Chapter 16
BUONG araw siyang nagkulong sa condo
niya. Pagkatapos kasi ng nangyari sa
pagitan nila ni Edward kagabi parang
natakot siya. Na hindi niya sigurado
kung ano ba talaga ang dapat niya
ikatakot.
Ewan niya. Siguro gusto lang niyang
maging sigurado sa nararamdaman niya
para kay Edward.
Napabuntong hininga siya. Namimiss
niya si Edward. Ang mga ngiti nito sa
kanya, ang malambing nitong boses
kapag kausap siya at ang mga
pasimpleng akbay nito sa kanya.
Sa napakaraming beses na, muling
tumunog ang phone niya. At syempre,
answering machine ang sumagot sa kung
sino man ang nasa kabilang linya.
'Hi. This is Myles. Im out but you can
leave a message. Thanks!'
Pagkatapos ng tunog ay narinig na niya
ang boses ng nasa kabilang linya. May
hinala na siyang si Edward ang
tumawag.
"Myles? Are you there?"
Bigla siyang napatayo sa
pagkakasalampak sa couch ng marinig
ang boses ni Elise sa kabilang linya.
Anong kailangan sa kanya ng kapatid ni
Edward? Nagtataka din siya kung pano
nalaman nito ang number niya.
"Myles, I-"
Bago pa makapagsalita si Elise ay
iniangat na niya ang phone.
"Elise?"
"Myles? Yeah, si Elise toh. Sister ni
Edward. Kamusta ka na?"
"Great. Napatawag ka?"
"Hey, can we meet later? Importante
lang sana eh."
Napakunot siya ng noo. Anong kailangan
sa kanya ni Elise? Tungkol ba yun kay
Edward?
"S-sure. San mo gusto?"
"Great! Akala ko tatanggihan mo ko.
San ka ba malapit?"
Sinabi niya ang coffee shop na malapit
sa kanila.
"Good. Meet me there after 30minutes.
See you, Myles."
Nababa na niya ng phone ngunit
nakatitig pa din siya dito.
Anong kailangan sa kanya ni Elise?
-----
Hindi naman siya matagal na naghintay
kay Elise.
