ووف كانت مرت اخويه.. بس مردت اشوفهه وجهي لان ماحب احد يشوفني ابجي او قليل ما الناس تشوفني ابجي.. ظليت نايمه عله بطني وهيه تكولي شبيج.. اكوللهه مبيه شي بس من صوتي مبين دابجي ومخنوكه.. كتلهه رؤى عوفيني بحالي.. سكتت
وراها كالت بسببه.. ني عرفتهه تقصده
لان هيه تدري بيه احبه
كتله عوفيني وروحي ليحسون
عاد اجتي اختي
لهتهه رؤى وتكوللهه تعبانه ومغفيه وماله خلك
بسبب المحاضرات
بس ردت اخلص منهم ماريد احد يمي
لنص الليل اختي كاعده عالموبايل
بغير غرفه وني زهكت
عاد كمت اشمر بملابسي من الكنتور
واكسر شكو شي كدامي
بس محسو عليه وماريدهم يحسون
ماعرف ايش سويت هيج بس يمكن من
حركه بداخلي او غصه
ليش هيج يصير ويايه
محيست عله نفسي اله واختي تكعد بيه
لج هاي شمسويه وليش نايمه بالكاع
مردت اكوم من مكاني لان جنت
مرتاحه كولش .. عاد اختي ولا همه
حسيت باحد يحضني..
التفتت .. وووف مازن
اريد اكوله احبك .. بس الكلمه
متقبل تطلع .. مثل الغصه
بقيت حاضنته .. ماريده يروح
فزيت.. اااه هذا حلم.. شوكت يتحقق.. واحضنك صدك.. بس بالحلم حسيت بدفو حضنه يمكن مصدكه.. بس اريد احلم بيه مره ثانيه .. او ثالثه.. ماعرف اريده كل احلامي .. من اغمض اشوف صورته
اتمعن ب بياضه ب طوله وجسمه المعضل وحضنه اللي احلم بيه
ابقى اتخيل الى ان اصحى واشوف الواقع شكل واللي اتخيله شكل
رجعنه للمدرسه لان خلصت العطله مال نص السنه وبدت الدراسه والهم سلموني النتيجه ومعدلي 87 بنص السنه فرحت لان
اني كلشي مقريت بالامتحانات ولا فتحت كتاب .. كلت لروحي اكيد ذا اقره اجيب اكثر
رجعت للبيت ومرت اخويه وامي تلكنه
رؤى كالت ها بشري ناجحه .. كتلهه اكيد
اختي طبعا طالعه بخمسه وتفيك
ني اصلا مقريت لان مالي خلك .. ونوب تكول ني قريت ومتت عالكتب وازل تنجح وني لا
.. لا واليكتلني تكول للبنات ني لو اقره نص ساعه اصير احسن من ازل ظليت صافنه
عليهه .. كلت بنفسي كل شويه سالفه شكل
وعذر شكل شكد تفيكين
بس ما قهرني غير ام العربي منزله درجاتنه
بنص السنه لا وتكول ني مصححت وحدي
وياي مدرسات من غير مواد .. هيه شلونه بالتصحيح دا نوب مدرسات ميفهمن شي بالماده..
المهم بالبيت اختي ولا همه طالعه بخمسه مكابله الموبايل ..
وني يضحكون عليه ويزلوني لان مزينه
بالعربي .. ذول شتكوللهم
داومت ثاني يوم وبرجعه شفت...
