إغتصاب

الجزء 14

امي وسارة ما كانو مطمنين ولا صابرين نهائي..

سارة مشت جابت التلفون واتصلت بي اسامة.. وهي بتبكي الوو اسامة طمنا علي مريم لقيتها ولا شنو اتصلت بي مازن وطلع ما علي بعضو وين انت.. الله يرضي عليك قول لينا الحصل امي دي خايفة عليها تحصل ليها حاجة..

اي لقيتها وشوية وبنجي عليكم..

اسامة مالك في شنو صوتك ما كويس في شنو عليك الله في شنو انا ما بقدر استحمل البحصل دا انتو وين نحن جايين عليكم..

لالا ما تطلعو من مكانكم دي ساعة زمن وبنجي وقفل التلفون.. سارة قعدت في مكانها حيلها ما شايلا وقلبها مقبوض زي كأنها عرفت شي وقعدت تبكي.. وامي قعدت جمبها وبقو يبكو..

جدع لي هدومي هاك غيري يلا اوديك البيت..

البيت يا قذر عارف انا حا اعمل فيك شنو في شرطة بتقدر تاخد لي حقي يا... ياخ دا حتي النبز فيك خسارة لانك واحد حيوان..

رفع لي اصبعو شوفي هنا انا وشي التاني ما شفتيه لسه الشفتيه دا يادوب حتة بس وشفتيني فيه كيف.. احسن لسانك دا تمسكيه عليك لانو الجاييك ما شوية وقعد يضحك... وطلع سجارتو بكل وقاحة وبقي يشرب فيها.. اديك منها ح تخفف ليك كتير وتخليك طايرة في الجو خليك ايزي يا بيبي بكرا تتعودي علي وتاني تجيني براك وتقولي لي دايرة..

تف عليك ما حا تطول مني حاجة يا وسخ ولما اصل البيت كل حاجة حا تتكشف وابوي يعرفك علي حقيقتك.. يعرف وداخوه الخلا بتو أمانة عندو بس ياريتو يعرف انت شنو وقعدت ابكي وارجف.. وانا كل وجع الدنيا دي فيني كيف ما ابكي وانا بموت كل ثانية وما قادرة استوعب الحاصل..

هههههه قعد يضحك بطول حسو وصفق بي يديه والله انتي وقعد يضحك.. عاين لي كدا ووصف لي بي يدو شايفة الكاميرا ديك.. يلا يا شاطرة وريني شطارتك فهمتي ولا اوصف ليك تك تك تك..

اه يا كلب يا ما عندك اخلاق..

جراني من يدي وقلعت يدي منو وبقيت انضف فيها اوعي اوعي تلمسني لاني بقرف منك بقيت..

شوفي هنا انتي لو حكيتي ولو سكتي مافي زول حا يصدقك يلا اسمعيني يا حلوة..

شفتي الكاميرا دي صورتك وانتي في الوضع اللقيتي نفسك بيه دا احب ازكرك ولاااا ماف داعي.. بتعرفي حاجة اسمها فتوشوب.. طيب الحا يصدقوه منو لما امك وابوك يشوفو الصور والفيديو يا تري موقفهم ح يكون شنو.. ولا حا يحصل ليهم شنو.. الفضيحة فضيحتين لما الفريق كلووو يتحاكي بيك.. ياخي دي قضية الموسم وقعد يضحك.. اقول ليك بقولو شنو هيي يا فلانة ما شفتي مريم بت حليمة عملت في اهلا شنو.. اجيي عاد فضيحة السواد قالو قبضوها مع واحد في شقة مشبوهة وانتي تاني يلا عارفة التأليفات البتحصل في القصة وكل زول بذيد براهو.. والله يخلي صاحبتك ولا اقول ليك عليها البست فريند بتاعتك الانتيم اوي اوي اوي...

زي كأني اتشليت اللحظة ديك ما قدرت انطق حرف وانا مصدومة وما قادرة استوعب البحصل دا. امكن انا بحلم.. اي اي اكيد انا بحلم وبقيت بضحك وقعدت في الارض واتفقعت بالبكي.. بقيت مغلوبة علي امري في كل حاجة.. اقول شنو لي امي وابوي واختي.. الفضيحة الحا تحصل ممكن تقتلهم..

جدع لي هدومي في وشي قومي البسي منتظرنك في البيت خمسة دقايق والقاك جاهزة وكرب قفل الباب وطلع...

انا حصل لي انهيار بقيت شايفة كل الدنيا دي سودااا.. لشنو اعيش عشان شنو.. والكلام بقي بتردد لي ونظرة المجتمع نظرة الناس ما برحموك ما برحموك ما برحموك.. بقيت خاتة يدي علي راسي شديد وبرجف.. منو الحا يتقبلني تاني.. منو الحا يرضي يعرسني.. انا خلاص خلاص مته وضعته..

قمته ما كنت حاسة بي نفسي غير جوطة كتيرة في راسي بتقول لي عايشة لشنو عشان العار ال حا تجيبيه لي اهلك.. جريت شنطتي.. من عادتي اخت امواس طوالي فيها طلعتها ومن دون اتردد قطعته يدي وانا عندي فوبيا من صغيرة من الدم لو شفته نقطة ساي بيغمي علي.. الدم سال كتير طوالي.. يارب سامحني و صرخته ووقعته...

يتبع.....