#على_قيد_الموت
10
مريم السعدي
اياد- ششنو قصدها لتقفل الجهاز تذكرت حجيها اياد لو شميصير بينا جهازك يضل مفتوح ابتسمت تريد ترجع ويايه رجعت للبيت فاروق جان دينتضرني رايدني بشغله راسن بدلت وطلعت ويا. بس بداخلي فرحه هالفتره شحصل مينطينيا فاروق يكول خليها اجمعها الك واني ممحتاجها واللي احصله من اعمال البواري والكهرباء انطي لامي لان التقاعد قليل وريناد هالسنه سادس يرادلها محاضرات ماريد نقصر وياها اني واخوتي وابويه كلنا ممشين مصرف نخلي يم وامي تعرف تتصرف بيه مو مبذره رحنا للشورجه كملنا شغل ورجعنا العصر التلفون كلسا اباوع بي بعدها مفاكه البلوك اوووف شوكت لعدد تفكه اجه عليه واحد من المنطقه عده صبغ غرفه طلعت بس اريد الهي روحي بلشت اصبغ سمعت رنه رساله واكمز من عالدرج الا شوي قوطيه الصبغ توكع الرجال انتبه ضحك شكد فشله فكيت التلفون اي رحعت فكت البلوك عن كل البرامج اخ يابهههه فدوه للدفو الحنين دزيت صوره الصبغ الصابغين بي الغرفه والنقشه المسويها عالحايط جانت حلوه كلش غرفه نوم وبي نقشه عالحايط كلوب وحمامات شايلتها كتبتلها حلوو؟؟
مردت بس مرئي تنهدت الرجفه اللي بكلبي رجعتني اصغر من عمري 10سنين المرئي شكد حلوه يعني عيونها اللي جنت اتاملها شافتها صاح الرجال يله عمي حيصير الليل
اي اي العفو عمي
رجعت صعدت كملت واني فرحان الغرفه صارت عاللوك كملتها وشلت النايلون اخذت 100الف وطلعت وصلت للبيت زياد- توه ديطب
ها زيودي ولك اخبار تازه
ها يا الله يله الليل طويل نطلع اريد انركل
اوهووو يعني صرف
لك انت غير كرميده ولك تشتغل 3شغلات
لك مو امي محتاجه وفاروق مدينطيني شكله مغلس بس يكول جمعهن يمي
هههه بالعافيه بوري معدل
اني حسيت بهالشي دروح اكل بينما اغسل وابدل واجيك
متاكل لعد
لا خطيه ابو البيت جاب غده كباب وكذا
اي يابه ليش لعد دفوت اغسل فوت
طبيت غسلت وكملت وتمددت ارتاح دزيت رساله
حضرتي جنطتج ---- مرئي
----------
ليش متردين --مرئي
----
ارنوبتي ردي الله يخليج -- مرءي
---------
عفتها براحتها كلت اني احجي المهم دتشوفني
مشتاقلج حبيبي ولو مو من حقي احجي هالكلام بس البعد صعب وكل بالي يمج ماريد ابرر واكول ليش هيج سويت بس تمنيت احاجيج ولو كلمتين بالتلفون بس انتي رفضتيني التجات لغير طريق كلت كم يوم واتركها تعلقت بيج كلش مكدرت اتركج حبيتج اكثر ماحب اي شي بحياتي عشت وياج احلى ايام بس اعرف انتي صعبه عليج ويمكن لحد هاللحضه انتي تتخيلين ياسر ديحاجيج جنت اموت من تكوليلي ياسر اذا تتذكرين من اصير عصبي وتكوليلي ياسر شبيك اصير نار لو من تتغزلين بشكلي شيصير بيه جنت اغار عليج كلش --- مرءي
الو --- مرءي
المهم عدي دتشوفيني ولو دااتعذب بس احسن من ماكو انتي ---مرءي
احبج يله حنام مااخابر واسمع صوتج اغفى عليه---- مرءي
اذا خابرت تردين ---- مرءي وماكو رد بديت اتعب دكيت ولو بالهدف لو بالنجف دك دك مردت عفتها. نمت واباوع عالجهاز ممصدك دتشوف ال اارسله الها كعدت بليل زياد كعدني اكلت لكمه وطلعنا فاروق يباوعلي
فاروق- اياد محتاج فلوس
ها لا لا ممحتاج
اي احسن لتصرف جممع وين رايحين
زياد- لبيت صديقي بلعت ريك عازمنا خطيه ولمه شباب
فاروق- مممم اي شكو منها
اياد- طلعت وره زياد باوعتله هذا اخوك ششايف من شبابه
ليش
يمعود لا طبه ولا طلعه
منو يكول يجوز يطلع ويطب واحنا مندري
ماادري بعد وصلنا الكافتريا
اي ايردي سولف شنو الاخبار
مو رحت وشفتها وحاجيتها ودموع وعويل ومناحه اسكت وخليها
لا بربك
اي تالي
تاي ---- خرطتله الصار كله هو بس صافن
ها شو صفنت
يول هاي خوش بنيه لتعوفها متشيل بكبها حقد وحابتك
اي نصيت راسي بس اخيك ميستاهل
اي هاي منتهين منها بس حسن بروحك صحح باغلاطك حرامات تضيعها والله
الله كريم بتوعتله انت شكو ماكو شونها المدلله
اوووف صدك مدلله
ليش هههه
ولك حولتها عالانفرادي وميكفه وحدها صار اسبوع
اي عكدت حاجبي
اي وبس وكت الفسحه تطلع
ها ههههه هاي متريد تختلط بالمسجونات يمعود الله يخليك شو هن القضايا عجيبه غريبه حقها اذا مضلومه بس اذا لا هاي دتمثل. العقيد فراس اجه
لا بعد تنهدت الخميس اليجي كال ارجع
اي زين مبقه شي حتى واحد يرجع يفتح القضيه بدون علم اهلها
اني هم هيج كلت. واني احب سالفه التحقيق ومبدع بي
ههه شارك هومز باوعت بعينه اللهفه والابتسامه من يصفن--- حلوه هي
اي ابتسمت نزاكه ونعومه توصل اشرت على جوه كتفي توصل لهنا
زين ليش دتقيسها بطولك ههههه
ها لا هيج داوصفلك نعومتها وكصرها
مممممم بيها الخير
البارحه -----
سجن النساء
زياد- ب1 بليل وكلها نايمه حتى الحرس اني مكدرت انام بقيت اتصفن ردت اشوفها كمت من مكاني طلعت من المكتب مشيت الممرات الحرس نايمين والمسجونات هم وصلت الانفرادي اللي اعرفه سجنها 45ب. وصلتله وكفت ضوه خفيف واكو مثل الفانوس الصغير ضهرها هالقضبان مال السجن والباب بيها فتحه مربعه وبيها قضبان باوعت منها استغربت صحت
دلال كحت وردت نعم منو
اني الضابط
نعم سيدي اكو شي
شنو كاعده؟
اي دااقره قران
صفنت عليها صدقت وسدت الكتاب وتقربت من الباب شفت عيونها تلمع بالضلمه. بلعت ريك
محتاج شي اي سوال علمود القضيه اني حاضره
تنهدت لا بعد مو هسه دااطبخلج طبخه على نار هاديه بس كون مدتكذبين عليه
لا سيدي مدااكذب راح تحقق وتشوف بنفسك بقيت اباوع بعينه
املتي شي
اي وصلي اكل السجن
اني دزيتلج لفات ويايه
اي اكلتهن كلش طيبه سكتنا. ورجعت سالته انت ليش مهتم هالكد
احسج مضلومه واني صراحه مو هنا مكاني اني محقق واعشق مهنتي بس ترقيت وصرت ضابط مركز شو جابوني هنا تنهدت وانتي اول قضيه تدوخني
ليش نحجي همس خاف احد يسمع ديلثر بيه صوته واهتمامه
واني هم دااتاثر بصوتها الناعم حركاتها واتزانه والتزامها بدينها تركيبه مخيفه كدامي كلها الغاز وعلامات استفهام حيرتني بقينا ساكتين وماشوف غير عينها من الفتحه لان هي كصيره
سيدي اترخص اريد انام انت روح نام لتجيك حجايه من ورايه
ليش البارحه نطلعتي بالفسحه
مالي خلك ردت اصلي
ممم مقبوله يله تصبحين على خير ارتاحي رجعت ليوره كم خطوه اتلفت خاف احد من الحرس يكعدون بس نايمين همزين طبيت للغرفه حانت دافيه بس السحن ثلج شون بله وهي مكيفه عالانفرادي. هفففف منها
وهذا كل اللي صار
هههه انت تضحك تره
دنجب يله كملنا نركيله رجعنا للبيت نمنا
اياد- بس دخلت دزيت رساله الها مشتتتتتاق شوي وصار مرءي
رجعت رسلت باجر ماراح تكونين بالعراق يعني من اباوع الصبح عالساعه ماكو ل هي هسه كاعده لان نفس وكتنا شوكت موعد طيارتكم مرءي وماكو رد اوووووف شون وي حركان الدم ذبيت الجهاز انخمدت صباح السبت رحت للاسواق ضليت اشتغل تحميل وهالسوالف شيل وحط وترتيب وبيع للاربعه دزيت رساله شوكت تطلعين بس هاي ردي عليها. طلع مرءي دقايق ووصلت رساله منها صوره بيها جنطتها وحوازها ومبين موعد الرحله من لوحه السفريات مكتوب ب6تقلع الطياره وكف كلبي طلعت ورحت للبيت بدلت وكشخت زينب باوعت ب5الا ربع بعد وكت الحك ركبت تكسي وطلعت للمطار وصلت ب5ونص بقيت افتر عالمصاطب اخر شي سالن وين صيارت اسطنبول اشرولي عالمكان اللي ينتضرون منه لمحتها يم امها يابه جسمي نحل باوعت جاي ايد وره وايد كدام تلفتت اكو محلات كوزمتك وهالسوالف طبيت وعيني عليها ناطيه ضهرها الي اشتريت سوار ملكيت ارنب لكيت حروف خليت حرفين a-eبس شنو الاسعار بالمطار جهنم ---- غلفته ومشيت وكفت وراها امها جانت دتغفي باوعت على ايدها دتلعب بالموبايل باوعت زين صرت بضهرها فاتحه المحادثه وتباوع عليها ضحكت مديت ايدي طخيتها من حجابها من وره فزت التفتت فتحت عينها
شجابك
اودعج تنهدت باوعت عالعالم كلمن حاير بهمه تعاي
وين هسه حتطلع الطياره
لا بعد ب6تطلع عدي ربع ساعه جريت ايدها مشيت بمكان شوي اهدا وعيني على امها وعليها باوعتلها
شتريد جاي
بس ردت اشبع من عيونج باوعت بعينها.
باوعتله نصيت راسي دمعت عيني بعدني استغربك رفعت راسي بعدني لحد هاللحضه احس انت هو اليثبت شي واحد بس بروده من يشوفني وووسكتت
كملي عادي اتحمل باوعت واني محترك
ولهفتك من تشوفني انت باوعت بعينه اريد اشوف شكد يحبني وداشوف اللهفه تنهدت شون فهمني
جريت ايدها خليتها على كلبي شوفي دكته وانتي تعرفين اني منو يايابه دفو ايدها شسوه بيه حركه عفويه بس خلتني انحل ردت اوكع غمضت عيني تباوعلي مدمعه وعيونها ذبلانه فتحت عيني بلعت ريك
انت اياد
اي اللي حبج اياد بقيت لازم ايدها وضاغطها على كلبي
بقيت مااعرف شكول اباوع بعينه واحس برجفه ايده فوك ايده ورجفه كلبه جوه ايدي بايدي اللخ لزمت السلسله تلامس طرف ايدي بركبته رفعت عيني شفته غمض رخه ايد جريت ايدي من كلبه شفت بنيه صغيره دتباوع علينا وتضحك همس
شيلي ايدج
تخبل عليك السلسله
تنهدت هالكلام معيود بس مو الي
نصيت راسي شفت مراح نكدر نكمل سوه اي شي حيذكرنا
اششششحش لالا اني اتحمل العواقب لتحجين كيفج
هزيت راسي طلع من جيبه مغلف صغير باوعلي اني مراح انزع السلسله وانتي لتنزعين هذا ايناس انتي الي ومتصيرين لغيري
هزيت راسي بثكل ممربطه وي اليكوله دايخه وارجف من نضراته من احساسي فززني صوت النداء بعد خمس دقايق تقلع الطائره
ركض شكيت الغلاف لبسته الها ايدها تخبل باوعت بعيني اخر مره جرت ايدها مشت كم خطوه صحت ارنوبه
اندارت بلهفه رجعت مشيت سريع حريت ايدها بستها لتنسيني وردي كافي عذاب ثنينا تعذبنا بس اني غيرتي حركتني والله مااغلط بعد باوعتها بتوسل هي بس صافنه تباوع بعيني وعينها مدمعه جرت ايدها وراحت لامها امها لمحتني من بعيد ابتسمت نصيت راسي لا عيب خل اروح اسلم عليها مشيت كم خطوه شفت خالهم وكفت لالا خل ارجع هسه ينثبت انه اني على علاقه بيها شفتها من طلعت وكلسا تلتفت تباوعلي كلبي معصور اخ يمه شوكت اشوفج بعد يبت كلبي كلسا تباوع بلهفه مسحت دموعها واشرت باي بحركه وره ضهرها خوفا لا خالها يشوفها شفت الطياره من طارت روحي وفاركتني يايابه شكد دااتعذب شحيخلصها الشهور---------
يتبع
