داخل السياره
حمزه غاضبا:انا عديت الموقف ومرضتش اتكلم قصاد حد
مريم: إيه اللي حصل
حمزه:مكانش ينفع اللي عملتيه
مريم بخوف:عملت ايه
حمزه بحده: مكانش ينفع تنزلي الملعب انتي مخدتيش بالك من الشباب اللي موجودين دول ولا انتي الموضوع كان عجبك
(ارتاحت اعصاب مريم لأنها كانت خائفة من أن يعلم حمزه بأمرها هي وحسام )
مريم:والله انا مكنتش هدخل ولا اي حاجه بس الكابتن هو اللي ...
يقاطعها حمزه: من غير مبررات لو عاوزه تحضري تمريني تاني ابقي اقعدي في المدرجات ولما اخلص ابقي انزلي علي الاقل مش هيبقي في ناس كتير أو انا ابقي اطلع اخدك من فوق فاهمه
مريم بأستسلام:انا اسفه
حمزه برجوع: متتأسفيش انا اخوكي وخايف عليكي ميرضنيش أن حد يبصلك بصه وحشه أو يتكلم عليكي
مريم: ماشي خلاص
حمزه: اه صحيح انتي هتفضلي قاعده معايا لحد ماالدراسه تبدأ
مريم:مش مشكله هي كده كده هتبدء بعد شهر
_________________
(في كافيتريا النادي )
حسام :ازيك
مريم:تمام ياشبح
حسام: تعرفي انك وحشتيني
مريم:وانت كمان علي فكره بس خلاص مش هيبقي في وحشه هشوفك علي طول لحد ماتزهق مني
حسام:ماظنش محدش بيزهق من اخته
(لم تعلم لماذا تضايقت مريم من سماعها هذه الكلمه )واجابه بمزح:انت اللي قولت استحمل بقي
حسام بضحك:هستحمل تشربي ايه بقي
مريم:ليمون بالنعناع
حسام:ايه دا بيتشرب إزاي دا
مريم مازحا:كدهو
حسام:يخربيت لماضتك علي طعمه
مريم:طعمه حلو اووي علي فكره وبحبه
حسام ضاحكا:براحتك زي متحبي
يقوم بنداء النادل حتي يأتي
حسام:واحد ليمون بالنعناع وواحد مانجا
مريم بضحك وتقليل:مانجا
حسام:ممكن تسكتي بالنعناع بتاعك دا
مريم :اسمه ليمون بالنعناع علي فكره مش نعناع
حسام بتقليل : طيب اسكتي
يجلسون مع بعضهن قليلا ثم تذهب مريم لمنزل حمزه لكن لم تجده تتوضئ وتصلي وتجلس لمتابعه الاخبار وما اراء الناس حولها
___________________________
بعد عده اسابيع خاصه يوم الاربعاء المقرر ميعاد مباراة حمزه
تبدء المباراه حماسيه واصوات الجماهير تتعالي والمعلق يتحدث بحماسه كبيره و تنطلق صافره البدء
المعلق:تمر ربع ساعه بلا جديد
ما هذا ما هذا ايتغير الحال ها هو
حمزه يلتقط الكره ويجري بها في إنحاء الملعب ويقوم بتمريرها لحاتم وتتواله التمريرات يتم تشتيت الكره منهما ويأخذها الفريق المنافس ماهذا ايتغير الحال ويصبح الفريق المنافس هو المسيطر
يلتحم حسام مع أحد الفريق المنافس وتنجح محاوله استلام الكره من حسام لحمزه وهذا هو حمزه يدخل منطقه الجزاء يعرقله أحد اللاعبين ياااربااه انها ضربه جزاء ضربه جزاء بواسطه حمزه لكن ،، ماهذا حمزه مازال علي الارض لالا ،، لقد أصيب حمزه والظاهر انها اصابه كبيره طمئنه عليه ياالله ايستطيع حمزه النهوض ليسدد ركله الجزاء ام سيتم استبداله ايا كان الأمر لا يهم المهم أن يكون بخير ليس مصابا
انتظروا ايها المشاهدين لقد اتتني اخبار بأن حمزه لن يكمل المباراه واظن انه أصاب بالصليبي
__________________
تنتهي المباره ويغادر حسام الملعب مصاب ويذهب الي المشفي لتلقي بعض العلاج ويتضح أنه مصاب بالرباط الصليبي
يأخذ حمزه اجازه حتي يتعافي من إصابته اللعبه ثم يعود الي بلده وتذهب معه مريم عده ايام بعدها تعود مره آخره الي القاهره لكن تقيم في المنزل المخصصة لها ليس في منزل حمزه
______________________
في المنزل بعدما تم تجهيزه
مريم بفرح :ايه رأيك في الشقه
حاتم :حلوه اوي ماشاء الله
مريم:عجبتك
حاتم :جدا مبروك عليكي
مريم:الله يبارك فيك
يأتي سؤال لم تتوقعه من مريم
حاتم:ايه اخبارك انتي وحسام
مريم:احم تمام ليه
حاتم:لا عادي
مريم:هو انا مش عارفاك دا انت عشره عمر
حاتم بحده: ممكن تقوليلي ايه علاقتك بحسام
مريم بأرتباك: صحوبيه وانت عارف
حاتم:وهو المفروض أن الموضوع كده بس انا حاسس غير كده
مريم:لا اتأكد أنه كده
حاتم : مريم صحوبيه ازاي وانتي كنتي معجبه بيه
مريم:انت قولتها اهو كنت معجبه ودلوقتي لا وبعدين انا كنت فانز مش اكتر أو اعجاب لصفات فيه أو حب استطلاع وهو مرتبط وانت عارف كده
حاتم:طيب واحب كمان تكوني انتي كمان عارفه أنه مرتبط
مريم: انت قصدك ايه
حاتم: مقش بس لازم تاخدي بالك وتشوفي انتي بتحبي مين ومين بيحبك
مريم محاوله ابعاد الموضوع: انا بفكر احط هناك كرسي هزاز
حاتم وهو يتظاهر بالتناوب معها:كويس هيبقي حلو،، انا ماشي بقي عاوزه حاجه اعملها أو اجيبها قبل مااامشي
مريم: لاشكرااا
يذهب حاتم
________________
تأتي رساله لمريم من حسام فتجيب
حسام:حمدالله علي السلامه
مريم:الله يسلمك
حسام:انتي نقلتي الشقه ولا لسه
مريم:اه
حسام:الحمد لله يلانخرج بكره بقي
مريم:بكره عندي تمرين وكمان في حاجات في شقه حمزه عاوزه اجيبها
حسام:يعني موافقه اشطا هعدي عليكي علي ٧
مريم:انت بتقول ايه بقولك مش هينفع
حسام:اه ماانا فهمت انك موافقه وفاضيه وهتنزلي قبل ٧ كمان
مريم:هههههههههه وربنا مجنون
حسام:وكمان عاوزك تتعرفي علي اخويا كريم هو متخلف شويه بس طيب وهتحبيه والله
مريم:هههههههههه خلاص هاجي هستناك علي ٧ كده
______________________
في اليوم التالي تذهب مريم الي تدريبها وثم تذهب لشقه حمزه تأخذ ما لها وتذهب مجددا لمنزلها لكي تجهز بعدها تجد رساله من حسام أنه ينتظرها بالاسفل تنزل مريم الي الاسفل وتركب السياره مع حسام
حسام: ايه بقى
مريم:ايه !
حسام:مش ناويه سيادتك تحني عليا و تديني رقمك بدل زل الرسائل دا
مريم وهي ترفع يدها موجهها الي وجه حسام قائله:بوس
حسام ضاربا يدها :باسك كلب اجرب
مريم :هي كده طيب مش هدي بس
حسام يتظاهر بالحزن :طيب عادي جدا
مريم باستغراب:بس كده
حسام:اه بس
مريم:انت اضايقت ولا ايه
حسام مازحا:لا انا ساكت علشان كنت هاخده من حاتم اصلا
مريم:انا بتغفل بقي
ثم تكمل اه صحيح امال كريم فين
حسام :خلاص احنا داخلين علي الكافيه اهو وهتلاقيه جوه
______________________
داخل الكافيه
كريم عندما يري مريم يحدث نفسه :ايه دا دي حقيقه ولا جرافيك ياحظك يابن الايه بتقع واقف علي طول ثم يتحدث :احم ازيك انا كريم
مريم: وانا مريم
كريم:انتي بقي ياستي اللي كنتي مدوخه حسام عقبال ما عرفك
ينظر له حسام نظره كادت انت تقلع عيناه
مريم بكسفه: احم مش بالظبط
حسام يتحدث منعا لاحراجها:المهم اني عرفتها وبقيت احلي صاحبه واخت وبقي عندي اخ واخت
مريم في بالها لا دا ناوي يشلني بيقولي اخته تاني ماكانت صحاب احسن وخلاص
كريم:وانا كريم مهندس
مريم:وانا دكتوره بس لسه بدرس
حسام بضحك: وانا تجاره
مريم بضحك: لا لاعب كوره
يجلسون مع بعضهن من ثم يذهب حسام لإيصال مريم ويعود مره اخري اللي أخيه المنتظر بالكافيه
_____________
في السياره
مريم:ايه مش هتاخد رقمي
حسام:ماانا قولتلك خلاص هاخده من حاتم
مريم ضاحكه :خلاص انا رضيت عنك خد الرقم
يأخذ منها الرقم ثم يقول لها :هننزل بكره بعد الماتش بتاعك تمام
مريم:تمام انشاء الله
حسام:علي فكره انا هحضر الماتش
مريم:بجد
حسام :ااه بجد
مريم:لا متجيش
حسام متسائلا: ليه
مريم ضاحكه: احسن يكون وشك وحش علينا وانا حاسه يعني مش متأكده في ايه متجيش
حسام: اطلع بره
مريم بمزاح : انت بتطردني من العربيه
حسام:لا دا انا اللي بره العربيه مش انتي ياعمري
مريم: ايوه كده تتعدل
حسام مرحا: ست الكل تأمر بحاجه تاني
أنت تقرأ
احببتك منذ البدايه (مكتملة)
Romanceعلينا أن نؤمن أن الحب ليس بالقرب أو البعد الحب بالافعال والمشاعر المتبادله الحب يمكن أن يعبر بحار وجبال اذا كان صادقا فقط عليك أن تكون مستعد له عندما يدق بابك 👌❤ ____:___:___:___:___:___ يمكن أن تحب شخص دون أن تراه يمكن أن تحب شخص منذ البدايه ف...
