البارت 27
وجع قلبي
بقلمي روسكان
لبيج قصص روسكان
سجاد ؟؟
هممممم ..
انت صدوك رجعت طليقتك ؟
ضحك بصوت عالي وماجاوبني ..
طبب الغراض لغرفة النوم وتمدد ع الجربايه وكالي ..
تعاي تعاي انتي الجديده واليوم الج ..
سجااااااد ..
احس صارت عيوني براسي صرت اعصاب وفاار دمي ..
سجاد جاوبني ترة مصختهه ..
هاي جايبين ملح ويانه حطيلهه ملح ومتصير ماصخه ..
يحاجيني ببرود ووجهه يضحك ..
ظليت افتر منا واجي منا واعزل بملابسي وغراضي بعصبيه ماريد اصدك سجاد رجع طليقته ..
سجاد ..مستمتع بغيرتهه عليه واني اشوفهه تتلوع وتتعذب بعدين استخطيتهه خطيه مريضه وكانولتهه بيدهه ..
كمت سحبتهه من ايدهه صارت كدامي حضنتهه من خصرهه ههههههه صاير كرش صغيروني ..
سجاد ..
ياعيون سجاد ..
جاوبني صدوك رجعت طليقتك ؟
وج اني وحده وماگادرلهه ويوميه مطلگتني ..
هههههههه ..
اني جوعانه وماعدنه اكل ..
اگصلج من گلبي وانطيج ..
ههههه فدوة ..
حضنتني مثل الطفله بحضني ..
مشتاقتلك ..
بقيتهه بحضني مستمتع بدفو حضنهه وعطرهه ..سمعت بطنهه تقرقر ..
هديتهه .. خلي اروح اجيب اكل لاترجعين توكعين عليه ..
منين تجيب ..؟
اشوف امي شطابخه ..
لا سجاد رجاءا جيب من برة مابيه حيل حجاايه من اولهه ..
ماااشي ..
طلعت جبت اكل معلاك الهه خطيه ورجعت لكيتهه مرتبه غراضهه ومبدله ملابسهه بملابس خفيفه حلوة والكروش مبين ..
اول ماطبيت اخذت مني الاكل ورجعت جبت المسواك بالسيارة ناسيه مسوك من الصبح طببته صفطته وخلت كولشي بمكانه وحضرتلنه سفرة مرتبه ..
ماطول ضغطهه ع طول هابط لازم البيت ميخله من اللبن علمود تحطله ملح رأسا وتشربه والكرزات ...
كعدنه تغدينه كملنه شلنه الاكل سوة وراحت تغسل المواعين ..
عوفيهن بعدين ..
لا ماعرف هيج .. لازم اكملهن ..تريد جاي ؟
اي والله ..
تدلل .
سوتلي جاي وهي ماشربت هي شربت جاي وحليب ..
مو لازم تشربين حليب لان هذا الجاي وحليب مابي فائده ..
عندي بس هذا الطوز وموطيب من اشربه بس حليب ..
اجيبلج من هذا الحليب السائل تفوريه وتشربيه .
اوك .
اذا عندج اشياء ببالج او مشتهيه شي كتبيلياهن بورقه واني اجيبه ..
مو اليوم تسوكت .
ميخالف ..
اوك ..
مرتاحه ؟
لا ..التقلصات موتتني ..
شسويلج علمود تروح ..
متروح ..تبقه وياي منا لمن اجيب ..
كومتهه كتلهه يله للفراش ..
تمددي وارتاحي .. ورانه طلعه العصر ..
ليش وين نروح ؟
اخذج للطبيبه ..
مو اليوم .
ليش ..شوكت لعد ؟
شكم يوم انتظر خلي استلم راتب .
بربج هو هذا حجي ..اليوم نروح .
اي .
شوكت نعرف جنس الطفل ؟
المفروض اليوم ..
هاا خوووش ..
رحنه تمددنه نرتاح اني ظليت العب بمبايلي وهي رأسآ غفت ذبيت المبايل وتقربت منهه اتنفس انفاسهه خليت راسي يم صدرهه شهكت عطرهه وغمضت عيوني ونمت ..
نمنه ساعتين وكعدنه بدلنه وطلعنه للطبيبه اخذنه رقم وكعدت تنتظر موعدهه مال الطبيبه بداخل العياده واني ظليت انتظرهه برة بالسيارة ..
ساعه ونص ياله طلعتلي ..
هابشري شلونج شكالت الطبيبه ؟
حجيتلهه كولشي ع ضغطي والتقلصات طتني ابر للتقلصات وحب وضغطي كالت مو زين يبقه هابط هيج احتمال يسوي عندي غيبوبه اذا استمر يصفر وتكررت عندي حالات الاغماء لازم ع طول ملوحه جوة ايدي ..
زين والسونر ؟
سويت .. ننتظر بنوته ..
صدقه ل الله ..
فرحان ؟؟
وشلون ما افرح ..كولشي يجي من ربج نعمه واني جنت اتمنه ريحه الطفل انوبينه اتشرط ع رب العالمين الا ولد ..يارب الصحه وتمام الخلقه ..
ان شاء الله .
اخذتهه رحنه زرنه الامام وكعدنه تعشينه ..وبعدين افترينه واخذت شكم قطعه ملابس للنونو نبلش نجهز جهاز الطفل ..
رجعنه للبيت ..
طبينه بدلنه وكعدنه نباوع تلفزيون شويه وتمددت ام كرش وراحت بسابع نومه .
شكد تنامين ..
سمعتك ..
هههه منايمه يعني ؟
بس مغمضه عيوني ..
امشي نروح لغرفتنه مابيه حيل اشيلج اذا نمتي ..
اممممممم ماشي ..
رحنه لغرفتنه ..شو هاي فتحت الكنتور وبدلت كدامي لبست سيت نوم احمر واني ظليت بس ابلع ريگ .
اجتي تمددت يمي صار راسهه ع صدري وتتلمس بس من جوه التيشيرت واني حاضنهه من خصرهه واتمس بي ولا اراديا ايدي ايدي تروح ع بطنهه اتلمس مكان طفلتي ..
شوكت تبدي تتحرك ؟
بلشت بس انت متحس بحركتهه لساتهه مو قويه بس اني احس ..
شنو شعورج من تحسين بحركتهه ؟
شعور حلو ويخوف بنفس الوكت احس اسم الله عبالك حيه سايبه جوة بطني ..
هههههه حلو التشبيه ..
والله مدا اتشاقه.
وهسه اكو حركه ؟
اي خفيفه ..سمعت صوتك واني كتلهه هذا بابا ..دتتعرف ع صوتك ..
شكد فرحت بكلامهه ..بنيتي تعرفني ..
شلونهه التقلصات وياج ..
اوووف بدت ..هي بالليل تزيد .
اخذتي علاج ؟
اي اخذت بس الابرة لا ..
دخذيهه ماطول حاطه كانوله بلكي ترتاحين عليهه ..
ماعرفلهه باجر اخلي ضرغام يضربهه الي ..
لان مشينه كومه اليوم رجليه يوجعني ..
هههههههه حبيبتي شو طلعتي سكراب .
هسه ميصير اشتكيلك ..
لايصير يصير ..
كمت ع حيلي وكعدت امرغلهه رجلليهه .....
تكمله بارت 27
السيقان والكعوب فركتهن الهه وهي مستمتعه بالراحه ..
ها حبيبي بشري ..
اي صارن احسن عاشت ايدك .
عاشت ايدك شنو اريدك حگ تعبي .
مثل شنو يعني ؟
بوسه يعني من هذني الشفايف العذاب ..
ضحكت ..
ها يعني اسوي هجوم ؟
هزت راسهه اي ..
نمت عليهه راسآ بس ماذبيت ثكل جسمي ع بطنهه اخاف عليهه وع الطفله ..وبست شفافهه ..مارتاحيت ولاكدرت اخليهه تنام عليه ..حيرتني وضعية حملهه من جهه اريدهه ومن جهه ماريد ااذيهه .
اكتفيت ببوسات والله يسهل شلون راح تخلص الاربع اشهر الباقيه ..
للحكايه بقيه ..
البارت قصير اعرف والبارحه كتبته واني مطفيه واسفه لان وعدتكم انزل بارت واخذتني نومه ومانزلت .
