إغتصاب

الجزء 21

بعتزر للتأخير بسبب مرضي بكتب وبنزل ليكم والله والنت كمان كعب شديد ابا ينزل لي ف اليوم ح تنزلهم لي ادمن رزان وان شاءالله بكرا الحلقات الاخيرة..

بقيت بستغفر وعرقاااانة مع انو الجو كان بارد ودقات قلبي دي بتتسمع لو في زول جمبي،، كل الصور والفيديوهات القيتها كانت فاحشة ومخلة بالاداب،، جاني تسجيل وصوت بت بتتكلم بي انفعال،،

انت قايل روحك شنو بتراغبني من مكان لي مكان شوف هنا يا اسامة انا ما هند بتاعت زمان تتحكم فيني علي مزاجك،، والانت رسلت ليه ناس وضربوه دا عشان ما تسمع من الناس ويجيبو ليك اصحابك الصيع المباريهم ديل احب ابشرك كلها كم يوم ويكون راجلي،، وامك الخادم دي لو اتصلت بي تاني وسمعتني كلام ما ياهو ما بسكت ليها كفاية السكتو زمان،، انت غشيتني ورضيت بيك،، بس طلعت معفن والبتقع فيك امها داعية عليها تكون،، واوعي تجي تقول عندك ولد،، رامي دا ولدي انا وما بتشرف يكون ابوه واحد منحط وسفيه زيك،، ياود الخادم انت واهلك المقطعين ديل،، انا ما مسكينة وبعرف اخد حقي كيف ولو انت راجل قرب مني تاني عارف بعمل فيك شنو ولا عايز ازكرك بي الصور العندي وتبقي فضيحتك علي كل لسان في اليوتيوب..

بقيت خاتة يدي علي خشمي وااااي انا دا شنو،، ما عرفت اقوم ولا اقعد،، رجعت افتش تاني في الدرج لقيت صور بنات مجدعة كلها خليعة،، وصور تاني ما تمام،، حسيت اني حا تجيني جلطة ولا حاجة من الصدمة الاتصدمتها دي،، لاقاني فلاش شلتو برضو بس يا خسارة اشغلو في شنو،، لقيت فايل شلتو لقيت صورة من ورقة بتاعت خلع،، ايوااا يعني الاسمها هند دي خلعتك هههههههه والله قوية انتي عافية منك،،

رجعت كل حاجة في محلها وطالعة من الغرفة تلفوني ضرب لقيتها نن اها انتي وين،، قالت لي تحت قلت ليها اطلعي وزي ما قلت ليك امشي طوالي،، بقيت منتظراها وفاتحة معاها الخط لما سمعت بي حركة،، قالت لي اها يلا بلزو ليك،، شلت المفتاح وقلت ليها يا نن انا ما عارفة من غيرك كنت عملت شنو لما قعدت ابكي من الفرحة الحسيتها في اللحظة ديك،،

قالت لي يا بيبي ما تقولي كدا نحن ساحبات واي تلب انا موچودة..

ودعتها وقفلت التلفون،، يلا يا اسامة جا دورك بعرف اربيك كيف والله اخليك فرجة للعالم دا كلو،،

بعد عايزة ادخل الغرفة اتزكرت انو المرة الفاتت ضلفة دولاب كانت مضبولة ابت تتفتح لي،، مشيت سريع دخلت حاجاتي في الشنطة وختيتها جمب الباب ودخلت المطبخ شلت السكين وجيت تاني غرفتو وبقيت بلكلك فيها تعبني شديد حتي قدرت افتحها،، لقيت شنطة لابتوب في اخر رف شلتها وفتحتها فتحت اللابتوب بس ااااخ كان مقفول بي كلمة سر،، رجعت افتش تاني تحت الهدوم ما لقيت اي حاجة،، حا اشيل اللابتوب اكيد فيه بلاويه كلها مدام مقفول،، شلتو في يدي ويادوب قايمة مع رفعة راسي فكيتها صرخة ما اتوقعت نهائي انو اسامة يجي في الوقت دا،، حتي ولا سمعت صوت الباب ولا خطواتو وهو داخل...

ما حسيت بي روحي الا وهو جراني من يدي واشتغل يضرب فيني وما خلي لي شتيمة كعبة ما قالا فيني،، من دون احس رديت عليه بي كلمة يا ودالخادم دي خلتو سكت مسااافة لما قلبي طار في الساعة دي،،

ما نطق حرق وجراني من يدي لما حسيتها حا تتقلع،، بقيت ابكي خليني امشي عليك الله انا عملت ليك شنو عشان تعمل فيني كدا،، يااسامة انا بت عمك يعني عرضك وشرفك لي بتسوي فيني كدا،،

دفرني وجرا شنطتي وفرتقها حتة حتة جدع الهدوم كلها وكان بفتش فيها،،

قعد يكورك شلتي شنو ولا اقول ليك تعالي،، جراني تاني وجينا الغرفة جدع المرتبة وبقي بفتش في الحاجات ال في الدرج،،

جيبي الشلتيه سريع قبل انتهي منك يابت الكلب انتي،،

بقيت ابكي وزحيت بعيد ما شلت شي وكنت برتعش من الخوف،،

شوفي هنا انا الليلة مزاجي براه ما رايق احسن تجيبي الشلتيهم قبال اشيلهم بالغصب وعارفاني بقدر،،

وقت ابيت ضربني ضرب الجن،، والجنني اكتر لما بقي بحاول يطلع مني هدومي بالغصب انا خلاص رجعت لي لحظات الاغتصاب ديك تاني،، بقيت بكورك وببكي وكل حتة فيني بترجف خلاص بديك ليهم والله بديك ليهم بس ما تعمل فيني شي،،

اديتو الفلاش والزاكرة والاسطوانة،،

بالاحباط الكنت فيه

قلت ليه انت لشنو عملت فيني كدا يا اسامة انا بت عمك..

قعد يضحك وقال لي اجري اسألي امك وابوك..

وانا زنبي شنو؟

شوفي هنا يا بت الناس زنبك انك وقعتي في طريقي يا حلوة،، واي بت بتقع في طريقي تستاهل لانكم كلكم وسخات وما شريفات..

وجعتني الكلمتين ديل رديت عليه من دون احسب حساب،، الله يلعنك انت وامك الخادم براكم الما شريفين..

شفتو الشيطان والله انا شفتو وقت قلت ليه الجملة دي..

ضربني كف ما حسيت بي شي غير راسي لافي والنبز السمعتو ما بتقال من شدة بزائتو..

قال لي كدا عرفتي انا عملت فيك كدا لشنو عشان احرق قلب امك عليك،، عشان امي البقولو عليها كدا دي والفي يوم جا ابوي طردا عشان خاطر امك وانها ما تشرفكم انا الليلة ولدا كبر واخد ليها حقها،، وبقي يضحك،،

قلت ليه تف عليك انت واحد مجنون الصاح يودوك مستشفي تت

عالج فيها من الحقد الفي قلبك دا،، هند ما كانت غلطانة لما خلعتك،، انت واحد شاذ مريض مريض،،

كلامي دا جننو للنهاية وما رحمني بيه انا انضربته ضرب منو ما قلت اني حا احيا تاني وقت دفرني في الارض حسيت بالم شديد وبطني واجعاني بقيت واقعة و سامعة كلامو بعيييد جاه تلفون،،...

يتبع.....