جتني اختي تبجي ..
كلت ياربي استر اكيد اكو شي ..
انتضرهه تفتح حلكهه .. اريد اسمع شصاير ..
كالت ازل وافقي حبابة..
ضنيتهه تقصد مازن .. كتلهه اكيد اوافق
شفت الابتسامه نرسمت عله وجهه..
وكالت تره هوه خوش ولد بس الناس مترحم..
كتلهه ادري بمازن قابل ماعرفهه..
هيه نصدمت وكالت لا لا لا ..
مو مازن .. جواد
يمه مثل الصاعقه ونزلت عليه ..
مادري نصدمت لو نرعبت ..
كتلهه جواد ماغيره .. هذا الدايح ..
كالت ليش شبيه خوش ولد..
كتلهه لا والله لو تموتين .. لو يبقى اخر واحد..
ني اخذ هيج واحد مهتلف ..
الكل تدري بيه مخنث ونسونجي..
كالت يولي مو يطلكوني ..
باوعتلهه صفح .. وكتلهه وني شلي دخل..
تردين تذبين روح بنار ذبيهه وحدج..
ني مالي دخل طلعيني منهه..
جواد اخو خطيب اختي .. عندهه سوالف مكسره كولش ..
زين وني شنو ذني .. خل يطلكوهه اهم شي مازن ..
واكول عمتهه لاختي شلون تباوعلي ..
اثاري تريدني لابنهه المابيه خير..
نوب اختي تكولي والله ماسامحج ذا طلكت
من وراج..
صفنت عليه .. يولي لج اكو وحده تاخذ هيج
مهتلف.. بعدين اهلي مرح يقبلون ..
كالت لا والله نتي بس كولي ني اريده همه
يوافقون..
لا والله ني اوكف بوجهه اهلي علموده لو
علمودج.. بلله ماطيرين ..
راحت وضلت الف فكره ببالي ..
وره يوم جوي عيال اختي ..
واسمعهم يكولون تنطونهه الثانيه احسن
مانرجع الاولى..
عاد ابويه وميصرفله هذا الحجي ..
طردهم وكاللهم ما يمنه الكم لا الاولى ولا الثانيه شنو هيه مزعطه ..
يمه شكد رتاحيت ..
وره مطلعو اجه مازن.. بس اسمع صياحه
ويكول مصير لغيري .. يمه ويه كل كلمه اموت .. ضل يتعارك الى ان كال انهه عليهه..
يمكن اول وحده ينهون عليهه وتموت من الفرحه..
ممصدكه اللي دااسمعه.. يعني رح اصير اله ..
اريد اكمز واضحك وابين فرحتي بس
ماكدر ..
نوب ختي طلكت..
همزين خلصنه منهم .. ابويه احسه رتاح..
عبالك هم ونزاح.. بس اختي..
شدت ويايه .. وكلما تشوفني .. كله صوجج
ني طلكت من وراج.. اسكت واعبرهه ..
لان ادري اكو شخص ديحارب علمودي..
شخص اريده ويريدني ..
اصلا هسه ني داموت.. اريد اعرف شوكت
يجي.. اريده يجي.. حتلو بس يتعارك
المهم اسمع صوته.. صوته اللي جنت اتمنه
سماعه ولو لحضه..
المهم اهلي ميحسسوني بشي ..
اروح وارجع للمدرسه عادي ..
بس بيوم .. داطلع من المدرسه .. وشفتهه
واكف بعيد.. يمه كلبي يريد يوكف
الاكيد فرحه بس ممزوجه بخوف..
مادري .. وني دانتضر الخط حته يجي..
بده يتقدم بأتجاهي.. وبده الخوف يتلبسني..
والوكت ميشمي عبالك .. احس روحي حتطلع..
شكد جنت اريد اشوفه..
بس هسه لا لا ..
خاف يسوي مشكله.. خاف العالم تكوم تسولف..
خاف توصل السالفه لابويه ..
ردت اموت الى ان وصل وعيونه تجدح ..
يمه الشرار يطلع منهه.. متت بدمي ..
خزرني وكال ..
ليش كذبتي ..
صفنت ..
شنوو .. اااه بشنو كذبت ..
لا تغشمين نفسج ..
كتيلي لتعوفني وماصير لغيرك..
اخذت نفس.. وهمست
يي وماصير لغيرك ..
خزرني وكال .. لعد ليش خالي يكول هيه
متريدك ..
باوعت بعينه لان من احجي وياه مدنكه ..
اصلا ممتعوده احجي ويه ولد ..
كتلهه ماكو هيج حجي ..
شفت اختي طلعت ..
واخاف تسويلي سالفه ..
مشيت من يمهه وهمست .. احبك
مادري سمع لو لا بس طلعت لا اراديا ..
حته كمت احجي ويه نفسي واكول بس
لا سمعني .. هسه شيكول عليه ...
الف فكره وفكره ببالي ..
رجعت للبيت ونمت بدون اكل حته..
كعدت العصر عله صوت صياح ..
ماركزت بالصوت بس اكيد اكو شي ..
كمت وغسلت وجهي ..
وبطني تقرقر اريد اكل جوعانه..
نوب بدت اصواتهم تتعاله ..
وبده صوت مازن يبين ..
سمعته يكول احط طلقه براسهه ..
يمه شكو شصاير ..
جتي اختي تكول .. بخت الناس كاتله روحهه
عليج .. باوعلته صفح ورحت اصنط ..
اريد افهم شكو وشصاير ..
طلع ابويه وكال وينه .. يقصدني
اجه عليه وكال البسي شي مستور تعاي ..
كمت ماعرف شسوي ..
لبست دشداشه من مرت اخويه ..
لان ني معندي ومالبسهن.. وهيه مقبلت
البس جبه ..
لفيت الشال مرتب ودكيت الباب ..
ابويه اجه طببني ..
وكالي ..
باعي ازل ..
هذا ابن عمتج .. تريدهه لو لا
ضليت ساكته ماعرف شكول ..
ابويه كال رفعي راسج .. تريديه لو لا
رفعت راسي وشفتهه مبتسم .. نوب غمزلي
لان محد منتبه..
يمكن بذيج اللحضه اذا تموتوني مبيه قطرة دم ..
كتلهه يابه هوه مو نهه عليهه ..
ماكدر اكوله اريده .. اخاف تصيرلي مشكله..
ابويه كلي لا ذا متريديه مو بكيفه..
اخذت نضره من مازن كأنما ديكولي
وافقي وخلصينه ..
كتله يابه هوه اوله من الغريب ..
كلي لا كولي اريده حته يتم كلشي ..
سكتت .. لان ماعرف شحجي ..
بعدين ابويه كالي هاا ازل ..
كتله يابه اريده..
يمه بذيج اللحضه .. ياكاع انشكي وبلعيني ..
اريد بس اطلع حته اخذ نفس ..
احس الغرفه مابيهه هوه ..
نوب ابويه كال يلا طلعي ..
طلعت ورحت ركض للغرفه ..
اريد بس اتنفس .. نمطلت عالجربايه..
وبدت الافكار تروح وتجي ..
افكر بالزواج.. بمازن ..وشلون رح نعيش ..
وره تفكير نص ساعه كمت اكمل قرايه..
صح فرحانع بس دراستي اهم وني عندي
متحان ..
اجوني اخوتي بالليل وكالو حنه ممقتنعين
بيه سكتت ودنكت .. يعني شكول مثلا..
كتلهم خلو المقدم والمؤخر هوايه وذا قبل
معناها يريدني وذا مقبل خل يروح بدربه..
كتلهم هيج حته مابين كاتله روحي..
وصدك ردت اعرف يريدني لو لا ..
نمت ورحت ثاني يوم للدوام وبالطلعه شفته ..
بس همزين ابو الخط موجود ..
ركض صعدت لان مابيه اجيب لنفسي
مشاكل..
وهم نمت بدون اكل ..
كعدت واحس برؤى تكعدني ..
بس تكمز وكلشي مدافتم .. بعدين سمعته
تكول......
