#على_قيد_الموت
37
فاروق- كملت وابتعدت عنها اباوع بعينها التعبانه --- خو مبيج شي
دره- جج الحمد لله همست تغطيت بقه يباوع بعيني ويغمض لحد ما غفه ووجهه عليه قربت راسي من ركبته بستها مااعرف ليش هالاحساس الحلو دااحسه. اريد اتحسس نبضه تقربت منه حاوط جسمي بيده جمدت فتح عينه عاكد حاجبه باوعلي مستغرب بعدها ابتسم رج خله ايده عليه حضنني
شبيك
نسيت اكول منو هاي حاضنتني
ههه
نامي اريد انام
اي سكتت شوي شوي لحد ماغفيت حسيت الصبح تسحبت من الفراش ورحت للحمام بدلت وتعطرت ومكيجت خفيف تقربت اكعده اباوع عليه حتى بنومته يخوف هيبه تقربت يم ميزه اطفي التيبل لامب لزم ايدي باوعتله فتح عينه كوه باوعلي ابتسم
صباح الخير
صباح النور جريت نفس شوكت كعد
قبل شوي يله تكوم حيجون اهلي
اي زين دروحي اطلعي داكوم اسبح
هاا اي اوك يله حروح اخذت صينيه العشا ونزلت شوي ونزل دشداشه بيضه والعطر يفحفح والساعه اهم شي عده اناقته كعد باوعلي وباوع عالباب
هاي شون بله مخازي
هه لاعادي بس شكولهم
وكفت باوعتله حاولت ارجها ماكو الاطار متفلش نفضت هدومي مامنها جاره باوعتلها ابتسم هاي كل منباوع عليها بعد نتذكر
هه اي نصيت راسي بخجل شوي وطبو. اهلها واياد وامي وياهم وايناس
الهلاهل اشتغلت بوستني امها وامي وابوسها تسالم كعدنا خطيه جايبين الكيمر وهالسوالف
اياد- ها فاروق مبروك يابه
تسلم نصيت راسي يوم وين ريناد لعد
يمه عفتها بالبيت يم ابوك
ليش مجبتيها اليوم بليل طالعين شوكت اشوفها
هسه عود بليل اجي وي ابوك نودعكم واجيبها ويايه
ماشي باوعت لدره تحاجي ايناس عالسفره ايناس جانت طايره بيها اول مره تسافر وي اياد
ابو دره- هاي شنوو الباب شكسرها
بس كال هيج خشيت بنص هدومي اياد بصفي اندار عليه مستغرب نصيت واهز برجلي بتوتر
اياد- باوعتله هاي سوالفه من يعصب ابتسمت درت وجهي شكلها دره عصلجت وياه البارحه هههه
ابودره- شون تكسر
والله بابا مااعرف وحده وكع
شون وكع وحده هااا صدك تحجين باوعت لفاروق منصي ويهز رجله بتوتر يلعب بشاربه عرفت السالفه درت وجهي على دره
بابا هذا نفس هاهي بالغرض لا بالعزيز فدوه الج
اااي بابا هففف كضت سلامات باوعتله رفع راسه ورجع نصه تريكنا وخلصنا جرتني امي تسالني
فاروق-شفت امها تتبشبش وياها وايناس جتي ركض كعدت بصفهم. هي دتحجي باوعتلها خزرتها باوعتلي سكتت كمت مشيت من يمها اشرتلها بحاجبي لحكيني صعدت فوك طبيت للغرفه شوي وصعدت
ها فاروق
شدتحجين لامج وايناس
لا هيج
باعي دره تره اني كلش نحس اضوج اللي بيني وبينج احد يعرفه
بس هاي امي
امج ولا امي ماعدي هالسالفه
لا فاروق ماما دتسال
دتسمعيييين شداكول هديت روحي مو بيتنا هذا وكلها جوه دره لتعاندييين احسلج حجايه وحده متطلع تره متدرين شيصير بيج
اي تقربت منه شفته عصصب تذكرت حنان البارحه تقربت اكثر لزمت ياخه دشداشته همست ماما بس دتسالني كملنا لو لا احجي واتموع اباوعله بدلع بلع ريكه
احم اي بس كوليلها خلصت وبس ذبت بدلعها بس ايناس كلشي لتحجين كدامها تره بحلك اياد واني مااتحمل البينا احد يعرفه
اوك صار ابتسمت ننزل
امشي بس اوكف تعاي شويه احم جريت ايدها حضنتها قوي بليل نطلع للمطار
اي انشاء الله
حضرتي نفسج
محضره كلشي
ماشي بستها من خدها باوعت بعينها متنهد نزلي ادخن وانزل
هزيت راسي اوك نزلت جوه
عافت التلفون مالتها نزلت رحت عليه فتحت المحادثات الفايبر اول وحده ارنوبه فكيتها بقيت امشي قبل العرس تتعارك وياها تكولها لاخابر لاسال خربت ضحك طفيته ونزلت خطيه حضرو الغده اياد ضل يسولف وي خالها باوعت لامي
لعد زياد راح
اي يمه التحق تدري صار كم يوم اجازه ومدري شبي مو على بعضه وانت منا حتسافر
يله من ينزل اني موجود تره ماطول من السبت للسبت
صدك يمه البارحه خابرت ام ياسر كالت من ترجعون الاحد نكطع المهر الولد ديسافر يكمل شغله حتى بيناتهم شي
خوش جريت نفس باوعتلي تبتسم
شونك يمه مرتاح تلميت خده
اي يمه كلش مرتاح نصيت راسي
الله يوفقك دره صدك دره وانت ماكو منك بس علكيفك وياها عصبيتك خليها حنان
اي يوم نصيت. راسي باوعتلها ام دره صاحت
يمه اياد فاروق راس الباجه كسروليا داركب
اياد- اي باجي وخر انت عريس مابيك حيل
دكوم لك دفرته اباوع على ابوها خاف شافني لليل جابو ريناد وابويه توادعنه وطلعت للمطار
اياد- اخذت اجازه من الداء ه وتلاكيت وي نور بره بالحديقه تقربت راسن تتلفت استاذ عفيه ماكو اخبار عنه
جريت نفس لا نور ماكو
استاذ اسال وليد هو كلش صديقه
سالته كال مختفي
شون ماكو امل
هسه اشوف محمد ماخذ اجازه صار شهر بس يرجع اتحقق منه لان ماخذ بت عمته
يارب انت ماخذ اجازه هم هاي الورقه اعرفها
اي مال اجازه اسبوع وراجع
استاذ تره بس انت والله تدرون بالصار ومتاكده مراح تعوفني
الله كريم واساعدج بكد مااكدر
اشكرك استاذ الله يستر على عرضك
دمعت عينها خرب ضميرك مروان باجر طالع لاسطنبول ياسر يطلع ويانا اتطمن انه مراح يمر لريناد بالجامعه
ايناس- مينا صديقتي بقه بيننا تواصل ضعيف عالفايبر نوبات تدخل تحاجيني وتسلم وتطلع تزوجت واحد من الجامعه وهالسنه تخرجها. سالتني على ياسر كتلها خطب ريناد اخت رجلي استغربت وخلتني بحيره كالت يشرب كتلها بطل والموضوع انسد وبعده اياد يصفن هواي وبس يسال عن صديقه اللي اسمه مروان بليل من جان ينام اخذ جهازه ادخل بالفيس عالمسنجر كله يسال عليه جماعته لاعرفت منو مروان ولا شرايد منه بس الموضوع مااخذ من عقلي هواي شون ميكون الديسال عنه ولد جان احلى خبر من كلي حنسافو طول عمري اتمنى السفر وياه والنوبه وي دره متشوقه كلش تحضرنا وب11 بليل طلعنا للمطار سافرنا واياد وفاروق يسولفون واني ودره تونست كلش رحنا اماكن حلوه ولان احنا سوه تونسنا اكثر
فاروق- شبعت حنان رغم مو من النوع اللي اضهر حبي بس تلاحظ من عيوني التذبل من اباوعها وتعرف شكد احبها تعجبني بثكلها ورزانتها وشكلها جنت احسها وي غيري رجال وبين ايدي ارق مره من تطلع مكياج متخلي ولا فد يوم كتلها لتلبسين هذا ولتخلين هذا تعرف وممتاثره لا بايناس ولا غيرها محافظه على روحها من حالها لبسها مستور لابعد حد حبيتها اكثر من قبل جانت تحس بيه من عيوني احس تداريني بس متضهر هالشي تسوي اللي احبه ومتكول هالشي كبرها بعيني اكثر كمل الاسبوع. واياد مااعرف شبي بس باله طايش يابه شبيك مابيه عدي شغل لازم ارجع اكمله. جنت مستغرب من وضعيته لان موطبيعي ايناس لاحضت هالشي هم دائما تتنامر وياه مر الاسبوع مثل الدقايق رجعنا لبغداد چنت مشتاق لعملي لخان العطور لامي وابويه زياد وريناد لبيتي لكلشي
دره- رجعنا گبل لبيت فاروق وهاي اني بدت حياتي الجديده هنا وياه فاروق صار كل حياتي قوته وعصبيته ضعفه بيدي احس روحي مسيطره عليه تماما احب عناده وتزمته واحب اسمع كلمته
اياد- اخيرا رجعنا للبيت باجر اداوم كلبي ماكلني على نور دمعتها اذتني اخر يوم استاذ ماعدي غيرك هالكلمتين تضل ببالي كل ماانام جنت متمني يكون مروان متصل عسى ولعل ضميره صحى بعد باجر ياسر يعقد على ريناد خطيه هناك مقصر ويانا شالنه بالصلوات مقبل ننزل بفندق كعدنا بشقته وهو راح لاهله بهالاسبوع
ايناس- وصلت للبيت دارتب غراضي ماما بعد اسبوع تطلع لمكه وي خالو وباجي احلام. يمكن اروح ببيت عمي هالفتره لان اختنك وحدي داارتب جتي رساله من مينا
هلو حبيبي
حمد الله عسلامتج
شكرا
اكولج شي بس لتزعلين مني
لا عادي
هاي امانه بركبتي ولازم توصلج
شنو
باعي تره ياسر مو خوش ولد باعي شوفي هاي الصوره هاي البارحه
يلصوره دزت صوره ياسر بنص بنات 2وجماعته بالكليه كلهم وياه وبصفه بطل ---- ضليت صافنه عزززه بعيني
باعي هاي كروب مال شباب الجامعه عالواتس اب منزليها وكاتبين احلى سهره رجلي يكول ميترك لو يموت واخت رجلج عاقله شفتها بعرسج خطيه متستاهل
بقيت صافنه وايدي على حلكي بهلاثناء طب اياد وكع الف ن من ايدي بلعت ريك
اياد- شبيج
ممابيه شي
احجي شكووو خزرتها.
والله ماكو شي
نصيت عالتفون وياكن جنتي تحجين مخطوف لونج
لالا عوفه
جريته من ايدها دوخري فكيت الشاشه اباوع ياسر ديشرب باوعتلها هاي شوكت
ممااعرف باوعت منوش. مينا هاي
اي بلعت ريك عفيه اياد بس خل نتاككد
جريت نفس ببرود احس هالشي ريحني لان اعرفه ذيل الچلب مينعدل دزيت رساله لمينا على اني ايناس
اكولج هاي شوكت
مصارلها هواي شوفي التاريخ يعني البارحه
اياد- اني البارحه عفته ورجعت من تركيا زين ذوله الوياه جماعتنا اللي بالكليه نزلت المحادثه كاتبه على كروب الواتس اب منزليها اباوع العينتين بالصوره عيوونه حمممر ابد ممبين عليه شارب هزيت راسي دزيت الصوره لتلفوني وطلعت
ايناس- اياد وين
اروح لاهلي
عفيه اياد خطيه ريناد
بابا اذا اعوفها خطيه هاي امانه لازم نعرف المن ننطيها
كيفك بلعت ريك دمعت عيني خطيه تحبه كلتها بداخلي
اياد- وصلت بيت اهلي فاروق بالطرمه ديصلح الماطور
فاروق- هااا لك شكو جاي البارحه عفتك مااخلص يعني
كمات شغلك
شكو وكفت غسلت ايدي عالمغسله اللي بالحديقه
مامو شي ابوبه هنا
اي
ريناد
موجوده جوه شكو
تعال يابه تعال حتى من اكولكم تصدگون
ها ياسر
اي
شبي ولك
باوع طيته الجهاز وطبيت للمطبخ لامي سلمت ريناد جانت دتسوي كيك باوعتلي ابتسمت تقربت تبوسني شافت وجهي مكلوب وكفت بلعت ريك
شونج
زينه شكو خليت ايدي على كلبي اكو احد بي شي -- جنت حاسه انه ياسر بي شي
جريت نفس ابويه وين
ام فاروق- بالهول ديتفرج اخبار
اياد- تعاي يوم تعاي ريناد تقرب فاروق صاح هاي شوكت وبيده التلفون
اقره وشوف وجهه كام يگلب الوان كال
اني هذا ميصرفلي كعد يم ريناد
فاروق- باعي ريناد اليشرب كلشي يطلع منه نسوان ومكسرات مدام مديكدر يترك ماله چاره وصل للموت ومتعظ
ريناد- بله مااحس دموعي نزلت طاني التلفون المنضر مقرف كاعد على مثل الستول ومنا بنيه بصفه لبسها يلعب نفس ومنا هم بنيه وويا كم ولد والبطاله بالنص وعيونه مبين سكران بقيت اباوع بالصوره وهمه يحجون. احس دخلت بالصوره غيره وخوف من فقدانه تعلقت بي رغم بس كم كلمه بيننا. بس هالشخص اول واحد دگ كلبي اله ذبيت التفون عالميز وكفت مدااتحمل حجيهم بعد
فاروق- وين ريناد
اريد انام جاوبت مخنوكه كوه طلع الصوت
زين يعني وهسه شون
اللي تشوفو صح سوو اني واثقه بيكم
فاروق- جريت نفس الله يكملج بعقلج الحمد لله روحي ارتاحي بابا روحي كالها ابويه بتعب طبيت دره دتنزل من فوك بس سالتني شبيج نصيت ابجي دخلت للغرفه دخلت ورايه وسدت الباب شكو
ماكو شي حضنتني لتبجين صيري قويه محد يستاهل تنزل دمعه منج باعيني
ها
انتي قويه حتنسي هاي دنيا يومين تبجلتهين بيها تنسي ارامل دينسون رياجيلهم بس قوي كلبج لتضلين هشه
اي هزيت راسي مبينه تعرف كلشي من ايناس
اني وياج شتريدين موجوده تردين نطلع
لالا اريد ارتاح
عفيه ريناد لتبجين والقران ميستاهلج الله كالها بالقران الطيبون للطيبات
اي صح
الله ميرضاها عليج ياخدج واحد تعبان مثله
اي بس اني
ادري حبيتي بس حبيبتي لو صايره القسمه يجي يوم تكرهي وتكرهين روحج لان حبيتي خلي اختيارج موفق انتي وجمالج شهادتج وتربيتج واخوتج احسن واحد يتمنى منج نضره انت قويه رنود
اي اي حضنتها جنت محتاجه لقوه تنطيني مو نضره ضعف من اخوتي وامي وابويه حسيت روحي قويت بس اكو كسره بكلبي وفرحه ممكتمله جنت متامله اشوفه بهاليومين بالعقد لحد هسه ببالي كلماته ايد لو كطن ولزمه ايده واحساسي معقوله كلها.راحت جتي لحضات كلت واذا ميشرب اقبل بي وارجع اتذكر كلام فاروق اليشرب كلشي يطلع منه جريت نفس وطلعت حضل حابسه روحي راح امثل الراحه-----
اياد- داومت بالدائره مشفت اليوم لا ام مهدي لانور بس مهدي جان يفتر بالدائره بالي ضل يمها يجوز لان وكفتلها الله وكفلي باختي رديت خبر لياسر كام يصيح ويعيط سديته بوجهه مريت لبيتهم طلعلي ابوه طيته 3اوراق كتله عمي هاي ياسر يطلبني خليت ببالي كعدتنا هناك بتركيا السكن هاي اجارها ولا ريد فضله
بقيت لل3وحدي بالشغل الولد طلعو واني عدي كومه تدقيق صار سبوع ماجل الشغل فرغت الدائره بقه بس الحارس ابو مهدي. واني اكمل وبالي يمها على غفله سمعت صياح ابو مهدي وكفت ونزلت راسن جان الطابق السفلي الهم بي غرفتين فارغه ماخذيها همه بقيت عالدرج اسمع خايف عليها سمعت ابو مهدي
يعننني شووون فهميننني ليش ترفضه ابن عمها رايدها من الصغر ليش ترفض والله العضيم منا الها شهر اذبحعا واخلص منها
لزمت التفون اتصلت بيها ردت تبجي
انتي وين
اني بالحمام استاذ انهزمت من ابويه مااعرف شسوي
اهداي جريت نفس اهداي ميخالف غمضت عيني الله يستر على ولايانه. صعدت بمكتبي مسطور هالبنيه شون حساعدها كملت كم شغله وطلعت للبيت مخنوك جنت
ايناس- حبيبي شبيك
مبيه شي جريت نفس اريد انام تعبان
بقيت اباوعله متغير هواي
مامو شي ارنوبه باوعتني بقلق يمكن هلكد مبين عليه خليت المخده على وجهي ونمت
لازم اعرف شبي طيح حضي صار فتره عبالك اني زوج وماعرفه اكيد اكو شي بالشغل لو مطلوب فلوس وهذا مروان اكيد ماخذ منه فلوس وما رادها بقيت اتصفن تذكرت مرت ابن عمي للمغرب طلع وراح بيت اهله مرحت وياه نالي خلك من دخلت بالرابع ليهسه بس اتجطل
-----
