وره شويه صاحني ابويه وكلييي..
يلا ازل بوسي امج ..
ني نصدمت.. ونطيتهه نضرت شنوو ..
هيه جانت صاده عالكنتور وتسوي نفسه تطلع غرص منهه..
ابويه خزرني وكلي يلا ..
عاد صديت عليههه ودنكت حته ابوسهه تلاكت عيونه وخزرتهه ..
دابينلهه مو برضاتي ..
بسته مره مرتين ..
عاد ابويه كلي نوب ..
بستهه شسوي بعد.. المهم كلي يلا بدلي حته نطلع ..
كتلهه ماريد ..
كلي طبج مرض .. طلعت من الغرفه وتوجهت لغرفتي ..
عاد جتي اختي وكلتلي يلا حبابه بدلي دنروح ..
كتلهه ماريد..
لحت ولحت وياها مرت اخويه ..
وني هم مردت اسويلي مشكله النوب ..
بدلت ولبست صدريه وفوكاها ستره وشال اوف وايت وحذاء ابيض ..
طلعت وصعدت بالسياره ومتنفست ..
اصلا مالي خلك احد..
لمن وصلنه سأل ابويه شتاكلون ..
محد جاوبه ..
عاد كال لامي شتاكلين ام امجد ..
كالت بكيفكم.. كاللهه نكعد بمطعم ..
كالت لا مالي خلك تعبانه ..
كلت بنفسي بس لتمرضين نفسج ني المالي خلكج ..
رحنه تسوكنه وشترينه لفات ورجعنه كلناهن بالبيت ..
وره يومين جوي خطابه عله اختي ..
وابويه معاجبه .. واختي تسوي نفسهه متريده ..
بس جذب كاتله روحهه ..
المهم صارت القسمه .. وكيفت لان راح اخلص
والغرفه تبقه اليه وحدي ..
واختي بس سمعني .. اووي شكد حلو وعمتي تحبني .. لو تدري بجيفتج متحبج بس غير الله يريد يبتليهه ..
بيوم المهر لبست فستان قصير احمر ناري مدلع الظهر نصه طالع والصدر همين وبيه فيونكه حلوه ..
وني جسمي ابيض كولش ..
جانو مشلغين اغنيه اجنبيه احبهه كولش ..
طبعا هاذ الحجي بعدني مطابه يعني بدلت وخليت مكياج ومحد شافني ..
سمعت الاغنيه وطبيت للاستقبال اركص واغني وياها..
والكل متعجب بيه ..
لا و بنات ويايه من المدرسه عزمتهم حته اغورهم..
لان ادري بيهم لا عدهم مثل لبسي ولا رح يفتهمون شي من الحفله لان كلهه اجنبي ..
وهمه خابصينه بالاغاني العربيه ..
المهم طبيت اركص والكل يباوعلي ومحد جان
يركص بوكتهه بس ني وحدي..
عاد اختي كامت تفور من الغيره ..
شو هاي كامت تركص ويايه ..
عفتهه ورحت عساس اسلم عاللي ماسلمت عليهم..
وهيه ضلت تركص ..
والناس اكلتني بعيونهه اكل ..
وني خالهه رموش وكابسه اظافر ..
وهذا الشي جديد عليهم ..
نوب كمت اتماوع كدام عمتي ام مازن ..
اريد احسسهم ..
نوب ني جنت داسولف ويه بت خالتي وجان ..
يطب يزن وبيدهه سلاح و وجهه عليهه ..
ني تخبلت .. ماعرف فرحت لان شفتهه ..
محسيت عله نفسي من كمت ووكفت كدامه .
بس اسمعه يكول اموتج اموتج ازل ..
اموتج ذا تزوجتيهه متصيرين لغيري ..
وني مابين الصدمه والفرحه ..
شلوون شلوون مازن يحبني ..
مداصدك اللي احلم بيه حقيقه ..
وعيت لمن شفتهه وجه المسدس عله كتفي ..
مادري شلون جتني الجراءة ..
وو رفعت يدي ونزلت المسدس وهمست
حته محد يسمعني ..
ماصير لغيرك بس لتعوفني ..
يمكن حسيت بنضراته رجعتلي الحياة ..
ثواني وجوي اخوتي وابويه ..
واخذوه وهوه يحلف وميتفاهم ..
بس مدافهم هوه شصاير ..
منو اللي اتزوجه ..
بالليل وبص فرحتي اللي متقبل تكمل ..
جتني اختي تبجي وكالت ..
