هل ممكن ؟

28

رمضان مبارك سعيد بنات يدخل عليكوم بالصحة و لهنا و باش ماتمنيتو
مامساليش / حتا انا ماماشاش / عاتحمقيني را عندي الخدمة علادكشي / اوف واخا .. ركبنا فلوطو وصلني نتماك هبطت و مشا انا مشيت هزيت طونوبيلتي دغيا من الكاراج كانت باقي تماك و تبعتو مي بعيدة عليه باش مايعقش بديت تابعاه حتا شفتو نزل فواحد الدار باركيت لوطو بعيدة عليه و تبعتو ندك الاقامة طلعت موراه غير بشوية حتا شتو كيدفع واحد الباب بجهد و تهرست انا تسمكت فبلاصتي حيت جبد السلاح و بدا كيتيري فبنادم مذيت كانجري نعندو و وقفتو / وقف هادشي حرام / شكاديري هنا سيري بحالكي ياك نزلتك حدا بنتك / اه ولاكين صافي دابا حط عارفاك حط
هاد السلاح / قلتلك بعدي من هنا .. دفعني حيت واحد الطلقة كانت عاتجي فيا مي جات فالحيط هو دخل نتماك صفا معاهوم خالا واحد لي عايش باش يساقسيه / فيننوا الرئيس ديالكوم / و لاه ماعارف انا جدي. هنا انا غير عايطولي قالولي ادا خدمت معاهوم عانربح فلو خصوصا ادا شبرنا شيحد سميتو عتمان ولا مانعرف و قتلناه دك الساعة عاتكون عندنا مكافئة كبيرة / اووه بصاح .. ناض من عليه و عطالو السلاح / ادا قتلني انا هو عتمان / شنو / اه شنو كاتسنا تيري يالاه .. كان عايتيري ولاكين بحركة سريعة منو المسدس ولا فيد عتمان و تيرا فيه . انا باقي حالا فمي .. مشيت عندو / زاش ماكيانبكش ضميرك كيفاش كاتقتل الناس بدم بارد واش ماعاندكش القلب / لا ماعانديش عندي مرارة / ياا عتمان شوف كيموتو عيط علا الاقل نالاسعاف /اوه مساكين بقاو فيا واش عارفا بلي نتي كنتي عاتموتي كوماكنتش دفعتك بسباب هادو لي كاتقوليلي مساكين ههه / باينا نتا عملتيلهوم شيحاجة / اول حاجة مامضطرش نبررلك افعالي تاني حاجة هادي هي خدمتي تالت حاجة علاش تبعتيني / مم حيت بغيت نتبعك ماغرفتش علاش احساس خايب / مم اخر مرة فهمتي ولا غادي نصفيها معاك / اوكي / يالاه ..هبطنا انا مشيت بطونوبيلتي و هو بطونوبيلتو .. مشينا نالدار تلاقيت ببنت دلالا رقية كانت فاي الجمال سميتها كوتر انا زياها ولينا اصدقاء مقربات .. من بعد مرور شهر علا هاد الحالة هادي بالعلاجات والالم كنت كانضن انني نقدر نتعالج غير بالكيماويات ولاكين ىا .. وبنتي لي مابغاتش تجي قاتلك كاتخاف من عتمان دك 30يوم دازو خايبين ... مشيت نعست... شويا كانحس بالام خايب بزااف فكرشي و بالظبط المعدة و كاتحرقني بزاف ماشي شويا جاتني تقيا نضت مشيت نطوابط و بديت كنرد و بالدم تاني الخوف كيتزاد كول مرا كيوقاعلي بحال هكا .. عتمان ناض و علامات القلق كانوا باينين فوجهو حيت قبل تلتيام داني نطبيب و قالولو حالتي ولات معقدة خاسها تعمل العملية مي انا عنادي هو هادا قلت العلاج الكيميائي يقدر يعاوني / سندس شعندك / ايي كرشي اهئ / كاتحرقك بزاف / اه اهئ و حتا راسي اهئ عندك الحق موتي قريب وجد نgنازتي / سكتي الهبيلة و بنتك سكتي / امانة عندك هه .. درت و رجعت كانرد و هاد المرة كتر جاتني السخفة و راسي شدني بواحد الطريقة عجيبة بديت كانشوف غير نجوم حدايا صافي غبت مابقيت عاقلا علا والو .. فقت لقيت راسي فغرفة بيضا / واو مت انا فالجنة هه / بلاماتفرحي بزاف راقي مامتي نتي فطبيب / مم خسارة سحابلي مشيت عند الله و تهنيت منك .. ايي / شعندك / كرشي / مايمكنش طبيبة عطاتك المهدئ غير داباعاد كاتفلاي عليا / واش هادشي فيه الضحك فشمن مستشفى حنا/ لي كاتخدمي فيه / عيط ن سكينة دغيا / واخا .. / سندس شعندك مالك / سكينة عيطي نطبيب مختص فهاد الحالات مانقدرش نبقا صابرة ايي كرشي العملية ليوما ايي .. دفعتها و بديت كانتقيا فالارض / سندس يا ربي الحالة ديالها زادت سوء يا ربي علاش هي مغنانة علاش .. كوتترر فدوىى عيطو ناستاد زكرياء عندنا عملية مستعجلة بسرعة .. سندس صبري كولشي عايكون مزيان .. مشات كاتجري كان واقف حدايا غير عتمان و نظرات ديال البرود و عدم الاهتمام واضحا فعينيه و هادشي ليخالاني نزيد نتالم .. بديت كانتلوا فبلاصتي و كانتاوه بالالم جا عندي شبارني وقال / ضعيفة .. بدا كيهدن فيا عن طريق ضغط الاصبع ديالي و هادشي ليجعل الالم يخفاف شويا من بعد جا طبيب و معاه الفرميلات عملولي الماسكار و دخلت فعالم اخور .. سندس اجي نعندنا / شكون نتوما / انا جدك و هادي جدتك / با سيدي مويمة اهئ توحشتكوم بزاف / حتا حنا ابنتي عاتجي معانا ياك / اه ضاروري مانقدرش نخاليكوم كانبغيكوم .. باسيدي كاتسمع هاد الصداع / هاد الصداع هه حيت قلبك نبضاتو بداو كيمشيو عندهوم اما نتي عاتعيشي معانا ياك ا مراتي / اه ا بنتي حنا توحشناك بزاف / ولاكين بنتي ادا مشيت انا / كاين باباها و جدتها و عائلتها كاملا تماك / اه عاندكوم الحق ... فغرفة العمليات عتمان كان gالس كيشوفهوم كيفاش كيغوتو علا بعضياتهوم بسباب شي خطا عملوواه حتا نواحد اللحظة كولشي سكت هو دخل / شنو واقع هنا و شهاد لغوات / السي عتمان فقدنا لمريضة جراء غلط عملناه / شكاتقصد ماتت / البركة فراسك .. خرجو هوما و قرب عندها و قاليها فودنها / مازداقتيش ضعيفة نتي بززاف باي ... مويمة با سيدي لا خاسني نرجع قال عليا ضعيفة / هه عاترجعي / اه باقي عاتعدبي بمرضك / ولاكين غادي نكون تبتلو بلي انا ماشي ساهلا بسلامة ... نبضات قلبها رجعو دكتور / فدوى سكينة اجيو دغيا المريضة رجعات نالوضع المستقر ... ههه سماعتيني ..دازت جوج ساعات بحال هكاك...سالاو العملية لي نقدر نقول بريت بيها 60% اما الباقي فباقي خاسني عملية اخرا .. فقت من نعاس لقيتو حدايا وبديت كانتمتم بتاتير المخدر هه عتمان / فقتي / هه اه فقت بقيتي معايا / شعاندك واش مدوخة شعاندا الهضرة ديالك بحالي شاربا / اوه موسيو حمار باقي مارجعاتلو داكرتو / موسيو حمار... / هه اه و عندي بزاف / بحالاش / موسيو كلب و موسيو متكبر و متعجرف و خراي و لي شايف راسو و راجلي لي كانبغيه بززااف / كاتبغيني / اه كانبغيك ولاكين نتا لا اهئ نتا نسيتي كولشي ليبيناتنا اهئ وقبل 13 عام تياقتي هضرا بلا معنى حطمتيني بزاف كوكنتي خليتيني نشرحلك كوماكنتيش غادي تفقد داكرتك و ماكناش غادي نعيذو فهاد الوضع اهئ اهئ و بنتي جناة ولات كاتكره تشوفني بسبابك ومعا المرض ليفيا كيوليو فيا اتار ديال الضرب كتقولي كيضربك ونتي معاه و مخالياني حيت كاتبغيه كتر مني انا ماكاتبغينيش اهئ .هه لمن كانعاودانا هااا العطااااررررر / شكاتخربقي شكون هو العطار / شووت كوت خاليني نهضر انا كنت عانموت و هدارت مع مويمة و با سيدي كنت ماشا معاهوم ولاكين نتا ستافزتيني قلتيلي ضعيفة و ماعرفت اش ولاكين انا تبتلك العكس و انا كانموت فيك كانبغيك واخا كنا كاندابزو هاد شهر هادا كامل و فاش كنا تلاقينا غير صداع و المفاجئات هه علاش كانبغيك علاش باقي متعلقة فيك واش فراسك ملي جريتي عليا من الدار و فاش كنتي عادبتيني بديك الطريقة انا كنت ... ماجات فين تكمل حتا لقات راسها مشات يعني نعسات وعلا وجها ابتسامة و عينيها عامرين دموع / علاش كاتبغيني حتالهاد الدرجة انا غير قتال .. وشنو كانت فاش جريت عليها و كيفاش عدبتها يا ربي تصبرني .. صونا ليا طيليفون قلت الو وي شكون او هوما ينودولي لgرون (تحية لاي واحد عملها بلحن 😂 المهم نرجعو نالقصة ) انا ماجي دابا ... الو لالا رقية / نعام ولدي / اجي نالمستشفى نتي و كوتر عندي خدمة مضطر نمشي / واخا ا ولدي .. مشيت كانجري ندك لبلاصة لي قالولي عليها ..
---------------------------- ------- -----------------
سلام بنات ها هو بارت جديد  كنتمنا يعجبكوم و التفاعللل التفاعل عارفاكم 🙇 فوتيو و كومنتيو ماعاتخسر والو ... رمضان كريم مرا اخرا 😍 ...