خابرته بين ما يطلع مازن من الحمام....
منطتني مجال احجي نزلت بيه سب وشتم...
اريد بس افهمه انو ني ماجنت اعرف بالموضوع..
بس ماكو لسانها رشاش عاد اله امي كالتهله شو نطينياها اسلم عليه..
سلمت عليه و كتله سلميلي عله ابويه ...
طلع مازن لاف المنشفه عله خصره ويتمايل كدامي طلعت من الغرفه لان ستحيت ابقه وهوه يبدل..
طلع وشافني لابسه النقاب ..
كال..
حياتي نزعيه ..
ستغربت.. ضليت صافنه عليه...
كلي.. انزعيه حته تاخذين راحتج بالاكل ...
اا يي ميخالف ..
نزعته وطلعنه فترينه وشتركت كم شغله اليه ولرؤى ولبنته ...
طبعا لازم اشتريله لان تكره راسي فحته اخلص من لسانه..
تغدينه متأخر تقريبا ب4 ورجعنه للفندق..
اول مطبيت نمطلت عالجربايه لان تعبت من المشي...
ظليت دقايق ممطوله طب مازن عباله نايمه طفه الضوه وتقرب نزعني الحذاء اللي تعاجزت انزعه صار فوكايه حته يعدل نومتي ...
كمت ونضرب خشمي بكصته ...
طبعا محد تأذى غيري..
كمت ركض للحمام وهوه يضحك عليه..
غسلت وبدلت ..
لبست اوفر برموده قماش وجواه تشيرت نص ردن ..
طلعت ملكيت مازن بالشقه ...
دورت عليه ماكو ...
ياربي وين اختفى...
رحت نشفت شعري وسويت بيه كسرات لان هوه سرح وخليت عطر وشويه مكياج...
ظليت اكلب بالفون راسلتني رؤى كتله شتريتلج شغلات الج ولنونو الجديد كامت تكمز ...
سألته شسميتوهه ... اديان ...
ظليت افكر بأسم دلع اله ... دونه .. تانه .. رونه ... تالي مليت
عطشت وكمت اشرب مي وطلعت من الجنطه شويه حلويات لان جعت..
شويه واجه مازن...
مسألته وين رحت وليش لان ماحب ادخل ..
طب سبح حضرتله الملابس ...
طلع بدل كعد عالجربايه...
مازن..
ممم ..
جوعانه..
رفع راسه مثل المصدوم ... شكلتي..
شبيك حياتي داكولك جوعانه...
يي ادري جوعانه بس وين وديتي الاكل الاكلتيه عالغده...
ماوديته بس جوعانه يعني شسوي احرم نفسي..
كام وبده يتقدم عليه..
لاحياتي شتحرمين نفسج ماعاش اليحرمج بس تره ماكو محروم هنا بكدي يحجي ويأشر عله نفسه...
ني جنت واكفه يم الباب وهوه كدامي ...
سحبته ودفعته عالباب...
همست بأذنه ...
من شنو محروم...
كام يبلع ريك ووجهه صار احمر...
همسلي..
محروم من الكدامي...
باجر..
شنو..
باجر يخلص حرمانك...
ضحك.. لج نتي شنو تقشمريني البارحه جتج وترديه تروح باجر..
يي حياتي عادي كل بنيه شكل... بعدين نته شمفهك بهاي السوالف...
كام يضحك اكثر...
زونه تره ني مو جاهل كدامج .. الزلم كلشي تعرف ...
يي هسه مشكلتنه مو هنا مشكلتنه... بعدني ممكمله شالني وكال...
يي صحيح مشكلتنه مو هنا تعاي نحل مشاكلنه..
شمرني عالجربايه.. وصار فوكايه..
جر خصله من شعري..
لج نتي شنو.. هاي شمسويه.. وشلابسه تردين تموتيني...
حاوطت ركبته بأيدي وونزلته عليه...
جج اريد اعذبك مثلما عذبتني...
لج هوه منو تعذب غيري منو جان كل يوم يموت قهر عليج ... لج
من اسمع يجون خطابه روحي تطفر اريد احط طلقه براسج واخلص...
هوه يحجي وني صافنه عليه... والحجي من كل كلبه مثل انسان مقهور وديطلع حركته..
مازن لعد ني شصار بيه..
تدري جنت اكول ويه نفسي هوه اكيد هسه شاف اشكال البنات يبقه عليه...
اكول هوه ني اصلا اجي عله باله لو يعرفني ...
لو تدري جنت اطلع صورك واتخايلك كدامي...
ضحك وكال... منين صور..
من الفيس او صورنه من صغار...
مازن تدري نته من تخرجت من الكلية العسكريه شكد فرحتلك وشكد ردت اكون يمك اشاركك بالفرحه...
وني هم تمنيتج يمي بكل لحضه مرت ...
تمدد وجرني لحضنه وخله راسه بأذني ويهمس..
حجينه هوايه لحد ما نمنه جانت الساعه ب 9...
كعدت الفجر طاكه جوع وبس افتر غسلت وجهي وطلعت بالبالكونه اشوف الناس والدنيا ...
كلبت بالفون وطبيت جوه...
نوب المطعم ممفتح حته اكعد مازن يجيبلي اكل... بس بعدين كلت لا والله عليه وعله اعدائي
والله وجان اروح اكمز فوك مازن...
جفل وصاح بيه ..
شبيج تخبلتي اكو شي...
يي تخبلت الجوع خبلني حرام عليك اريد اكل جوعانه...
ضحك .. ومكعدتني الفجريه هسه منين اجيبلج...
والله مشكلتك مالي دخل عليش زوجتني ذا متكدر ادبرلي اكل تره والله اطلع بالشارع واكدي...
يمه هوه تمرغل عالجربابه من الضحك...
جان نايم عالحافه..
كتله..
تضحك موو ني اعلمك دفعته ووكع عالكاع...
شو هذا كام وطار ورايه ونوب وين اختل ماكدر..
لزمني شبعني كتل بس بالشقه .. يكولي تعيديه.. وني اعاند واكوله اعيده ونص ...
كلي ميخالف ني اعلمج شو هذا بدل وطلع...
شويه واجه جايب لفات ...
ظليت فاكه حلكي كتله منين جبتهن ...
معليج ....
والله هجمت عليه اريد اكل فاطسه من الجوع....
دفعني... ولي منا مانطيج..
يااه مازن ني ازل حبيبتك...
لااه جج جج ولي يلا ...
طنكرت عليه شو هذا كعد ياكل كبالي..
وني كمت ابلع ريك ...
خلص لفته .. راح غسل واجه كعد يمي...
دفعته.. وخرر منا ...
سحبني كل قوته وباسني ...
نوب ني رأسا خدرت وتفاعلت ويااه...
عافني وهمس بأذني...
كل مره تعاندين وتتملعبين اعاقبج وهذا هوه الاول...
خليت راسي عله صدره...
يمكن حته نسيت الجوع واهله...
كام وجاب الفه يوكلني...
كتله ني اكل...
جج ني اوكل مرتي ام جهالي....
اللكمه بحلكي وختنكت بيه.... ام جهالك...
كام يضحك ...
يي شبيج يصيرون عدنه زعاطيط مثلج...
مثلي شنو ليش ني زعطوطه...
يي نتي زعطوتي وبنتي وحياتي وكلبي ..
سحبني بحضنه ...
خلص اليوم بين الطلعه والنوم ماكو شي ...
ثالث يوم هم طلعنه وتونسنه كلش ورجعنه متأخرين للفندق وتعبانين لدرجه نو نمنه بملابس الطلعه وحته منزعت الحجاب...
كعدت ثاني يوم تقريبا ب11ونص مازن نايم وني بحضنه...
كوه سحبت نفسي ..
طبيت سبحت والحمدلله نضفت من الشهريه..
بدلت لبست سيت وتعطرت وخليت مكياج ومشطت شعري..
سويت كل هذا ومازن محس عليه...
يمه صنم ونايم لو شنو..
جان نايم عله بطنه..
رحت نمت فوكاه..
اريده يحس ماكو ..
ميتحرك....
