سترجعت ذاكرتي وصفيت ذهني بس حيست بوجع بركبتي وره اذني عبالي لازمني دمار او منايمه عدل.. ثاني يوم هم يوجعني المكان بس ليش تلمسته اكو فد شي مورم بس ماكدر اشوفه لان وره اذني قريب شعري وووف يا امي شسويتي بيه.. مرات اكول خل ازوج وارتاح بس من افكر بالزواج والمسؤليه اكول لا خليني هيج احسن ماجيب مشاكل اكبر عله راسي.. ييي وبالي واحد شبه ناسيته او اتناساه ماعرف اكابر او لاني ادري بيه مستحيل يكون من نصيبي
المشكله مو منه ولا مني من قلبي اللي دك ويدك بس اله.. احبه من طفولتي .. قبل يكولولي نتي جنتنه وهذا رجلج وني مصدكه يي ومكيفه وكبرت وكبر حبي وياه رغم من تهجرنه ماشفته بس مره وحده وبدون كلام اصلا كانت مجرد لمحه بس عيشتني ومن رجعنه شفته مره وكانت روحي بحيث كأنما مشاربه مي من اشهر ورتويت.. مرات افكر واكول يعني هوه هم يفكر بيه هم يريديني هم يكول عندي بنت خال.. يي بنت خاله وهوه ابن عمتي .. عمتي اللي تحبني من صغري وتتمنى اصير جنتهه هوه الكعده مالتهم.. كانت علاقتنه بيهم عاديه الي ان بدت شويه مشاكل.. ماعرف شنو السبب بس اكو مشاكل. من رجعنه لبيتنه يلا فتهمت نو كايلين اخوه يبوك وهوه وياه بس ماصدك .. اخوه معروفهه عنه هاي السالفه بس هوه محد بيوم جاب طاريه وصدك بس اهلي يكولون هيج.. بس مو يبوك من غربهه لا لا من اختهه.. لان متروسين فلوس يابو فلوس .. بس ماصدك هوه يسويه.. طبعا هوه هم اثر بدراستي يعني مرات ادخل للفيس مال اخويه واشوف صوره وماشبع شوف .. ومن اقره اظل اتخيله ونسى دراستي.. بس بعدين من كمت احس نو هوه مو من نصيبي كمت اضوج وانقهر واحقد عليه ماعرف اغار ذا افكر وحده غيري تاخذه عقلي مده يستوعب هواي شغلات.. ماريد افكر اريد اصفي ذهني من كلشي اريد انسى.. بس بنفس الوكت عندي احساس يكول مراح اعيش هوايه.. ومرات افكر منو رح يكون زوجي وشلون رح اعيش زين رح يحبني مثل ما حبيت مازن.. لا لا محد يحب بكدي ني حبيت لدرجه بجيت.. لتستغربون ني دمعتي غاليه ييي غاليه كولش.. ما انزلهه لاحد .. لان بنضري محد يسوه دمعتي الغاليه.. بس من نزلت دمعتي علموده ماعرف تأكدت ني احبهه بس حسيت كرهتهه لان نزل دمعتي.. بذاك اليوم اللي بجيت بيه امي كانت مو بالبيت ولا اخوتي بس احمد واختي ومرت اخويه بس حسيت واحد لزم ظهري لان كنت نايمه عله بطني عالجربايه ونزلت دموعي ف معرفت منو لامسني وخفت لا يكون اخويه واتورط او اختي وو تسويليي سالفهه بس من سمعت صوت الشخص..
