حسام: اه اه كويسه مفيهاش حاجه انا بس عاوزك في موضوع
حمزه: خلاص ياحسام هيبقي عندك بكره
تمام
حسام:تمام
_____________
كريم:ها قالك ايه
حسام: هيجي بكره
كريم: كويس جدا
حسام: انا مش عاوز اروح
كريم بسخريه: انت بتقول ايه احنا ماصدقنا
حسام: انا خايف
كريم مبتسما: وانا مش خايف انا هموت من الرعب
بس مش من مريم انا خايف من حمزه
حسام: مضحكنيش انا خايف منهم كلهم
كريم :خلاص نام انت دلوقتي علشان تبقي جاهز بكره
حسام : حاضر
كريم: اسيبك انا يلا احلام سعيده
حسام ضاحكا : نوال حزينه
كريم: عايشين مع الخليل كوميدي في البيت
_______
يغير ملابسه ويخلط الي سريره ويظل مستيقظا يفكر في مريم
ياا تري يامريم بتحبيني زي مابحبك ،اكيد مش هتحبيني نص الحب اللي بحبهولك
ثم يكمل مبتسما دا احنا حكايتنا ولا الخيال متتصدقش اصلا من بنت معجبه بلاعب مشهور لصديقه للاعبه مشهوره لحبيبه لزوجه في المستقبل انشاء الله ايه دا انا نفسي مش مصدقه ويستغرق في النوم اثناء تفكيره
____
يستيقظ حسام مبكرا ويقوم بتجهيز نفسه للمقابله ويذهب الي حمزه
أنت تقرأ
احببتك منذ البدايه (مكتملة)
Romanceعلينا أن نؤمن أن الحب ليس بالقرب أو البعد الحب بالافعال والمشاعر المتبادله الحب يمكن أن يعبر بحار وجبال اذا كان صادقا فقط عليك أن تكون مستعد له عندما يدق بابك 👌❤ ____:___:___:___:___:___ يمكن أن تحب شخص دون أن تراه يمكن أن تحب شخص منذ البدايه ف...
