إغتصاب

الجزء 12

كعصفورة ﻓﻲ ﻛﻒ طفل ﻳﻬﻴﻨﻬﺎ ﺗﻌﺎﻧﻲ ﻋﺬﺍﺏ ﺍﻟﻤﻮﺕ ﻭﺍﻟﻄﻔﻞ يلعب،، ﻻ الطفل ﺫﻭ عقل يرق ﻟﺤﺎﻟﻬﺎ ﻭﻻ ﺍﻟﻄﻴﺮ ﻣﻄﻠﻮﻕ ﺍﻟﺠﻨﺎﺡ فيذهب ‏..

الشقة كانت في الطابق التالت.. والعمارة زي المهجورة لا حس لا خبر كأنها ما مسكونة.. ونحن طالعين في السلالم مع كل عتبة بحس نفسي مكتوم زيادة والخوف عايز يقتلني وكل ما اتلفت لي زوبة بتحمر فيني وبتلزني لي قدام امشي امشي..

وصلنا جهة الباب دقت الجرس.. شوية وفتح لينا اسامة سلمنا عليه بس استغربت من شكلو.. حتي قلت ليه علي طول مالك انت عامل كدا زي ضاربنك بوكس علي وشك.. قال لي كنت نايم..

دخلنا وكانت ريحة السجائر مالية الشقة اوووف دا شنو الغملة الانت فيها دي افتح الشبابيك والله تموتو اختناق كدا..

وقت جينا داخلين علي الصالة شفت صاحبو مازن راقد علي الكنبة وفي يدو سجارة وقاعد بالفانيلة الداخلية ف رجعت علي طول ومسكت زوبة من يدها.. زوبة يلا نمشي.. جرت يدي نمشي شنو انتظري اصلنا كلنا طالعين هسي مسافة يجهزو بس تعالي تعالي ندخل جوه الغرفة.. وساقتني معاها وانا ساكتة ومن جواي قلبي بدق بدق ويدي بقو متلجات وخايفة شديد كنت...

قعدنا كدا بعد شوية قالت لي ماشة اعمل لينا شاي وبجيك.. قمته طوالي معاها بي خوفة قلت ليها لالا انتي ماشة وين ما عايزة شاي انا وبعدين انتي بتدخلي عادي كدا وتعملي العايزاه.. مسكتها من يدها وجريتها يلا ارح ننتظرهم تحت في الشارع اخير لينا من هنا.. جرت يدها مني ورفعت صوتها علي مريم ياخ اكبري لبتين حركاتك الطفولية دي ح تعمليها ونحن ما مع زول غريب دا ودعمك وقريبا ح يكون راجلك يعني الخوف في شنو مثلا.. وخفضت صوتها تاني وقالت لي عليك الله وقت انتي ضمنتي مستقبلك مع واحد مروق خليني انا كمان اجازف صاحبو اصبري لي شوية بس شنو كلها دقايق وبنمشي ما تخربي علي.. قلت ليها خير يا زينب ومشت قعدته في طرف السرير وبقيت بعاين في الغرفة.. عاينت لي كدا وضحكت ضحكة مستفزة وطلعت.. بقيت منتظراها ومتوترة.. جا اسامة داخل انا قمته علي طول وبقيت عاصرة شنطتي علي.. قال لي مالك قمتي وهسي منططه عيونك ومخلوعة كدا زي شفتي ليك شيطان.. لالا مافي شي اصلا كنا نازلين ننتظركم تحت انا وزوبة مسافة تجهزو ونطلع.. خلاص انا بطلع ليك شكلها غرفتك عايز تغير وبقيت بتكلم بي ارتباك كدا.. ههههه قعد يضحك..

قلت ليه مالك بتضحك كلامي فيه شي مضحك ولا شنو؟

قال لي بضحك عليك زوبة ساقت مازن وطلعو ليهم خمسة دقايق عديل..

نططه عيوني شنوووو كيف يعني هي قالت ماشة تعمل لينا شاي..

مشي علي جهة باب الغرفة وقال لي مالو كل زول بقول العايزو دا معناها انو صادق.. وطق طق قفل الباب.

انا بديت انفعل وجيت عليه دقيقة انت بتعمل في شنو قافل الباب لي.. ههههههه قعدته اضحك عارفاك عايز تعمل فيني مقلب يا اسامة صاح ياخ بطل هسي امي بتكون جات وما لقتني ارح نمشي البيت..

قال لي مستعجلة علي البيت مالك وقرب علي..

دموعي نزلو طوالي اسامة انت في شنو ياخ خلاص انا ما عايزة معاك هظار بايخ زي دا افتح الباب وخليني امشي براي وقت ما عايز توديني..

رفع يدو ومررا علي وشي.. اتهجمته منو وزحيتها سريع وزحيت لي ورا واتفجرته بالبكي وبقيت خاته يدي علي وشي ورفعته شنطتي علي اسامة عليك الله روق وخليني امشي..

قال لي عارفة احلا شي انا بحبو من البت لما تقعد تترجاني كدا وتقعد تبكي بس برضو ما بتستفيد شي وجراني من يدي قوي عليه..

فكيت صرخة بي طول حسي وقعدته اضرب فيه زح مني يا حيوان يا عواليق طاخ ضربتو كف وزي جاتني هستريا..

شفته عيونو قلبت حمرا وبقي صاري وقال لي ما عاشت مرا تضربني انا كف يا بت... وسكت..

بعدته منو وقلت ليه سكته مالك يابت شنو كان تتمها..

عايني انا ما فاضي ليك كتير وافتكر انتي جيتي بي رجولك.. قلت ليه يا حقير انت عارفني انا جيت كيف هنا بس ما كنت مفتكرة انك اوسخ ولد لا وكمان ودعمي انتظر بس ارجع البيت واحكي ليهم انت شنو .. ومشيت علي جهة الباب بديت الكلك فيه ابا يفتح اتلفت عليه وانا بقش في دموعي..

قعد يضحك ورفع لي المفتاح اها يلا وريني شطارتك يا حلوة..

قعدته اضرب في الباب واكورك الحقوني طاق طاق الحقوني.. حسيت بي شي قوي جراني وطاخ اداني كف وقفل لي خشمي بي يدو بس عضيتو بي كل قوتي لما كورك..

يابت اللزينا.. وجريت علي جهة الشباك افتحو واصرخ لكن لحقني وضربني شديد. ياناس الحقوني الحقوني ياناس وقفل لي خشمي تاني... امممم اممم بقيت بي كل قوتي بتنفض منو عايزة ابعد باي طريقة حاولت وحاولت وحاولت وكل دمعة مني كانت فيها كل الام الدنيا.. جرا طرحتي من راسي ولفاها لي علي خشمي بقوة.. مممممم مممم ما قدرت اصرخ كنت عاجزة عاجزة احمي نفسي.. شفتو شيطان رجيم قدامي.. ودعمي بقي حد تاني لما رماني علي السرير وبقي زي السعران بنهش فيني وفي هدومي.. رفستو وضربتو بي رجولي وكنت برفس زي المجنونة وببكي حاولت اصرخ.. كان ماسكني بي قوة وهو طالع فوق لي بتحسس جسمي وبعصر فيه بي يديه .. اتمنيت اموت الف مرة.. اتمنيت الله يخسف بي ا

لارض.. اتمنيت تنزل فيني صاقعة وارتاح ولا احس واشعر بي الاحساس دا في عمري.. كل حتة في جسمي كانت بتنزف دم مع كل لمسةوحشية منو بمووووت مية مرة من ريحتو وريحة انفاسو الهايجة وصوتو... وقت بقيت جانة شديد وبضرب فيه بي يدي ومرات رجولي وما قدر يثبتني علي السرير ويصل للعايزو.. بقي بضرب فيني طاخ طاخ ضربني اربعة كفوف حسيت بي نفسي دايخة والدنيا بدت تضلم في وشي.. جرا يدي وطلع قميصو ربطهم لي قوي وانا كنت بحاول اترجاه ما كنت قادرة احكي شي بس دموعي المالية عيوني اممممم امممممم امممممم ومن جواي حرام عليك ما تعمل فيني كدا ما تدمرني عليك الله خليني امشي عليك الله.... ربطهم لي بالسرير.. وجرا اكياس المخدات وربط لي رجولي.. كنت بتلولو وبئن بي كل قوتي بقيت مكسورة وكل شي فيني اتكسر وضاع لما غمضت عيوني وحسيت بألم العار الحا يلاحقني طول عمري....

إنكسار 💔

الحلقة دي تعبت وانا بكتبها ومع كل حرف فيها كنت بحس بإحساس موجع جدا.. اوجعها غدر اقرب الناس ليك.. غلبني امس انزل الحلقة دي لاني كنت بفكر كيف اكتبها واليوم كتبتها وكل احساس الاه الفيها.. بعتزر عن جزئيات اتغاضيت عنها لانها حساسة شديد ف اعزروني عن اني ح انزل حلقة واحدة اليوم.

يتبع....