#على_قيد_الموت
23
مريم السعدي
اياد- ضلينا نسولف اني وابويه ضل خطيه ينصحني واني استمع منه بالي يم ايناس كمل كلامه كال كوم يابه كوم فوت لمرتك وبدل عدومك من العصر لابسها
اي ياب صار طب لغرفته بقيت وحدي اباوع ساعه 12ونص بقيت اتصفن انام على المندر بالكع احسن لان مراح اتحمل وجودها بصفي ومااحضنها كمت طبيت للغرفه ضلمه وبس ضوه التيبل لامب الخفيف وهي دتكلب بالتلفون من طبيت ذبته مباوعتلها نزعت هدومي علكتها عالزاويه بقيت بملابسي الداخليه فتحت الكنتور جريت لحاف من لحفان الهدايه الجابوها بالعرس شلته وخليته بمندر الصدر حريت مخدتي جانت تراقب تحركاتي ساكته نمت بالگع وتغطيت شفتها طفت التيبل لامب عرفت حتنام وفعلا نامت
ايناس- صدك يحجي يكدر ينام بعيد عني يكدر معقوله عده شي عوضه عني حرجع لنفس النقطه غطيت راسي مدااكدر انام بس اتكلب
مو تتني بس تنكلب وتحوص التفتت عليها حاضنه المخده تريد تنام وكفت ونمت بفراشي اني هم مدااكدر انام ضلت جامده شوي والتفتت عليه درت وجهي مباوعتلها بقت تباوع ---
احضنني
مرديت عليها ولا باوعتلها
مو مدااكدر انام لخاطري
تنهدت درت وجهي وجسمي عيها مغمض عيني خليت ايدي على جسمها تقربت ركض على صدري . مثل الطفل الضايع مضغطت عليها رفعت راسها طخت بحنكي ين
احضني قويها للعي
جججج
حباب
نزلت راسي باوعت بعينها بغضب وعتب دمعت عينها برطمت غمضت عيني مكدرت بعد جريتها قوي حضنتها كامت تبجي
شششكافي
اسفه
بعد لتسوين شي يضوجني
لا
بستها من ركبتها احس نبضها بشفافي يدك قوي مسحت دموعها وتقربت منها اباوع بعينها بستها تفاعلت بشكل قوي خبلتني تصالحنا بس بقت تنغز بكلبي سوايتها بس واعدتني وكالت ماعيدها مرت الايام تقربت منها مثل منصحني فاروق اشتريت السياره بس خالها من شافني كال خالي لتاخذها اقساط اخذها كامله تصيرلك ارخص واني اداينك فلوسها وانطيني الي اقساطها اقتنعت بفكرته اخذتها علو 12000. وكمت كل شهر انطي 5اوراق ونوبات اقل
زيودي صار اسبوع مشايفه ريناد بلشت دوام جامعه وفاروق نادرا مااشوفه بس من اشوفه نضل نسولف شوي وارجع لغرفتي كرست اغلب وكتي الها بس تضل عيونها تقلق من اتاخر من تتصل وماارد بقت تتصل بشكل يومي ب4مرات. عفتها لان عرفت انه مالغيره مالها چاره ابدعت بعملي والراتب زاد وطلعت من ال7اللي طلعلهم القرعه مال سفره زاخو لتنقيب ال زئبق بعد اسبوع اسافر وشايل هم شون راح احاجيها للعينتين---
اياد- دخلت للبيت بالسياره وسديت الباب باوعت على باب المطبخ انفتحت وايناس واكفه مبتسمه ضحكتلها. طبيت وصلتلها
شونه حبيبي
الله يساعدك ويخليك الي بس
ههه هو بس الج باوعت امي بالمطبخ عالطباخ ها يوم الله يساعدج
هله يمه
هاي جابولنا كستناء من الشمال ابويه وفاروق يحبوها هاج
اي عاشت ايدك
ايناس- تاكل هسه
لا شبعان جابو اكل للدائره باوعتني مستغربه
منو جاب
بت موضف ويانا كلت بلا موبالاه
اي وهي جابته مشه من يمي واني امشي وراه واحجي
اي تنهدت.
ومتستحي تجيبه للوضيفه
ابوها كللها يابه شمدريني
شغتها
باوعتلها متفاجا نزعت الحذاء بباب الغرفه مرديت
داكولك شفتها
تردين اكول الصدك
باوعت بعينه حايره
اي شفتها وكتلها عاشت ايدج وكالت بالعافيه. ها ارتاحيتي
حلوه
يعني اني مااخلص لو اجاوب كل الاسءله هم مااخلص انتي شنو محقق بابا
حلوه سابته مره 2
اي همست باوعت بعينها. ضوجتني دمعت عينها اني مثل اللعبت تفسه كتلها
الطمي بعد ملخبها لروحج هنا
هاي شبيك نترت بي
تعاي ضربيني بعد
اسفه نصيت راسي بدل وطلع من الغرفه واني بالزاويه كانما لا وجود الي رجعت هدومه بمكانهن وتمددت صافنه طب للغرفه التفتت عليه باوعلي ودار وجهه تقرب نام عالفراش بقيت اباوعله دار وجههه باوعلي ورجع لصفحته
اياد- سبوع اللخ عدي سفره لزاخو
ايناس- سكتت اختنكت
باوعتلها لتضلين تاكلين بروحج اني ماريد غيرج افهمي
هزيت راسي تقرب حضنني --- اياد شكم يوم بجيت
سبوع
من ترجع تلكاني ميته
كلشي مابيج مثل الورده ووعد بس ارجع نسافر تركيا
باوعت بعينه لتخوني اموت
وليش اخونج كلبي تره تعبت وتعبتي كافي عاد اني بيا حال اريد اعيشج احسن عيشه
اامن يعني
امني
تره اذا حسيت وعرفت دتخون اختفي من حياتك بعد
اوك ابتسمت بستها من راسها جبتج بشلعان كلب تتوقعين اضيعج على يامال
غمرت راسي بحضنه لحد مغفيت
ريناد- صار شهر من داومت حبيت الكليه رغم عدم اختلاطي وي الكل بس بنات واحس عيون ابن عمتي تلاحكني بس مرتاحه لان ماعدي شي ياسر داءما يجي ببالي مثل الطيف الحلو كلمه فدوه لا الله ترن براسي لحد هسه اليوم واني كاعده جنت وي البنات نستنسخ المحاضرات وارتبهن سمعت صوت ورايه
ياسر- من بده الدوام ضليت اروح واجي الصبح والضهر يم مدرستها وجتي ايام اروح ينجم بيتهم مامو ملكيتها اليوم قررت اجي مشي واعوف سيارتي بغير فرع بس خاف اياد يشوفني لا اختل لو اطب لغير فرع بقيت انتضر لل8الا ثلث شفت اياد طلع بسيارته درت وجهي رجعت انداريت بقيت انتضر لمحت سياره طبكت ببابهم ودكت هورن السايق كاعده بصفه مره استغربت طلعت ريناد بلبس جامعه فتحت عيني شنو تداوم كليه لو اعداديه وطعدت السياره وطلعت اني راسن مشيت سريع صعدت بسيارتي وطلع عالشارع شفت سيارتهن طلعت من الفرع مشيت وراهم اريد اعرف ياجامعه تداوم وصلت لكراج المستنصريه انحولت لك اني غير غبي ياالله نزلت ونزلو وياها الضاهر همه هم وياها نفس الجامعه طبكت السياره وخابرت جماعتي تعالو طببوني اني بالباب طببوني وبقيت افتر بالسنتر انتضر تطلع من المحاضره النوب مااعرف ياقسم بقيت افتر ساعه ساعتين لحد مالمحتها وي بنات تستنسخ المحاضرات يابه كلبي انفرج تقربت من وراها انتضرت تبقى وحدها صحت
ريناد
التفتت هالصوت اعرفه باوعت متفاجاه ياسر
ابتسمت براحه اي
ضليت اتلفت خاف ابن عمتي يشوفني ماارغ اكوله شتريد لو اكوله روح ابن عمتي يروح يشوفك ويايه سكتت وهو بس يباوع بعيني مبتسم
ششونك
اسال عليج
هاه
ريناد باوعت بعينها صارلي شهر اروح واجي لمدرستج عبالي اشوفج
هاه ضليت صافنه نسيت حتى ابن عمتي
بقيت اباوع بعينها مبتسم اوف يمه اووف
نصيت راسي عيوننه اكلت ملامحي
لتنصين خليني اباوع زين حتى احفظ ملامحج
رفعت راسي باوعتله عفيه ابن عمتي هنا
ها اوك رجعت ليوره خطوتين رجعت تقدمت زين نحجي بالتلفون
لا ناريد
شون احاجيج لعد اريد احجي وياج باوعتلها بتوسل
استغفر الله والله مااكدر تره اهلي يبطلوني والله
ماشي ماشي يله لتضوجين حخليج براحتج
اشكرك ياسر
ابتسمت براحه اسمي بصوتها غير شي صار ابتعدت وكفت بعيد شفت بنيه ومفت يمها تحجي وعينها عليه. بقلق
شكد كيفت من اجه شكد ميته خوف هسه بقه يباوعلي من بعيد بابتسامه.دافيه واني كلسا اخذ حنان من عيونه --- مرت الايام وياسر اذا مو يوميه بين يوم ويوم ساعه بالسنتر اشرفه صادق واحد من شعبتي يعرفه بوكت المحاضرات حتى يجي بوكت مابين المحاضرات يباوعلي من بعيد
ياسر- تدمرت. بقربها وببعدها لازم ادز اهلي اليوم ادز امي واياد صاحبي قابل يرفضني
----
فاروق- جننا متفقين نخليها مو مرعد بس صار شي ضروري لازم نحجي قبل مننام ولو فد نص ساعه ----
دره
ها عيني
تسلم عيونج المدفنه باعي منتشاوف
لا
ليش شبيج صار شهر تحجين ويايه بشكل يومي عمي طلع مني شي
لا والله
لعد شبيج
وليش تشوفني شنو التريده
سكتت والله ماادري بس ردت نكعد نقشب عالعالم ناكل هيج شي
مم عوفها هسه الله كريم
ماشي اي شكو ماكو
ماكو شي بلشت مناقشه ادعيلي
الله يوفقج تره جبت عطر الج
لا صدووك
اي والله بس شون انطيه الج
من نتشاوف
ها يعني راح نلتقي سمعتها ورثت
مو جنج هالايام دتدخنين هواي
لا هي 4بس من احاجيك اشربها
هههه ماشي بس باعي بالمستقبل لازم تتركيها
من تتركها انت عود
اني رجال
واني منتزوجه ثنين تره
اوف من اللسان اووف
هه فاروق انتضر وكت تلفونك دقيقه دقيقه
اني هم والله دااتعلق بيج
تعلقت بعد
شنو هالتعلق الفكري مااعرف افكارنا وسوالفنا يعني هواي تفهميني
ههه وانت الوحيد التفهم اللي احسه
اني خايف ولاول مره اكولها
من شنو
خايف لا يجي يوم ماالكاج عضيت شفتي سكتت
فاروق
مرديت اختنكت
الو
مكدرت ارد بس اسمع صوتها انعصر كلبي متخيل عدم وجودها اذاني انسد الخط شوي ودك فديو بقيت اباوع عالجهاز رديت بس محجيت
بقيت اباوع بعينه وخرت ايدي من الكامره شافني ابتسم ودار وجهه ورجع باوعلي.
هاي خدود لو كرش
ايييع شكد مقزز
هه تنهدت باوعت بعينها شوون بيج
شكو
سلامتج اشرت على شعرها من فوك شعرج طالع
عدلته وكعدت عدل
بلعت ريك بقيت اباوعلها ساكت وهي هم ساكته معجب بكل تفصيل بيها اتمناها صرت اتمناها.
شبيك همست ليش هيج تباوع
معجب
ههه حكيت وجهي باوع عكد حاجبه
شنو شو ملابسه حلقتج
مااريد احتصر
ارتاحيت مااعرف ليش بقيت ساكت ابتسمت يله ورثي خل اشوفج من تشربيها
لا اخجل
لعد اني حورث طكيت الجكاره تباوعلي تبتسم. جريت نفس وذبيته اووووف
تدخن ايسي
اي صدك تعاي منو يشتريلج جكاير
ههه بنيه ويانا بالكليه
والله عمي تخوفون انتو
هه
يله دخني حتخلص جكارتي اريد اشوفج من تشربيها
لا ماريد درت وجهي شربت مي رجعت باوعتله
اندارت شفافها مرطبه بالمي مااعرف شصار بيه بلعت ريك وسديته راسن احس جسمي عرك غمضت عيني رجعت دكت الو
ليش كطعته
كافي احممم
كيفك اوكف بس خل ابدل
براحتج بس اني نعست
ها يله كيفك تروح يعني
اي بعد كافي
اوك تصبح على خير
باي
سديته وشفافها مدتفاركني حسيت نشف ريكي بديت اتعب منها لا هيالالي ولا هي لغيري غمضت وسلمت امري لا الله شون متصير خلي تصير
اياد- تاجلت التنقيبات شهر وبعد يومين موعدها هالفتره كلها رجعت ايناس مثل بالعلاقه حبها واهتمامها دلالها الي حسيت روحي ملك دلعها وسوالفها تقربت منها هواي حبيتها احس اكثر من العلاقه تسوي الاشياء الاحبها بحب كانما اني طفلها مو بس زوجها واني بالمقابل مقصرت وياها اجه موعد التنقيب وباجر سفرتي تتهرب من عيوني من اباوعلها ادري ميته قهر بس هو اسبوع ووراها ارتقي اذا نجح التنقيب حضرت جنطتي من الليل اباوعها ذبلانه وروحها لايبه طلعت كلت لاهلي عالسفره ورجعت اريد اشبع منها شفتها تبجي من شافتني مسحت دموعها وراحت للمرايه تتكحل
شبي حبيبي
مابيه شي
حضنتها من وره اسبوع وراجعلج ويوميه قبل مانام اخابرج
هزيت راسي اي خانكتني العبره
راح اشتاقلج هواي
اني اكثر
تريدين اوديج يم امج
احتمال اخلي سلمان يجيني
اي خوش تعاي دننام عمري باجر عدي طلعه من الاربعه
اي تنهدت بالم نمت يمه جرني لحضنه احس ميريد يترك حضني احسه يريد يبقى حاضنتي ويشبع مني هدات حضنته وغفه ابتعدت اباوع لملامح وجهه معقوله اسبوع مراح اشوفك شون حكدر شون اني من هسه مختنكه من اكعد الصبح وماالكاك شون شسوي حسيت تقرب نام بركبتي حضنت راسه قوي ضل يبوس بركبتي
كافي عمري حتموتين والله واموت وراج
اسم الله عليك حبيبي فدوه دير بالك عروحك ودزلي صور هواي
اي انتي هم دك المنبه باوعت عالساعه رجعت باوعتها هو اني نمت
اي نمت
يعني لازم اتوضى
اي
شو مااتذكر غفيت
اني حسيت بيك نفسك تغير
اووف يانفسي انتي بستها من راسها وكمت توضيت وصليت وبدلت تراقبني وعينهامدمعه
زين متت يك
لا بالطريق الولد كالو شوربه
كيفك شال جنطته حسيت روحي حتطلع تقرب حضنني دمعت عينه اني متحملت طكيتها ببجيه
لج كافي ومحمد هسه ابطل واسحب اسمي
لالا روح صارلك كومه تتعب حتى يطلع اسمك روح حبيبي
فدوه هذا الاريد اسمعه منج حبيبتي ادعيلي
انشاء الله مودع بالله
ديري بالج عروحج وحاولي لتطلعين هواي الوضع تعبان ماعدي غيرج
ولا اني العدي غيرك انشاء الله ليضل بالك
ماشي في امان الله
الله وياك ذبيت مي وراه وسديت الباب وطبيت فاروق صار بوجهي
راح
اي بجيت
ههه الله يخلي الج كلها اسبوع وراجع اي شي تحتاجين احنا موجودين يله اني هم رايح مع السلامه
الله وياك. سديت الباب وراه. ورجعت للغرفه مكدرت اطب احس طلع من روحي رجعت لامطبه لل9خابرت سلمان كتله مرلي كعدت عمتي كتلها كالت براحتج يمه وين ترتاحين روحي
خاله بس كم يوم وارجع
انتي هذا بيتج مو بس بيتي اخذي راحتج اجه سلمان ورحت لامي بقيت روحي تلوب كلسا مباوعه عالتلفون كلت اخلي هو يدك ماريد اضوجه كلسا داكه واصدقاءه يمه-----
يتبع
