إغتصاب

الجزء 10

ما كنت عارفة انو اقرب الناس ليك ممكن يطعنك ويغدر بيك من خلفك في يوم بسبب الحسد والغيرة والحقد...

الايام مشت زي كل يوم عادي ما حسيت بي اي شي غريب او ما ياهو.. بس قلبي كان مقبوض ما عارفة لي.. في الوقت دا الصدفة عرفتني بي سليمان الود بتاع اللاب وطلع حباب والله ما زي افتكرتو انو ثقيل.. مرات المظهر الخارجي خادع بدينا فكرة غلط عن الانسان القدامنا دا وبخليك تحكم عليه حكم غلط..

حتي بقيت بتشوق اني امشي الشغل كل يوم عشان اشوفو.. وبدا فعلا يستحوز علي اهتمامي.. يوم كنت بالمسا زهجانة كدا وما لاقية لي موضوع.. تيت تيت سمعة رسالة جاتني في المسنجر..

ما صدقته لما لقيت اسم سليمان..

وووب قعدته في نص السرير فتحتها من فوق كشفته اول قال لي شنو 😂😂

كاتب لي مساء الانوار

اول عايزة اعمل نظام البت تقيلة وكدا لكن الشيطان شاطر وانا النصيحة ما صدقته رسل لي اخيرا كنت عايزة اطير من الفرح..

رديت ليه مساء الخير

انتظرت مسافة وكان متصل بس ما فتح رسالتي بعد ربع ساعة وانا بعاين في متصل دي حتي قراها..

كيفك..

الحمدلله وانت كيفك..

الحمدلله.. ما اكون ازعجتك..

لالا ماف ازعاج ولا حاجة..

قلت امكن تكوني بتتكلمي مع حبيبك ولا شي..

هههه طوالي نفيت ليه.. لالا حبيب شنو انا ما عندي حبيب..

يازولة ما ممكن هو الزمن دا في بت ما عندها حبيب..

غاظني بي ثقتو في الكلام..

اي انا عندك مانع..

شكلي كلامي ضايقك انا اسف..

ما اتضايقت ولا شي عادي..

طيب يعني ما عايزة حبيب.؟

اتبسمته اول وقلت ليه وانا اعمل بالحبيب شنو كدا مرتاحة..

والله الحبيب دا بونسك وبملا ليك وقتك وبقول ليك كلام حلو 😃😃..

اها علي حس كدا انت حبيبتك بتعمل ليك كدا ف بتنصح فيني احب..

انا زاتي ما عندي حبيبة مسكين ساي 😂😂💔..

ليي ادوك شاكوش ولا شنو 😝..

😂😂😂 اتشوكشته كتير تقولي شنو ما لقيت بت الحلال لسه..

ياخي معقولة بس ما لقيت دا مستحيل..

لي مستحيل انا بتكلم جادي.. فتشي لي..

ما عندي مانع بشوف ليك..

بدت المحادثة بينا بالطريقة دي وبديت يوم عن يوم بحب اتونس معاه اكتر يمكن كان كل يومي بعد ارجع من الشغل بمسك التلفون وبندردش سوا.. نسيت ليك حاجة اسمها اسامة نهائي.. وبقي كل كلامي مع زوبة كل كلمة والتانية سليمان قال لي سليمان فعل لي.. الليلة طلعنا فطرنا بره سوا.. جاب لي هدية ساعة.. جبت ليه هدية عطر.. من دون ما انتبهت زاتي لي نفسي لاني كنت فرحانة ما مصدقة اني بديت احب بي جد والقي البسعدني.. فرحت بالاتصال البجيني منو وساعات الونسة في الواتس.. حتي مرة طلب مني صورة رسلتها ليه عادي.. اتعودت عليه شديد لي درجة لو غاب دقايق بغلبني اقعد في السرير وبشتاق ليه..

في الوقت دا انا ما كنت عارفة البحصل من وراي شنو ومن اعز صاحبة اعتبرتها اختي واديتها اي حاجة عندي.. حسيت معاها بالامان وكل خطوة كنت بجري عليها احكي ليها حتي اعملا..

صدمتني صدمة عمري.. خانتني ودمرتني وانا العمري ما كنت متوقعة في يوم انها تعمل فيني كدا 💔..

يتبع....