اخخ عقلي مستوعب الكاله....
وكعت بالكاع ماعرف شسوي...
اخابر اهاي لو اروح للمستشفى....
وين انطي وجهي.....
كومتني سهى...
سهى سجلي رقم عمتي يم وخابريها رح اخذ تكسي واروح للمستشفى....
ركضت اخذت تكسي وكلبي واكف ماعرف شسوي اريد بس اوصل ....
دموعي شلال متوكف...
مادري ذا سهى خابرت او لا المهم عندي اوصل...
صاير الطريق شطوله عليه...
وصلني ابو التكسي ماذكر بوكته شكد نطيته فلوس بس كلي نتظري انطيج الباقي كتله ميحاج توكل...
كمت اركض اريد اوصل...
وصلت غرفة مازن الدكاتره ملتمين عليه...
اخخ بس شفته دموعي بدت تسيل ....
نهد حيلي....
سألني الدكتور شصير بالنسبه اله...
اا ني زوجته..
اهاا تفضلي ويايه...
طبيت والخوف كاتلني....
وكفت كدامه...
جان ملتفت عالجه الثانيه ...
منتبه عليه....
سمعته يحجي بصوت ناصي بس مافهم شيكول....
اخر شي مسيطرت عله نفسي كمت اشهك....
التفت عليه ببطئ... اخخ بس تلاكت عيونه
ر
حت لزمت ايده...
مسمعت منه بس كلمة عروستي...
نوب زدت بالبجي...
طلعني الدكتور...
ظليت كاعده بره وابجي من الفرحه....
وره شويه اجتي عمتي تركض ....
سالتني شلونه كتله زين الحمدلله...
ظلت كاعده وتدعي ....
الدكتور كال منكدر نطلعه هسه حالته مو زينه ولا نكدر ندخل احد عليه...
ظليت كاعده والوب شوكت يطلعوه...
اجوي اهلي مقبلو ابقه ورايه دوام ....
رجعت بس مرجعت للبيت خليت اخويه يوصلني للشقه...
دخلت للبيت مهجور وكله تراب....
بديت انظف بيه ودموعي ماتوكف....
خلصت وكعدت اغسل الملابس من جديد لان كلهن تراب ....
ذبيت الاكل القديم... وخليت فرشات جديده...
باوعت لوجهي بالمرايه... ووع هاي شنو ...
خطيه توه طالع من الغيبوبه بس يشوف وجهي يجوز تجيه غيبوبه ثانيه...
طبيت سبحت وظليت ساعتين بالحمام...
طلعت نشفت شعري...
خابرني ابويه...
شنو بابا وينج...
يابا موجوده بالبيت مالتنه...
اهاا وراح تبقين لو شنو..
لا هسه اخابر ماجد يجي ياخذني...
لا هسه ني قريب عليج فد شويه امرلج...
ووك...
كملت قفلت البيت وطلعت...
بالطريق ابويه كال...
باعي مازن من يرجع رح يبقى يم عمتج...
هاا ليش...
متكدرين تداريه وحدج..
لا اكدر...
بابا افهمي عمتج تداريه نتي عندج كليه...
معليك ني احجي ويه عمتي....
وصلت للبيت ونمت من التعب....
كعدت ثاني يوم مداومت رحت للمستشفى اشوف مازن...
شافتني عمتي ستلمتني رزايل...
ليش مرايحه للكليه مو وصيت ابوج عليج...
عمه بس اليوم حبابه...
امشي ولي منا...
زين عمه شوكت يطلع...
ماعرف لو اليوم لو باجر...
اهاا .. زين ماكدر اشوفه....
مادري احجي ويه الدكتور...
طبيت شفته جان نايم...
كعدت يمه بالكاع وراسي عالسديه...
لزمت ايده... كمت اتلمس بيه ممصدكه هوه رح يرجع...
وره شويه بده يفتح عيونه بتعب...
فزيت واباوع عليه وجه تعبان....
باوعلي ...
سألني وصوته يكطع ميكدر يحجي...
شششلونجج...
رأسا دموعي كامت تصب...
زينه الحمدلله ...
كوم يلا نته مو زلمه كوم خلينه نرجع للبيت...
ابتسم بتعب ...
اجه الدكتور مقبل ابقه لان يتعب...
مازن اشرله ابقه يمه ...
كالي الدكتور ماحجي شي وياه حته ميتعب...
كتله ميخالف المهم ابقه يمه...
بقيت صافنه عليه وممصدكه هوه مفتح بس ماكدر افتح حلكي واسولف خاف يطلعني الدكتور ....
شويه ونام مازن لان جسمه تعبان ..
مرن يومين وني بين الكليه والبيت ومازن....
نوب عمني متقبل تخليه يمي لان عندي دراسه وماكدر وحدي....
جنت كاعده ببيت عمتي انتظر يجيبون مازن....
طببوه وجان شكله كلش تعبان.... حته كلامه قليل ....
بيومه عمتي عازمه الكل علمود سلامته وصارت خبصه حته مكدرت اشوفه...
العصر وره مهلكنه من كد الشغل ونروكض هنا وهنا صاحتني عمتي جنت واكفه بالمطبخ اغسل مواعين....
عفت البيدي ورحتله...
طبعا خف الخطار شويه لان جانت هوسه كلش...
طبيت للهول اشرتلي عمتي اكعد يمه...
كعدت وكتله تفضلي عمه...
باعي اني مال مازن ابقيه يمج شيليه من بالج لانج صغيره ومتدبريه وهوه مريض وني عندج كليه ف من الاخير روحي جيبي غراضج من بيت اهلج وتعالي هنا الي ان يصير مازن بحاله زينه عود روحو لبيتكم...
مكدرت اعارض لان هيه امه وتعبت هوايه ويايه لو غير وحده جان شسوت بيه...
كتله تدللين ومن عيوني الترديه يصير ...
فرحت وكالت كعدي رتاحي خلي الجناين يكملن الشغل نتي اقري ومن يرحون الخطار شوفيه....
لليل كاعدين وناسيه عندي امتحان من ذكرت جفلت ...
كمت اركض همزين من رجعت من الكليه جبت الملازم ويايه كعدت اقره وسألوني شبيج كتلهم عندي امتحان وناسيه ....
ظليت كاعده اقره صارت الساعه 12 الناس تريد تنام وني كاعده ميصير...
كمت كعدت بره عالمرجوحه ...
الكل نايم ولا حس ولا نفس....
تقريبا ب 1 ونص حسيت بحركه داخل البيت...
كلت خاف اكو شي كمت اشوف...
اول مدخلت لكيت مازن مرتكي عالحايط يريد يدخل للحمام...
هوه منتبه عليه لان جنت وراه ...
رحت حته اسنده ....
من لزمته جفل ...
التفت عليه.. هاا ازل شو كاعده...
عندي امتحان ...
هااا ...
سندته ووصلته ...
مادري ليش حسيته متغير ولا كأنه مازن الاولي...
من طلع سندته ورجعته بالفراش..
جان نايم بغرفه عمتي وحده ...
غطيته وظليت واكفه مادري اروح لو ابقه يمه...
زين هوه مو زوجي اكيد ابقه يمه ... جان صاد عالجهه الثانيه ...
شنو متنامين اليوم...
هاا اي هسه اروح...
التفت عليه وين تروحين...
انام...
هنا تنامين ...
اا اي بس اجيب الكتب واجي ...
ضحك .. شبيج خايفه ..
لا مابيه...
جبت الملازم..
وهم ظليت واكفه يمه الجربايه اخاف انام...
شوكت تنامين ...
نمت عله طرف الجربايه وهوه بالطرف الثاني..
شويه شويه كمت اتقرب منه الي ان حضته ونمت....
