#على_قيد_الموت
12
مريم السعدي
اياد- حسيت الصبح شفت صفحه وجهها الذهبي ابتسمت احلى صباح --- بسبس بسس بسس بدت تفتح عينها وتتمعصر غديتلج فدوه على كوله ببيتي ههههه
صباح الخير
صباح العسل حبيبي
نمت مرتاحه
اوووف احلى نومه نمت اكولج هاي لو انتي بحضني شون انام
عيب استحي
احبج اوف ربييييي احبببج
فاروق- فكيت الباب صوت عالي ديهتف ---- واني لعد متحبنيي ابو الحبببب عطت بي مستحيت من امك وابوك
العفو والله محسيت
وويامن تحجي منو سعيده الحظ
كمت والجهاز وكع من ايدي وعفته بالكع بقيت ساكت
امشي فضتي دنروووح نزين من طاح حضك اي والله محسبت حساب ريناد تسمع هالحجي تتاثر
اسف صح كلامك اي والله صح يحجي ومنصي راسي واكول صح اي والله صح طلع وركع الباب ركض عالتلفون شلته خليت السماعه باوعتلها مخليه ايدها على حلكها خربانه ضحك
اضحكي اضحكي بت عزيز شكو عليج لا اخ يشكمج ولا اخت
خالي مكفي وموفي هههه بس خطيه انت تكوم تمسلت
اذا فقدت خرب حضي
اي صح
ههههه اي صح اي صح خرب هههههه فشله منج
بالعكس كلش حلو احترامك اله تدري بوكتها من حجه ياسر وي اخوه
يبووووو
دخل اكمل
كملي
اي حجه وي اخو بنتره بقيت صافنه ابد ماكو احترام صدمني ولا حبيت هالشي
مممم تنهدت اذا هو لا بو يكوله لتخربط بالحجي
عزززه
عزه بعينج وانتي شغليج منه
صدك عليه بيك
اي فدوه لكلبج احبج
ادري بس لتصيح رحمه لا الله ههههه
لالا توبه يله روحي حروح للحلاق شنو هاي الجنط الوراج
ها لا مال ماما
مممم يله بلاي بوسه
ماه
ها بوسه ولج
ماه ماه
تره اصيح
لالا هاك بست الشاشه غمض عينه
اويلي يمه هي هيج وتخبل بالحقيقه شون
استحي عاد تره اصيحلك فاروق
والله يابه بقت بس هي تهددني بي اصلا ماخاف منه
فاروق- يلللله ايااااد
اي اي جيت باي باي
هههههههاي لا متخاف منه باي الله وياك
هلو حبيبي سديته وركض بدلت وطلعت جان خازرني متعجبه هالسوالف شلع وعباله بعدني العب ميدري هاي كل مستقبلي باني عليها مسالني ولا حجيت مابيننا اي خط وصل وتفاهم مجرد يامر وانفذ اخذني للحلاق باوع للحلاق وباوعلي كلي غمض عينك ووياريت لو تنام غمضت عيني مستغرب فاروق طول عمره كشاخ واول شي بالموده ينزل هو يجربه تاجر عطور بعد صدك اغفى وافتح عيني وره شويه الكه روحي مكلوبه الجهره خرب عمي ولك شمسوي لحيتي كوه اطولها شايلها كلها ووجهي يلمع مبقي سكسوكه وصابغ طرف منها شعري مزينه حفر وكالبه يمكن حتى شسور مشسوره التفتت للعينتيت مصدوم
فاروق- ها شونه
چنني كيموني كلتها بدون تفكير
دكوم لك لعد مكيف بعبد الحليم حافظ
اباوع على روحي هاي شون حولي للجامعه ولك والله عيب اباوع عالشيبه النوب هاي شنو جلب ابو شيبه
لك بابا غير عالموده
ادري الموده مصاليخ اتصلخ
اسكت عاد مو صوجك كوم دنولي امك ميت مره خابرت وتلفونك مسكت
ها اي صح
اي اي ضل هيج العب بعروض العالم نصيت مرديت خلي بعدين يفهم وصلنا البيت امي كيفت من شافتنا مزينين تغدينا وراسن طبيت ردت احاجيها ممكنكه شنو السالفه بدلت وتعطرت
ولبست ساعه فاروق خابرت زياد كال مااكدر انقهرت حيل بعدين كال يمكن امر ويجوز لا طلعت لكيت ابويه طالع عريس وامي لابسه كوستم يخبل عليها بكل عيدمعلم تلبسه ههه نزلت ريناد بقيت صافن هاي اختي هيج كبرانه الثوب عريض بس يخبل عليها الشال ولفته وطولها كلش حلوه خفت كلش عليها من عيون جماعتي ونزل فاروق يقبط بالدكم مال قاط ويشله ردنه يلبس الساعه تره حلوين والله طلعنا وصعدنا بسياره فاروق وصلنا القاعه الهالم جانو جايين بقوني بره علمود الدخله مال القاعه اموت من هالسوالف سمعت صوت الارعن ورايه ولك ايااااد
ها ووجع وين صرت
داجيب امي ولك شنو هالكشخه تكول ماعدي فلوس
اسكت لتذكرني صرفت صرف مال عشر سنين اهلك جوي
اي جوي كلهم بس زيودي مااجه
لا حرامات حضره الضابط
شسوي ياه تعال هنا يكولون دخله معرف شنو وكفنا الشباب البنات ورانا وبدت الموسيقى بسلام جمهوري لخاطر الله حنلعب طوبه وناخذ الكاس مشينا سره اباوع لامي تضحك وريناد وفاروق والوالد والله عيب مشيت والولد يركصون بطبيعتي اخجل ارگص بقيت واكف مثل الطرن اخر شي رجعت لابي اكعد عالميز يعرفون هاي اختي ولا بيه اضل دايح كعدت اخر شي يمهم سمعت صوت ورايه بنيه صاحت يودي يودي عزه بعيني اهلي ضلو يصنفون وفاروق نضرته هي هي معاجبه ويفر بايده اندار الكه تهاني يبوووو اول مغامرات الشباب وياها اول سنه وجلبت بيه وطبه وطلعه اكبر مني سنتين بس حبتني اني جنت معتبرها جسر للطيبين ههه علمود غير بنيه صادقتها يعني تعتبر من السوابق الغير مشروعه النوب قفلت على فاروق هذا من. وهذا من. يمعوده اخويه بيج خير تقربي شبر منه بجلاق يوديج لمخزن الشورجه ويحطج بقوطيه عطر ولو هي حقها تباوعله همه جماعتي الشباب خيلو عليه وكاعد رجل على رجل والكشخه الزينه ---- شباب الجامعه شبعو ركص طبيعتي اخجل حيل اساتذتنا والدكاتره قررو تسليم الشهادات النا بالقاعه وفعلا سوو ستيج وتسطرو الدكاتره واحنا كعدنا كدامهم اسم اسم يصيحوه المفروض بين ما العميد ينطي كلمته لبسنا القبعات والمانتوات لان مكدرنا هالسنه نطك الصوره بسبب فقدان شاب. جدا مودب وخدوم من نفس قسمنا حتى واهسنا بطل بقينا بفتره حداد فكلنا وره تسليم الشهادات نطلع بالحديقه ونطك الصوره وعود نخلي الخلفيه مال جامعتنا كعدنا ياسر انلزك بيه كعد بصفي
ياسر- عود وديني لاهلك اسلم عيب
ميهم اني هم مسلمت على امك التفتت باوعتلها ولك هاي كاعده وحدها خطيه
اي وحدها شسويلها جلبت الا تجي
ولك هي هاي فرحتها وتحرمها منها شكد عاق انت دكوم خل اوديها يم امي
ها كمت اباوع على ميزهم والمح نفس البنيه ابتسمت حشوف وجههه زين اخيرا مااعرف من يوم الشفتها والفضول كاتلني يعني هيج التفاته صغيره ملتفتت وكالت منو ببابنه واخويه ليش ديتعارك كانما مشافتنه رحت لامي كتلها اجه اياد سلم عليها وباسها من راسها اخذناها وديناها لميزهم سلمت على ابو وبست راس امه وعيوني عليها جانت منصيه من تقربت غير اشوف الجهره بس لا جنها يودي مديت ايدي صافحت فاروق هذا حي عالصلاه من هيبته والانفه مالته كعدت امي يمهم وهي كامت حتى تكعد امي بمكانها ماشاء الله شون طول همزين امي كعدت يمهم كيفت حته كلسا اجي بحجه امي شنو امي واريد احاجيها ههه رجعنا لمكاننا سلمو الشهادات
فاروق- يمكن من اجمل ايام حياتي وافخرهن هذا اياد الجان يلعب ببايسكلي القديم واني علمته عليه تخرج وصار شاب والله داشوفه احلاهم بالستيج بس لو ما سوالفه بقيت واكف اباوعله اني ووالدي وامي ريناد مقبلت توكف صفكنالهم غرغرت عيني اباوع امي تبجي ووالدي هم دمعت عينهم والدي نصه كلش تاثر. اجه اياد باسهم اني هنا طلعت هيج مواقف اضعف بيها ومااحب احد يشوف ضعفي طلعت من القاعه وكفت بالباب تمشيت شوي ادخن بالحدايق لمحت بنات ثنين يتناكرن وحده تكول للثانيه عيب شعدنا جايين لعد تقشمرين عليه مو عيب عليج اني مافوت والله والثانيه تتوسل تكولها بس يشوفني شاركته. فرحته وارجع والله بقيت صافن عليهم مبتسم مبين وحده دتشوف حبيبها واللخ مدتخليها عجبتني الدترزل مفرفحه ووجهه احمر دم. يمكن اذا تلزم اللخ تشرب من دمها واللخ تتوسل اخر شي دخلو صار عدي فضول اشوف حبيبها هههه والله بطران اني رجعت كعدت بميزنا امي واموياسر ضلو يسولفون ووالدي لزم استاذ وراح يمه بميزه وضلو يسولفون ىمبين الاستاذ مهتم كلش اني وريناد بقينا نباوع علحفله بنات وولد يركصون واني عيني عاللي ديتعاركون داشوف شحتسوي هاي التريد تشوف حبيبها لمحت اياد رفع ايده يضحك ياشر تعال درت وجهي عالباب اشوف صفحه واحد بلبس عسكري معقوله زياد اجه شفت اياد ركض للباب اي اكيد هو لعد
اياد- دك تلفوني زياد رديت كال وين ياقاعه كلت ناصب جذب مجاي دليته والله واشوفه بالباب اشرتله تعال ميفوت خجل ركضت عليه بوسته جنت مشتاقله يمكن اسبوع مشايفه بوسني وباركلي تعال وين رايحاعرفك على جماعتي
لالك اخجل بهاللبس روح كمل بس ردت اباركلك. والله بالبيت نسولف كومه سوالف عدي
لا مامو الا تفوت امشييي وديته لميزنا اول سلم على اهلي جان مشتاق لامي ووديته وراها لجماعتي اعرفهم بي ياهو الشافه ضربله تحيه وهو خربان ضحك وكلسا جار الخصله اللي بالسكسوكه المصبوغه ويكلي شنو نعجه روح اسال اخوك الفيكه لا عمي اصلا تخبل ههههه
اياد- واكف بنص الولد وحسيت واحد طخني من كتفي التفتت اريد اوكف مااكدر بعد ايناس شجابج لج والله حسيت من مرديتي ولج صدك جذب
والله من المطار لهنا عدل كتلهم اروح لصديقتي للمستشفى
عمي كوليلهم ماتت واني بالعزه اليوم ماعوفج تعاي نسيت الدنيا كولها من شفتها
تره مو وحدي دره ويايه بت هالي وهي ضابط
ها وينها عزه اكيد هاي الفنفيخه
ولك مو سمينه بس هي وجهه سمين
اي حتطك علينا وشدعوه هلكد عصبيه
مو اني قشمرتها احجي واباوع بعينه يباوعلي طاير ممصدك جان حجيه كوه يطلع يتنفس سريع
شون شون احضنج كدام العالم هسسسه
ههه لا حباب والنبي تقتلني داحاجيها بلهفه نسيت اهلي ونسيت اياد الواكف ويايه. چان حتى ضيعته بس اريد انهزم بيها لمكان احجي الها عن شوقي هناك وصارت بوجهي وحده من الدفاتر السود اللي لازكه لزكه اخت الجذب -- احم ها حنين شونج
شوني زينه ليش مترد
اااعرفج خطيبتي
خطبت !!!؟؟؟
فتحت عينها راح تاكلني اني وايناس
ايناس- بقيت صافنه منو هاي اباوع عليها صايره نار كبره وتكوله ليش مترد يكولها خطيبتي عزه بعيني انداريت لبت خالي شفتها كاعده بالزاويه بعيد بميز وحدها تخزر بيه وتباوع لساعتها وهذا مجلب بمعصمي احس اليوم مااخلص من ايده
زياد- لك ايااد وين وكفت يمه ابتسمت نصيت عرفتها هاي اليهواها كلبه شونج خويه
اياد- ارنوبه هاي زياد
اهلا وسهلا حضرت الضابط
ههههه واخيرا التقيت بمرتك المستقبليه
خجلت نصيت
اياد- الله يسمع منك زيودي اووف واخذها من اهلها
ايناس- اياااد همست بعصبيه
زياد- روح يودي عرفها على اني فرصه
اياد- تعاي خوش فكره باوعت بعينها الفرحه تارستني ترس وصلنا للميز عيون فاروق من بعيد تلمع ومعاجبه يوم
هايمه
هاي ايناس سكتت معرفت شوصفها شتصير من كلبي كلشي انتي اباوع بعينها واحجي بداخلي مبتسم جانت كلش خجلانه والخجل لايك لعيونها مكدرت غير اكول --- اللي تمرضت علمودها
يااا اهلا وسهلا لك ماما هاي تستاهل المرض
ششونج خاله احجي واباوع لاياد حرجني كلش
اياد- هذا فاروق جبيرنا حجيتلج عننه فاروق ايناس زميلتي
فاروق- اهلا كلتها من وره خشمي لمحت الوراها هاي الجانت تتعارك وياها هاي جايه على اياد خرب وكفت من وصلت يمها اشوف شحتسوي جرتها من ردنها واياد مجلب بمعصمها كالتلها اني حروح جتني الضحكه تخرب ضحك بعصبيتها تصير جنها طماطه مجعوصه
اياد- بس دقيقه وتروح الله يخليج بس احاجيها
دره - اني طالعه والله مشيت كم خطوه صاحت ايناس دره الله يخليج لتروحين هاي شبيج
اياد- تعاي انوس بس تعاي جريتها وعيني على دره باوعتها بتوسل انتفضت بعصبيه عفتها وفلتت طلعت من القاعه
وين وين اياد وين موديني
بس بس تعاي اول مطبيت لكيت مكان يخبل تمنيتج موجوده وتوكفين بي ويايه
مو دره والله هسه تسبيني
باعي هي حتعصب حتعصب عوفيها احجي وامشي سريع واجرها من معصمها
ايناس- بديت اشك اليوم ميعوفني بسبب لهفته وفرحته بوصولي وكفني بمكان گلب احمر بالكاه من الورد مسوي وهو بعده بالمانتو والقبعه
اياد- بس خل اجر نفس
ايناس- ابتسمت تقدم اخذ من ايدي الجنطه طاها لدره شفت فاروق يتقدم ناحيتنا مهتميت مبقه شي واعلن هالشي وكفت كدامها نزعت المانتو والقبعه --- ايناس اني غلطت بحقج وانتي اكثر شي حبيته بهالدنيا بيج شي غريب ملكيته بكل الدنيا واكثر شي تعبت عليه بحياتي شهادتي وحصلتها وماعدي شي اقدمه الج غيره طيتها الشهاده باوعت بعينها ماعدي غير شي اثبتلج بي حبي شفتها دمعت دخت برمشها وحركت بؤبؤ عينها على ملامح وجهي لزمت ايدها حسيت روحي وحدي بالعالم قطع خيالنا صوت ياسر
لك اياااد يله انداريت بغضب رجعت باوعتلها خفت لا دتباوع عليه وترجع خيالاتها شغتها بعدها ذايبه بعيوني ارتاحيت وهدات دخل ياسر وفاروق ودره واكفين بعد مترتين عننا بس مديسمعون الدنكوله ادري ميعجبه هالشي لفاروق بس اريد ابقي هالشي بذاكرتها من نرتبط
ايناس- الله لايحرمني منك اذا اني انتضرت وتاذيت علمود هالاحاسيس لعد فدوه الك كلبي الجرحته بحياتي محاسه بهل العاطفه
غمضت عيني ذبلت كللي تعبت بعد لازم اخذج اريد ج دائما يمي انوسي حاجي امج هالايام تجيب اهلي واجي
ابتسمت ونصيت صوت. دره المزعج
يلله عاد مخلص الفلم الهندي
فاروق- والله عمي صح باوعتلها ابتسم التفتت تباوع من وره خشمها وتفر بايدها باوعت لاياد مبتسم ها اياد شدتسوي
اياد- فاروق هاي الاختاريت اعيش وياها كل حياتي
فاروق- شكو منها نسال ونشوف اصلهم وفصلهم باوعت للدبدوبه باوعتلي وتفر بايدها صاحت مكملتي منولي عاد
كتلها انتي شبيج حتطكين علينا بس تهددين روحي احنا نوصلها
والله ماعوف بت خالي
مناكلها لتخافين تك ايدي بالبنطرون وتك الثاني الشر وارزل بيها المشكله مخزون الضحكه عدي بطرف شفتي شكلها يضحك من تصير عصبيه ههه
يله ايناس اني رايحه وعفتها ومشيت
ايناس- باي حبيبي همست مبروك
اياد- تنهدت ممصدك احس تعبان من كد ما فرحت بجيتها كعدت عالمصطبه اجه فاروق ورث جماره وكعد بصفي
الامور متمشي هيج غلط اكو عدهم باب نروح نسال عليهم يله نتقدم فلنفرض سالنا وطلعو مو خوش اوادم تكسر كلمتك النطيتها الها
اخذها وانهزم
اي مو مراهقين احنا
فاروق اريدها تعرف شنو اريدها مااخذ غيرها
نسال ونشوف وكون على ثقه اذا بيهم عيب اني اول واحد امنعك لو اعرف اسجنك بغرفتك
باوعت بعينه يحجي بثقه بس اني واثق منها كلت بداخلي هناك وعلكت طلق ومصايح ركضنا للقاعه عركه بقاعتنا وصوت اطلاق ناري فاروق زياد وين زياد وين
صايره عركه بين الشباب الواصلين ابهاتهم بالدوله علمود بنات وعالكه الشرطه التمت وسدت الباب مال القاعه وفتحو الثانيه التطلع عالبوابه الرئيسيه دخلونا تدفع وسدوها الباب اني هالامور ابد مااتدخل بيها ياسر بالنص عفته وطبيت لاهلي طلعونا من الياب الثانيه زياد جان طالع للبيت لان تعبان اتصلت وكال وصلت للبيت ارتاحيت عبالي بنص المعمعان صدك واشوف ريناد ماكو ااشر لامي بنص الهوسه ريناددوين تكول مامو فاتت للحمام الحمام صاير خارجي يم الباب السدوها لازم افتر من يم العركه واجيبها تخبلت ازدحام كتل اذا اركض باجر اوصل اني وفاروق عيننا صارت بكصتنا تخبلت وين راح الكاها بنص العركه والطلق مو كلتلها للغبره متجي والله جنت حاسس ------
يتبع
