إغتصاب

الجزء 11

اللهم أجعلو خير من الصباح كان في بكي في الفريق امي وابوي مشو ليه.. وكالعادة اختي بتودي اولادها المدرسة وبتطلع الجامعة ما بتجي الا معاهم بتجيبهم..

اضطريت اقعد في البيت.. والملل كالعادة حاصل اتصلت بي زوبة قالت لي قفلي البيت وتعالي لي انا زاتي امي مشت البكي نعمل لينا موضوع كدا.. قلت ليها لالا كان امي جات ولقتني مافي قيامتي بتقوم.. تعالي لي انتي امك ما بتسألك.. قالت لي عليك الله يا مريم بطلي الخوف بتاعك دا اصلك انتي ماشة وين.. وبعدين انا كل مرة بجيك انتي ولا قاعدة تجيني.. المرة دي كان ما جيتي لا بيني لا بينك وتاني بيتكم دا ما بعتب عتبتو نهائي.. اها خلاص مسافة الشارع واكون عندك.. من جوه قلبي في حاجة كانت كاتمة علي نفسي وما عارفة مالي.. بس قلت امكن عشان ما شفته سليمان الليلة.. لبسته عبايتي وجيت لي زوبة.. لقيتها بتتمكيج.. قلت ليها بقتلك الليلة اوعي تقولي لي انك طالعة بعد جبتيني المشوار دا.. قالت لي قولي طالعين يا عسل..

هيي لالا انا ما طالعة معاك اي محل كان انتي الطلعة عندك ساهلة انا صعب اطلع بي ورا اهلي لالا كان كدا انا راجعة بيتنا احسن.. قبل اطلع جرتني من عبايتي عليك الله يا مريم بطلي هبلك دا انتي هسي عارفة نحن ماشين وين؟

لالا وما عايزة اعرف يلا سلام

ياخ استني بس طالعين مع اسامة من امس كلمني وانا نسيت اقول ليك واها ما عندك عزر ابوك ما بمانع لما تطلعي مع اسامة.. ياخ عليك الله امشي معاي انا خاتة عيني علي مازن مدام ما لقيت طريقة في اسامة وهو ما اداني فرصة زاتي.. عشان خاطري يا بيبي ما عايزة لي الخير يعني وقعدت تبكي..

خلاص يا زوبة يابت وضربتها بطلي عوارة حا نطلع يلا خلينا نمشي..

ايوة كدا يا قلبي انتي عارفاك احلا منك ماف..

ركبنا لينا تكسي وفي الشارع اها بنلاقيهم وين؟

قالت لي في شقتهم

شنو انتي جنيتي

قرصتني من يدي اسكتي ح تفضحينا بشرح ليك بعد ننزل خلاص اسكتي بس..

بقيت ساكتة وكرهانة زينب والموضوع كلو ما مطمني كان..

نزلنا اول الشارع وبقينا ماشين جريتها من يدها زوبة لالا انا ما ماشة خلينا نرجع احسن.. انتي جادة عايزانا نمشي ليهم في الشقة.. وبعدين اسامة جاب الشقة من وين وهو قاعد معانا اصلا..

اقول ليك قال لي شقتهم بجو بشتغلو فيها بس شكلو ما عايز يعمل ليكم ازعاج بالشغل في البيت.. يابت بطلي خوف دا ودعمك تاني البخوفك شنو.. وبعدين عايني هنا هو كلمني قال لي انو اتقدم ليك وكلم ابوك بس اصبري لي بعد نرجع انا بعرف اوريك ليه يا حيوانة ما تكلميني بالموضوع وعاملة رايحة مش يعني كنت ح اخطفو منك مثلا يغسي عليك..

اقيفي اقيفي الموضوع ما كدا والله يا زوبة..

عايني خلاص وصلنا بطلي كلامك الكتير دا وطلعت تلفونها.. الوو نحن تحت اتكلمت شوية كدا.. قالت لي يلا نطلع..

زوبة لالا اسمعيني انا ما طالعة معاك ما مرتاحة للطلعة دي احسن لينا نرجع والله..

ياخ ارح وجرتني قدامها وكنت شايفة الدنيا مضلمة ما عارفة المخبي لي شنو...

يتبع....