إغتصاب

الجزء 05

ﺍﻟﺼﻤﺖ ﻟﻐﺔ ،

ﻟﻐﺔ ﻣﺨﺘﻠﻔﺔ ﺗﻤﺎﻣﺎ ،

ﻟﻐﺔ ﻣﻈﻠﻤﺔ ﻭ ﻋﻤﻴﻘﺔ ﺑﺒﺎﻃﻨﻨﺎ .

ﻋﻨﺪﻣﺎ يخزل ﺍﻹﻧﺴﺎﻥ ﻣﺮﺓ ، ﻣﺮﺗﻴﻦ ﺛﻢ ﺛﻼﺕ .

ﻳﺼﺒﺢ ﺍﻛﺜﺮ ﻫﺪﻭﺀﺍ ﻭ ﺍﻋﻤﻖ ﻧﻮﻣﺎ ، ﻭ ﺃﻗﻞ ﻛﻼﻣﺎ .

ﺍﻟﺼﻤﺖ ﻭﺍﻗﻊ ﺁﺧﺮ ﻳﺮﻓﻀﻪ ﺍﻟﻮﺍﻗﻊ ﺍﻟﺤﺎﻟﻲ

.......

كم يوم مشت كدا واسامة بقي قريب لينا نتونس ونضحك ووقتو الفاضي كلو بعديه معانا مرات مرات يسافر لي اهلو.. حتي بديت احبو بالجد.. في نفس الوقت في حاجة كانت جازباني للود بتاع اللاب البقضي معاهم الخدمة.. امكن عشان ما معبرني حسيتو مختلف عن البقية.. حاجة حصلت خلتني احاول اتعرف بيه انا.. يوم كنا في اللاب قاعدين قامت البت المعانا جاها تلفون وطلعت بقينا برانا.. قلبي من جوه كان شغال طبلة بس دق دق دق دق لما خفته لانو المكتب صاني وما فيه حد غيرنا ورجولي تقول مسكني شلل فيهم اتجمدته في الكرسي قبلي وانا قدام الكمبيوتر بتصفح في النت وبالي في حتة تانية.. حسيت بيه قام من مكانو انا قلبي طار وقتها.. حسيت بي خطواتو جاية علي خلاص قربت اصرخ واستعديت لي دا.. بس هو جا فتح الدرج الجمبي وشال منو ورق وقفلو تاني ومن دون حتي يعاين لي.. 😈😈 بقدر الخلعة الاتخلعتها بس زعلت شديد وقربت اقول ليه انت قايل روحك شنو شايف نفسك كدا.. بس لعنت الشيطان ومن غيظي غشيت زوبة قبل امشي بيتنا وحكيت ليها بي كل الحصل لي.. اول مرة القاها ما منتبهة معاي وقت لكزتها قالت لي اسامة اخبارو شنو ما قدرتي تتحصلي علي رقمو.. هجته فيها زوبة انا من قبيل بتكلم معاك وبحكي ليك تقولي لي اسامة يلا سلام ولا شلت رقمو ولا زفت وطلعته منها.. بقيت ماشة في الشارع وبنق براي وزعلانة.. تلفوني ضرب لقيتو رقم غريب.. دا منو ياربي اول ما رديت بس لما اتصل تاني وقفته وفتحت الخط ورققته صوتي ووطيتو براحة.. وعليكم السلام معاي منو.. قال لي مريم؟

ايوة مريم انت منو؟

انا سليمان

طبعا قلبت خلقتي قربت اقول ليه دا اسم شنو.. رديت ليه سليمان منو انا ما بعرفك.

قال لي سليمان بتاع اللاب في المؤسسة.

اتخلعته ونططه عيوني 😮😮😮 من جواي بلاي هو اسمو سليمان هسي ابوك دا ما لقي ليك الا الاسم دا ما ليه علاقة نهائي بي شكلك..

الووو مريم انتي معاي؟

اا اي معاك في حاجة ولا انا طلعته قبل المواعيد الرسمية.. الليلة خلاص شكلو المدير جا ولقاني مافي دي براها مشكلة..

ههههههههه قعد يضحك بي صوت عالي لما اتبسمته انا زاتي اول مرة يضحك معاي.. قلت ليه مالك بتضحك.

قال لي علي جرستك مافي حاجة زي دي كل الحصل انك طلعتي وانا نسيت اديك القروش بتاعتك المطلعنها ليك اتزكرتك هسي وشلت رقمك من السكرتيرة اتصلت بيك واني ختيت ليك قروشك عندها لاني بكرا مافي..

شكرا ما مشكلة.. لساني اتعقد ما عرفت اقول ليه شنو..

اوك تسلمي ان شاءالله ما اكون ازعجتك بس ولا حاجة..

لالا ما فيها ازعاج تسلم.

قفلت التلفون اووف دا شنو دا قلبي عايز يقيف معاه لي حصل لي كدا.. مريم انتي كل مرة بحصل ليك كدا مع اي ولد 😀 جيت البيت.. حسيتو فاضي. امي امي وين انتي دخلت غرفتهم فاضية،، المطبخ فاضي كوركت ليها تاني كم مرة ماف رد.. شكلها طلعت.. طلعت طرحتي وقبل اقعد في الكرسي حسيت بي حركة كنت قايلاها امي.. امي انتي مشيتي و... سكته لقيتو اسامة.. اسامة..

ارتبك اول كدا قال لي ممكن تجيبي لي موية..

رجعته ويدي بقو تلج بس وخفته لبست طرحتي وجيت ختيت ليه الموية لقيتو فاتح زراير قميصو قال لي الجو عندكم سخن سخن شديد مستحملنو كيف انتو..

ههههههه عادي خلاص اتعودنا يعني بكرا تتعود انت كمان..

خالتي وين؟

والله جيت لقيتها ماف شكلها مشت الجيران

طب انتي في؟

أ انا

قعد يضحك قال لي سؤال صعب ولا شنو وشفته النظرات ال ما مطمنة ديك تاني في عيونو.. مشيت وجيت داخلة غرفتي وقفلتها علي.. لي انا كل ما عيوني تجي في عيونو برتعب كدا وما بطمن ليه.. لالاياخ دا ود عمي شنو شغل الهبل الانا فيه دا.. بي طريقتي دي ح اضيعو مني وزوبة خاته عينها عليه..

بالتفكير نمته فجأة من دون احس ما صحيت الا بي صوت باب الغرفة بدق قمته افتحو قايلة امي جات..

بس قبل اقول حاجة نفسي اتكتم وحاجة جرتني لي جوه وغلبني اعمل اي شي...

يتبع....