#على_قيد--الموت
34
وصلت. للمركز فاروق جان واكف واصل قبلي جان ديتلاغه وي الحرس بالباب
ها يمعود شكو
اخوك النچر طالع للرمادي تطريع ليش يابه جايزين منه
منو كال
شنو منو كال ضابط من الجيش مخابره ومتواعدين هنا هسه نقيب حمزه گال راحو وي فراس العقيد للرمادي فوج كامل طالع شعده مووولييي
اصبر صوتك يمعود
هو الا يجي ملفلف بالعلم ياه يرتاح خرب غيررررتك شكول لابوك اني هسه دك تلفوني باوعتله زياد
الوووووو
ها ها فاروق
انت وين ابن -----استغفر الله طلعتني من طوري وطور اهلي انت شرطه شجابك عالجيشششش
بعدين تعرف اني ساعه وواصل بغداد بس رايد البشاره هاا
بشارتيش بس اوصل وحسابي وياك بعدين اني يم المركز مالتك
اي درجع لبيت خطيبتك ساعه واجيك
بيت خطيبتي شعدي انتتت شبيك صفنت فكيت عيني زياد احجي اكو شي
بعد ممتاكدين
لا معقوله موجود عايش
خويه متوجهين للسجون بالمناطق المحرره واكو اخباريه انه هناك بس طيني مجال لتحجي شي نعيشهم بامل
لعد حضل انتضرك بباب بيت ايناس اذا وصلت اخبار خابر واروح لهناك بس دير بالك عروحك لتذب روحك بالتهلكه تره امك وابوك يرحون وراك بس فكر بيهم
لتخاف والله ويايه فوج كامل
منهاي خايف اني محفوظ بالله باوعت لاياد يمكن ابو دره عايش عكدت حاجبي
لا بربك تدري حسيت
يكول اخباريه باسمه واصله وراح هو مدز علينا لان يكول خاف بس حجي اتاكد يله
صدك جذب
شعبالك احنا بالعراق بس هم ماصدك سكتت واكو فرحه بكلبي وي كل دكه اتخيل شكلها بشوفه ابوها طلعت التلفون اباوع على كلامها مبتسم خليت الامل بكلبي عايش يكون مرت الساعه واني وحدي ببيت ايناس تغده اياد بلعفه وعيونه بعيني احنا ثنينا على نار ومكدرنا نحجي اي شي دك التفون كمزنا ثنينا على تلفوننا ايناس كامت تتلفت متفاجئه باوعت لفاروق جاوب
فاروق- ها اجاوب
هاي شبيك يمعود
هاك انت رد
منو زياد
لعد امي
اياد- رديت احم الو ايناس تباوع بوجهي مستغربه باوعت لفاروق اشرتله شكو -- الو زياد ديكطع من خرب روحك زياااد
زياد- تسمعني اياد تسمعني خالها عايش بالمستشفى لك اياااااد عايش ابو دره بالمستشفى. شوي عده جروح وملتهبه لك جاوب طايح الحظ دتسمع
وكف كلبي مكدرت انطق كوه كلت انت وين احس رجلي ترجف مدااكدر اوكف
اني بحديثه بالمستشفى على الاكثر الفجر اجيبه واجي ليضل بالكم اذا انگطع الاتصال الله وياك وكرت عينكم بي سديت الخط وادري الحيصير شنو شخص جبير العشيره وكلها تروحله وكت الماعب راح من اديهم وهسه رجع صح تعبان بس راحه سبوعين بين اهله يرجع احسن من اول يكفي انه اول مشافني عرفني
اياد- نزلت التلفون باوعت لايناس اخاف احجي يرتفع السكر والله باوعت لفاروق بلعت ريك
فاروق- الغي عاد
عايش همست مبي شي لك عايش
ايناس- منو زياد عكدت حاجبي
فاروق- كعدت خليت ايدي على وجهي باوعت لاياد خليت اصبعي على شفتي اشش الا يوصل بغداد يله نحجي خاف يصير شي سكت اياد وكام يلزك
ولد صديقنا بلعت ريك اباوع بعينها تباوعني ممصدگه تعرفني من اكذب
فاروق- يله اني رايح
اياد- وين خل نفتهم
شتفهم بعد يابه مو كلك الفجر
اي
اي الفجر جايك لهنا
خوش الله وياك طلع وسديت الباب اخاف اباوع بعينها فتت لفيت راسي ونمت بس مكدرت ارتاح ملسا افز واكول لا مو هو هذا غير واحد متوهم زياد نامت يمي حضنتها اباوع بوجهه صايره تفاحه مثل مجانت بالعلاقه واحلى حضنتها ربي عديها سلامات دخيلك ماريد تتاذه مره لخ كون صدك مبي شي واشوف الفرح بعينهم دره المسكينه شكد تاذت لفراكه بس مبينتها. اوف ربي سمعت ديمجد بالجامع تسحبت شويه شويه وطلعت ابدل باوعتلها مره اخيره يارب كون اجيب اخبار حلوه ويايه طلعت بالسياره رحت لاهلي فاروق جان ديدخن بالحديقه من شافتي ذب الجكاره يعني هو مثلنا الاعلى ميريد يسوي شغلات موزينه كدامنا نصيت راسي نزلت مفتوحه باب الحوش تمشيت بالطرمه وصلتله
تدري حيل مضل بيه
ولا اني والله تنهدت هسه بس يتصل انكطع كلامي دك التفون زياد باوعت لفاروق رديت راسن هااا
تعالي لمدينه الطب استلمو
مات
لا وقزرقط بس تعبان ويحتاجله مداراه تعالو عاد تره نگضت اني
جيناك
امشي فاروق
تعال بسيارتي
يابه السياره دتشتغل بره امشييي فضني
باوعني بي شي
لا بس يكول تعبان يحتاج مداراه
فاروق- لا يا الله طلعنا لمدينه الطب نص ساعه عالموصلنا طبينا من شفته مصدكت هذا هو لو ما يبتسم من شافني ونصه يبجي تقربت اخجل احضنه اياد ركض حضنه يبجي واني حاير شون حتكون رده فعلها من تشوف ابوها اخذناه كوه يمشي وملابسه وصخه وكلها دم ايده مشخطه ومزرفه مااعرف شمسوين بي هناك مااعرف لحيته وضربات براسه مابي مكان مبي دم اهذناه راسن بالسياره وزياد ويانا اخجل انطق بكلمه وحده هو هم ساكت يباوع من الشباك عالشوارع ويبجي بهدوء بجانا كلنا والله. بس مخد بينها للخ اباوع لاياد بالمرايه يمسح بدموعه ويباوعله زياد لف راسه ونام احس الطريق صار شطوله وصلنا لبيتهم دكيت على علي لان بايت يم بيت دره هو ومرته لان نسوان وحدهم دك دك ميرد اباوع ساعه 6ونص هسه مو عدك دوام شوكت يكعد نزل ابو دره من السياره اياد ركض سنده يباوع عالبيت رافع راسه وعيونه تجري تشلبهت عالباب واباوع بيها قفل مشيت بالطرمه ادك الباب مال المطبخ ارجع اباوع عالجام مال الهول الشبابيك ماكو كلهامقبطه ضليت ادك شفت بنيه شعرها طويل مدت راسها خاف هبه درت وجهي رجعت باوعت دره هاي فتحت عينها متعجبه عدلت ربطتها فتحت الباب ضلت صافنه عليه
دره- فاروق شجاابك وكف كلبي شون طبيت
فاروق- دره بس تعاي فتحي الباب خنكتني العبره مااعرف شكوللها
شكو الله عليك عمه بيها شي
لا والقران نزلت دمعتي مسحتها درت وجهي
شكو نشف دمي على بختك مابيه حيل
دفتحيييي القفل نترت بيها جرت المفتاح المعلك اخذته منها ركض فتحت القفل والباب التفتت شفتها وصلت نص الطرمه فتحت الباب فتحت عينها كلها وكعت على ركبها حتى صوت مطلع منها بس عينها مفتوحه دخله اياد سانده تقربت منها فوتتها جوه
دره- فاروق
تحجي وترجف حتى دموع متطلع منها
ها باوعتلها بقلق
هذا ابويه مو
اي ابوج دره باوعت بعينها فصلت بغير عالم طببنا وهي هم طببتها طلعت امها بالجادر دتصلي شافتنا بالمطبخ تعجبت صاحت دره يوووم ابوويه عايش صيحتها رجفت كلبي كزبر جلدي لبجاهم وكفت اطلع مكدرت بعد ونسينا زياد بالسياره نايم باوعت لاياد اني حطلع مسحت دموعي مدااكدر بعد
اياد- جاي وياك امشي اروح اجيب ام ايناس وايناس اشرت لدره دره كعدي علي فدوه ديربالكم عليه
فاروق- ويامن دتحجي دشوفها غير عالم. فاصله
اياد- شون لعد خاف موزين عليه بس يبجي
خلي يمعود هسه يرتاح بس نعوفهم براحتهم بطلعتي علي كعد سمعته صاااح عميييي ووكع يم رجله يبوس بيها المنضر محفور بذاكرتي يوجع الگلب طلعت وعيوني موكفت دمع اياد يمي ايده على راسه ويكول هاي شحيصير بيها من تدري وتشوفه وصلني لبيتنا اني وزياد نزلنا احس حيل مابيه حتى احجي زياد طب للمطبخ كبل نام امي استلمتني بس كتلهاابو دره عايش وعفتها وصعدت صوتهاا يرن باذني شكد فرحان الها شكد معصور كلبي للموقف خابر اياد وره ساعه
الو
منمت
لا مديجيني نوم
تعال شوف ايناس شسوت متدري تبجي متدري تهلهل وتطش جكليت
ههه هي طابك عدها فيوز والنوب هاي الشغله كملت
هههه.عيني اليوم مرحت للشغل مو
لا والله اريد اسوق مخده مدااكدر
عيني العصر تجي لبيت دره ابوها يريد يحاجيك ويتعرف بما انه احنا غزينا العائله ههه اخذنا نسوانهم
ها ماشي يتدلل زين باوع اجيب شي ويايه
ها والله ماادري اكولك هو من. جابه غير اخونا
هم صدك بس امي كالت لازم نوديلهم ذبيحه
عاااا ذبيحه ومنو يدفع
والله بالنص اني وياك لو بس تعرف تغزي العائله الكريمه
ها يله ميهم بس اني الزمه
لا تك اذن انت وتك اللخ اني
هههههاي خرب ببليسك ديله حروح انام البيت فارغ كلها هناك
ادزلك وحده
لا عمي ماضلي نفس ههه اريد انام اناام مثل العالم
دولي روح عاد شكد لزكه سديته ونمت اتخيلها فرحانه اوف ياكلبي شكد تاذت صار خمس شهور. لحد هسه منضرها بالامام يدك باعصابي كسرتها بعد ماكانت شمخره وشايفه روحها الحمد لله ربي غفيت مرتاح كعدت على صوت التلفون اباوع اياد يعني اليوم انام واكعد على صوته من خرب حتى روحك شلته الووووو
ها فاروق كعدت
قزرقط شبيك اليوم
ولك ابو دره رايدك
ها
ها شو سكتت دكوم بدل وتعاللي لبيت خال ايناس بسع
جاي فركت وجهي اباوع جهرتي مكلوبه كلب واثر المخده طابع بهدي طبيت سبحت وتعطرت اكلت لكمه لبست اكشخ شي عدي والساعه والحذاء والعطر وطلعت امي تمشي ورايه وتصلي على محمد. طلعت وببالي العشيره كلها هناك وفعلا طبيت كلهم ملمومين علي صاح هله بابو نسب نصيت راسي اضحك تفجقربت بست ابو ضرار من ايده ضربني على كتفي
ابو ضرار ودره- اكثر شي فرحني من عرفت صرت نسيبي
اشكرك عمي انشاء الله اكون عد حسن ضنك
الله يحفضكم احسن تربيه واسبع شباب زياد وينه زياد البطل
زياد نايم خهه ديعوض التفتت عرفني على واحد واحد كضيتها مصافحه وبوس كال ابوها وهاي خطيبتك جتي التفتت ذابه الاسود اوف ياكلبي ابتسمت برزانه نصت عينها وجهه منور. فرحانه اخذت صينيه الاكل منها باوعت بعينها. ودرت وجهي قدمت العصير للكل وكعدت يم ابو دره حجايه مني حجايه منه كوه يجر بالحجي عينه على غفله تفتر ويغمض الضاهر هواي ماذي قررو محد يساله خوفا على نفسيته مرت كم يوم ياسر رجع وتقدم لخطبه ريناد وقبل بكل شروطنا اولها تكمل دراستها ان كانت بالبلد او خارجه
ريناد- بيوم الكالو حيتقدم ويقرون الفاتحه جانت احلى لحضاترحياتي لدرجه مااعرف شنو البس والكنتور مليان كدامي مع العلم اخوتي مقبلوا اطلع فقط اقدم العصير لوالدته وارجع لغرفتي بس ردت اشوف بعينها ياسر وفعلا دخلت قدمت العصير وسمعت صوته بالصاله يحجي وي فاروق --- فاروق مثل متريد اذا ردت اعوف الفرع اللي بتركيا وارجع هنا الزم فرع بغداد اني حاضر اكدر اقنع ابويه
ابو فاروق- لا ابني وضع البلد موزين وبيه خطوره عليك حقه ابوك يخاف عليكم
ياسر- عمي اني شون متردون اسوي والبنيه شتامر حاضر اني هناك عدي شقه وعدي بيت ابويه هم بميرسين بي اهلي هي شون متريد تدلل
فاروق- ودراستها
دراستها قدمت حتى اكون صريح وياكم سالت الها كالو لازم تعيد من اول سنه
ليش يابه تعيد لا ميصرفلي هالحجي
ابو فاروق- داسمع يا ابني خلي الولديكمل
ياسر- كالو ميصير والله
فاروق- عيني لعد خليكم خطوبه سنتين وبعدها زواج
ياسر- بلعت ريك نصيت راسي لا اني ارجع لبغداد بينما تكمل دراستها
فاروق- ماشي تنهدت بس هم خلي فتره اخطوبه فد شهر شهرين واحد ياخذ عاللاخ
اياد- اي فاروق بس مو مخابرات وهاي بالها عن الدراسه يروح
ياسر- هزيت راسي اباوع لاياد لك انت فد واحد حرت شسويت ولك مو دفاترك السود بيدي يله العده شغله يم الچلب يكله حجي چليب استغفر الله بس حقه اخته يخاف عليها وهالشي يكبرها بعيني سكتت هزيت راسي موافق.
ريناد- چان مطيع كل هذا علمودي هيج اني عده عزيزه رجعت طبيت للغرفه اباوع روحي بالمرايه. اتلمس خدي هلكد اني حلوه واحد مثل ياسر اناقته وجماله يباوعلي ويشوفني شي نادر يذل روحه 5مرات علمودي راح احاول اسعده بكل ماعدي من قوه -
فاروق- بعد ايام والدها اتصل بيه ورحتله للبيت عازمني على غده بعدها اجواء الفرح عدهم برجوعه حالته تحسنت عينه بطلت تفتر وترمش سريع صلر يبتسم ويضحك من كلبه هالشي فرحني. تغدينا بس زلم دره مشفتها بنهايه الغده كال
عمي اني اشوف اذا ماعدنا شي نقدم العرس اريد اطلع للحج اني وام ضراروام ايناس رفعت راسي بكيفك عمي
شوكت تكدر انت
ههه اليوم كلتها مبتسم ونصيت
ههههها الله يوفقكم فرحتي بيك اكثر من فرحتي بضرار والله
تسلم عمي الله يعلي مقدارك
---- اتفقنا العرس بعد اسبوع ماعدي شي الغرفه مشتريها والذهب الوالده كل ما انطيها تسوي ذهب خطيه الحمد لله ماضلت الا ايام وبعدها ممتصله
دره- اي مااتصل شكد ماانت خشم يابس اني اكثر منك
اياد- حبيبتي بدت بطنها تكبر وصارت تجنن عايش وياها بحلم وردي وبقت شغله نور بنت ام مهدي شاغلتني كل ما اشوف امها صافنه وتقدم بالكهوه او الچاي اكول الله يستر مروان شمسوي ---
زياد- مرت اسابيع كملنا المعمل ورجع من جديد واكفه على حيلها بس تعبت تعب مصاير تقربت هالفتره منها اكثر رغم كلما تباوعلي اكو عصره بكلبها احس
الو
ها دلول رجعتي
توني طبيت انت وين
اني هم توني طبيت شونج اليوم
زينه بس تعبانه
اني ميت تعب والله خبلوني اليوم
يله لعد حنام
اريد احاجيج
زياد شنو فلمك خابر خطيبتك اختنك نفسي حرام عليه والله
اني اريد احاجيج بس صوتج ينسيني التعب
شنو اني بالنسبه الك زياد
سكتت جريت نفس
احجي شنو مخليني سپير
بقيت ساكت
زياااد
نعم
تنهدت احجي الله يخليك
اريدج الي وحدي
شنوو بلعت ريك
ردت ام بيتي مو ام معملج
انت انت خاطب
من كل عقلج صدكتي اقبل بغيرج تشاركني حياتي
زياد شدتحجي
مثل مدتسمعين لهنا وبس لعبنا هواي سولفنا وضحكنا تشتاقينا ساعدتج وتعلقت بيج بس كافي تعبت يبنت الناس اني لا خاطب ولا ابد ردت احرك مشاعرج بس وشفتج مو يمي واشو عشتي الفلم فد نوب مكيفتلي المهم اني موجود باي وقت تحتاجيني بي بس بعد متشوفيني احتمال ادزلج احد يساعدج اني بعد خلصت طاقتي لا غيرتي المدمرتني من اسمع صوت رجل يمج ولا انتضاري اكول هسه تتعب وتكول عوف كلشي واني الك ايسسسسست صحت ايييست منج وفعلا حاولت هواي اغير هالكلمه الكلتيها مستحيل اترك المعمل بس مكدر اني اسف زياد اختفى من حياتج ديري بالج عروحج
زياد اوكف
سديته بوجهه ارجف اني شصخمت شسويت اباوع هسه تدك هسه تدك لا مدكت قاسيه وعملها عدها فوك الكل اني هم رجولتي وغيرتي متتحمل زوجتي بنص الزلم لاهي موضفه بمكان بي هواي نساء مثلها ولا هي معلمه ومحد يمسها بكلمه واني ضابط ومرت الضابط ينضرب بيها المثل تعببت بقيت صافن عالجهاز ماكو مدكت شلته دااشمره لمحت فاروق من الطرمه يباوع عالبلكون باوعلي عكد حاجبه اشرلي شكو نصيت
فاروق اشرتله جيبه نعل يومه سكطنا شمرلي الجهاز برهاوه وجهه تعبااان زياد ابو ضحكه الحلوه مضلت ابتسامه بوججه. تعب من المجامله تعب هاهي اتخذ موقفه الجنت انتضره من سبع شهور من غير شهور السجن اعرف باخويه صبور بس وراها يطططك ويصير انسان ثاني هسه الطوبه بملعبها نشوف شحتسوي اذا مسوت شي فعلا متسوه ----
يتبع
