خلص الاسبوع وني بين السوك والتجهيز..
مازن وصاني لحد ما مل..
زونه لصبغين شعرج.. زونه لتكصين شعرج..زونه لتحفين حواجبج..
يحب شعري ويحب هوايه شغلات بيه متتغير..
وني مشيت عله كلامه مع العلم طول هذا الاسبوع ولا شفته مجرد مكالمات..
صار يوم المهر ..
مقبلت اروح للصالون كتلهم ني اخلي الميك اب...
رؤى سوتلي تسريحه .. نص الشعر مرفوع والبقيه لا وبرمته طلع يجنن..
خليت مكياج كلش راقي وكبست اظافر ..
الحمدلله كنت مجازه حته متفوتني صلاه..
نتضرت مازن يجي حته يجيب البدله..
طبعا مكلت لاهلي مازن حيجيبلي بدله ..
وكلساع يكولولي لبسي وفضينه..
خابرني مازن وكال اطلعي للحديقه..
طلعت وجان شايل البدله كوولشش راقيه باسني وراح..
والبنات متعجبات وفاكات عيونهن عله مازن..
رحت لبست البدله طلعت اخبل ..
طكيت صوره ودزيته لمازن وكتبتله..
ذوقك راقي ..
هوه نتي بقيتي شي للبدله اكلتيه بجمالج..
بدت الحفله وكمت اركص ..
ورها اجوي اهل العريس وعمتي مقصرت اطش عليه جوكليت ومملحكه..
الجناين يمي يكولي والله حضوض كتلهم هسه اشوفجن شسوي ضحكن وكالن هاا شسوين ..
كمت جريت عمتي وركصت ني وياها ..
يمه الجناين يكولن نتي داهيه..
بعدهه دزلي رساله مازن كال ني بالباب..
سويت روحي مشفتهه وكمت اركص وحدي ويه اخته..
طب هوه وشافني اركص وني سويت روحي ممنتبهه..
وراها حسيت واحد جرني من زندي..
التفتت ..
هاا مازن ... شو مكلت رح تجي..
لا دزيتلج رساله بس غير ملتهيه نتي بالركص..
شاورني كدام الناس.. بس يابه شلون ركص يكطع الزلم تكطع..
رحنه كعدنه..
ولبسني الذهب ووكلني كيك وعصير وطكينه صور تخبل..
رجع كلي..
زونه لتركصين كدام النسوان..
ليش حبيبي..
ماريد احد يشوفج..
غمزتله ... لا حبيبي بعدك مشايف شي ..
هاا..
يي طبعا ...
كمت لبست فستان قصير ومدلع وغيرت شويه بالمكياج وغيرت الحذاء..
طبيت لكيت مازن بعده مرايح توقعته راح فلبست فستان قصير..
نوب هوه ظل مدنك حته ميحرجني..
همسلي..
نتي شناويه اليوم.. تره هسه اخذج للبيت ماعندي مانع..
مازن مو عبالي رحت وو لبست هيج..
عبالج رحت .. وطلعين هذا كوله للنسوان..
حبيبي كافي والله مو قصدي..
مازن صاح امي مدري شنو يشاوره كلشي ماسمع من صوت الدي جي..
بعدهه مازن كلي كومي نروح بغرفتج..
لا مازن خاف اهلي ميقبلون..
دكومي تره تعبت..
رحنه لغرفتي طبعا جنت قافلته لان الجهال ميبقون شي ذا ميهجموه..
طلعت المفتاح ونطيتهيا..
مازن عبالك دنسوي جريمه..
هه والله ني يمكن رح اسوي اسكتي وستري عله نفسج..
طبينه واول مسد الباب قفله ودفعني عالحايط..
مازن تره صاير وكح..
صاير وكح هااه لا بعدج مشايفه شي...
شالني وكعد عله جربايتي وكعدني بحضنهه...
زونه شوكت تكملين ونزوج تراني مليت..
مديت ايدي امشيهه عله خده..
حبيبي اصبر مبقه شي .. ني نتضرتك كول هاي السنين نتظر بس هالشهرين..
ايبااه ليش نتي شصبرتي ..
مازن ني مجنت متوقعه نته تحبني .. اصلا نضراتك اليه جانت بارده...
نضراتي بارده حته ماحسسج بشي.. بس لو تدرين النار اللي بكلبي شنو ..
شنو كولي..
خليت راسي عله راسه وشابكنه ايديناتنه...
زونه من جانو اهلي يجيبون طاريج اطير من الفرحه اريد بس اسمع شي عنج لان اخاف اسألهم عنج ويضنون غير شي..
صراحه ني هم كلبي يكمز من احد يسولف بيك ..
رفعت راسي .. مازن خلينه نطك صوره..
مم يلا طلع تلفونه وطكينه صور اشكال والوان.. حضني من خصري وكال..
هايابه مرتاحه هنا تره تكسرت رجولي..
كتلهه يعني شنو تريد تكومني..
لا بس ادفعي الضربيه...
شنو ..
خله اصبعه عله شفتي..
غمضت عيوني وتقرب عليه.. باسني قريب شفتي رجع باسني من ركبتي..
فتحت عيوني..
لج هاا شجنتي متوقعه..
لا ممتوقعه شي..
همس بأذني.. هذا الجمال اضمه كوله ليوم العرس.. شيخلصج مني بذاك اليوم ..
مازن لتخوفني ..
هه لا ماخوفج.. يلا كومي اريد اروح..
ماكوم..
هاا ولج ..
ماكوم خليني مرتاحه..
لج لوما عندي شغل جان علمتج شلون تعاندين بس رحمة الله نزلت عليج ...
كمت ومن طلعنه من الغرفه الجهال والبنات
تتطافر ... ضحكلي مازن ..
شوفي جانو يجسسون علينه..
ههه لا خليت حمايه..
راح مازن...
ورجعت للحفله والركص..
دزلي مازن فيديو بالحفله ويه ماجد شلون يركصون سوه...
ضحكت والله اخويه يركص بحفلتي شبقه للغريب لعد..
بالليل وره مخلصت الحفله دزلي مازن
صوره من الصور الطكيناها..
جنت بايسته من ركبته ..
مازن يعني هسه نته مكابل الصور وكاعد..
يي شسوي بس هنه يذكرني بيج...
ممم يلا اروح انام تعبانه..
يي غير من الركص... زونه ذا زوجنه هم تركصيلي..
ليش يابه اركصلك..
يي بت الاوادم النسوان تركصيلهن عادي بس ني رجلج لا ...
حبيبي يصير خير ..
يلله تصبحين عله خير..
ونته من اهله..
خلص الدوام وبدت فترة المراجعه..
اهلي ميضغطون عليه ولا مازن يخابرني قليل حته اقره..
جتي الامتحانات ومازن خطيه هملته..
قبل الامتحان الاخير بالليل دزيتله احبك..
رد عليه .. احبج يابعد عمري روحي اقري لتلتهين ..
خلصت امتحانات.. والعصر اجه مازن كالي..
زونه حوبي اريدج هسه تنسين الدراسه..
ههه ليش..
خلينه نجهز للعرس مشي بدلي نطلع نتونس ونرتاح ادري بيج تعبانه...
ني ابد مطالعه ويه مازن للسوك ولا مجهزه اي شي للعرس مازن كلي من تخلصين نطلع ني وياج سوه..
بدلت وطلعت كتلهه يوم ليش متجين..
لا ماجي نتو ختارو..
وذا الشغلات محلوهه..
لا ختاري عله ذوق رجلج باللي يعجبه..
مم وك..
طلعنه وني منقبه ومازن الحمدلله صح سبورت بس مكلي انزعهه وني متعوده عليهه..
ختارينه فساتين وملابس للبيت واحذيه ..
شفنه محل ملابس نوم .. كلي تعالي نشتريلج..
كرصته .. مازن لاه ..
مشي لج تره ابتلي بيج..
