إغتصاب

الجزء 04

جيت انا وزينب وعارفة امي ما بتريدها والظريفة هي زاتها عارفة كدا وكم مرة بتقول لي انتي امك دي بتكرهني لي شنو.😂😂.. قلت ليها وقت انتي عارفة كدا خلاص اتحملي وعشان خاطر المزز البره ديل وانتي ياالهبلة صدقت صحي.. غايتو امي ما خلت ليها جهة خدمتها قطعت قلبها.. عملنا الغدا والعصير والشاي ضيفناهم جد ودا كلو عشان حضرة المغترب.. بعدها شلنا كبابي شايينا انا وزينب ودخلنا الغرفة.. وما كانت عايزة تدخل كلو كلو اول.. هسي ياخ انتي مالك قاطعة لي نصيبي الود قرب خلاص شوية وكنت ح اشيل رقمو بقيتي لي شوكة حوت يخ.. يا هبلة انتي شنو صدقتي عزو مشي وين.. اه انتي كمان عزو شنو التاني اقول ليك دا مغترب بي عربيتو انا اقعد انتظر عزو لي بتين عشان شنو ياها مرتب سبعمية جنيه كل شهر يابت الجاب لي جاب دا مهندس وداك قاري زراعة يعع حتي الاسم يطمم البطن.. وقعدنا نضحك.. عاد والله كلام يا زوبة ما كنا امس دي منبرشين في عزو دا وكان ما شلبتيه من مني ماارتحتي هسي لزومو شنو بعد علقتيه عايزة تبيعي بالساهل كدا.. اعمل ليه شنو تاني يا مريم انتظرتو وهسي لينا سنتين يسمع فيني في اسطواناتو اليومية بحبك وبموت فيك شبعت منها وزهجت خلاص انا عايزة خطوة جادة بعد كدا.. ربنا يسهل يازوبة كل شي لي خير انتي كمان بتحبيه ولا ما كنتي بترسلي ليه صورك ديك إياها.. داهية تاخدك اسكتي اسكتي عايزة تفضحيني انتي ولا شنو وقامت قفلت الباب.. انتي عارفة لو امك سمعتك كانت قيامتي قامت وطردتني لا ح اطول عزو ولا وداهلك دا وبعدين كان ما رسلت ليه الصور دي ما كان برسل لي قرش انا بقتل قلبو كدا يابت وبخليه ينفذ لي اي طلب عايزاه منو.. هههههههه طلعتي جبانة وحقيرة كمان .. عايني بعدين ارتاحي خليك منيشة علي صاحبو يااختي انا امي خاته عينها علي لي..

قولي والله 😢😢 المهم انتي ما عايزاه انسي امك دي.. انا عارفاك النوع دا ما بتحبيه مش يلا قولي ياخ انا مش صاحبتك وبتتمني لي الخير وانتي عارفة وضعي كيف وحياتنا زي الزفت 😢😢 ونفسي ابقي فوق واعيش الحياة دي.. من جواي بالرغم من اني ما حبيتو بس كنت كمان متمنياه زوج المستقبل.. قلت ليها ماتخافي اشبعي بيه.. والونسة جرت ما حسينا بي روحنا الا وصوت الاذان.. مريم قامت مخلووعة وووب ما تقولي لي دا المغرب الليلة ما صلينا الضهر والعصر و امي ح تقتلني..قلت ليها بلاي اقعدي يعني عايزة تقنعيني انو امك بتكون فقدتك يعني عليك الله انسي.. بنصلي بكرا خلينا نتونس ياخ.. قالت لي تلفوني في البيت عزو بكون جنا هي يلا مع السلامة انا ماشة اشوفك بكرا.. اقيفي طيب اقدمك للباب.. طلعت مشيت معاها وكنت لابسة بجامتي ساي ونسيت ليك اسامة كلو كلو وقت جيت داخلة صادفتو ليك طالع من الحمام ولابس فانيلة داخلية وشورت والبشكير في راسو بقي بعاين لي وبعاين ليه مخلوعة.. فجأة انتبهت لي نفسي لابسة كيف بجامتي ضيقة كانت وعلي العلي ما لابسة ستيانة او توب ولا نكس اي شي ظاهر كان يا خجلتي ما عرفته امشي وين وهو عينو كانت بجحة خلاص جريت بس جري وبقيت برجف.. دخلته غرفتي ورقدته في السرير وسرحته فيه وفي نظراتو الكان بعاين لي بيها.. حسيت بي احساس حلوو كدا واني معناها مرغوبة ما زي بتقول لي زوبة.. عليك الله انتي يا مريم البعاين ليك منو بس اقيفي في المرايا وعايني لي روحك دي خلقت بت دي.. يابت انتي الصاح يجيبو ليك جويل عديل وبعد دا ياريت تبقي بت وهههههههه بتضحك علي.. ما حصل سألت روحها اذا انا بتضايق او باخد في خاطري.. ما حصل فكرت تعتزر مني او تقول انها بتهظر معاي.. كانت بتجرحني بس كنت بسكت ليها وبقول معليش هي صاحبتي واكيد ما بتقصدها.. بس كنت بتوجع شديد من كلامها لي درجة صدقت صحي اني شينة وقبيحة ومستحيل ح اعرس او ارتبط في يوم من الايام وبقيت بعمل حواجز مع اي حد.. كنت بجيها جارية احكي ليها عن فلان وعلان وهي بكل بساطة يوم يومين والقاه صاحبها وبتطلع معاه.. انتبهت لي نفسي قمت وقفت قدام التوليت وبقيت بعاين لي روحي ولي جسمي عامل كيف.. فكيت شعري ومع سرحتي دييك اتخيلت نفسي هالي بيري ودخلت يدي في شعري ودايرة ارجعو لي ورا ااااه احييي يا شعري الاتشبك في يدي واتعقد زيادة.. الله ياخ بكرا دي بمشي اشتري لي مكوة سراميك الكلام دا ما بنفع 😢😢.. بس يا مريم انتي عندك جسم حلو وشكلها زوبة دي بتغير مني عضيت خشمي وقلت من الليلة بعرف اوريك يا زينب منو هي مريم واسامة دا عمرك ما حا تطوليه الا في الحلم...

يتبع.....