كعدت من النوم عله هوسه....
جانت عيوني مغوشه ماشوف زين ....
من بديت اركز شفت الجهال فوكايه متكومين وني بحضن مازن....
ملحكت اكوم دخلت عمتي...
الابتسامه شكت حلكه عباله اكو شي ....
كمت من مكاني ورحت بدلت وطلعت للكليه....
دخلت للامتحان وجاوبت شلون ما كان لان اصلا مقاريه زين...
طلعت عالسريع وراسي مسطور مادري شبيه ....
رحت انتظر يم الخط وانتظر بقيه الطلاب يحضورن حته نرجع...
الشمس جانت قويه وراسي زاد وجعه...
طلبت من ابو الخط ينتظر شويه بين ما اروح اشرب عصير وارجع بلكن اصير زينه...
محسيت عله نفسي من وكعت والطلاب ملتمين عليه...
صحيت والدوخه ماكلتني .. شجاني البارحه كلشي مابيه....
رجعت لبيت عمتي ورأسا نمت من التعب ...
كعدت عله صوت الجهال ...
تقريبا نمت ساعه وربع .. حته مادري بمازن وينه وشلونه ...
طلعت من الغرفه وتلكتني عمتي كالبه وجهه...
طلعت ضايجه لان ما رحت عله مازن اول ماجيت وبقت ترزل لان ما اداريه...
حجيتله عالصار ويايه .. تعوذت من ابليس وطمنتني كلشي مابيه ... وني هم شلت السالفه من بالي قابل شكو لو شبيه ...
سألت عمتي وين مازن .. غمتني..
لج يالفاهيه طلع هوه وجماعته..
يي عمه خليه يطلع ويتونس...
لج لشوكت ابقه اعلم .. بابا رجلج مريض غير نتي مريته تبقين يمه وتدلليه ...
عمه والله مبيدي شي يعني اكوله لا تطلع وكابلني ونتي بحلكج كلتيه مريض يعني ميصير اتعبه فوك مرضه خليه ياخذ راحته وهوه لو يريدي صدكي ما خايف لا منج ولا مني يجي ياخذني ويفضه...
يي ابقي هيج الي ان يروح الولد منج...
كمت تغديت وسبحت وطلعت لغرفه عمتي انشف شعري لانو اصلا البيت مبيه احد بس جهال الجناين والبنات لان موظفات يبقون يم عمتي ومرات يباتون لان امهاتهم ميلحكن...
دخل مازن وني اشسور سوه نفسه ميشوفني..
مادري شنو دتجيببالي من افكار شبيه مازن ويايه .. اكو شي صاير ..
صديت عليه..
شلونك اليوم..
الحمدلله..
(بس الحمدلله وين مازن اليضحك واليسولف وميسكت )
ردت افتح موضوع وياه بلكت يحجي يصخم ..
تدري مازن داومت كليه وو.. بعدني ممكله ..
ادري بيج كالو تستاهلين كل خير...
ماعرف شنو اوصف شعوري بذيج اللحظه احس نفسي غريبه وداخله للبيت .. لالا ولا كأنو ني زوجته وين مازن القديم... الدمعه وكفت بطرف عيني ...
لفيت شعري وطلعت من الغرفه...
شافتني عمتي وجهي مكلوب سألتني شبيج..
عمه مادري مادري اني البيه لو مازن .. شمسويه ني متغير بيه شي..
لج لتخبليني شبيكم صاير شي...
عمه من يوم اللي اجه ووهو مو مثل قبل مادري اذا دتحسون بهذا الشي بس ني اعرف تصرفاته مو مثل قبل ...
لا عمه هاي لان توه طالع من المستشفى وتعبان تحسيه هيج شويه شويه يرجع لتخافين...
والله كلام عمتي ولا غير مني شي ...
كعدت اقره وراها رحت اسوي العشه ويه عمتي والجهال ملتمين علينه...
صبينه العشه واجه مازن ياكل ني حته مكعدت وياهم احس نفسي غريبه وملزكه روحي عليهم...
صاحتني عمتي اكل كتله ممشتهيه...
كالت لمازن صيح مرتك تاكل .. كاللهه عوفيه براحتهه...
فرفحت من كال هيج ... ركض كعدت وياهم وخلصت الاكل من القهر البيه ...
اصلا هوه ولا دايرلي بال...
كمت من الاكل ولميت المواعين وغسلتهم...
قريت شويه ونمت مكسره ..
ثاني يوم كعدت وسحلت روحي سحل...
هم حسيت بنفس الدوخه.. بس مو كلش قويه...
من رجعت حجيت لعمتي وكالتلي اقري المعوذات واستغفري وان شاء الله تصيرين زينه...
كتله عمه خلينه نرجع لبيته مدام مازن مابيه شي...
كالتلي براحتكم...
ثاني يوم داومت وخليت ابو الخط يرجعني لبيتي...
دخلت وبديت ارتب ... مازن جان جاي قبلي اصلا مو ني الكتله نرجع عمتي نطته خبر الرجعه...
يتصرف ولا كأني موجوده...
خابرت رؤى وحجيتله كالتلي لج شوفيه نجوم الظهر وهوه يجر عدل...
يعني شلون اضربه مثلا لو اعتدي عليه...
لا بابه البسي كدامه واكشخي بس هاا لتنطيه مجال اوك ...
اوك...
يديته منهه وركض بدلت ولبست تنوره فوك الركبه وتشيرت مدلع وخليت مكياج ..
رتبت شعري وعفه مفلول لان ادري بيه يحبه هالشكل...
طلعت من الغرفه وتوجهت للهول... الطريق صار سنه ...
دخلت جان صافن عالفون وممنتبهلي...
حجيت وياه حته يشوفني...
مازن شنو تحب تتعشه...
رفع راسه من الفون وظل يعاين عليه من فوك لجوه..
ستحيت من نفسي وظليت متصنمه بمكاني...
شويه واجاني الرد ماريد عشه رح اطلع...
بسرعه فتح الباب وطلع وعافني ...
اول شغله سويته من طلع كمت اكمز واكزكز ..
وراها كلت والله الا احركك واخليك تندم...
سويت النفسي عشه ولملمت .. نتضرته يرجع واكول هسه وهسه وهوه ماكو.. رحت نمت بالغرفه وقفلت الباب حته ينام بالهول محد كاله يعوفني...
كعدت الصبح مادري اذا مازن بالبيت او لا لان نمت ...
تقريبا جانت الساعه بالخمسه الصبح ...
كمت من الفراش نزعت الملابس وبقيت بالداخليات ولبست روب خفيف فوكاهن..
طلعت من الغرفه وتوجهت للمطبخ اللي هوه مفتوح عله الهول...
لكيت مازن نايم عالتخم...
بالبدايه نقهرت عليه بس بعدين كلت مشكلته محد كاله يعوفني...
لبست نعال يطلع صوت من امشي وني هم مقصرت ادوس برجلي حته يقوه الصوت ..
جنت اسوي الريوك وافرفر بالنعال واطكطك..
ضاج وكام يتكلب...
كعد وكال ...
كافي تطكطكين بنعالج تره دخت اريد انام...
جنت ناطيته ظهري بس هوه جسمي تقريبا كوله مبين لا الروب خفيف ومشلح...
صديت عليه...
نعم مسمعتك...
صفن شويه بعدين كال هاا بس الصوت مزعج واريد انام...
ممم تنام اوك ...
فتت من يمه واطكطك بنعالي بحجه اريد انزعه بصف الباب...
اتمشى واتمايل بمشيتي... وهوه يعاين عليه...
نزعته ورجعت للمطبخ اسوي الريوك...
وصلت يمه وكتله...
تريد ريوك اسويلك قبل ماروح...
صفن عليه ... هاا لا اني اسوي...
ممم براحتك...
اكلت ورحت بدلت وطلعت ...
طول الطريق افكر بيه... ليش يباوع بهالطريقه وميريدني شنو السبب اكيد اكو شي...
