هل ممكن ؟

19

سلام بنات سمحولي علا التاخير  .. بليز عملو فوت .. كنتمنا تكونو مزيان ..
----------------------------------------------------
عبير اجي معانا نفرنسا حتا تماك كاينين شركات زوينين وانا متكدة بلي غاتلقاي خدمة زوينة تماك / لا اوصال  مانقدرش نفلت هاد الفرصة خاسني نجمع الفلوس نالعلاج ديال خاي او حتا ماما / علاش مالا ماماك / ماما هاد السيمانة هادي ماكانتش مزيانة ملي ديتها نالطبيب لقيتها مريضة بززاف او المرض بدا كاينتشر (ببكاء) ويدا ماتعالجتش تقدر تخليني / الله يشافيها احبيبة / امين شكرا يالاه بنات اجيو لهنا / (بنات) شنو/ الطيارة ديالي باقيلا نص ساعة ونتوما ساعتاين عارفاكوم ادا شتو سندس بوسوهالي بززاف او قولولا كانبغيها بززاف / مم واخا / يالاه خاسني نمشي / بسلامة حبيبة / باي باي ... مشات عبير بنات علاش مامشيناش معاها / نور شوف حنا مامشيناش معاها حيت عانمشيو نجيبو سندس / كيفاش هي عاتكون باقي نعسا / دابا العشرة ادا كانت بصاح باقي ناعسة حنا عانفيقوها / فاتي ماشي حشومة / شمن حشومة هاديك ختنا دغيا الطيارة عاتكون علاين تمشي / وخا يلاه ...
.....
عتمان شكتعمل / صباح الخير ا النعاسة / مم مانعرف شكون السبب (بغضب)/ هه تعصبتي / لا عانفرح /وينو وينو حبيبة تعاصبات / نتا من الصباح وكتلعب بشعري / اووه علاش حشمتي / احم خاسني نمشي ندوش / هه بجوج بينا ياك / سير بحالك كون تحشم / علاش عانحشم انا ماشي غريب ... مشات نالحمام بالزربة وشدات الباب من موراها بدا كيضحك او هو يجبر طيل ديالا كيسوني من قبل فاتي فكر واش يجاوبا ولا لا منبعد جاوبها غير باش يقولا بلي هي في الحمام / الو سندس شوفي ماعارفاش واش نتي باقي نعسا ولاكين باغي نقولك بلي عبير الطيارة ديالا عاطير دابا باقيلا 20 دقيقة بالضبط واش مابغيتيش تسلمي عليها قبل ماتمشي هي سندس مالك ساكتا / هه صباح الخير فاتي انا عتمان سندس كادوش انا عانجيبها نالمطار / اه عتمان هه صباح الخير سماحلي سحابلي كنهدر مع سندس / ما كاين مشكل قلتي الطيارة عطير من بعد 20min ياك / اه / واخا انا عاانجيبها / اوكي شكرا / باي ... مشيت دوشت دغيا رجعت نالبيت لقيت سندس لبسات عليها بيجاما / هي سندس لبسي عليك لحوايج دلخروج / علاش / غير لبسي دغيا سربي / وخا ... هانا / يالاه زيد ... شبارليا يدي داني نلوطو وبدا كيجري او حاضي الساعة كانساقسيه كيقولي هانتي عاتعرفي وصلنا نالمطار لقيت لبنات تماك حدا الباب ونا نتفكر بلي عايسافرو هبطت نعندهم كنجري وخاىيت عتمان كيضحك علا تصرفاتي / هي بنات عاتمشيو دابا / البgرة عبير الطيارة ديالا باقيلا خمسة دقايق / لا ماتgوليهاش شمن باب دغيا سربي / باب 4 .. مشيت كانجري ندك الباب ماخالونيشي ندخل حتا ناوضت الصداع معاهوم او gلتليهوم شكون انا وبنت من عادك خالوني بفف شحال كيعاصبو دخلت كانقلب عليها مالقيتهاش تبعوني لبنات او حتا عتمان او كيقلبو معايا والو مالقيتهاش بديت كانبكي لبنات او عتمان كيحزروني حتا سمعت الصوت ديالا اه صوتها صوت عبير درت نعندها او درعتها / ياك الحمارة باغا تمشي بلا ماتسلمي عليا / انا ../ سكتي مابغيتش نسمعك خاليني غير ندرعك دابا وصافي / (بنات) حتا حنا اولا / هه اجيو ... (عتمان ) سمحولي عانقاطع عليكوم هاد اللحظة ولاكينن نداء الطيارة هادا ياك / (عبير) اه بصاح بنات يالاه بسلامة / (بنات) باي عايطيلنا دائما .... تفرقنا بستة وستين كشيفة مشات بحالا شوف فوقاش عانشوفها 😢 ... جات الساعة الطيارة ديال لبنات تفارقنا بلبكا تاني مشاو بحالوم عاوتاني بقيت بوحدي المهم مشيت انا و عتمان نالدار وصلنا لقينا ماماتي وماما و عمي وبابا حدا الباب او زيد وزيد سلمنا عليهوم المهم كان باقي بكري شويا بالنسبة نالاعراس يلقاوهوم برا فهاد الساعة لقينا علامات ديال التوتر علا وجههم او كيرمقونا بنظرات فشكل المهم قولتليهوم يدخلو هوما جابو معاهوم الفطور  فطرنا او وصال خت عتمان بدات كتصقصينا فين كنا فهاد الصباح هادا عتمان جاوب فبلاصتي او عاد حسيتوم رتاحو المهم دوزو معانا نهار كامل ملي كانوا خارجين عمي و بابا عيطولنا انا وعتمان باش بهضرو معانا هضرو معانا علا الشركة او قالولينا بلي خاسنا نبداو الخدمة بالطبع حنا وافقنا مي ماما وماماتي قاطعوهوم / بلاتي خاسوم ياخدو الهدية ديالنا/ اه هوما عرسان جداد اكيد عايكونو باغيين يدوزو شهر العسل /(انا) ماما بلا../(عتمان) اه عندكوم الحق او كيبانلي نمشيو نتركيا / (بابا) واخا /(عمي) واخا مشيو مي شحال عاتبقاو / (ماماتي) بالطبع شهر / (عمي) ادا كان هكدا واخا انا و الحاج نقابلو الشركة بيدمين تجيو / واخا هه شكرا / يالاه زيدي ااسماء نخاليو دراري مع باعضوم خسوم شويا ديال الخصوصية اولا /هه عندك الصح يالاه بسلامة / بسلامة .. / يالاه حتا حنا ماشين ... سلمنا علا كولشي مشاو بحالوم زولت سبنيا جمعت الدار او حتا عمري عاوني سالينا طلعنا نالبيت اقترح عليا نتفرجو شي فيلم كوميدي وافقت خدم الفيلم او كان كيبتاسم شي ضحكات ديال الاشرار بحالي عوال علا خزيت المهم بدا الفيلم  كتشفت بلي هداك فيلم ديال الخوف ماشي كوميدي بالطبع دابزت معاه مي هو قنعني قالي ماكيخوفش بزاف المهم بدا الفيلم البداية ظيالو حزينة بززاف شحال بكيت وصل ننص ناري شحال غوت هو كيضحك عليا هو وقف الفيلم فوحظ اللقطة ديال واحد المرا كاملا عمرا دم او كاتكل فشي حد / علاش وقفتي / عنمشي نالحمام / لا خسني نكمل / هه واخا الالة .. خدم الفيلم او ياريت ماخدموش دك المصيبة عمرا دم او سنانها او كيكتقتل بنادم فدك اللحظة كانسمع شي غوات بحال شيواحد كيقتل شي حد كنعيط نعتمان او انا فهيستيرية ديال لبكا خافت بززاافف ماكيجاوبنيش ناري مومتي شبرت واحد الموس كان فوق الطبلة هبطت بشوية الدو كان طافي شعلت الدو انا كانخاف من الضلام بزاف وخا يكون ميات شفار تماك مي ادا ماكانش الدو مانعمل والو كنقلب بعيني ماكاين حد حطيت دك الموس من يدي كنعيط نعتمان ماكيجاوبنيش بديت كنقلب عليه الطواليط والو ماكاينش تماك مرا مشيت نبيتنا لقيتو عامر دم او الموس فسط قلبو بديت كانبكي مشيت نجيهتو كانحاول نفيقو مابغاش يفيق / عتمانن عمري عرفاك نووضض😭😭 عتمان نوض نعملك لي بغيتي نوض عارفاك .. طيليفون فينووا فالصالة 😭😭 عتمان نوض عارفاك ... مشيت نالصالة جيبت طيليفوني مذيت نعندو جلست حداه حسيتو كيتحرك / عتمان حبيبي / سندس (بالمم) ماتبكيش / انا عانعيط نلومبيلونس ماعايوقع والو / سندس / انا معاك / سمحيلي علا اي حاجة عملتالك / متقولش هكدا .. اوف مال هاد طيل/ سندس ااي / عتمان حاول تنوض غير بشويا انا عانديك / بلاتي / شنو دغيا / ماتبكيش .. سمحيلي / انا مسامحاك براكا متقول هكدا هاحنا ماشين / هههههه / علاش كاضحك واش الساعة ديال الضحك دابا 😢😢/ ههه تيقتي خاسني نمشي نمتل ياك / شنوو / gلتي عاتسامحيني / دابا هادشي كامل تمتيلية / هه اه بلا ماتبكي / واش كاتفهم بلي قلبي كان عايوقف واش كاتفهم ... بدت كتهضر بتقطع او النفس كيتقطعلا / سندس مالكي / الخنقة ماما ... طاحت فالارض  او الدموع فعينيها / سندس شنو وقاعليك دابا / عع...تت..مماا.ن تهلا فراسك / واش تتمتلي عليا ولا شنو / سندس نوضي سندس...
----------------------------------------------------
سلام اسفة علا التاخير ..
بليز عملو فوت او علقو علا البارت عجبكم ولا لا ههه ..
فنضركم اش سنظس غير متلت عليه ولا بصاح جاوبو ..