#على_قيد_الموت
25
مريم السعدي
فاروق- ضليت ادك مترد اكيد صاير شي باوعت الساعه عبرت الوحده مدااكدر مدااكدر لبست والتلفون بيدي ادك عليها ردت واني البس الحذاء وكفت
الو
الو فاروق
شبيج دره شكو
ماادري بابا ماكو
شنو ماكو وين جان هو
هو هو جان طالع يم صاحبه بالكهوه احجي وارجف -- ووراها اجه سمعت صوت سيارته فتح باب البيت وفوت السياره بعدها هذا السمعته من جنت احاجيك شو وراها صار اطلاق نار نزلت ركض امي فزت وابويه فاروق لا ابويه ولا السياره
دره جاييكم فوتي جوه غمضت عيني فوتي وقفلي الباب لتخبليني
فاروق الفواكهه مطشره يعني منزل الفاكهه يعني شنو بابا مات احجي وابجي متخبله
دره فوووتي بالبيت وقفلي الباب
اي همست ابجي امي تلطم ادك على بيت خالتي محد يرد نايمين عماتي كلهم نايمين
فاروق ركض نزلت اخذت السويج لمحت ريناد تشرب مي باوعتلها تعاي قفليدالباب ورايه
ريناد- فاروق شكو وين رايح عفيه تره كمت اخاف
ماكو شي وووجع صديقي مريض رايحله اودي للمستشفى
امانه الله ورسوله حباب ديربالك دنيا ليل
دقفلي الباب
اي طلع قفلت الباب وراه
فاروق- متت خوف عليها معقوله خطفو لابوها ليش لا صاحب شركه بتروكيمياويات ومتريش ليش ميخطفو بس الله يستر الله يستر رجعت دكيتلها دره وين انتي
بالبيت ومقفوله الباب فاروق حتى دم ماكو
اي هيه جاي
زين شون شنسوي
دره عمري انتي اصبري جايج والله بس لتطلعين
راح اخابر الشرطه
لاااا انتضري
فاروق حتخبلللللل لتكولي انتضري
هياتني وصلت عيوني انتي هاي اني عالشارع مال بيتكم --- همزين الشارع فارغ طرت طيره ربع ساعه اني يمهم نزلت ركض سديت باب الحوش اباوع الفاكهه مطشره طلعت دره باوعتلي وعيونها مجضحه من الصدمه
ابويه ماكو خطفو مو
تنهدت رفعت راسي للسما عالاكثر
زين غير يخابرون كلتها مخنوكه بعبرتي غير يخابرون يطلبون فديه
انتضري وادعوله لميت الفاكهه نعمه الله طببتها للبيت امها متخربطه ولج امج
عزه ماماااا
ركضت عليها لا ايد ولا رجل فاروق ويايه مخبوص يقيس الضغط والسكر ويشممها عطر ماكو اخذناها للمستشفى راسن
والله بالي يم بابا اكثر من امي نيمناها مستشفى لامي وفاروق يروح ويجي كدامي اني كاعده صافنه وين ابويه هسه شديسوون بي
فاروق- دره هاج شربي مي
باوعتله واكف كدامي واني كاعده دموعي تجري يباوعلي بقلق اخذت الكلاص ارجف شربت المي. صارت هوسه مال دكاتره على غرفه امي فتحت عيني فاروق ركض يريد يفوت مخلوه اباوع من الشباك ايدي عالشباك صافنه كلبها وكف طوط جهاز القلب امي من صغرها مريضه بالقلب حتى مكدرت تخلف بس 2 فاروق بصفي
طوط الجهاز تبنجت عبالك دااحلم ركضو جهاز صدمات الكهرباء وبدو يشتغلون بي جسم امي يختض وي كل خضه افز وحده ثنين الثالثه رجع الجهاز يشتغل رجع كلبها يدك كعدت بالكع مكدرت اوكف قرفص كدامي فاروق ميعرف شيكول بس يباوعلي بقلق حسيت روحي لعبت بدوخه براسي لا اني حذب من راسي من صدك الحمامات قريبه باوعتلها روحي كلبت وكفت وركض للحمامات
وين وين دره تعاي استغفر الله شفتها طبت للحمام تركض بعدم اتزان الدنيا ليل والحمام النساءي فارغ طبيت وراها شفتها عالمغسله ذبت من راسها وكفت وراها ايدي على كتفها اخاف اعوفها لحضه وحده فتحت البوري مال مغسله غسلت وجهها بقيت اذب مي وهي تشهك وتبجي وكفتها وايدي على وجهها مسحت عينها باوعت بعيونها ذكري الله همست
بجيت لا اله الا الله
حضنتها لصدري بدون اي احساس ثاني ردت بس اخفف لزمت كتفي بقوه تبجي جريتها طلعنا كعدنا عالمصاطب دك تلفونها ب5الفجر باوعت عالجهاز باوعتلي هاي ابن عمتي احم
الو ها علي اي اني دكيت علي بابا خطفو وامي بالمستشفى كلشي مااعرف اني كلشي ماادري لا اني مو وحدي باوعت لفاروق اني ويايه اخو اياد الجبير
فاروق- خليت ايدي على ايدها عصرتها ردت احسسها بامان سدت التلفون غمضت عينها. خلت راسها على زندي
دختي
اي راسي افتر
زين ليش متنامين بغرفه امج عالسرير مال مرافق
باوعت بعينه وانت حتروح
لا ماروح تلمست خدها وجهها ماعوفج
عدك شغل
انعل ابو الشغل احنا مو اصدقاء
اي ونعم الصديق اخذني ووداني بالغرفه اباوع لامي تباوعلي بتعب ابتسمتلها كوه اكذب عليج اكذب عروحي ابويه ماكو تمددت وغطاني يباوعلي بحنان وطلع استحيت اكوله وين رايح استحيت اكول لتروح سكتت وعيني عليه
فاروق- اني صوجي لو مخليها تاكل جان تقوت خطيه جاعت وكتلها دنيا ليل لتاكلين خرب رحت للكافتريا عصير فرش وبسكت. جبت هذا اللكيته طبيت للغرفه جانت فاتحه الحجاب درت وجهي عدلته تقربت يمها قرفصت كدامها هاج شربي العصير
فاروق متوخر عني مااشتهي حتى المي
ميخالف دره بس باعيني امج محتاجه الج وابوج هم لازم تتقوين
نصيت راسي ابجي بس لو يخابرون
هسه يخابرون الوش اخذو لعد بس صبري
ماعدي صبر حموت خوف عليه
اسم الله عليج ياه عيني شربي العصير قوي اعصابج
اخذته منه جسمي يرجف
طيني اني الزمه شربتها لحد مكملته ونطيتها البسكت اكلت قطعه وارتجت عالحايط باوعتلي اشكرك
لتشكريني احنا مو اصدقاء
واكثر والله باوعت بعينه ابتسم بحنان فاروق وين تتوقع يكون
والله دره مااعرف توني اكعد بصفها عالسرير المرافق طب ولد شاب مخروع يتلفت باوعلي تقرب لدره ركض
دره- من شفت علي بجيت ونصيت راسي
علي- خالي وين دره شنو الصار
والله علي ماادري بس سمعت اطلاق ناري ببيتنا طلعت ركض لكيت المسواك مطشر ولاخالك ولا سيارته
شون هسه شونها مرت خالي
زينه استقرت حالتها هسه
اني رحت قدمت بلاغ والولد هسه يجون
فاروق- باوعلي مستغرب ودار وجهه على دره
دره- اخو اياد رجل ايناس
علي- ايناس حركت التلفون حرك عليه ب7 الصبح
شنو شمدريها
ماادري ملحكت ارد
لا خابرها يمعود
اي حخابرها
فاروق- وكفت من سمعت ايناس مخابره خاف بيها شي بلعت ريك يباوعلي علي معاجبه الوضع مهتميت المهم باقي وي دره
الو ها ايناس شكو شبيج اوكفي اوكفي فهميني شنووووو اي مو خالج استغفر الله خالج خطفو ايناس ديري بالج تسمع عمتي هيييي لج بابا لزمي روحج عمتي عالحافه والله تروح بيها
فاروق- جريت التلفون منه ايناس ايناس سمعيني اني فاروق
فاروق خالي راح
لالا الله ليكولها باعي راح اجي عليج انتي وامج اخذج يمنا
اني مااطلع منا وامي هم مراح تقبل احجي وابجي روحي تلوب
لعد اني راح اجي يمكم
دره وين
هيانها يمها ابن عمتها رفعت راسي 4شباب يشبهون علي اشرلهم طبو كلهم وجوههم قطره دم مبيها حسيت نفسي غريب تقربو من دره دره مبيها حيل حتى تحجي بعد تحجي وتبجي طلعو مرت خالهم ودره راحت وياهم باوعتلي اخر مره قبل لتصعد ابتسمت بالم. حسيت شي واخذو مني صعدت سيارتي ورحت لايناس جانت منهاره امها عرفت وتخربطت كوه سيطرنا عالسكر كالت ودوني بيت اخويه اخذتهم هي وايناس لبيت دره البيت جان مكتض الفهمته ايناس عرفت عن طريق صديقتها اليم بيت دره خابرتها كالتلها خالها اخذوه سياره عاليه رقم رمادي سوده مكتوب بيها تخبلت وخابرت دره مردت عليها اتصلت بابن عمتها -----الله يعينهم ذبيتهم ورجعت للبيت طبيت هلكان تلكتني امي حجيتلها كلشي كالت لازم نروحلهم
مو هسه يوم مخبوصين الله يساعدهم ضل بالي يم دره صعدت سبحت ونمت تذكرت من حضنتها رجعت كمت لزمت القميص شميت ريحته اوف ريحتها تذكرت من غسلت وجهها بوكتهازجنت بس هايف بس من اتذكر ملامحها ووجهها الضاع بين ايدي الجبيره اغمض عيني متاثر ---
اياد- حركت التلفون على ايناس مترد وينها معقوله زعلانه لل3الضهر من ثاني يوم مامو ايدي مااخذت عالشغل تهسترت. رغم هالشي طلعت احسن واحد بيهم اكتشفت مكان الزءئبق واهذت علامه كامله بينهم بس راسي حيطك التلفون بيدي وكلسا ادك ومترد اخر شي انقفل الجهاز مكدرت بعد خابرت ريناد
الو ريناد
هلو اياد شونك
هلو بيج اكولج ايناس يمنا لو ببيتهم
ها بيتهم ليش
شو مترد زين باعي منو يمج من الولد فاروق زياد
فاروق فوك نايم
شنو نايم ساعه 4شوكت اجه
هاه اجه ب3
ريناد امي وين حتضلين تكطعين انتي
هاك
الو ها يمه
يمه شكو من الاخير
مامو شي
يمه ايناس مدترد واني كلبي نار ممرتاح وفاروق بالبيت متكوليلي شكو
لا يمه مو استغفر الله هالها خطفو
شنوووووو خالها ابو دره
اي
عزززه هسه هي وين
ببيت خالها
لا يا الله امها خو مبيها شي
تخربطت بس الحمد لله احسن صارت
خرررب دروحي يمه روحي في امان الله سديته لميت غراضي تخبلت هاي شون حالتها هسه تلكاني مدير الموقع كتله السالفه كال روح انت بالحالتين متفوق عليهم وفعلا اخذت جمسي نفرات ورجعت لبغداد لبيتنا ذبيت الجنطه وعدل لبيت خالها. دكيت الباب طلعلي علي ابن عمتها. الله يعينهم على مصيبتهم طلعتلي تركض حضنتها غمضت عيني روحي وردتلي
لتخافين كلبي هسه يرجع بسلامه
حتخبل اياد خالي اذا راح اموت وراه باوعت بعينها ادعيله. حبيبي يايابه شكد خفت عليج حضنتها قوي طبيت بالبيت عيب منهم. سلمت عيونهم تعبانه دره منتهيه وخاله ام ايناس هم بستها من راسها. مااعرف شسوي ضلو ينتضرون وماكو تلفون بقينا يوم يومين والثالث وماكو اي خبر تهستروا اخوته وخواته دره كامت تتخربط وهنا حبيبتي مااعرف شصار بحالها بليل كلسا تفوت للتواليت وبس تعرك وبس تشرب مي اكلها قليل ونوم ماكو امها السكر يصعد وينزل كوه قنعتها اخذها لبيت اهلها هي وامها شوي يرتاحون.
فاروق- تحججت بوجود اياد ببيتهم اروح وياه واباوعلها من بعيد الانتصار صعب والخوف متعب للاعصاب ماضل عدهم اي اعصاب ياهو الطب عليهم يبجون
واخيرا زياد نزل وكبل لبيت خال ايناس اجه جننه كاعدين اني واياد وولد عمتها خلهم وخوالها. بالصاله كالو اجه ولد ضابط
اياد- هاي زياد اكيد اليوم ينزل وسمع بالخبر وفعلا طب السلام عليكم
اهلا اهلا حضره الضابط
الله يرده الكم بسلامه بشروني مخابرو
ابد
قدمت بلاغ
اي وديدورون مخلو مكان مدورو وماكو وماعده عداوات ابد
اياد- جريت نفس باوعتلهم
فاروق- احجي شنو تتوقع
زياد- باوعت لاياد نصيت صوتي مو هسه صايره فره على اهل الكيمياويات ياخذوهم الدواعش يفيدوهم بالتفجيرات
لا بربك خليت ايدي على وجهي تالي شنو شون
والله مااعرف صار اخباريتين جتي لمركز الشرطه هسه ديكلي رائد مضر كال يلكوهم بالرمادي مكتفين ومن يحققون وياهم لو يطلعون كيمياويين لو فيزياويبن مخطوفين ويشغلوهم وياهم بالتهديد طبعا يعني يعرفون لمواد التفجير والسوائل الكيميائيه
هسه شون بله نكوللهم
ننتضر خاف يخابرون يردون فديه
لشوكت لك صار 5ايام
اويلي يابه الله يعينهم باوع خطيه بس صافنين
فاروق- الله يساعد بنته سمعنا صياح وبجي وكفنا كلنا اني كلبي راح بس لا جابو خبره طلع اياد وياهم بقينا اني وزياد كلعدين شو منكون غربه نعتبر
اياد- هاي اجه ابنهم ونسيبهم من بره
فاروق- رخه جسمي وكلبي صار نار اتخيل خطيبها طب شفتها فاتت من يم باب الصاله تصعد فوك ارتاحيت كعدت مثل الماله حيل ولاقوه ولاجراه ولاسلطه كلشي مااكدر اسوي انت مجرد اخو نسيبهم حالك حال الغريب مكدرت بعد وكفت يله زياد خل نروح
زياد- اوكف لك توني طبيت
فاروق- شنو كعدتنا هنا وشنو الفايده طبو اخوها ونسيبهم مبينين من لبسهم مو منا سلمو ابنهم هذا اكيد يشبه دوره وجه دره سلمت عليه والوراه هذا خطيبها اختفي اطلع من حياتها روحح خرب روحك سلم وكعدنا بلاوعي كمت اخزره بنضرات اريد اكله بسنوني باوعلي مستغرب نصيت راسي وكفت مكدرت بعد ابقى دقيقه يله زياد يله يابه نترخص الله يبرد كلبكم ويردلكم سالم
وكف ابنهم وسلم علينا طلعنا للطرمه رفعت راسي باوعت لشباك غرفتها ضلمه بلكن نامت ترتاح ياربي
اياد- صاحت وحده من البنات عليه طلعت شكو
مرتك تخربطت تره وشفافها زركت
يمه كلبي ركضت عليها اغسل وماكو راسن اخذتها للمستشفى حيل مبقه بيه تدهورت كل احوالنا صفت جلد وعضم اخذوها تحليل دم وفحص عام السكر معللك 400تخبلت تخبلت شنو 400 الدكتور سالني كال عدهم وراثه امها ابوها جاوبته الاثنين بيهم سكر كال هاهي لعد هذا وراثي ويبدي اثر عبطه ينضرب البنكرياس لازم تلتزم بنضام غذائي ولازم تاخذ حبوب هديت روحي كوه واخذتها ورجعت اصريت عليها ترجع لبيت اهلها اقلها تنام بحضني وامها ويانا كوه قبلت خفت عليها كلش السكر دمار للجسم شون حتكدر تسيطر عليه والله اموت اذا صار بيها شي واخيرا جتي تمددت يمي عينها منشفت ولا غمضت بس تفكر بي تباوعلي بقلق واهدي بيها احضنها واحاجيها والله ماكو شي بس ميفيد الله يساعدها خايفه على امها اذا صار شي بخالها امها تروح بيها بقيت امسد على راسها لحد مااخيرا غفت اباوع ملامحها شكد تعبانه جوه عينها اسود ومبين العضم اللي بركبتها رغم كل هذا اشوفها احلى وحده تلمست وجهها برقه وركبتها بستها من مكان النبض خليتها بحضني وغفيت اول مره انام براحه من يوم النخطف خالها ---------
يتبع
