#على_قيد_الموت
16
ثاني يوم الصبح كعدت لكيت امي تحمي الحليب بستها من راسها ريناد باوعتلي مبتسمه درت وجهي عنها يوم ايناس قيجبلت وشالت موضوع الكعيدي من راسها ارضي عني
يمه راضيه واريد راحتكم ان جان هنا اوهناك بس شوي راح اشتاقلك. يعني هاهي نروح اليوم نتفق عالمشيه
ضحكت اي يمه روحي باوعت لريناد وانتي منو يمج تضحكين
ريناد- حتصير عدي اخت مو ذيج العافتني وسافرت
يوم الاخلص منج هم كفختها ورجعت بدلت شفت فاروق نزل محتكيت بي وحاجيته بس سمعت امي تكوله. بدلت وطلعت كعدت اكل
فاروق- باوع اياد تفهمها من البدايه. مو تضل اهلي واهلي تره ميصرف عدنا هالشي لان اهلها واصلين واحنا عالبساطه فهمها عيشتنا
فاروق تره ايناس كلش بسيطه
اي مبين من كالت ماعيش يم اهلك الايام تبين بس انت صير حوگ مو تضل على حلكها شتكول
هزيت راسي موافق والدي كاعد كدامي كال لعد غير تعرفني عليها بالحفله
والله يابه استحت البنيه
فاروق- خطيه شون تستحي
اياد- باوعتله عفت الاكل وكمت خزرني كال
اكعد كمل اكلك هاي بعدها مطابه عدنا
جريت نفس وكعدت شون حتكضى طب زياد سلم وكعد بصفي غمزلي شكو
بقيت ساكت مغثوث طلعنا للشغل همزين بالشغل ميجيب طاري البيت ابد يندمج بالعمل رجعنا بالخمسه امي تلكتني كالت حددنا الخميس المشيه دمعت عيني وهي هم دمعت باستني الله يفرحني بيكم كلكم
طبيت للغرفه خابرتها ردت
حبيبي
حتصيرين مرتي همست
اني من اول مالتك
اي بس الي من اول بس الي
سبحان الله جنت انتضر اعيش بهيج قصه صارت مثل مراسمه الها واحلى
راح اعيشج بكلبي
راح ادللك دلال امك مدللتك مثله
اللللله اريد انام
تعال نام
سولفيلي شصار بهدوء واني حغمض عيني على صوتج واتخيلج بغرفتي
هه ماشي حجيتله كلشي صار والتفقنا عليه المهر كان ختمه قران بحجه مكه طلب مني للجمعه انجمعوا. عمامي وخوالي ببيتنا العصر لبست فستان بصلي طويل وردانه شفافه اني مراح افوت بالصاله يم الرياجيل ابقى بالهول يم النسوان شسورت شعري ومكيجت هاديء كعدت شوي وكالو اجوي وكفت بيه رجفه ودره العوبه مجتي بعدها اخابر وتكولي ازدحام بالطريق
فاروق- نزلنا من السيارات كلنا قوط وتقريبا تسع سيارات خوالي واعمامي بنزلتي سياره عاليه طبكت ببابهم نزلنجت الدبدوبه ابتسمت لا اراديا باوعتلها. باوعتلي ودارت وجهه جتها الضحكه طب والدي وشيخ العشيره وياه وعمامي بعد وخوالي واني وزياد وراها امي وعماتي وريناد
اياد- ياسر مكتله اتصل بيه عرف من واحد من الولد عتب عليه وكال اني اخوك هيج تتصرف شفت حجايته عدله شو البنيه متملكها بعواطفها وهو ولا فد يوم خانتي كتله تعال
ياسر- همي مو عليه همي على ريناد اريد اشوفها واريد اتقرب منه ومن عائلته بلكن يصيرلي نصيب بيها ماكو بثكلها وفعلا بدلت ورحت لبيت البنيه دخلت وي دخلتهم نزلت وي امها شون طول عليها اوووف الله صحت ايااد التفتت باوعتلي ابتسمت ونصت خرب اني مو كد ابتسامتج ياب طبو كلهم ودخلنا صار حجي صاعد تازل عمامنا وعمامهم واخر شي كالو نقره الفاتحه قروها وكام فاروق دك الباب الفاصل صاح يوم سمعينا هلهوله وعلكت طلعنا وزياد بالباب رمه 3طلقات اياد جان طاير فرحتله كلش اباوع السيارات مزدحمه بيهم باوعت لاياد اياد تره سيارتي فارغه تعال جيب اهلك ويايه
لالا فاروق يوصل عماتي ويرجع ياخذهم
لك بابا عيب بالتقسيط
روح ياسر مقصرت حبيبي
والله ماروح جيب اهلك ازعل والنبي شفته راح لسياره اخو باوعت لريناد مجعوصه باوعتلي ونصت تضم الضحكه نزلو عماته 2 صعدو ويايه نيخالف حتى لو مو هي المهم تكعد مرتاحه وصلتهم ورجعت اياد شفنا فرع بي ازدحام اياد شال التلفون خابر اخو
الو ها زياد اكولك شكو بالفرع الورانا شو عالكه لك الفرع مال مدرسه ريناد ماادري يمكن واحد ميت الله يست. ضل بالي كومه ناس ملتمه
ياسر- باوعت راسن اندليت مدرستها ضحكت مراح اعوفها بعد بس خل تخلص العطله
اياد- رجعت للبيت وامي هلهلت خجلت فاروق باركلي وابويه وعموماي وريناد بس تضحك طبيت للغرفه بقت بس حبيبتي مباركتلها خابرتها الوو
حبيبي
مبروك يااحلى عروس
هههه ممصدكه
ليش شنو ناصب عليج بابا
حكون وياك طول العمر
اي حبيبي حتصيرين ام جهالي صدك حددو المهر الخميس اليجي
اي
وهسه اتصل بالنجار اسوي غرفه
ها اي براحتك
شبيج
ميحتاج غرفه والله
شوون ليس
باوع العام سويت غرفه اني تركيه تخبل
هاي شبيج ها بدت رحمه الله
لا والله بس عجبني نبقي فلوس نسافر بيها
تنهدت ساكت كعدت
شبيك ضجت
اولا بعد وكت لهال الحجي ثانيا تره اني وانتي نعرف امكانيتي شنو
اي حبيبي اعرف
ولتتصورين فد يوم اقبل شي من فلوسج
لا العفو
بالعدي تكيفين روحج
اي صار
تحسرت مراح اكدر اعيشج نفس عيشتج
اشششش احلى عيشه وياك شون متكون
حتملين
لا معرفتني لحد هسه
هزيت راسي خايف والله
