#على_قيد_الموت
33
مريم السعدي
اياد- مرت الايام وياسر تحسن بسرعه متوقعتها باسبوع الحمد لله طاب بس بقت العلاجات. وراها والفتره مال نقاهه اني مكدرت ابقى بتركيا بعد اشتاقيت لبيتي ومرتي كلش وبالي يمهم رجعت بليل. ومحد يدري بيه راجع سويتها مفاجاه. الها
ايناس- متمدده عالقنفه اليوم علي مبات يمنا بس اني وامي. حسيت طكطكه بالطرمه مديت راسي سلمان بالكابينه بالباب بايت. رجعت فتت للهول تمددت اكلب بالتلفون اليوم حبيبي بس شوي حاجاني شكد مشتاقتله وشكد دااغار عليه بس شسوي صديق عمره هذا حسيت الباب تنفتح بالمفتاح مديت راسي شفت اياد يضحك صدك هاي هو لو اني يتخيللي مشيت سريع اشرلي بخزره على كييفج فتحت الباب حضني ورفعني من الگع يابه هسه يله ارتاحيت
اياد- شتاقيتلج كومه عمري
شجابك
جيت مكدرت بعد وياسر صار احسن شعدي باقي بعد
مداصدك اني بحضنك بعدما خليك تسافر تره روحي طكت
اي حبيبي مااطلع بعد والله تعاي فوتي خاله وين
نايمه اباوع بوجهه ممصدكه ويباوعلي يضحك طبينا للغرفه يبوس بوجهي نزل على بطني رفع راسه اني متاكد بنيه والله
شون بله سونر رباني،
قبل لتكوليلي بيوم شفت ثوب تخبلت عليه وراها بشرتيني
هههه تعال اوكف هل احضنك
اووووف ربي الله لا يحرمني منج اكول منكم ههههه خرب صايره دبدوبه باع زنودج كرصتها
هه كومه دااكل
عفيه ببنيتي ----
فاروق- صارت المشيه بس بدون هلاهل احتراما لوالدها بعد السنه مطالعه اتفقت وي عمامها وخوالها وولد عمها انه الحنه والزفه بعد شهر اقترحو وترجوني تكون سكيتي لا مزايق لا هلاهل وواحد ثاني اقترح تتاجل بعد سنه ابوها بس عمها كال والدتها طالع اسمها بالحج مال هالسنه راح تضل شهر و15يوم فلو تتزوج حتى متبقى وحدها وتضطر تبقى بيت ام ايناس تتزوج قبلها احسن
فاروق- عمي اني ماحب الخطوبه تطول صراحه. لان تصير مشاكل واني مكمل كلشي حاضر اتمنى تحاجون الاهل وتردولي خبر طلعنا وي ابوي وزياد وخوالي وعمامي امي طلعت فرحانه بين عماتي وخالاتي اتخيل كعدتها بينهم شكد جان الفاتحه رسميه وهادئه بكد ماكانت فرحه بگلبي من طلعنا باوعت لامي ها يوم شو حتطيرين ضحكت وبس وصلنا للبيت كلبته للبيت كلب هلاهل وكولات وتدبج لج يمعوده كافي انفضحنا خالاتي وياها وعماتي اني صافن بس اضحك اخر شي لزم ابن خالي التلفون يصور انت اللخ دتسوي زياد يركص بالنص وي عمتي بقيت صافن خطيه انحرمت من هالاجواء رجعت برايي انه نتزوج قبل السنه لاخليها وره السنه حتى متضل بروحها الهلهوله والمزايق تلفون زياد يدك وهو ميدري بيه يركص بس الضوه يطفى ويشتغل لككك زياد تلفونك اغبر
ها ديدك خرب محسيت الوو الهوسه والهلاهل اريد افهم شي مااكدر طبيت جوه
الو
هلو زياد
هلو دلول شونج
الحمد لله انت شونك شنو هالهوسه انت وين
اني ببيتنا ههه لا عماتي وخالاتي هنا
هاه ليش ديهلهلون خطبت
هاه صفنت عليها كوه طلعت الحجايه سكتت رديت تقريبا قرينا الفاتحه غمضت تك عين احك براسي
مبروك اااحروح عدي شغل سديته متحملت بعد
خرب طبكته بوجهي رجعت خابرت مردت عفتها وطلعت اكمل ردح بس بالي يمها خطيه
طلعو الكل ورجعت خابرتها جنت طاير بفاروق يمكن اكثر من اياد لان جبيرنا وادري بي فرحان من لمعه عينه ولاول مره يضحك من كلبه ويصفك اهزله جتف اكوله هز يباوعلي بمستحه تركته براحته ---
الو دلال الوو
الو زياد
ها هاي شبيج شو صوتج مخنوك
زياد المعمل احترك
شنو هههه تشاقين اكيد
لا والله صاير ترابه
شنو لج شوكت هاي
بس طلعنا واجه النار بي مباقي اي شي
لج انتي وييين. هسسسه
اني بالمعمل وي خالو
خرب حضي جايج
لا لتجي الشرطه موجوده وشاكين. بفعل فاعل
لا يا الله دلال راح اجيج انتضريني بس البس
كيفك
لبست راسن. ورحتلها وصلت جانت كاعده عالرصيف المقابل معملها صافنه تباوع عليه اباوع مباقي غير بس الجينكو مال البوابات صاحيه خالها واكف بعيد يحجي وي الشرطه تقربت منها كعدت بصفها باوعتلي ودارت وجهه
شفت تنهدت راح تعبي كله
نصت راسها وايدها على راسها تبجي
جريت راسها اباوع على خالها بعيد خليت راسها على كتفي. كافي دلال انتي الخير والبركه
زياد ياخير احجي منصيه وابجي ياخير يابوكه كله راح كله صار رماد شغل سنتين راااح
فدوه الج دلال فدوه سكتي بستها من راسها بس باعيني دلال باوعت بعيني تدرين شباب مثل الورود ديروحون برمشه عين تدرين ناس تهجرو من بيوتهم قصور شوفيها بالموصل والرمادي والانبار والنبي قصور صارت تراب وعافوها اصحابها وعافو املاكهم وجوي هنا حفاي. باوعت عالمعمل ادري بي كل طفولتج ومراهقتج وتعب ابوج بس دلال شالت راسها تباوع بعيني. دلال انتي الج سمعتج والناس كلها تعرف شغلج
اي اهز راسي من يحجي كلامه صح
لتضعفين المعمل ينصبغ وترجعين من الصفر خشب نجيب خشب. واحسن خشب والتصاميم هنا نخزونه اشرت على راسها مخزونه بعقلج باوعيلي لتدمع هاي عيونج الحلوه انخلقت بس حتى تبدعين بنضرتج الحلوه للامور اللي بس تخلين عينج عليها وتضيفين عليها لمساتج تخليها شي ثاني مموجود قبل تنطيها حياه تدلليها باعي هاي الخشبه اشرت على قطعه ممحروكه سليمه بعيد عننا التفتت ابتعدت عن كتفي باوعتلها ورجعت باوعتلي
دلال هاي خشبه يمكن اذا احد لزمها راح يتاذه بسلايه او بخشونتها بس اذا لزمتيها بيدج وباوعتيلها حتتخيليها غير شي يمكن اني اشوفها خشبه عاديه. وماراح احتفظ بيها بس انتي نضرتج غير شي يمكن بعد يومين اشوفها معلكه بمكتبج كساعه منحوته او مرايه نفس الهديتيها الي همست انتي مبدعه والمبدع مينكسر يقوه سكتت طولت نضرتها بعيني ساكته ابتسمت
انت غيرتني هواي حببتني بالحياه طيتني امل مو من هسه من زمان عرفت الدنيا بعدها بخير من شفتك ضابط زياد انت ثروه للشعب
ههههههاي هرب ببليسج دتحسسيني رءئيس
انت واقرانك اللي ميقبلون بالفساد وباقين هنا مثال للعراقي النشمي الكله غيره على بلده
هاي شنو ياب كلبناها وطنيات باوعت بعينه
مبروك ا لخطوبه
ابتسمت نصيت راسي
يوم الالج
اشكرك باوعتله بحزن
تحبها تحاجيها بالتلفون
هاا لا بعد وكت
اني دائما تحاجيني الي ليش متحاجيها وهي حتشاركك حياتك
نصيت راسي جريت نفس رفعت راسي باوعتلها احب احاجيج دلال
بس منا وهيج صعبه
معليج ابتسمت انتي بيا حال هسه
هونتها عليه الحرگه كلها داشوف مالها داعي انقهر مدام الشغف والهوايه بداخلي
مممم عفيه عليج وكفت اروح اشوف المكافحه شتوصلو باوعتلها تباوع عالمعمل بالم هااا شكلنا
لا بس شراح يوخر السواد
هه وداعتج يرجع احلى من قبل
باذن الله بس لتتركني باوعتله
نضرتها بتوسل سكطتني
رديتلها النضره بابتسامه ثقه مراح اتركج اطمني عفتها ورحت حجيت ويزالمكافحه متوصلين الا انه تماس كهربائي فعلا من وايرات الكهرباء مبينه ارتاحيت خالها اخذها ورجع عينها عليه من دتروح اشرتلها نتخابر هزت راسها اي رجعت للبيت اول موصلت اتصلت بيها ردت بالو تعبانه
ها رجعنا
منين راح ابدي شون حبلش دادور العقود الصكوك كلها راحت
عادي نبدي من جديد اول شي نبلش بي نرممم وبعدها نجهز بالمناسبه اخذت اجازه سبوع كل الج حكضي وياج
لا زياد شغلك
مطاير الشغل. اريد اوكف وياج ولو مره
ممقصر انت
ميخالف عوفيني براحتي
وووخطيبتك
هسه شجابها بالنص
مااعرف خاف متقبل
دلول لخاطر الله لتجيبين سيرتها اني اعرف اتصرف
مو عبالك استعجلت بالموضوع
تنهدت عادي اكدر افركش كلشي بس شسوي اريد اتزوج
سكتت حسيته فارغ ومو منطقي بس محجيت
ها وين وصلتي
هياتني
يله نبدي باجر اول شي ترميم. اتفقت وي خالج. وابنه والرجال رحب خطيه وبعدها نصبغ نجيب غراض المكتب والمكاين بس يحتاجلها كهربائي لان الوايرات مايعه
اوك
عفيه جريت نفس انتي هواي قويه
اني هشه من داخلي شبه ايست بس كلامك رد بيه الروح انت صدك تشوفني مبدعه
انتي كارثه تره يكفي انج ربيتي بدون ام وشوفي النموذج اللي طلع شنو
شكرا ------
ريناد- رجع اياد واللي فهمته ياسر تعده مرحله الخطر ويريد يتقدم مره ثانيه واياد موافق عليه وكل اخوتي هم
بقيت انتضره دعائي بصلاتي اله مفارك شفافي بعدني خايفه عليه مرت كم يوم وصاحوني الولد كعدو يحجون ويايه
اياد- ريناد انتي تدرين بياسر رايدج
اي
المهم سالفه سبوع ويكمل شهر فتره علاجه ويتقدم
اي نصيت راسي زياد يبتسم
باعي هو مستقر باسطنبول اني شفت العيشه هناك هو مو ابن عمنا وياهذج مثل سهاد اتطمن عليج اني عيشه اسطنبول اخاف منها شي ثاني هو 10ساعات باليوم بالشغل فتبقين وحدج فشون مااعرف
بقيت منصيه راسي
تشوفين نفسج تكدرين بهلعيشه
باوعتله اني هم اكمل دراستي
ها يعني تنقلين
فاروق- اصلا تكملين يله تتزوجين
ريناد- كيفكم
اياد- فاروق بعدلها سنتين تره
فاروق- جريت نفس لعد ينقل اوراقها هناك
اياد- هاهي ماشي ينقل اوراقها ودوامها وتكملين هناك باعي عيني من هسه اكولج سالفه التلفون والفديو متفيدني ممنوع
اي همست
حتى من تنخطبين مكالمه هلو شونج دقايق وخلص ماعدي هيج شي اني
اوك
اسمعي مني خويه اني لمصلحتج باجر عكبه ميفكر انج خفيفه
اي
تضلين عزيزه بعينه
اوك هزيت راسي
اي شي تردين تكولي احجي
لا هاهي
اوك بعد كم يوم تجي امه وتتفق عالمهر والكعده وبعدها نشوف وين تصير
ماشي
يله روحي سوينا جاي كملت حجي عرگت هالموضوع موترني كلش انتجيت فاروق يباوعلي بتك عين
شبيك
فاروق- انترشبيك حتموت
ماادري هالموضوع متعبني خايف عليها
يابه دكول ياالله
يا الله يا الله زياد هاي شنو ايدك كلها صخام وين جنت
فاروق- عيني اخوك ديشتغل عماله
اياد- لك من ورايه خرب والله حنيت لايام العماله
زياد- ههههه لا مو دلال معملها احترك فساعدتهم بالترميم
هممممم ليش لا يابه ليش لاا
-----
دره- اتفقنا سبوعين ويتم الزواج جنت مخبوصه بالتحضير والمشتره اروح واجي للسوك وي امه ونوبات وي امي ونوبات وي ايناس جنت متلهفه ومستغربه منه جفاءه لحد هسه منتصل وهالشي اذاني اريد احس بقربه. وشنو المسكتني مااعرف جنت مقهوره عرسي حيكون بدون والدي وحيكون صنطه هالشي كلش قهرني بس من اتذكر التفاهم الجنت عايشي سوه اني وفاروق حيرجع مااصدك نفسي وتبقى ببالي هاي كلها مضاهر وره كم يوم اتصل اياد وكال العرس تاجل شهرين لحد ما تطلع سنه ابوج حتى واحد ياخذ راحته مااعرف افرح لو احزن لاهو الديخابر وارتاح بقربه ولا اني الاكدر اتنازل واتصل بي عبالك صارت كلش صعبه عليه
اياد---
مرت الايام مروان اللي بنفس مكتبي عرفت طالع لجوءه ومسافر بره القطر مااعرف يابلد بالضبط بقه ببالي البنيه ام الرسايل جانت تتردد دائما تشوف مكانه وتطلع شنو بيها مااعرف عرفت اسمها نور بنت ام مهدي والدها حارس بالموسسه باليل ووالدتها تشتغل عامله وهي تساعد امها من يطلعون الموضفين تنضف الدائره لهذا نادرا مااشوفها وبيوم من الايام
نور- السلام عليكم
اهلا تفضلي نورمو اسمج
اي استاذ
اباوع عليها لازمه طرف الربطه وتحركها بتوتر بين اصابعها لابسه دشداشه بيها عرض المكتب فارغ بس اني بي اعالج اموري المتاخره بسبب الاجازه. -- تفضلي محتاجه شي
استاذ بس ردت اعرف استاذ مروان وين راح
والله مااعرف اباوعلها حايره تباوع لمكتبه وترجع تباوعلي بتوسل
زين متكدر تحصلي رقمه
لا والله ماعدي ومحد من المكتب يعرف رقمه عضت شفتهامدمعه عينها قلقه باوعتلها --- محتاجه شي اني بالخدمه
لا استاذ اريد احا جي
بجت بعد هالكلمتين وطلعت ضليت صافن شبيها هاي ومروان اكيد مسوي مكسوره لو هي متعلقه بي وحابته كملت شغلي اني البيه كافيني وطلعت للبيت بالطريق اتصل بيه زياد يصيح وصوته يگطع
لك شبيك
خا- نوو-- مو- د
يمعود مداافهم انتتتت وييين
بالرما--ي
شنوو شنوو لك جاوب انكطع الانصال اخابر مغلق خرب روحك وكفت السياره واريد اكذب اذني لا مكال بالرمادي مستحيل اريد ارتب الحجي الديكطع مدترهم راسي انسطر يا اللللله زياد لو بس يخااابر وصلت للبيت روحي مفرفحه اخويه وين اخر شي مكدرت بعد اتصلت بقفاروق ايناس تمشي ورايه تلوب وي لوبتي حبيبي بس اكعد هسه يخابر والله غير يهدالي بال راح تطلع روحي
الو ها فاروق
فاروق- اياد خابرك زياد
اياد- خابر ديكطع شغل جد جدي وينه
اني هم خابر كلشي مفتهمت اني حطلع اروح للمركز مدااكدر حتخبل هذا اخوك بايع روحه
اني بعدني بهدوم الشغل جاي للمركز روح كدامي
سديته منه ركض اخذت السويج وبالي كله يمه
يتبع
