#على_قيد_الموت
28
فاروق- اول مرجعت ضربتها بلوك من كل البرامج لا اريد اضل اراقبها ولا اريدها تشوفني فاتح واشوفها وابقى الوب هالفتره بالنسبه الي جانت موت بطيء كل شوي اكول هسه يكولي اياد حتسافر دره هي وامها مر شهر وماكو شي الانتضار دمرني. جتي فتره كمت اروح لاجامعه بس مااشوفها. اريدها تطلع من روحي تعبت واني الوكعت روحي وصلت حد كرهتها كد مشتاقيت الها وكمت اقنع بروحي متفيدك تدخن. عرمه وعناديه بس الگلب شتكوله
دره- علاقتي بانس انتهت قبل لتبدي خابرت امه تتعذر وكالت احنا منريد نغشكم ابني طلع عده علاقه وي بنيه هناك وعاقد عليها ومخلف منها ولد بيومها مااعرف شون افرح هم وانزاح من كلبي خلللصت منه امي صلت ركعتين شكر كالت همزين الله بينه على حقيقته قبل لنتورط اول شي سويته حاولت ارجع علاقتي بفاروق بس مكدرت ماحيني من خياته بكلشي اخذت غير فيس ودخلت على فيسه حتى صفحته مغيرها دتطلع مسدوده عرفت قصده يكولي كافي عوفيني اذيته هواي وفعلا ندمت ولو يرجع الوكت اختاره اله وهو يعرف مشاعري وليش قبلت اتقرب من انس بس شلفايده قررت ارجع لدراستي الحزن ميفيد اقلها ارفع راس ابويه واسمه ---
ايناس- تعبانه دائما شنو البيه مااعرف اكتئاب ونفسيتي ممتحنله حتى حبي. الوحيد. امي دائما تشجعني يمه كومي بدلي حيجي رجلج
ماما مالي خلك
يمه الرجال يضوج صارلج 3اشهر على هالحال طكت مرارته لا حقه ياخذه مثل العالم ويداري ويواسي ويطلع ويونس وانتي هذا وجهج حرام عليج
يمه مابيه حيل اووووه عفتها وطبيت لغرفتي نمت هملت روحي رغم ترتيبي للبيت ونضافتي بس وكت جيته بس انام
اياد- حبيبي هم نايمه كومي صديقي بالشغل عازمني اني وياج لبيتهم طهور ابنه
مابيه حيل روح وحدك
كل جماعتي جايبين عاءلتهم وجايين
اياد تعبانه فدوه
دكومي ياعيني تقربت منها افرك بجسمها تدغدغت ضحكت اويلي شكد مشتاق لضحكتج
حبيبي انت وكفت كدامه طلعتله هدومه
وانتي
لازم
ماروح اذا مو انتي ويايه
اوك طلعت هدومي وتمكيجت وكف ورايه حضنني
مشتاقلج والله
باوعت بوجهه بالمرايه تحبني اياد
اموت عليج لا عبالج ضوجتج واهمالج الي حيخليني اضوج منج لا ابد اصبر عليج لان صبرتي عليه اذكرج لو تتذكرين
ههه لا ماانسى اي شي
حتلبسين هذا الثوب الاسود
اي غير حزينه
لا لخاطري البسي الوردي الجبته من دهوك
لا اياد شنو خالي بعد السنه مطالعه
حبيبي طهور وهاي تطبين باسود لخاطري باوعت بتوسل بعيونها
انت صدك متحس نترت بي داكولك خالي بعد السنه مطالعه
اهوووو ماروح اكعدي وسكتي جريت السويج
وووين رايح
رايح لاهلي طكت مرارتي هنااا
اوكف اياد
عوفيني. ايناس عوفيني بس خل اشم نفس جريت ياختي وذبيتها
اياد
جريت نفس مبيه شي حروح لامي ساعه وراجع بستها من راسها وطلعت مثل الخلص صبره شسوي ميفيد نسوان ابنهم يموت ومتضل هيج تسلم امرها لا الله الى متى حتضل هيج مو حتى روحي طلعت وصلت لاهلي امي جانت مسويه عيد ميلاد ريناد. وبنات عمتي جايين والولد صايره لمه ابويه ميصدك يلكه حجه يجمع الاهل تصير لمه وونسه كيفت غيرت جو وضلينا وي اللمه لل9لحد ماراحو ---زياد جان نازل وكعدنا تلاثتنا اني ويا وفاروق يمكن هاي اول مره نكعد هيج كعده سوه صعدنا بغرفه فاروق كال تعالو تربيعنا واحد. بصف اللخ شو الله ذب عليه الضحك
ولك شبيك
لا مبيه بس شو لميتنا هنا اني اتذكر من جنت تكولي اصعد رايدك يعني مسوي مكسوره والله لا شارب جكاره ولا عابر على بنت الجيران
هههههاي
زياد- فاروق شنو هاي النفاضه عزه بعيني ولك هاي شكد دتدخن باليوم كلوص
عوفها لك صاير رجال براسي.
فاروق- شونك اياد شونها نوسه ليش مجبتها وياك
زينه تعبانه تنهدت تعبانه فاروق وضعيتها زززفت واني لعبت نفسي
زياد- هاي شبيك يودي اصبرلها منا خالها منا السكر ومنا طرحت
واني شمسوي لعد والله مكرس كل وكتي الها بس هي تبقى كئيبه دمرتني تنهدت الله كريم يرادلها سفره باوعت لفاروق صافن يلعب بشاربه انت شونك
اني زين شبيه نفس الطاس والحمام اكولك اخوها لدره رجع
اي وره سبوعين من الفاتحه رجع لان يفصلو وهناك حياه كامله فاروق
زين ودره وامها شوكت يطلعولهم
والله شو دره تخربطت احوالها خطيبها طلع عده ولد من وحده استراليه وامه متدري وجبرته تخطب اجتي على دره خطبتها وابنها خاف يحجي لان يطيحون حضه تالي لكفه ضرار
هاااه وتالي
شتالي كلمن كعد لمكانه
هممم فرح كلبي احمم وهي شخبارها
والله رجعت للدراسه لان ذيج السنه راحت عليها وابن عمتهم يمهم عايش هو ومرته كاضيه بس الفيزه مدتطلع ديرفضوها
بقيت صافن مرتاح هالفتره كلها حركان دم وعصبي لاشغل لا اكل لانومه بيها خير خل تاكلها بالعافيه عليها اني كتلها تندمين خليها هي التجي تتوسل بسيطه دره لا اندمج واخليج تتوسلين مثل متوسلت بيج بقيت ساكت زياد كال---
زياد- اياد دلال طلعت مكتلك
فاروق- حنرجع لنفس الموضوع بابا متفيدك
اياد- ليش بله حياتك لو حياته فاروق تره ميصير هيج
بابا اولا خريجه سجون وشي ثاني بزنس ومن بنص الزلم تفتر
بس البنيه محافضه عروحها تره احو حابسيها اهلها وتحير شتسوي شلت الموبايل خويه هذا ذجطب للبيت هجم بيوووت لتصدك كلمن يكولك محد شايفها ولباب البيت مطابعه بهذا فاره العالم شمرت الجهاز
زياد- فاروق حجايتك صح اني فكرت بيها هواي باجر عكبه يصير عدي اطفال منو يربيهم. وامي تعبانه هي تريد وتحد يساعدها تره
اياد- انت حاجيتها تقربت منها صارت بينكم علاقه
زياد- ضحكت نصيت. رحتلها للمعمل قبل كم شهر وطتني هديه وو قبل اسبوع اتصلت بيه رادت توقيع دخول اثاث من سيطره ادرجوره فضيتلهيا
ههههه والله يابه
فاروق- زين عمي راح اجي وياك افتح وياها موضوع زواج وكوللها متوكفين بالمعمل. صفنت عليه يباوعلي معاجبه تنهدت زياد كيفك حياتك مو حياتي بس اني خايف عليك احنا ناس متعلمين نسواننا بالبيت لا احد يشوفهم ولا يشوفون احد واذا طلعت فوي رياجيلهم
زياد- اني راح اتواصل وياها اجرب حضي لان صراحه كلش عاجبتني
اياد- الله يسهلك وانت ابو مفصه
لحد يجي يمي ههه اني مو مال زواج
انت عاشك والله العضيم
اياد متسكت بيك خير روح طلع مرتك من وضعها التعبان
لا راح افيز واطلع تعبتني
فاروق- شباب ليش باعديني عنكم والله انتو سرسربه وحدكم سوالفكم واسراركم واني وحدي
انت متزمت شوف كاعدين وانت وحدك تدخن لا تكول ذوله خطيه لاابد
هاك عمي شمرت الباكيت على اياد هاك اشرب هي نسوان دتدخن
لا والله اني الا باكيتي الخاص طلعت منوجيبي الباكيت
لا يا ارعن من شوكت لك
بابا اني متاركها بس انت كمش وتصدك تتذكر من جنت ارجع توكف قريب مني تشم بيه ريحه لو لا واني كاضيها مخلص معجون الاسنان هههه
فاروق-ههه ترحون باجر تزورون
اياد-والله باوعت لزياد اني اريد ازور ايناس وامها. ودره رادت تجي
فاروق-اي نروح باجر تجي زياد
اياد-زين السياره خاف متكفي
فاروق-لا سيارتك وسيارتنا
اياد-خوش اردلكم خبر انت تجي زيودي
زياد-لا باجر عطله اريد اشبع نوم
اياد-وين بمعمل الريان ههههاي
انجب لكهههه باوعت لفاروق نصيت راسي يبقه هيبه واحترامه تعلمنا عليه
فاروق- اكولك تعال شسالفه ياسر
اياد- دخل ينجب يريد ريناد والله حسيته من اول عينه عليها
زياد- وهو شبي الولد اخو خيته
دخلي يولي ابو النسوان
فاروق- ليش انت مجنت هيج من تزوجت جريت عدل
اياد- سدو الموضوع مااقبل وخلص
زياد- صار 3مرات يدز امه تتوسل خطيه والله اني الولداحبه واحترمه وكفاته حلوه
اياد- يابه اني صديقي واعرفه من وحده لوحده يمل ويروح للخ يكوم يحجي عليها واختي صافيه مصفيه الوش انطيها لهيج واحد لو جيف متريش
فاروق- بس لتخربط هاهي سد الموضوع تنهدت ابن خالي تقدم الها وهي رفضت
زين شكالت على ياسر باوعت بشك لفاروق
هو احنا اخذنا رايها كبل رفضت من وراك
هاهي زين يله باجر عليها بس انتضرو مني خبر
اوك
يله خل اروح دكت ال11 دك تلفوني ايناس
الو
ها عيني وين صرت
هسه راح اجي جريت نفس
تاخرت
موعيد ميلاد ريناد وهوسه بيت عماتي جاييت وبيت خالي
كلهم
اي كلهم
زين انت وين هسه
فوك شبيج
لا مامو شي تعشيت
اي تعشيت هسه جاي تردين شي باوعلي فاروق بشماته يفر بايده ركعته بالستره وطلعت سلمت على امي وابويه وطلعت وصلت للبيت طبيت البيت ريحته تخبل. عطرها هذا اني اعرفه. البيت صنطه خاله نايمه طبيت بهدوء للغرفه شفتها كاعده. متمدده عالجربايه سيت نوم احمر والمكياج والشعر
مرتي وين ابتسمت
هياتها باوعتله بعتب
اوووف مداصدك سديت الباب وانتجيت عليه الا اتعارك يله تحسين
وليش مكتلي عيد ميلاد ريناد
والله مجنت ادري وهي دازتلج رساله وانتي مرديتي
بنات عمتك جايات
اي نزعت الستره والقميص
وبنات خالك
هم اي تقربت ابتسم مشتاقلها
سولفت وياهن
وصلت لشفافها باوعتلها غمضت عيني انتي ليش هيج صايره
شبيه، نترت
صايره تحبين تضوجيني لو اني هيج دااحس
جريته من فانيلته عليه ابتسم
والله وكت اني انجر هيج نمت عليهازابوس بيها منصدك روحي رجعتلي باوعت بعينها اذا شفتج ضايجه اعاقبج
شتسويلي يعني
اعاقبج عقوبه حبيب لحبيبته احبسج يومين بغرفتي والعب بيج طوبه
هههههه
تقربت منها جانت احلى احاسيس ومشاعر مشتاقلها كلش نمت براحه حسيت الفجر نسيت اكولهم عالزياره كمت طلعت لكيت خاله تصلي كتلها كالت شكو منها اروح خابرت فاروق كال ماشي حنزل اكول لامي تواعدنا وطلعنا ب8من البيت دره ويايه. وايناس وامها ريناد وفاروق وامي بسياره فاروق
