#على_قيد_الموت
بارت4
مريم السعدي
اياد-رجعت كلبي معصور قررت ماامرلها بعد بذاك اليوم ابد مكدرت اطلع من غرفتي لااكل ---- لا نوم ---- لاشغل احساس انك مضيع حبيبه حبيتها بصدق مااعرف اوصفه لازم اخلي حد للموضوع اخلص لزمت الفون ---- لالا موهسه خل اكمل السنه خاف تاثر على دراستها. العلبه مال كيك ضلت بالغرفه واني كضيتها صافن طب زياد فتح الباب على كيف رفعت راسي من نومتي اباوع بدلته مشككه
هاولك شنو متعارك
اش اش خرب يومك امي وين فوك
اي يم ابويه بالغرفه
اليوم ابدل هنا واسبح بحمامك لتفضحني
يول شمسوي
ولك هاي وحده بت --- كمزت عليه وشكت قميصي والله تخزيت بس اخذت حيفي وكلتها راشدي ثريدي خليتها صافنه بالانفرادي
شون احجيلي فات للحمام ينزع ورد الباب اسمع صوته من وره الباب رحت على حرار الالبسه الداخليه طلعتله غيارات وبجامه هاك اخذهن ويسولف
باوع هاي موو
وششششش صوت الدوش اسبح هسه اسبح ياحيف عالزلم كمل وتعال سولفلي
اكل تبن كتلك هطرتها جايك لتتحرك فاروق اجه
لا بعده
همزين
كمل غسل وطلع ينشف بشعره مشط على مرايتي واجه تمدد
ااااخ يابه ريناااد
ها زيودي
كلاصين جاي فدوه راسي مسطور
بعيني تدلل
فدوه لعينج وتعاي اخذي سبوعيتج
دكافي لواكه تتطعجون بيها
قوطيه ببسي دنطعج بيها يول هاي ورده البيت
اي احجيلي صارت عيني عالقوطيه تنهدت دار وجههه على مكان نضري لزمها هاي شنو بيها
كيك نصيت راسي رفعته للسكف ينعصر كلبي من اتذكرها
زياد-منيلك
هيج بنيه زميله
زمييييلهه كتلي وصدكتك بس. والله كيك ايباااه تعال تعال ضوك
ماريد اكله بالعافيه
ها عيني جان جابوها لست الحسن سحل تصيح عوفوني وعوفوني هرجته للسجن هرج خبصتنا مو اني وكذابين يعني حنتيري وكلواز مكدرن عليها قويه وهي هالكصره وناعمه جنيه ولك
ادري شنو شمسويه وحاكميها
ولك محكوم وطالع الحكم خمس سنين سجن وهي كاعده تصيح دزيت عليها كتلها شكو شبيج من اول يوم تاخذين عقوبه
كالت اني مقتلته دافعت عن روحي وهمه الطببو عليه شارب
هممه من همه هاي لاكفه شنو
باوع طلعت قضيتها --- وهذا الجاي من رنود عاشت ايدج هنا بالجزدان اخذي سبوعيتج
ريناد- شكرا زياد
هلاو حبيبتي طلعت وسدت الباب باوعت لاياد ينتضر اكمل القصه--- اي. قضيتها عدها مرت ابوها واخوتها او ولد مرت ابوها هيج شي طببو عليها صديقهم سكران هي ضاربته على راسه لطفايه الحريق وضاله تضرب بي
اخ يابه راسي مات الولد
لا انشل ولك
حسب متكول هاي همه المطببي عليها بس المحكمه اثبتت انه صاحبها ومطببته وعود من لكفوها اخوتها هجمت عليه حتى متثبت عليها تهمه وناس كالو انه صاحبها وديهددها يفضحها ويريد منها فلوس وضاعت الحسبه وبدلتي تشككت
هااااا يابه هاي داهيه
اي لك عيني
لعد شون كمزت عليك
يجيك الحجي دااصيح واكولها بس كافي تره اعاقبج بالتنضيف اسبوع هي ماكو مستمره تصيح وتكمز وتجرجر وتكول دافعت عن نفسي بس فههم خوالي انه دفاعا عن النفس وغاديتلك هبيط صحت بعلو صوتي بس ضربت عالميز جان كمزتلك عليه من خوانيكي
وجيبه ماجيبه
ياجيبه ياماجيبه توها مدت ايدها انشكت البدله لك تدري قماشها شكد قوي وانشكت بقيت صافن صدك جذب ضربتها ضلت صافنه برطمت ودمعت عينها تصدك قهرتني
هاه
والله ضلت صافنه كتلهم نقلوها انفرادي راحت راسن رجعت للبيت ساعه السوده الخلوني بيها عالنساء اني ضارب عدي فيوز
عهههههه خرب غيرتك بس تدري يمكن بريئه
جذابات بابا كلهم مضلومين يطلعون اوف خوش كيك عاد الك لياسر
اسكت لتجيب سيرته رحمه لاالله فركت وجهي
لا حسكت دااكل حصعد انام يله باي
هله ههه باوعت عالقوطيه ابتسمت شون مصفطه الكيك تنهدت اكلت قطعه وي الجاي مااعرف هو طيب لو اني داشوفه هيج دك التلفون عبالك حست اريد اسمع صوتها رديت الو
هلو ياسر
هلو انوسه
انوسه!!!انوسه شنو
شيدلعوج بالبيت لعد
هههه ارنوبه
ارنوبه خوش ارنوبه ارنوبه ارنوبتي
ههه والله خلو صرت باسمك
اطيب كيك من ارق كائن تريكت وتغديت بي
بالعافيه تنهدت ليش محيت ردت اشوفك
اجيت بس الوالد خابر ورجعت
ها اكولك بس سوال
جواب
اياد حاجيلك شي عني
هاه لا مثليش
ماادري شون يباوع
يبصبص يعني
هاه لا والله مو هيج
تنهدت بحسره لعد شون
ماادري عوف الموضوع وين وصلت بالبحث
والله كملته وسلمته بعد الله اليستر
لعد شنو شو ممداوم اليوم ماعدك شغل
العصر اروح انشاء الله
خاه لعد روح ارتاح
مرتاح مرتاح لتروحين خل نسولف لو عدج شي
لا والله ماعدي شي
مشتاقلج
صفنت ساكته
اسمعي وغلسي
سكتت
مشتاقلج وتعجبيني واتمنى يوميه اشوفج واكعد ساعات كدامج
اني خروح باي
شبيج اوكفي
تره اني مو زعطوطه
هااا اني مكلت شي يثبت هيج
ماادري شو مداصدك
شنو المدتصدكي
شو شو مااعرف كلشي صار بسع
شون تردين اصير اصير بس لتروحين ايناس
سكتت مرديت
ارنوبتي
ههههه
فدوه لضحكتج ماريد تزعلين خلينا نلحك عالفراك
ليش تريد تفاركني
ماكو شي يضل للابد تنهدت------------------
علاقتنا بقت هيج اصدقاء واكثر متماديت بحجي الليل ونفس الوكت كلشي اكوللها اللي يمر بيومي نصنف ونضحك تحجيلي كلشي كمت ماامر للجامعه مالتها واربع وعشرين ساعه سماعات باذني احاجيهاحتى بشغلي تعلقت كلش تعلقت بيها لدرجه والدتها عرفت انها على علاقه وسمعت كلامي بدون متكولي ايناس ومعترضت الليل مانام اذا مااامن عليها نايمه سالفه كامره فوني مكسوره ومااكدر افتح كامره وياج جانت هواي فايدتني تدز صورها اذا رادت تطلع مكان اشوف لبسها اغار عليها من الهوا اذا طار طلعت من الدنيا وياها مرت شهرين واني مشايفها غير بالصور ووكترالماعدي شياكبر على ملامحها ومااشبع منها جانت هي تكعدني الصبح واكعد مزاجي عالي ومرتاح لان على صوتها بدت كورساتنا النهائيه قللنا مكالمات بس باليل منكدر ننام اذا منضل نسولف لحد مااسمع تغيير نفسها يعلن غفوتها بين ايدي يله اكدر انام استغنيت عن كل البنات بيها قوت علاقتنا كلش ولحد هسه لا معترف ولا معترفه بكلمه احبك لحد ما فد يوم بالجامعه كنت-------
جنت اسولف وي ياسر شفته باوع ورايه فتح عينه كلها اشرلي بحذر ليوره انداريت شكو شبيك
وانصدم بشوفتها جايه كلبي حسيته وكف تمشي مبتسمه باتجاهنا بيدها صندوك صغير اجتي بفرح ناحيتنا وكفت كبال ياسر تباوعله بحنان وحب ردت اموت واموت ياسر ويايه ياسر يباوعلي ويباوعلها ميعرف شيسوي يدري وين وصلت علاقتي بيها ارتبكنا وصلت وكالت---
كل عام وانت بخير ياسر مفاجاه موو
ياسر- ههه ها باوعت لاياد ايده بجيبه صاير كبره اي ها اليوم عيد ميلادي ههه وانتي بخير
ايناس- باوعت لاياد وجهه صار احمر وساكت داير وجهه ردته بس يروح ردت اعترف لياسر بحبي اله وانطي هديته بس اخجل من اياد بقيت واكفه اباوع لياسر ياسر يباوع لاياد مرتبك غير يحس عاااد---- كتله ياسر بس من رخصتك دقيقه
ياسر- بلعت ريك وعلي حيجنزني اياد --- ها اني بس اريد احاجيك ابتسمت تعال شبيك
ياسر-باوعت لاياد عافنا وراح مشه سريع انلاصت بعرضي راح الولد فتحت ايناس قوطيه الكيك
كل عام وانت بخير
احم وانتي بخير احجي وعيني على اياد الواكف ومرتجي عالشجره حيموت
ايناس- بس باوعلي جريت نفس استجمعت قوايه
هممم ابتسمت كوه امشي الفلم بس باوعت بعينها مااعرف شصار بيه هالكد بيها حب وحنان نصيت عيني خجلان من اياد اللعبه جانت وصخه واخذت اكثر من حقها بهوووواي لازم كلشي ينتهي البنيه ميته نصيت راسي
ايناس- كل عام وانت حبيبي فتحت القوطيه هديه صغيره بس اريد تبقى بركبتك لبسته مداليه نصه وعينه على صاحبه المداليه جانت قبعه تخرج ومن وره بصمه ارنوبه هو يفهم معناها بعد استغليت قله وجود الطلاب بالجامعه وجنت كلش خجلانه بس مردت اليوم يروح عادي لازم تبقى بي ذكرى حلوه شفته بقه يباوع لاياد مردت اخجله اكثر
اياد- احتركت حرك مكدرت بعد عفت الجامعه وطلعت اليوم عيد ميلادي سوتلي عيد ميلاد وجايتنيزالي الي اني مو لياسر اني اللي احاجيها كل ليله اني --- داخلي يصرخخخ انتي حبيبتي انيييي عفت اي علاقه لان اكتفيت بيج كام ميعجبني غير صوتج من يتغير وتنعسين وونتج من تنامين يله اغفه لتباعييييله عيونج الي ايناااس اخ كلبي اني الجبتها لروحي انييي بشهرين شكد مشاعر واحاسيس عدي صار بس الها باعيني ايناس خرب لك ياسسسسر نزل عينك عن عينها اخ ربي طلعت مكدرت بعد حموت اخذت تكسي
ياسر- شفته طلع تخبلت دك تلفوني ابويه باحسن لحضه الو باوعت لايناس تبتسم تباوع بعيني والله خجلت من روحي شسويت اياد شسويت خرب روحك --- هايابه اي اي جاي --- ايناس حروح ابويه
اي اي روح عبالي نحتفل سوه
لا والله ماعدي مجال
زين زين دخذ الكيكه
ها اي جيبيها باوعت بعينها اخذتها وطلعت اركض شفت اياد ديوكف تكسي صحت اياد ايااااد لك اياددد مرد ولا عبالك احاجي فاصل من الدنيا لحكته وصلت لبيتهم نزل من التكسي ركضت عليه اندار. سد الباب مال تكسي باوعلي ودار وجهه فات لبيتهم دفعت الباب جريته تعال وين رايح ووووويننن صرت نار شو انت الصاير عصبي عليه اني شعليه مو انت الوكعتني انت الطلبت فهمني مو انت الردت.
اياد- ولك عااار ليش تباوع بعيييينها ليييش جريته من زيكه عجبتك مووو
ولك اني ضلعك ماخونك تشك بيه عفته يجر بهدومي بلكن تبرد نار كلبه هاك هاي غراضك
شكالتلك احجييي
كالتلك حبيبي كل عام وانت بخير مو الي باوعت بعينه. اياد مافي اعترف بكلشي البنيه حتروح من ايدك وانت حتروح من ايدي شفت بنيه دتفوت للبيت كانما مشافتنا باوعتلها منو هاي جانت كلش نازكه اياد باوع بعيني اندار شافها طبت نصه راسه تنهد روح ياسر روح--------
يتبع
