#على_قيد_الموت
15
مريم السعدي
اياد- يله كوم دنروح اختنكت من النركيله
شونه شغلك وي فاروق
والله زين جمعت لحد الان 7 كلت اخليها للزواج وامي يمها 3 تكفي مو
واذا مكفت احنا موجودين بس خل تصير
الله كريم هزيت راسي احس روحي تعبت مشتاقلها لو ما الشغل فلا اكدر راسن اتصل بيها بس الشغل لهاني وارجع غادي جنازه كبل انام واكعد الصبح وهكذا بس تعب كلبي مشتاق لراحه نفسها رجعنا للبيت صعد زياد فوك باوعلي كال
باجر عطله عدي اذا ترجع من وكت نروح نزور كربلا
والله زيودي تعبان مااكدر
لتحمل نفسك فوك طاقتك
اريد من يبدي الدوام ادرس ماجستير لان اذا كعدت بعد خمسين سنه مااتعين بهاي الشهاده فدااستغل العطله
واذا تزوجت
والله ماادري كلشي بوكته حلو احس روحي ضايع زياد انصحني
ولك بابا خابرها لتضل هيج تخسر حبك تره وبعدين تندم
ماريد اكعد عدهم ناقص لغوه اني من العالم
شوف يودي حلك البلوعه ينسد وحلك العالم مينسد شوف كلبك واحساسك وين وتتبعه خويه تره انوسه ذهب متلكه منها شسويت بيها ورجعتلك
صح جريت نفس يله تصبح على خير طبيت للغرفه نزعت هدومي بقيت افتر واباوع على اخر رساله دزيتها الها اشوفها مرئي ومردت عليه وراها لا ماادز خليها هي تشتاق وترجع تعرف بيه اني رجال مااتحمل هالمواقف اللي تهزني اكعد يمهم شون ذبيت الجهاز تمددت ----
ايناس- دره طول الاسبوع متركتني والتلفون يمها متنطينياه بس بشكل يومي اسالها ها دز تكول لا نساج بابا تحز بكلبي هالكلمه صدك تكدر على فراكي خلص اسبوع اليوم دره رجعت لبيتهم لزمت التلفون صارت ب12 هاهي عرفت انه يكدر دوني اني اعرف شسوي بيك دزيت
بما انه انت كدرت سبوع على فراكي اذا تكدر تعيش دوني لهنا وانتهت قصتنا واني راح ارضى اتزوج الي تقدم وقبل يعيش وي امي شوف حياتك لا راح اشوف حياتي --------
ذبيت الجهاز كلبي يرجف خاف يوافقني ويكول الله يوفقج وروحي الله وياج اباوع عالمحادثه تم التسليم يابه كلبي حيوكف طلع مرئي ردت اتخربط ثواني وصار جاري الكتابه رد ب
شنوووو شكلتي بيمن تقبلين
مرديت بلعت ريك ايدي على صدري
احجييييي
مرديت
دك عليه فايبر اباوع عليه مارد اخاف اضعف من اسمعه وهو اذاني هواي
رددددي
تركته يدك يمكن ب10مرات
اياد- احترك جد جدي جسمي يرجف متقدملها احد يعني شنو شافها وعجبته لوو كعدت وياه اخ يمه كلبي بس لو تردد
ردي راح احرك عشيرتج اليوم
مرديت بديت صدك اخاف منه
هاي اخر مره اذا مرديتي تشوفين شي ميعجبج دكيت فديو مردت
رديييييي
اقره وماارد بس يطلعله مرئي
تقرين ومتردين موو بسيطه
تركته دقايق ورسل
زين شنو متقدملج شخص يعني كعدتي وياه وتفاهمتو وقبل يكعد عد امج بس ردي على هاي
مرديت تركته طفيت الواي فاي وايدي ترجف
اليوم اشعل والديها لبت ال---- كمت الوب والغيره اكلتني لبست هدومي وطلعت للمطبخ شفت السويج مال فاروق معلك كلها نايمه جريته وطلعت بالسياره بقيت افتر بالفروع قررت اروح لبيتهم وصلت لبابهم شسوي جاي لهنا اني بله خالها موجود اني شداسوي اباوع عالشبابيك هذاك شباكها اعرفه مره موصلها وكايلتلي هسه اذا شمرت حصوه هم متوصل اذا الطرمه شطولها تكول قصر مو بيت دزيت رساله عالشبكه مال خطها خالج موجود بالبيت لو طالع مردت دزيت اني ببابكم فتحي الباب لو ادك الجرص
ايناس- قريتها وكف كلبي لا مستحيل لا جنت لابسه بنطرون وبدي ناعم وردي نص ردن مبين ملامح خصري نزلت ماما نايمه فتحت قفل باب المطبخ طلعت للطرمه بهدوء اي والله هاي الصوت مال السياره التلفون بيدي طلعتي مو وصلت رساله منه هاي مشيتج اعرفها وكفت وره الباب افتحها لو لا اخاف منه وصلت رساله فتحي بس احاجيج كلمه بلعت ريك فتحتها على كيفي صار بوجهي برطمت بس شفته لحيته طولانه وشكله تعبان من شافني راح ابجي دار وجهه تنهد ورجع باوعلي
مشتاقلج همست باوعت بعينها مردت منصيه راسها اباوع جمال الصوره الكدامي عمري مشفتها جسم انثى من عرفتها ليهسه اشوفها ملاك بروح طيبه كلب ابيض بس هسه مااعرف شصار بيه اتفرج على جسمها ورشاقتها بلعت ريك مديت ايدي لزمت ايدها عصرتها
من ارسلج شي تردين فاهمه رادت تجر ايدها شددت اللزمه اذيتها عبست وجهها مالت
دتاذيني
احسن تحسرت شافج الولد
جج هزيت راسي بالرفض
تنهدت براحه امشي فوتي تلمست خدها فوتي لا افوت وياج لغرفتج ولتختبرين صبري انتي متصيرين لغيري الا اذا متت
بقيت ساكته اباوعله بعتب صعد للسياره وعينه عليه
امشي فوتي سديها الباب
هزيت راسي اي سديتها سمعته حرك وطلع كلبي يمه كلبي هاي صدك حان بالباب لالا اني احلم رجعت فتت قفلت الباب مال مطبخ تمددت بجربايتي ارجف اباوع الحمار البيدي ضميت جف ايدي جوه ركبتي شون حلوه حتى قساوه ايده تخبل تلمست خدي مغمضه عيني تنهدت اوووف يمه مرت نص ساعه ودك عالفايبر بقيت صافنه عالجهاز شوي ورديت
الو
اووف احجي بعد احجي
الو هه
بعد كولي اي كلمه فد جمله
احبك يابذات
سكتت اتنفسها فتحي فديو اشتعلت عشيرتج
لتحجي على عشيرتي كلتها بدلع فتحت فديو. بقه يباوع بعيني نزع تيشرته بقه بالفانيلا ابتسم قرب وجهه باسني من الشاشه
هيج تسوين بيه
انت صارلك اسبوع ماكو
يعني اذا ماراد عليج تقبلين بغيري
سكتت نصيت عيني
احجيها عادي
اي اقبل
هااا
ليش اكذب اضل طول العمر انتضر واحد عافني علمود شغله تافهه
ماريد اتعارك اريد انام بحضنج براحه بس هالموضوع تره مو تافه اني مااتحمل يكولون عني عاف بيت ابوه البسيط وكعد بقصر لو داخل على طمع
حبيبي اني عفت الناس كلها واختاريتك الك وانت تدري شكد تحملت وياك باعتله بتوسل لان احبك
غمضت عيني حجيج حلو بهالاثناء دخل فاروق رفعت راسي خليت الجهاز على وجهه ها فاروق
فاروق- تعشيت
ااي اكلت
ممم باوعتله مرتاح عرفت ديحاجيها. جريت نفس زياد اجه
اي اي ادري من جنت نايم طلعت وياه
لعد منو طلع بالسياره قبل شوي
كعدت عدل اااني
وين رحت عكدت حاجبي بغضب
اااهيج اخذت فره. ورجعت
وين بالجادريه اخذت فره
بقيت ساكت
خل تكون كلمتك وحده تره عيب الرجال يرجع بكلمته وعيب اكبر من يكولون عليك عايش يم مرته
مشيت ايدي على راسي بتعب غمضت عيني لتخاف ماروح اعيش هناك تنهدت اني مااتحملها نضره الناس الي
هل نشوف يله اخذ راحتك بس نام من وكت باجر جايه بضاعه من الكويت عدنا تفريغ
اي ادري كللي العامل
تصبح على خير
وانت من اهله سديت الباب وتركته
شلت التلفون رجعت تمددت بس وجهي ملامحه مبين عليها المغثه وهي هم انغثت ها شبيج
جنت متاكده انك مو صاحب الفكره جنت واثقه هذا فاروق
لا اني هم ما اتقبلها
وحتى لو تتقبلها اخوك ميقبل وانت تخاف منه
ايناس مخايف منه اني تره اذا اتحمل العيشه اعوف الكل واجيج بس مااكدر افهمي ماااكدر
ماشي لتصيح سكتت حجيت وي ماما كالت سوي اليريحج بسهذا فاروق شون حجرعه واعيش وياه
لخاطري تتحملين ابتسمت احبج
نصيت راسي اياد هواي تنازلت علمودك وانت ابد مضحيت شون حب هذا
تعاي هنا وشوفي شكد حضحي
ماريد شي بس غرفه تجمعنا سوه
ابتسمت غمضت عيني تجين لغرفتي بهذا جسمج الطلعتيلي بي ما اتصور اخليج تطلعين منها بعد عضيت شفتي مبتسم انتي كامله تدرين
شكرا ابتسمت رجيت الجهاز عالمخده اباوعله ويباوعلي لحد ما بدت عينه تذبل حجالي عن كلشي صار عده بهالاسبع وحجيتله عن كلشي وبالذات عن دره نعسنا ثنينا مديت ايدي ابتسم بقينا ساكتين واحد بوجه اللخ لحد ماغفينا -------
