#على_قيد_الموت29
فاروق- اخذت امي وريناد وكشخت وتعطرت زايد يمكن ضليت ساعه واكف كدام المرايه وافتر اباوع على صفحه شعري ولحيتي وارفع بخاجبي واخزر واجرب كل الحركات نسيت روحي انعكست بالمرايه صوره ريناد صافنه عليه ضامه الضحكه التفتت باوعتلها--
شبيج لج
لا مبيه هههه
ووجع مو صوجج امشي فوتي مااخذج
لالا حباب
دمشي يله يووم مكملتي
اي يمه بس دااخذ فاكهه
وين رايحين سفره
ميخالف بالسياره واحد يعجبه
عفيه العراقيين وين ميرحون اهم شي الاكل والجاي صدك اخذتي جاي
والله انت تحچي وتحچي
اني مااكدر بله الجاي
اخذت
بعد شعدج يله الطريق كله سوك ومخضر لبسي فوطتج تره اياد دك مرتين
يله اصعدو واهذو الغراض جايتكم
خوش امشي ريناد
اي اي
فاروق- صعدنا وحركت متوكلين بالله وصلنا لبيت ام ايناس طلع اياد جان ديترس السياره مي ابتسم تقرب سلم على امي وريناد باسته باوعلي ضحك
ها ابو حفصه مجييك السياره
اي طبعا مثلك لعد
اني هم جيكتها --- وهاي دره جتي
التفتت كلبي وكف درت وجهي على امي يوم جايج وين احس الدم صعد لكلبي يحاجيها واني كلبي حيوكف صوتها من ردت عليه اخذني لسوالفنا كل كلمه تكولها تذكرني بحجينا مراح اضعف والله لا العب بيج خلقه مباوعتلها ابد وسويت نفسي اصلا مموجوده اخذت كلاص الجاي وكعدت عدل عيني كبل احسها تباوعلي مستغربه ثكلت مشيتها سلمت على امي وريناد وباوعت عليه رمشه رفه مرفيت عليها سلمت
شونك فاروق
هزيتت راسي كلاص الجاي يم حلكي مباوعتلها عافتنا وراحت صعدت بسياره اياد صعدت ايناس وامها بعد ما سلمو شفت اياد يقفل بالباب مااعرف ليش انقهرت اياد اخويه مكانه بيت ابو بس ميخالف خطيه ام ايناس ماعدها احد. بينما حركنا لل9 كمنا نمشي سوه وكلسا مثكلين حاجين حجايه جانت كاعده ليوره يم. عمتها وعيونها عليه مباوعتلها ابد كانما مموجوده
اياد- يمشي بموازاتي اشرتله افتح الشباك
شكو
اريد جاي من امي
يوم هذا يريد جاي عدج
اي يمه هاك وكف السياره لك
لالا هاك تكدر هيج لو مو كدها
هههه لك اني الكدها. بس ديربالك لتطب بلوري امي اريدها
ددير بالك على مريتك اول والله واخذه ههه رفعلي حاجب ها شوني. جاوب --جنت فرحان بي احسه صدك صار رجال ومسوول عن عائله اياد. هواي اعتمد عليه وعلى والدي بمراهقته فعلا حسيته ابني بس من تزوج بسرعه حسيته كبر واعتمد خصوصا من هلك روحه بالتعب وكت الخطوبه واشتغل شغلتين. بس لو الله يكملها عليه ويصيرله فد طفل بقينا نمشي واحس عيونها عليه واني باقي بس ماريد السفره تخلص
اياد- شفته اشرلي ثكل ثكلت -- ها شبيك
اكولك امي تكول نزور شريفه بنت الحسن السياره تمشي خفيف ونحجي بنضره خطف لان كلبي بعد ميتحمل صارت عيني بعينها تباوعلي عاكده حاجبها مستغربه راسن التفتت نزلت الجيب الفوك راسي طلعت المناضر اريد اباوعلها براحتي ماريد تحس
اياد- نوسه تزورون السيده شريفه
ام ايناس- اي خاله شكو منها
دره- هذا شبي شايل خشمه هسه غير يباوعلي شنو لازم كلشي ميدري لازم احاجي لازم
فاروق- هاا ----باوعتلها رجعت خدودها طلعت. الاسود يخبل عليها ورجعت شفافها ورديه وخدودها هم اخ يابه نضره ردتلي العافيه الحمد لله ربي ---- ترحون
اياد- اي يابه توكل بالله بس لازم منتاخر
ام ايناس- اي بس نزور ونطلع
اياد- اي خاله ابتسمت حسيت ايناس لزمت ايدي التفتت فاز بيج شي
لا باوعت بعينه ابتسم
ابتسمت اوف يكلبي ودكته بعدها بس تباوعلي تتخربط الدگه لزمت ايدها قوي. اتلمسها مبتسم مفاركتها وكلسا اباوعلها البارحه جانت اروع انسانه وصلنا لبنت الحسن نزلنا نزور
فاروق- نزلت واني اتفرج على طولها المناضر فائدتها اباوع براحتي والمقابل ميدري احجي وي اياد وعيني عليها مبين عليه زنبرت وضاجت بعدج كلشي مشايفه المشكله اني دااستمتع بالسالفه انتقام يبرد كلبي
ها يابه باعي يوم ريناد انوسه خاله هنا نلتقي الكم ساعه وهنا نلتقي يم النخله هاي المايله
كلهم ردو. بقبول باوعتلها مردت وتاكل بشفافها تباوع وتدير وجهه بعصبيه وتوتر اباوع لاياد وعيني عليها اياد مرتك لتضيع
لالا تعرف طبينا كلنا زرت وكملت وندعيت منها هاي اول مره ازورها كون متردني تجعلها من نصيبي وتريح زيودي واياد وريناد ويحفضلنا امي وابويه طلعت وبقيت انتضر يم الشجره لمحتها اجتي اول وحده باوعت الساعه طولت ساعه الا ربع وصلت يمي اني داباوع كبل بس هالرجفه لو تروح مني من اشوفها تتقرب بقيت اباوع كبل لبست المناضر وكفت بعد متر عني حسيتها تريد تحجي باوعتلي واني داير وجهي عالمقام اكو حسره بكلبي توجع الاقت نضراتنا بحسره تباوع بعيني تدور بالمناضر اي شي يدل اني اباوعلها ايست ودارت وجهه اياد اجه من بعيد ابتعدت اكثر ولد جاي ناحيتنا رادت تنطخ بي الثوله مشيت وكفت كبالها لحكت صعدت ايدي اشرت لاياد عساس داصيحه
اي اي جيتك دااخذ حلاه
وكتك هسه
هاي انوسه خفض سكرها
اويلي يابه الله يساعدها ويساعد كلبك الكاعد بالهباطه ضهري عليها احس حاميها حسيت نغتني التفتت نص التفاته رافع حاجبي همزين الله اكو اكتشاف اسمه مناضر جان من لمعه عيني ودمعتها انفضحت
دره- فاروق همست التفت نص التفاته باوع لكتفه ورجع اندار كبل ناطيني ضهره والطلعه كلها كانما اني مموجوده --- فاروق حاولت اتصل بيك
فاروق- كطعت كلامها ومشيت يم اياد بقيت اباوعلها من بين سواد مناضري واتجاه نضري غير اتجاه شفتها عصبت ومسحت دمعه اخ كلبي تبجين لا هاي اللي توكعني دمعتج. بس لازم اريح كلبي الكسرتي انجمعو كلهم وصعدنا بسياراتنا وطلعنا لكربلا نزلنا وخلينا السيارت بالكراج حسيتها ضاجت وحست ذبت نفسها هواي كامت متباوعلي تركتها وكفنا بين الحرمين يوم خاله ام ايناس هسه ساعه 1 بال3ونص انتو هنا يم ها ي التانكي مال المي 117رقمه لتنسون باوعتلها تباوع عالكبه مال الحسين وعيونها غركانه دمع تفرقنا نزور. وعيني عليها حسيتها تاذت كلش مو مني لا بس حسيت جتي تشكيله الضيم المرت بي كملت زياره وطلعت نص ساعه قابل هو شبع خلي العالم تزور تواعدنا بين الحرمين كعدت وارتجيت بالتاكي كلسا اوكف وارجع اكعد اخاف طلعو ميشوفوني طفله يمه. تجر بسويجي المعلك ببنطروني تريد. وتصيح
تينيا تتوسل بعينها شون عيون فدوه - بابا انطيجيا وشون ارجع زحف لو اشغل بخاشوكه السياره. صافنه بوجهي تنكرط جتي كعدت كدامي وسولف سيفي العاءله خبصتنا امونه وامونه اباوع هاي وين اهلها انتبهت ابوها ديصلي بين الحرمين كلسا يباوعها يبتسملي وايرجع يصلي. والعينتين تقشب اخر شي كالت اموني متستحي تلبس شورت وبابا شافها ضحكت عليه من كل عقلي حضنتها صاحت عيب انت مو بابا اوي عيني ابتعدت ورجعت تقشب اموني واموني سمعت صوت ورايه
ها يابه قبل الله
ها كملت تعاي اكعد كابلني اسمع اموني شمسويه بيها
اموني منو
شمعرفني استلمتها اكس مربعتين صار ساعه
ههههههه فدوه شلون حلوه شسمج
اني عنبر
اللله حلوه اسمج
هلي لو زياد هنا جان كال عنبر مال مساجين هههههه
خرب ببليسك فاروق ههه اي عنبوره ياصف
بعدني منسجله يمه فدوه عسل مو لسان
كالت
انت ماعدك سويج مثله
لك كتلت روحها على سويجي تكول تينيا
لا يابه وشون نرجع
يله حاجيها
ههههه وانت هواي مكيف عليها
يابه شورايه ننتضر ونسولف شفت دره جتي منصيه راسها كعدت بصف اياد تباوعلي بخلسه. وهاي تلغي لج بابا بس خرب اباوع على ابوها. لك هذا مصدك. كالت
اموني ضربتني هنا
دكومي خرب روحها لاموني لك عيني سطرتني سسمعت ابوها صاح يله عنبر كومي اسفين يابه ازعجناك جاوبته لا يابه حلوه سوالفها كلت بداخلي بس مااعرف ليش راسي كام يوجعني كالت الطفله جتي اموني شو خل اشوفها لاموني من اباوع كتلها وينها اشرت على بنيه تطلع ب30كلش حلوه رجلها وجهه كام يضرب الون كال يله بابا امشي باوعت لاياد يباوعلي يضحك
اياد-ولك هاي طلعت خوش اموني
ولك فضحت امها تكول تلبس شورت بالبيت لو ادري جان كتلها شون لونه خرب ههههههه طلعت خوش اموني استغفر الله.
ههههه وانت صارلك ساعه تسمعها
اسكت كلتلي سوالف تكول متخليني اكعد بحضن بابا بس هي خرب حضي واني عبالي طفله حقه عيني بابا يخليها بحضنه
ههههه كافي ولك حرام هههههه
والله ضحكتني بس تدري الجهال يخوفون شكو سوالف كالتليها دول بيعملو عمايل ههههه
اياد-اي والله يخوفون انداريت على دره منصيه وتسبح اباوع ايدها كلها دموع همست دره كافي ذكري الله
فاروق- شكو شبيها شاورته باوعتلها منصيه
ولك ماتت بجي ذبحت روحا من طبينا لحد مطلعنا
بقيت اباوعلها مردت كلبي الله اليعلم النار اللي بكلبها شنو هسه وابوها حتى كبر مااله لتن رفات صارت بالحركه جثته الله ينتقم منهم لو بيدي اخذ قهرها واخلي بكلبي ولاتنزل دمعه منها بلحضه نسيت حقدي واذيتي منها. بله وعي كمت كلسا اباوعلها وهي ضلت منصيه بغير عالم. تمنيت احضنها مثل محضنتها بالمستشفى جتي امي وريناد وام ايناس وايناس انلمينا ابجيناس ضلت تحاجيها وتحضنها يكون اني بمكانها هي محتاجتني الي هسه محتاجه ضهروسند مشينا شوي دك بيه الجوع باوعت لاياد لك مجوعان
ها كيفكم نتغده
لا والله ليش ناوي ترجعنا بله غده اني ميت جوع والله
طبعا هلكد مااكلت راسك هاي
كله من وره اموني ههه دمشي هذا مطعم زين هنا طبينا المطعم طلبنا بالصدفه صارت كعدتتها كدامي اياد راح يركن سيارته كعدنا باوعت لانوسه
انوسه انتي كباب دجاج مو
اي حباب
خوش يوم وانتي
كيفك اي شي
ريناد دجاج شوي مو
اي فاروق ماحب غير شي
باوعت لدره باوعتلي ودارت وجهه جرت المنيو بهدوء باوعت للبوي كالت اريد شاورما عدكم كال لا زين لعد كباب دجا ج
متباوعلي وتحجي وياه بكل هدوء اني تخبلت خزرتها باوعتلي رفعت حاجبها ودارت وجهه
هااااا هيج يعني كلت بداخلي هيين هيين هزين راسي متحلف جابو الاكل واجه اياد كعدنا نامل ونسولف وامي طرقت موضوع الزواج كانما ماكو غير موضوع
يمه هم يجي يوم انت تاخذ مرتك. وياك مثل اياد
الله كريم كلت بنتره باوعتلي امي ودارت وجهه وكتج هسه
ام ايناس انتي اذا عدج بت اختج وبنيه حليوه ومكمله دراسه متمولين حرامات هاي تروح من ايدج وانتي عدج شاب
ام ايناس- اي. والله اكول وخصوصا بنات هالوكت مينحزرن
فاروق- اي والله خاله مينحزرن تكولين ايه الله العضمى وهي حتى حشيشه تشرب هههاني شداخربط باوعتلها فاتحه عينها تباوعلي صافنه ذبت الاكل من ايدها زنبرت اني مجبت طاريها خاف انمست من كلت حشيشه بلعت ريك خفت من عينها نصيت راسي كامت متاكل نفسي انسدت
ورجعت امي تكمل حجي نترت بيها كااافي يووم
لمينا الاكل سفري وحاسبنا وطلعنا بعد مباوعتلها ولا باوعتلي رجعنا كلمن ببيته والطريق كله ماباوع عليها عناد معاند وي روحي لحد ماوصلت للبيت واياد راح لبيته صعدت اول مطبيت شنرت الجهاز والسويج ركع باوعت لوجهي بالمرايه كعدت بالكع ليش هيج سويت مو انت تعشقها مجان هسه دتحاجيييها كمت اضرب براسي ليش هييييج لزمت الفون فكيت الحضر عن كل البرامج دخلت على حسابها ميطلع ناطيتني حضر حرجع الوبب اريد صوتها. تمالكت نفسي المهم فصخت خطوبتها
