#على_قيد_الموت
40والاخير
مريم السعدي
ركضت جوه نزلت صحت ام مهدي متسمع بس تصيح ام مهددددي صحت بعلو حسي طبيت ركض اول مره اطب للغرف الجوه شنووينهن رجعت عاطت نووور على صوتها ركضت لكيت حمام طبيت نور غركانه بدمها الحمام كله دم المنضر مرعب وكفت بلعت ريك اريد افكر عقل مضل براسي بحضن امها تقربت كم خطوه اباوع ايدها تجري دم ومن زندها ومن يم كتفها البنيه ميته اكيد شلتها باه مااحس واركض اصعد فوك مفكرت راح ابتلي او ماابتلي خليتها بالسياره وعدل للمستشفى وصلت نزلتها ركض هسه يله انتبهت اني وحدي ام مهدي مو ويايه طببتها للمستشفى اخذوها مني ركض عالطواريء كعدت حيل مبقالي دك تلفوني امها تبجي وتحجي حيل مابيه ارد كل الگلته ام مهدي لتخافين اني اعقد عليها واسترها بلعت ريك غمضت عيني اني راح اتزوجها اني مداافهم شي اني بالمستشفى الفلاني بالطواريء سديته كلشي ممفهوم منها بس تبجي وتصيح اريد احد يطلع من الطواريء يكولي تلحكولها ماكو طلع دكتور صاح ركض محتاجين وكفت وين منين اجيبه روح لمصرف الدم صاح بعلو صوته لببببيب اجه ولد ركض بيده بطلين دم ونفس الوكت دفعني كال روح اتبرع ذاك مصرف الدم. مثل المتيه رحت وطبيت تبرعت وطلعت طوني ورقه عيني كامت تغوش طلعت امها كدامي صارت باوعتلها ويننها
كالت مادري ماكو مخلوني افوت
طلع الدكتور مدمه باوعتله دكتور
راحت البنيه مكططططعه مكطعه
شنوو شنو ماتت شنو شكلت
مثل مسمعت وحتتعرضون للتحقيق ولازم تتشرح هاي مقتوله كعدت فحطت روحي اريد اجر التفس مااكدر هيج الفقير مديوس عليه حسبي الله عليييك كمت اصيح امها وكعت تراكضولها شالوها خليت ايدي على راسي ربي صبرها دخيلك فضيحه هاي فضيحه حسيتها وحده من اهلي بنتي او اختي اباوع هدومي كلها دم قميصي الابيض مصبوغ اجه ضابط ووياه واحد بيده عرايض اشر عليه الدكتور اجه كعد بصفي. اني بس فاتح عيني بعدني بغير عالم اكول هسه يطلع يكولي لا لحكولها باوعلي الضابط كال
العفو انت شتصير من البنيه
بلعت ريك التفتت فركت وجهي اني موضف بالدائره اللي ابوها حارس بيها
يعني متعرفها
اعرفها تشتغل بالبدائره
البنيه متعرضه للقتل لو شنو
اباوع البصفه يكتب كل كلمه تطلع مني بالكوه
لاهي انتحرت يمكن اني كل الشفته صاحت امها وطبيت نقذتها بجيت وجهه البريء صاربوجهي استاذ لتعوفني وتوسلها بيه
البنيه مقطوع وريد ركبتها واورده ايدها وزندها
هزيت راسي ابجي اباوع دمها بيدي خله ايده على كتفي
لازم تتعرض للتشريح
اني معليه خل تصحى امها تفهمكم كلشي
ماشي مقصرت بس اذا ممكن توقيعك
وقعت تلفوني مسكت ايناس حركت الخط حرك وكفت كوه طلعت اباوع لروحي شون حروح لاهلي هيج جاكيتي بي سحاب اخذته من السياره رجعت للمستشفى دخلت التواليات تذكرت اول مره ذبت عليه ايناس الكابتشينو تمنيت الحياه نفس ذيج السهوله هالمره دم طفله بريئه راحت لربها النوبه تروح للنار نزعت قميصي غسلت الدم وابجي الله يساعد اهلها لبست الجاكيت وسحبتها وطلعت دكت ايناس
الو احم
انت وييين
بالطريق جريت نفس مخنوك
ليش تاخرت
ايناس رحتلج فدوه مو هسه
شوكت تجي
داكولج بالطريق حيل للحجي مبيه سديته شمرت الجهاز شفت نفسي قريب على اهلي ردت اشوف امي اريد ارتاح وحتى ريناد اشتاقيتلها. بدون ماحس طبكت سيارتي بطرمتنا طبيت شفت امي دتلكط خضر همست يووم فزت
شبيك يمه شكو شصاير شبيه وجهك
مابيه شي تعبان
ليش يمه مرتك بيها شي
لالا نصيت راسي وكفت امي غلسلت ايدها ومسحت بهدومها تقربت مني
اياد ماما بيك شي حبيبي
تعبان يمه غمضت عيني ابجي
تعال يمه سوده عليه تعال
اخذتني للغرفه وسدت الباب كعدت عالجربايه وخلت راسها بحضني حسيت روحي مثل الطفل شتكوله اسوي ضلت تمسد على راسي وتحجيلي بعدوء
ماما هسه تكبر واشوف بنتك تركض بالبيت كدامك وتصيح من تطب من شغلك اجه بابا اجه بابا تركض تجيبلك شحاطتك وتكع. بحضنك تتسابق وي ارنوبتك على حضنك ليش مهموم يمه منو وياك حبيبي
مابيه شي شهكت الدنيا وصخه حيل طبت ريناد
ماما وين الجداحه مال الطباخ شفت اياد يبجي اياد شبيك
اياد- شفتها مااعرف ليش جنت محتاج اشوفها تقربت مني كعدت على ركبها دمعت عينها مجرد شافت دمعتي اباوعلها مو حقي اخاف عليها هيج بقيت اباوع بعينها تقربت حضنتني ليش تبجي حبيبي ماما شبي يودي
مبي شي يمه اخوج سبع بس هو شوي صاير ضغط عليه
خويه حبيبي محتاج شي عيوني الك
جج غمضت عيني تلفوني يدك اخذته مني امي اشرت لريناد طلعي وطفي الضوه طلعت ريناد وطفت الضوه تمسح بدموعها تباوعلي وترجه تلتفت ردت امي على ايناس
الو ها نوسه حبيبتي اياد يمنا شوي تعبان ووابوه احتاجه بسالفه لا تلفونه يمي عافه ابوه محتاجه بشغله الله وياج يمه هله حبيبتي
اياد- غمضت عيني حسيت على رجلها تنحل كل الامور غمضت اريد انسى منضر الدم الشفته اليوم امي مسالتني شبيك عافتني براحتي هذا الجنت احتاجه الهدووووء نمت حسيت غطتني وبقت تقره على راسي حسيت وره شوي صوت فاروق يمي
اياد اياد
ها احمم راسي حيطك
شبيك خويه
مابيه شي
دره كالت مرحت لبيت مرتك متعارك
ججج وكفت مااكدر اوكف ادوخ
الله الله لك شبيييك لتخبلننني
مابيه شي لتصيح اني تفز
هاي شنو متبرع دم
لا
شنو لا هاي اللزكه والختم زوج اني
عوفنيييي دفعته مالي خلك اسءله من احد
شبيك اياد تره رجفتني
مبيه شيييي اهووووو اخذت فوني وطلعت لبيت عمي اول مطبيت ايناس تخوصرت اشرتلها حس مااسمع تعبان اريد انام
اياددد شبيك انت حتخبلني
مابيه شي اريد انام لو اطلع احجز انام بفندق ،
لا حسكت برطمت. ابجي عافني وفات للغرفه كعدت بالمطبخ ابجي انهااريت امي تكسر عليه ماما الرجال عده شغل مو نفس تفكيرج يمه وضيفته صعبه واني مدااكدر اسكت كمت سبحت وطلعت حسيت دوخه قست السكر صاعد استغفر الله لازم اهدي روحي ركضت اخذت حبوب رخيت جسمي تذكرت التلفون هسه اكيد غفه طبيت شفته نايم بتعب اخذت التلفون على كيفي وطلعت طبيت للصاله وقفلت الباب فتحت اللبرنامج اول تسجيل طلعلي فتحته ارجف من صدك صوت بجي وحجي منفهوم وراها صوت اياد ام مهدي اني اعقد عليها اني اريدها اتزوجها لتخافين بلعت ريك لالا اني دااحلم فتحت الثاني بنيه صوتها ناعم تتوسل لتعوفني وهو يكولها لتخافين ماعوفج حتى لو اجي وياج اسوي العمليه وكف كلبي صعد الدم لراسي وكفت اريد اطلع من الغرفه دخت انسندت بالباب فتحت القفل دره وجهي على باب غرفتي شفته توه طلع ديسد الباب وجهه مال نوم فرك عينه باوعلي عكد حاجبه شبيج
همست كذاب
شنو
صحت بعلو صوتي كذذذاب
شبيج نوسه لزمت راسي شبيج تصيحين
ليييش تخونني ليييش صحت بعلو صوتي شبيه اني
ششش مخاينج لزمت وجهه طلعت امها شكو يمه شبيكم
خاله سكتيها لا اطلع قهر ي بيها خبلتني
خببببلتك شمرت تلفونه عليمن تريد تعقد علللليمممن
بلعت ريك شفتها خلت ايدها على بطنها. ولزمت راسها
كافي ايناس كافي والله ماعدي شي مفاهمه شي انتي والقران تقربت احضنها
شبيه شناقصنيييي فهمني
والقران ماعدي شي كمت ارجف اباوع عليها دتوكع وترد تسند نفسها تصيح فقدت تصيح اططططلع بررره من بيتي اطلع ماريد اشوف وجهك
ايناس فدوه بس اسمعيني
ام ايناس- لج يمه حتموتيها لروحج على بختح يمه على بختج روح اياد روح حبيبي بس خل تهدا وفهمها لج ماما انتي حامل ومريضه
عوفففيني يوم اني صوجي صدكتك انييي صوجي اليبدي بالحيله يخلص حياته كلها حيل
اياد- ايناس حبيبي الله يخليج خاله عفيه هديها حموت والله العضيم حموت
ايناس- ااااطلععع من بيتي
اياد- والله حروح والقران بس اهداي والله ماعدي شي رجعت اخابر زيادكدامها يدري كلشي التلفون مديشتغل حضنتها حبيبتي الله يخليج على كيف دفعتني ووكعت بالكع امها صيحت روح ايادد اني اهذيها روح
طلعت ابجي مثل النسوان خرب اني شورطني شون عرفت ام مهدي خابرتها لا هي بيا حال وصلت عالشارع كعدت عالرصيف محاس على روحي خابرت فاروق
الو
فاروق الحكلي
اي مو داكول انت وين يابه
يم بيت ايناس
خو مابيك شي
لالا ايناس
جايك بس اذا واصل مرحله ماالها حل يا اياد لا اطيح حضك
سكتت ضميت راسي بحضني مثل الطفل اللي ميكدر يحل اي موضوع بس اخرب الضهر بنيه ماتت ملحكتلها وهسه مرتي انهارت والله يستر حسيت خيال طويل بصفي رفعت راسي فاروق
ها شكو
توني احجي تلفون فاروق دك
الو هادره شنوو اي هو اني راس فرعهم دروحي كرم عيني كوم مرتك تنزف جريت نفس لخاطر الله شمسوي
كمت كوه ترجف رجلي وصلت للبيت ماريد اشوف منضر الدم مدااكدر طلعت امها تركض كالت الحكولي طبينا ركض شلناها وكبل للمستشفى مثل الحلم اليوم من الضهر ليهسه بالمستفى متباوعلي كلسا التفت متباوعلي ساكته ودنجموعهاعلى خدها
والله ايناس ماعدي شي هاي بنيه
اسششششش ماريد اسمع كذبك
لازم تسمعيني لاززززززم كفرت بله مااحس وكف فاروق السياره بعصبيه
امشيييي انزل لا احركك هسه
فاروق شبيك
انزززززل دفرته بله ماحس نزلته وطبيت للمستشفى اخذوها طواريء وصل اياد باوعلي اشرتله تعال رفعت حاجبي شمسوي الغي هسه تحجي كلشي
حجيت كلشي وابجي نصه راسه يهز برجله رفع راسي باوعلي
شكد طايح حظ شنو ماعدك اخخخخ ولك مرتك سكرها 500
بلعت ريك والله مو قصدي شي
اني يايوم مقصر عليكم بشي ليش مجيتني وحجيت ليييش
نصيت راسي فاروق الله يخليك لتزيدها تره واصله لاالله الله يدري بنيتي شنو جانت
هزيت راسي اريد اشوف شون راح تصفى بس الله يستر انت التوكع بيها اشرت عليه والله ليطيح حضك يا اياد
غمضت عيني اريد اصحى هذا حلم حلم طلعت الدكتوره باوعتنا وينه زوجها وكفت ارجف نعم
وقع هنا الطفل مات اثر ارتفاع السكر لازم فتح بطن وتجيب
دكتوره كولي غيرها خليت ايدي على وجهي صرت مثل النسوان ابجي
ماما السكر صاعد شنو بيدي خلصني خل نسوي العمليه مو زين وقع وقعت ارجف ودخلت عبالك الجوه مو ايناس ولا الواكف اني روحي جانت واكفه على صفحه تتفرج ماساه شخص غيري مقهور عليه وخايف عليه فاروق يباوعلي حاير طب خالها يركض وي دره تبجي ابتعدت عنهم طلعت لحديقه المستشفى ربي انت اعلم بنيتي مراح تخذلني اني واثق بيك ومتوكل عليك ردت الستر استرها عليه دخيلك يااارب رجعت فتت كالو طلعوها الدكتوره صاحتنا اني وامها بالعياده مال مستشفى طبيت ارجف ماضل حيل بيه كعدت كبالها كالت
البنيه سكرها مدينزل والجرح ميلتام هيج ونزيفها متوقف ابد مداسيطر عليه
شنو قصدج دكتوره افترت الدنيا بيه وكعت مكدرت بعد حسيت وره شوي فاروق يم راسي. وججهه ميتفسر ابويه وزياد كبالي واكفين ابويه بحياته مفات مستشفى كلبي عصرني ووجع صار بعيوني عصرت عيوني قوي فاروق
اياد كوم مرتك تريدك
شنو وكفت سندني على كتفه ابويه يباوعلي بقلق وزياد ميباوع بعيني وصلني لغرفتها طبيت اهلها يمها يبجون وجهه اصفر يمها مره تبجي لا بسه اسود التفتت ام مهدي هاي باوعت بالوجوه اباوع عالشباك دنيا صبح شنو السالفه شكد نمت اني وصلت يم السديه حبيبتي مو هي عبالك صفره حيل امها بصفها كاعده بس شبه ميته اني وين اني بحلم. كالت كوه طلعو عوفونه وحدنا بلعت ريك ارجف عبالك مااعرف اي واحد بيهم ولا حته ايناس نضريه علميه تذكرتها بهاللحضه انه العقل من ميكدر يتحمل الصدمه يوهمه الجسم انه ديعيش بحلم او خيال اني هاي الدامر بي هسه طلعو جر فاروق كرسي خاه ايده علو كتفي كال اكعد ارتاح كعدت اباوع على رجلي بيها لزگات وتاذيني شنو الفلم
ايناس- حبيبي همست بتعب طيني ايدك
مديت ايدي خجلان خايف مرتبك عبالك مو اني صارت بايدها بارده ثلج باوعت بعيني كالت
ليش مكتلي صارحني
صفنت عليها اباوع جوه جسمها نايلون رجعت باوعتلها انتي متنطين مجال واحد يحجي وياج بجيت انتي لو كايلج جان تخبلتي جان كليوميه تضلين تسالين وتتعاركين وتبجين
اسفه اني ندمانه لان بلحضه شكيت بيك وانت هاي مواقفك ويزالناس بس لو كايلي
ميفيد الحجي باوعتها بعتب
احلى ايام عشتها وياك اياد ولا لحضه ندمت من زواجي منك بس خليها ببالك بجيت الحياه لازم تستمر ضغطت على ايدي حبيبي اخلى عيشه بكل حياتي عشتها بهالسنتين ومقصرت ابد ويايه
ايناس الله يخليج لتعوفيني كعدت على ركبي ابوس بيدها لتعوفيني والله اموت وراج
اياد حبيبي يا احلى شي صار بحياتي
ايناس اذا عفتيني راح اكرهج واكره حتى روحي ماريد اعيش صحت طب فاروق لصيحتي اخويه الطول والهيبه بعده بال30انتبهت حنه ضهره نصه عليه شالني الدكتوره تقدمت عليها مابيه مقاومه طلعوني من الغرفه كمت اضرب براسي خالها صاح بابا حررررام اذكر الله
عوفوني يمهااا
فاروق- اياد فدوه لكلبك قوي روحك
لك عوفنييييي
اياااااد لزمته من كتفه صيررر رجال بسسس
زياد- تقربت منه الزمه مكدرت عفته وطلعت ربي دخيلك لانسالك رد القضاء لكن نسالك اللطف به
فاروق- طلعت الدكتوره باوعت على امها وعلى اياد باوعتلي خلي يودعوها اباوع لايادي بيدي وكع راح خشمه طك دم بوكعته ربي دخيلك ايااد لك اياد يوم فدوه اخويه حيروح من ايدي لك زياااد تعال عاونتي وين حترروح
زياد- رجعت ابجي شلته وياه ---------
الجزء الاول انتهى
ايناس الله يرحمها توفت بيه ادري اذيتكم بس مردت اتلاعب بالنهايه
لو بس مفتهمه منه قبل لتستعجل مجان كل هذا صار او حكم ربي عز وجل هذا
التفاهم حلو والامان والثقه حلوه صح مفقوده عد هواي ناس بس مطلوبه اكو مواقف الواحد يريد يحجي بدون خوف لان محتاج يحجي بس الخوف من المشاكل يخلي يفكر مره والف مره وبين تفكير وتفكير ضاعت حياته
مريم السعدي
القصه كان مفروض تكون جيلان جزء واحد وراويته جيلان
بس هالجزء اهداء خاص لروح ايناس عزيز
اشكر متابعتكم
