#على_قيد_الموت
26
اياد- كعدنا الصبح ملكيتها طلعت من الغرفه جانت بالمرجوحه بالطرمه صافنه جريت نفس شون حتكضى البنيه دتضيع من ايدي وادري بروحي دقيقه مااكدر دونها تقربت كعدت يمها تلمست شعري النازل على عينها باوعتلي ودارت وجهه ---ها حبيبي حنضعف
تعبانه اياد شون حعيش دونه
وليش متفاولتله كلبي
هم سمعت فد يوم احد خطفو ورجعو
بالدعاء والصدقات يندفع البلاء وخالج صايم ومصلي ومصدق بلكن الله يفرجها عنه
ماما البارحه نزفت باوعت بعينه الليل كله تنزف
شنو تنزف عكدت حاجبي
موعد ال---- ومن يصعد السكر يصير نزيف
بقين صافن بعينها تذكرت هي 3بالشهر ايناس انتي شوكت اليوم 12
اني ماادري شوكت اني مفروض باوعت بعينه خليت ايدي على حلكي تاخرت
خاف حامل لج
مااعرف
امشي بدلي نروح نحلل
اي اي وكفت لبست ورحت وياه واني مسطوره طبينا مستشفى لان ماكو دكتوره تفتح الصبح دخلنا وفحصتني كالت حامل بس ضعيف ديري بالج عليه كتلها شكل عدي سكر كالت انتبهي من الصعود تره صعده لخ يروح بيها طلعت باوعت بوجهه
ها
ابتسمت حامل اني
صدوووك هههاي بستها من راسها مبروك حبيبي رجعت لبيت اهلها بشرت امها امها كيفت خطيه شوي انكسرت الهبطه ضليت خايف عليها بيومها بقيت بيت اهلها معفتها وياها وياها واتخيل كلها اقل السنه ويصير عدنا طفل كلسا ابوس ببطنها ممصدك وهي تضحك مرت ايام واخبار خالها ماكو اخوها رجع سافر ميكدر يطول اكثر من شهر عمله ودوام هو وخطيب دره رجعو
فاروق- صار سبوعين ممحاجيها بس على طول وي اياد اروح لبيتهم من ينلمون الولد بس لاشوفها ولا اسمع صوتها الفيس ابد متفتحه مشتاقلها كلش جتي ايام منمت تخبلت من اجه خطيبها اياد كال جتي يمهم بيت ام ايناس لان موجود خطيبها هناك ارتاحيت شوي كمت اتهرب منها ومن روحي بس كل ذره بيه مشتاقه الها ضحكتها اللي ترن باذني سوالفها وعنادها حرت النفس من تدخن تعلمت اسهر وتعلمت اسمع فيروز بس الله يدري تعب كلبي شنو من الشي لعد اخجل اخابرها هاي من شوكت كمت اخجل منها انجبرنا عالبعد يوميه يوميه المحادثات اقراها حتى حفضتها بين عليه التعب امي لاحضت اياد كام ميجي لبيتنا خصوصا بعد حمل ايناس ومصيبه خالها مكدر يترك ايناس لان ايناس مكدرت تترك امها حقها
دره -مشتاقتله واخجل احاجي شيكول بس سافر خطيبها رجعت خابرت اخجل احاجي خليني هيج اني بيا حال ابويه حيصيرله شهر ماكو ومنعرف اخباره امي حالتها موزينه واني اسوء تركت حتى الدراسه كلامه يدك براسي بابا برضايه عليج حاجي وتقربي منه و اني حتى من سلمت كشت روحي وحتى هو حتى مباوعلي باوع ودار وجهه اني بديره وهو بديره عالم غير عالمي ودنيا غير دنيتي ربي اتوكل عليك ولد عمتي متركونا واحد منهم جاب زوجته واجه يمنا خطيه هواي غيرولنا الجو بس يبقه الخوف على ابويه صبح وليل شاغلنا صدك لو كال ابو المثل وقوع البله ولا انتضاره لالا اسم الله اني شداخربط ربي بس كون كلشي مبي زياد واعدني هو اللي راح يتبنه القضيه وجماعته مراح يعوفوها املي بالله جبير واعرف هذا اختبار ربي لا نسالك رد القضاء لكن نسالك اللطف به مرت ايام اخويه متركنا بشكل يومي يتصل ويكول تعالولي ينقبض كلبي صار شهر ونص وماكو اخبار. .
زياد- افرجو عن دلال وبكل فسحه اتخيلها واكفه بنفس الزاويه والسبحه بيدها قررت ازورها للمعمل بس انزل وفعلا نزلت وبهدومي رحتلها انليته عالوصف محتاجيت اتصل بيها وصلت للباب طبيت عمال يطبون ويطلعون يحملون بالاخشاب بقيت اتلفت لمحتي رحال اربعيني كال
تفضل ياب المن تريد
دلال الريان بلعت ريك بخجل
شرايد منها عكدت حاجبي
نصيت راسي اكيد عرف اني شعدي هنا. لاهيج بس ردت غرفه منام يله هاي هي غير مره طلعت مشيت كم خطوه
حضرت الضابط
سمعت صوت ورايه هذا صوتها التفتت ابتسم
اليمر يكول السلام عليكم مو هيج
ههه شونج دلال باوعتها راد الدم بوجهه لبسها المرتب المستور بس بعدها قزومه ضحكت
الحمد لله بخير انت شونك
زين الحمد لله تقربت اشرتلي تفضل طبيت وراها دخلنا لمكتب كالت تفضل طبيت بخجل مااعرف شجابني هنا شفتها صاحت جايات ابو فراس ورجعت كعدت عالميز هيبه تكول ميت رجال
رفعت راسي بشموخ مبتسم الحمد لله اتطمنت عليج
لا الحمد لله هنا اني بامان بنص اهلي وناسي. واليحبوني مخليت احد اشك بي ملهم عشيرتي والرجال الجبير الشفته هذا خالي
الله يخلي ابتسمت مرتاحه دلال
كلش بقيت اباوع بعينه جنت مشتاقه لعينه لكلها امان ----اي مشفت شي يعجبك
هه لا والله ملحكت اشوف
ممم انت شنو تريد
اني والله مرايد شي محدد بس جيت اشوفج
ميخالف نصيت راسي ابتسم لازم متروح ايدك فارغه تفضل ابو فراس وهذا الجاي متلكه منه بكل بغداد
ابو فراس - اشكرج ست دلال
زياد- باوعتلها مبتسم تباوعلي نضره رحفت كلبي
ابو فراس. وحده من المري كملها اليوم عاصم منقوش بيها ام وبحضنها طفل ممكن تغلفها اجه صاحبها باوعتله ابتسم
شنو قصه هالمرايه
والله اول مشفتها كلت هاي الك منقوش بيها طفل وامه مااعرف ليش حبيتها هواي
ممنونج
خليها ذكرى طيبه. مني
ليش تحرجيني
لا ليش الاحراج وكفتك ماانساها
اتمنى الوكت ينعاد واعلمج شون اوكفلج
ههههههه انت مقصرت حضرت الضابط نروت المعمل والله
تسلمين دلال يله اترخص
كل الهله بيك مديت ايدي سلمت عليه مصافحه
اي شي تحتاجين بس دكيلي وهذا كارتي
مراح اتردد كل الهلا بيك واي شي تحتاج تندل مكاني
ههه مشكور ه. في امان الله ديري بالج على حالج طلعت واخذت المرايه ويايه. طلعت مثل الطاير مجنت اريد اطلع بس مو مال اعطلها ---
فاروق- كاعد بليل مثل متعلمت اسهر لل2 لمحت اشتغل الضوه الاخضر لا مستحيل اخيرا فتحت دخلت عليها بقيت صافن هسه تدخل هسه تسلم اخ ربي صار شهر واكثر كتبت هلو متحملت بعد
دره-اخيرا رسل شي عبالك رساله حب رسلها مو هلو --- هلو فاروق
تنهدت اصبعي يرجف شونج
زينه
بس خل اجر نفس اوكفي --- ذبيت الجهاز كلبي تخربطت دكته هديت روحي رجعت راسلت شون صرتي
زينه سكتت من كال خل اجر النفس دمعت عيني مو وحدك مشتاق اني هم مشتاقه لكل شي حجيتها بداخلي
فاروق- اني كلت بعد متحاجيني
ليش يعني
يعني لان تنهدت لان خطيبج اجه
فاروق تخابرني
اي اي مصدكت كالت خابرني ركض عالشماعه دكيت متلهف ردت بالو اعصابي انتهت غمضت عيني. رجعت كالت الوو بقيت ساكت نشف ريكي صوتها رجع عافيتي
احجي همست. سمعني صوتك برطمت
مشتاقلج
ذبيت التلفون ابجي
الو وينج لتروحين مااحجي بعد حسكت
الو
وين رحتي
موجوده همست احمم شخبارك
موزين والله
سكتت سمعته جر نفس
دتدخن
ججج وانتي
تركتها
ها صدك شعجب
مدااكدر دااحس داخونه
دره انتي دره
فاروق مشكرتك على وكفتك
تمنيت ابقى ليل نهار وياج بس عيونهم خجلتني
مقصرت انت
دره احجيلي كافي نلف وندور مو تعبببببت صحت
شبيك فاروق شحجي
اوف ربي ضلي كل ثانيه ذكري اسمي تنعشيني
فاروق اني مو الك واني وياك نعرف هالشي شنو اللي تغير
متغير شي دره داخلج حاس بيه وانتي تتهربين مني
اني مواعدتك بشي كلنا صداقه
دره شنو الصار بينكم
مصار شي اصلا - قاطعني
شافججج احجي
لا والله بس مره من داافتح الباب باوع ودار وجهه كضيتها بيت عمتي
خرررررب. احترك دمي
شبيك فاروق تره اني بجيت اني منتهيه وفتحت بس حتى ارتاح وماارتاح بس من تكسر عليه
لج شكسر اني متطشر صار شهر وعشر ايام
خلي روحك بمكاني ابويه ---- قاطعتي
حقج بكلشي تحجي بس اني داموت دره اريد اشوفج
ليش همست بتعب فركت وجهي.
مااعرف لتسالين بس طيني فرصه احاجيج
ماشي باجر نفس الموعد
اوك انتضرج ب11 مو
اي
خوش تنهدت لازم نلتقي
اوك يله حروح تعبانه
اخذي راحتج سدته واني صافن شراح اكوللها نمت وكعدت ب7 رجعت نمت وقتت التلفون ب10كعدت بدلت وتعطرت وطلعت امي استغربت لان ممداوم طلعت اي حجه وطلعت. وصلت الكافتريا 10ونص بقيت انتضر نص ساعه الباكيت حركته حرك عيني عالباب هسه تجي وهسه تجي اخاف اتصل يحسون اهلها لمحتها فاتت مااعرف ليش وكفت. جسمي يرجف ضعفانه صايره عوده وجهه تعبان وكفت كدامي مدمعه عينها نصيت راسي كعدي راح صوتي احمم
كعدت كدامه ميباوعلي منصي ويهز برجله
كومي هنا نكعد مو كدام العين طبينا جوه كافتريا بالزاويه منبين كعدت جانت. كاعده تباوعلي وتنصي اما اني مدااكدر احجي ولا اكدر اباوعلها احس داباوع لشي الي ومو الي حتخبل اهز برجلي وادخن بلهفه تعبت
كافي اهدا تعبتني
باوعت بعينها بلعت ريك طفيت الجكاره قربت الكرسي شونج
زينه باوعت على شفته يطلع الدخان منها بفوضى كومه دخان
ضعفانه كلش
هزيت راسي اي
تنهدت ورثت جكاره التفتت كل احد ماكو وضهرنا عالعالم ووجهنا كدام حايط والضوه خافت جريت نفس تباوعلي وتنصي جريت نفس ونطيتها الجكاره هاج ادري دتلوبين
لا نصيت
محد موجود
انت موجود باوعت بعينه ماريد اوكع من عينك اكثر
بس هالمره همست
اخذت الجكاره جريت نفس بحركه ونطيته الجكاره ضل صافن فاتح حلكه
انتي لازم تتركيها
تركتها كحيت
باعت ريك اسم الله دره بس كوليلي شسويتي بموضوعج اني متاكد نهيتي كلشي مدام رجع وماكو شي مو
باوعتله هزيت راسي لا. اني راح ا تقرب بابا اخر مره كالي برضايه عليج تقربي منه برطمت
دره لزمت ايدها دره تراجعي ابوج لو يدري بيج هلكد كاشه روحج منه ميجبرج على شي
هزيت راسي لا نصيت ودموعي تنكط عالميز مسحتهن ارجف اني لازم اخذ امي واطلع واروح بره وي اخويه وخطيبي فاروق اني وياك بوكت من الاوكات صرنا قريبين كلش لدرجه نسيت اني مخطوبه لازم نننتبه اعتذر اذا علقتك بيه
دمعت عيني باوعتها بغضب دره لتتسرعين خليني اتقرب منج
هزيت راسي لا اليوم راح احاول واذا مكدرت راح اجبر روحي ماريد اكسر كلمته
حسيت روحي تعبت هديت ايدها انتجيت عالكرسي منصيه راسها غمضت عيني اريد كلشي ينتهي بس عاااد اخذت من روحي ونطيتها اكثر من حقها طلعت العطر من جيبي خليته عالميز اذا تردين ذبي بالزبل
فاروق
هاهي دره لتحجين اششش كافي لتصغرين روحج بعد
بس اسمعني
ماريددد خزرتها حسج ماسمعه مع الاسف توقعت شخصيتج قويه بس حرامات ضعفتي لتتحججين بابوج انتي دائما جنتي مخليتني سپير وكت الضوجه هسه اجه خطيبج وطبعا بالخارج وامك وياج ليش لعد الله وياج بس وحك الله راح تندمين احجي وضاغط على روحي ماريد اصيح انتبههت البويات يباوعولنا عفت الميز وكمت
نصيت وايدي على وجهي صدك احترك كلبي ردت اصيحه اكوله اخذني لعالمك بس مكدرت شون ماكون ابقى بنيه كلام ابويه مراح اكسره واخويه ينتضرني واذا عالحب مثل متعلقت بفاروق راح اتعلق بي محد مات وره احد خليني افكر بامي المريضه لازم نطلع اذا والدي رجع او ---- اولا كمت رجعت للبيت --
ياسر- كمت يوميه اروح وتاخرت هالمره شهر سفره والدي ورحت وياه بعمله رجعت متلهف كبل للجامعه احلى شي عيونها من لمحتني ابتهجت وكفت بعدما كانت تمشي وي صديقاتها ابتسمت رجعتلي الابتسامه بضحكه اشرتلها بركبتي تعاي لحكيني مدااكدر بعد مشيت التفتت شفتها تتلفت وتمشي ورايه بقيت انشي صعدت الطابق الثاني تقريبا فرغ بس المسائي وبعدهم مجايبن كملت الدرج شفتها صعدت اول درجه رفعت راسها خايفه ابتسمت كملت الدرج بقلق وثكل ضليت امشي طبيت بوحده من القاعات فارغه سمعت خطواتها غمضت مبتسم كلبي وي دكه رجلها يدك مدت راسها بقلق ضلت واكفه بالباب منصيه
تعاي همست
جج
ليش بس داحاجيج
جج
اوك اني اجي وصلت يمها تراجعت خطوتين
لج هه مراح اكلج شويه باعيني
هزيت كتفي ماه
فدوه يمه كلبي ليش لحكتيني
التفتت خجلانه مااعرف
باوعيلي بداعت امج
رفعت راسي
جريت نفس براحه بلعت ريك عيون لو بلوه
نصيت راسي
بقيت ساكت شون حبدي الحجي ماادري تنهدت هليت ايدي بجيبي
كمت متجي
ها ها لا مستحيل هاي ويايه عيديها بله قربت وجهي
نصيت راسي اضحك
تعلمتي تشوفيني اشتاقيتيلي مو
بقيت منصيه راسي
اني جنت مسافر والوالده شوي مريضه اليوم ادزها عليكم عذريني اذا تاخرت بعد مااتاخر كل يوم واذا مااكدر بين يوم ويوم واذا تردين مااجي بعد
لا ليش منصيه واحجي
يمه يمه اوف كلبي هسه غير تباوعلي
باوعتله ابتسم
مدااصدك دتبادليني نضره ريناد انت بالنسبه الي حلم بريء بقت عينها بعيني الله شاهد مكدرت اوكف رجعت ليوره انسندت بالحايط بقيت صافن عليه رغم خجلها بس كلبي طاير بيها. لميت شفافي بستها بالهوه هالحركه ماجوز منها حتى لجماعتي من بعيد اسويها شوهاي عكدت حاجبها وراحت ركض فزيت رينااد ملتفتت ابد بقت تمشي سريع نزلت الدرج وراحت تركتها. اني هاي طبعي دائما اجفص بالسالفه ----
يتبع
