#على_قيد_الموت
11
مريم السعدي
رجعت للبيت مثل الناقصني شي هسه شبيه مو صلرلها شهر ماحاجيني بس اعرف هي بالولايه الله يصبرني على بعدها وترجع بسلامه لكلبي كلسا اتذكر من خليت ايدها على كلبي اوف يمه اووف طبيت ب8 كبل نمت بعد الحسيته ماريد احاجي احد. تلفوني جوه المخده وصلت رساله ب11 منها
اني وصلت
الحمد لله عسلامتج رديت
شكرا
مرتاحه
اي يعني وانت
اي الحمد لله بس شايل هم شون حصبر على بعدج
سكتت مرديت مسج بقيت اباوع على حروف هالجمله رد دز
احبج
رجعت دكات كلبي القديمه ابتسمت
احجي لتسكتين
مرسلت اي رساله وره شوي دزيت --- حنام تعبانه
ماشي نوم العافيه تغطي زين
اوك باي
هلاو حبيبي طفيت الجهاز ونمت كعدني فاروق الصبح ب5 كال عدي بضاعه استلمها ونرتبها بالمخزن كمت واني جنت شبعان نوم رحت وياه وكملنا شغل للضهر ورجعت جانو ساءلين جماعه عليه علمود صبغ وبواري كيفت ارتاحيتلي ساعه وطلعت كملت شغلي ولليل يله رجعت بالي يمها مااعرف شون كضت الساعات امها سوت فحص لو لا ونفس الوكت ملتهي بالعمل مضت ايام واني ملتهي بالشغل زياد نادرا ماشوفه لان اجي النمغرب واطلع الفجر ومن اجي اكل وره ساعه ارجع اطلع اصبغ او اسوي بواري او كهربائيات انعرفت بالمنطقه بالجوكر كلشي يجون يدكون بابنا والاحصله انطي لامي وشغل فاروق ضامه يمه لا اساله شكد عدي ولا استفسر بس من احتاج شي اطلب منه يفتح دفتر الحساب وينطيني ويسجل خطيه ----الملابس صارت براسه من يجيب البضاعه يدزلي وياها ملابس فمااحتاج اشتري--- زياد دااشتاقله هواي ودنتفاوت مر اسبوع على سفر ايناس مجرد كم رساله باليوم متشفي كلبي هم ملتهي. بالشغل وهم ماعدي نت الا من اجي استغل فرصه ارسللها احبج وارسل صور الشغل وهي هم ترسلي مكان وجودها كم رساله وتروح ياسر اتصل بيه يسال سالته عن علاقته بمينا كال عفتها ضلت تنك بسالفه ايناس واني ردتها من الله وتركتها يمعود كتله ليش مو كتلت روحك كال شبعت هاهي مو مال ارتبط بهيج وحده مو مال تربي جهالي سكتت يجوز شاف شي منها مرت الايام مر شهر وشويه طلعت النتايج الحمد لله نجحت وياسر هم نجح وقررنا نسوي حفله تخرج. بالقاعه للقسم كله وكلمن يجيب اهله ويجي وفعلا اشتركنا وحجزنا ---
يوم قاط ابويه الاسود وين
موجود شتسوي بي
اريد البسه بالحفله
فاروق- دكوم بدل خل نروح نجيبلك قاط
لايابه هو يوم واحد
كوم اياد كوم يفيدك عرس صاحبك عرس اخوك كوم
صفنت ليش اني هلكد مااهتم لا للبسي ولا اناقتي تخيلت عيونها من تشوفني لابسه ابتسمت يله حبدل رحت ركض بدلت وطلعت طلعنا للمنصور ازياء شوان ارقى ملابس اباوع عالاسعار واباوع لفاروق يبتسم يكلب بالملابس كله بالدولار تعبت عيني والله من الارقام شال قاط خاكي ورباط مشطب وقميص كحلي--- دتسوي يمعود
مو مله اسود تصير مميز عنهم
ها هيج تكول طبيت كدرته معرفت. روحي راسن طكيت صوره لروحي ودزيتها من اوصل للبيت توصل من اكننك طلعت لفاروق ابتسم كال هاذ هو ابو المحل كال جسم حلو شتلبس يكعد عليك كيفت شركت حلكي عبالك بنيه وتغزلو بيها حر فاروق قاط ثاني اكبر بقياس اكسين استغربت شيسوي بي اكيد اله لان بس هو بهالطول هه طب كدره وصاح لابو المحل ضل اكو كم ملاحضه طلع بي عبالك ممثل تركي بقيت صافن عليه هيبه الك----
يله هاي ضبهن ناخذهن ثنينهم
ابو المحل- بس دقيقه خياط المحل يسوي البنطرون من جوه على قياسكم دقيقه وحده
ظبط القياس وسوه الوصل. لا يا الله 600 باوعت لفاروق فاتح عيني ابتسم ودار وجهه ماشوفه يبتسم استغربت من ابتسم يضحك على عقليتي الفكريه وصلنا للبيت امي لحت الا اكدره طبيت للغرفه باوعت وصلت الرساله كاتبتلي حتتزوج شنو ؟
كتلها الله يسمع منج عدج عروس الي
مردت عفتها طلعت لامي تشوفني هلهلت بس طلعت خجلت نصيت راسي بوستني وباركتلي والدي مبتسم وريناد تباوع بفخر وتطك طك بالصور بيومها ضحكت هواي مرتاح بس هذا السخيف مااجه اشتاقيتله كملنا الهوسه وكتلهم باجر ب6الحفله ريناد صاحت ماما ماعدي شي البسه كتلها متجين شنو يشوفوج اصدقائي كعدت مبرطمه صفنت شنو خطيه تبقى وحدها تالي صحت لامي كتلها خل تجي واخذي من فلوسي اشتريلها شي مستر مال عمرها كيفت امي طبيت انام باوعت عالجهاز مردت بعد دزيت شنو نمتي
كالت لا دادورلك عروس
خربت ضحك اباوع عالجهاز دك هاهي شنو دكتلي كعدت عدل اريد ارد جسمي يرجف صدك ححاجيها رديت غمضت عيني هي ساكته واني ساكت بس صوت النفس الحنين نفس الاحساس بس اقوى ماكو خوف وماكو كذب وحواجز بس حب واضح --- احمم سويت --- الو
الو همست
اني منو من احجي
همست اياد
اي اياد اي
اي والله اياد الباوع بعيني بلهفه وحب البيدي سواره وماانزعه وبركبته السلسله ومانزعها
اي لاخر يوم بعمري
تنهدت غمضت عيني اريد اسمعه بعد
شونج تنهدت اضحك اويلي يمه الالو مالها
الحمد لله ضحكت
ليش تضحكين صوتي يضحك
لا
لعد
ماادري هه
احبج
سكتت خجلانه ليش لابس بدله
باجر الحفله مال التخرج
مممم بيا قاعه حتسووها
باغصان الزيتون القاعه الحمراء
مممم اهلك يجون
اي بس زياد خابرته كال خفر ميجي باجر
حرامات واكثر واحد قريب منك زياد لو هم كذب
غمضت عيني سكتت غثتني ---- كل المعلومات النطيتها الج صح بس كوني اني من. غلط
تنهدت الصار صار بعد بس ردت اتاكد صدك اخوك قريب منك
اي قريب كلش --- مشتاقلج همست
سكتت
احجيلي كلشي باجر ماعدي كعده من الصبح
والله اخذنا تحاليل امي وطلعت تك من كلاتها مضروبه صح وبده العلاج عليها بلكن يستعيدوها
شوكت ترجعين
عن قريب كلش بت خالي حتتزوج
لا بربج
والله تنهدت
يعني شوكت بالضبط
مممم مااعرف ابلغك عود
انتضر اني توقعت العطله كلها
علساس بس دره حتتزوج جان. ماجلين الزواج بس هسه استعجلو. بي فخالو لازم يكون موجود
مممم صح وخالج ماعده بس دره
اي وولد بالدنمارك
هممم خوش لعد اللقاء قريب
اي اي انشاء الله
شتاقيتيلي
سكتت
شتاقيت لحجيج لتصيرين بخيله
مبروك نجاحك
وانتي هم مبروك رفعتي راسي
هه شونه شغلك دتدزلي الصور ابداع الصبغ والنقشات
اي الحمد لله
يستاهل الحمد سكتنا بس اتصنت لصوت النفس واتذكر كلامه ويايه وغزله وتوسله القديم بانه يريد صوره حلوه الي
فتحي ايدج
ليش اهووو يا-- اياد
سكتت غمضت عيني قوي عصرتها عصر حسيت روحي انلبجت --- يله تصبحين على خير
لا
اريد انطمررر نترت
لالا لتروح برطمت دمعت عيني لتروح خنكتني العبره
همست فتحي فديو
شنو
مثل مسمعتي
اني دقيقه اوكف
وينن
دا البس شي مستور
ليش شلابسه خالج مو وياكم نفس الغرفه
اي بس لابسه كيمونه عادي بس منك ميصير
ممم جريت نفس صرت نار ردتها تشوفني وتحجي حتى متغلط لا بخيال ولا بلسان
الو
ها كملتي،
اي
حدكلج لان اني الجنت ارفض الفديو واطلع حجه بالكامره المكسوره
اي همست
حدك
اي اي
دك التلفون اباوع فديو اني مو حجابي مضبوط لبست تلق ارباع الردن رديت بلعت ريك ابتسمت نصيت راسي
ابتسمت رجيت راسي عالجربايه متصيرين لغيري لو اعرف اموت
هزيت راسي اي بقيت منصيه اخجل اباوع بوجهه
باعيني زين
ها رفعت راسي ابتسم
اني منو رفعت حاجبي
اياد همست
متغلطين بعد لاباسمي ولا بخيالي اذبحج
هزيت راسي اي
كومي خل اشوف شعرج تنهدت خليت ايدي وره راسي اتفرج مرتجي
وكفت فليته وانداريت باوعتله مبتسم مميل راسه
يخبل وكسرته هم حلوه وطوله هم
رجعت شلته وكعدت باوع تره خالو بس يدك الباب اسده
ماشي تنهدت تمددت باوعتلها يله فتحي ايدج
درت وجهي اضحك
ليش تضحكين جنت من اكولج تكوليلي يله تعال نام لو لان باوعت بوجهه تخربطت ملامح وجهها من دااحجي سكتت -- استغفر الله
تعال نام مديت ايدي باوعتله بحزن تعبنا ثنينا وهو السبب
صعدت راسي ليفوك جريت نفس ميلت راسي عالمخده واتخيلها ايدها غمضت عيني حنت تعبان وصوتها رخه شكو تعب بيه
شفته غمض براحه يمشي راسه عالمخده برقه اعرف يتخيلها ايدي ---- احبك اياد ابتسم وهو مغمض
حضنيني
سكتت بقينا ساكتين غفه وكام يشخر ضحكت لعد شكد تعبان تمددت وتغطيت والسماعه باذني التك النايمه عليه محد يشوفني الله صار شكد منايمه على صوته ضليت ساكته اسمع كام يحجي بنومه
650مو خرب غاليه غاليه
هههه صاح
ارنوبتي لتروحين ابقي انام يمج
ماروح حبيبي باقيه وانت بحضني نايم
اي
سكت وغفيت اني هم حسيت بليل على صوت ماما فاتت للحمام بعده النفس باذني يااحلى شي بحياتي باوعتله نايم مثل الطفل نازع تيشرته صدره بي شعر قليل وايده معضله من الصبغ واكو اثار صبغ بلون وردي على كتفه اوووف ربي معقوله هاي هم كذبه حبيت من حديد وهالمره عشق عيونه تحجي وي كلبي ربي والله تعبت طول حياتي اتمنى اعيش قصه حب لا خربطت لا اذيت امي والله عاقله ويتيمه انت اخذت ابويه مني لتاخذ هالحب مني بس اريد يبقى صادق ويايه غمضت عيني ورجعت نمت ---------
يتبع
