إغتصاب

الجزء 07

قعدته افكر اعمل شنو اتزكرت صاحبتي نن اسمها نسرين لكن مسمية روحها نن وكدا هي بت راحات ساكنة المعمورة.. عرفتها في الجامعة ويوم امتحان قعدت جمبي والبت ما كانت عارفة شي المهمم ساعدتها اظن حليت ليها نصو ومن وقتها بقت لما تشوفني وين ووين بتجيني جري.. لكن ما قدرت اكون من ضمن شلتها مع انها ساقتني وعرفتني عليهم بس بتعرفو البنات البكونو مرتاحات ديل ورافعات القزاز زي ما بقولو دايرات شلة من طبقتهم.. ما لقيت منهم معاملة حلوة ف انسحبته بي كرامتي وخليت البساط احمدي معاها هي لانها زولة حبابة.. صاح هي عندها عربية واللبس والمكياج والنظارات والكلام والتلفونات يعني ماف علاقة تجمعني بيها ابدا بس برضو هي كانت مهزبة معاي وما حصل غلطت علي.. ما علينا قلت ماف حد ح ينجدني الا هي اتصلت بيها علي طول وقلت ليها انا واقعة في ازمة ومحتاجة ليك شديد وانتي الوحيدة ال حا تحليها لي.. معليش يا نن انا اول مرة اطلب منك طلب يعني انا اسفة..

لالا نو بروبلم خليكي سو ايزي معاي نحن بست فرند واللهي انتي لو تلبتي عيوني انا اديكي ليهم ( البت حنكوشة ف اتخيلو معاي انها بتفتح الكلمات وبترقق الصوت كيوت ياخ ما زينا)

قلت ليها كلك زوق يا نن انا كنت عايزة اشيل منك فستان سهرة عندي عرس ومحتاجة ليك تمكيجيني لانك ماشاءالله ارتيست بس عيني باردة..

يااااي قولي واللهي انا توالي ح اجيكي يا خسارة لو ما كنت تالعة اليوم ازور ساحبتي اتخيلي جابت بيبي وتعبت موووت موووت كانت ح تموت يا ميمي والبت قعدت تبكي لي.. اتخيلي الرچال ديل قاسييين وشريرين كيف بس هسي انا قررت اني ما ح اتزوچ خالص خالص.. لو ما كدا كنت حا امشي معاكي لاني بحب الرومانسيات موووت..

الساعة ديك لا عرفت اضحك ولا ابكي.. قلت ليها لالا ياخ بكرا تلقي البحبك وتنسي اي شي معاه دا خوف هسي ساي وانتي اكيد ح تقعي في واحد حساس زيك كدا.. قربت اقول ليها اولاد ميكي..

قفلت منها التلفون ومشيت اخدت لي حمام جامد نضفته روحي حته حتة ما خليت لي ملح ولا زيت زيتون ولا دقيق وزبادي ما جلبطهم فيني.. وجيت كلمت امي انا ماشة عرس صاحبتنا انا وزوبة ومودينا اسامة.. لو ما كدا امي ما بتوافق كان اموت قدامها..

المغرب جاتني ليك نن النصيحة عزتني جابت لي فستان بنفسجي ظابط رهيب وقالت ليه اشيلو هدية منها كمان.. جابت معاها مكياجاتها ومكوة السيراميك وجهزتني حلو وقت انتهت لي والله ما عرفت روحي وبعد لبست الفستان معنوياتي ارتفعت طبعا شديد وبالي في زوبة ال حا تتصدم وتتخلع وتكره اليوم دا اكيد 😂😂😂..

اتصورنا انا ونن صور كتيرة وقالت لي برسلهم ليك في الواتس.. ما عرفت اشكرا كيف جد.. المهم ودعتني ومشت..

بقيت منتظره اسامة وقت سمعت حركتو جيت طالعة.. هلللو انا جاهزة يلا نمشي العشاء قرب يأذن بعد دا..

بقي مخلوع بعاين لي بتيييين غيرتي رايك ما قلتي ما ماشة..

مزااااج انا بتاعت مزاجات حسب اكون رايقة ممكن اعمل الحاجة.. انا منتظراك غير سريع خلينا نمشي لي زوبة ومشيت منو خليتو واقف..

دخلت الغرفة وقعدت اضحك براي لما شفت نظرة الخلعة ال في عيونو كيف وقت شافني بي شكلي دا حسيت بي روحي ساندريلا وكل شوية اقيف في المرايا واعاين لي روحي مبسوووطة..

اها طلعنا وركبنا العربية وركبت قدام كيتن لي زينب ومنتظرة اشوفها مصدومة فيني.. وصلنا بيتهم اتصلت عليها اطلعي نحن جمب الباب.. قالت لي شنو انتو؟

ما شهدتها قفلت فيها الخط.. بعد شوية جات طالعة النصيحة كانت قاشرة والفستان فيها حلو وهي حلوة اصلا بس برضو انا الليلة احلا منها..

فتحت القزاز قلت ليها قلت ما اخليك تمشي براك وانتي برضو صاحبتي يا صاحبتي الانتيم..

حسيتها فعلا عايزة تجن وفي ثانية وشها قلب وبقت صارة.. حتي طول الطريق ما فتحت خشمها بي كلمة.. وقت نزلنا الصالة كانت بتعاين لي الفستان والضربة التانية الاديتها ليها وقت سبقتها ومسكت يد اسامة ودخلت معاه وخليتها بي جمبة ماشة معانا..

اول مرة اشعر بالثقة دي والاهم اني انتصرت عليها وخليتها ولا حاجة..

كلنا نسوان بس الكيد ما واحد...

يتبع....