ماعرف شديصر اريد احد يفهمني....
عمتي تبجي وامي ... اووف لو بس افهم شصاير....
جتي رؤى متعرف هم شصاير...
كعدت يم امي اريده تفهمني ....
ولا كأنو ني موجوده....
اخ يربي والله تعبت....
اجني بنات عمتي وجناينه ....
وهم طكن بجي وني افر بأذني....
كعدت يم عمتي ...
عمه حبابه شصاير فهميني....
حضنتني وكامت تبجي ....
عمه لتخوفيني...
رفعت راسه... وخربت ..
ركضت جبتله مي ....
صحت وعفتهم...
ما جان اكو احد من الزلم بالبيت...
لليل اجوي اخوتي وابويه وولد عمتي ورجله...
كعدو بالاستقبال....
نغزني كلبي عله مازن....
اخخ وينك هسه...
صعدت للغرفه ... دكيت عليه ماكو...
نزلت للمطبخ ...
سألت رؤى شكو تكولي مادري حالي حالج...
دكيت مره ثانيه...
سمعت دكت الموبايل...
لااه ممعقوله مازن اجه ومكلي...
رحت اتصنط ...
والله نفس الدكه...
غلقته انغلق...
دكيت باب الاستقبال ...
فتحه اخويه الصغير ...
نظراته ماعرفت افسرههه...
دخلت والتفتت يمنه يسره مازن ماكو...
الكل يباوع عليه... نظراتهم غريبه ومبين عليهم القهر والخوف...
بسرعه دكيت مره ثانيه...
دك ...
وكفت مثل الصنم...
رحت واشوف موبايل مازن....
اريد واحد يفسرلي شكو ليش موبايله هنا وهوه وين....
انكطع الهدوء بكلام ابويه...
ازل... رجلج بين الحياة والموت....
جانت هايه اخر الكلمات السمعته...
كعدت لكيت رؤى يمي وتبجي ...
لحظات وتذكرت الكاله ابويه....
تهسترت... كمت اهز برؤى اريده تحجي ....
بس تبجي...
وني مثل المخبله.....
رحت ركض لامي ...
كالتلي...
مازن من ديجي للبيت متعرض لحادث وهسه بالمستشفى منعرف مصيره....
نصعق بمكاني....
لا ياربي لا لا مو صدك مازن ميموت....
كمت اعيط والنسوان تسكتي ....
ابويه صاح امي كاللهه ناخذه تشوفه...
اخذوني اله وني اتمني اللي يكولوه مو صحيح بلكت يتشاقون...
حسيت الوقت ميمشي ....
احاول اجذب نفسي واغالطه بس لا ....
وصلت وني بي الحياة والموت...
ياربي ذاك اليوم دخل للمستشفى ومتت خوف....
وصلت والدكتور ميقبل نشوفه حالته خطره كلشش...
ني من كال هيج تخبلت ماعرف شسوي...
ابويه توسل بالدكتور يدخلني ولو ثواني....
وافق وره شلعان الكلب...
دخلت واشوف منظر فضيع...
ماعرف اصرخ لو ابجي ....
لا لا لا...
جان جسمه عباره عن خريطه....
مشكل بالاجهزه....
متحملت اللي دا اشوفه...
وكعت بالكاع ودموعي متوكف....
اجوي اخذوني ....
راد ابويه يرجعني للبيت مقبلت....
مادام هوه هنا ني ابقه يمه....
بقيت كاعده وماعرف شنتظر....
راح ابويه جابلي اكل.... مقبلت اكل ...
توسل اليه .... عاف الاكل يمي وكعد بعد شيسوي وني دموعي متوكف...
محسيت عله نفسي من نمت ... يمكن من كدما بجيت....
كعدني ابويه حته نرجع...
مقبلت بس صدمني من كال...
الدكتور يكول ...
رح يعيش بس عالاجهزه .... يعني رح يدخل بغيبوبه....
احس النفس انكطع ... لا يربي لا لا مستحيل ....
كومني ابويه وسحلني سحل للبيت...
رجعت وتلكتي رؤى تبجي وني هم ماقصرت .....
مرت الايام وني جثه هامده لا اكلي مثل العالم ولا نومي مثلهم....
اجفل بالليل وعبالي رح الكه مازن محاوطني بس لا ... نوب ازهك من البجي وارجع انام...
اجتي عمتي وره تقريبا 5 ايام...
باوعتلي بنظره ماعرفت افسرهه..
كالتلي....
ازل ... تدرين بيه شكد احبج واعزج ونتي وحده من بناتي....
مادري بس كالت هيج طكيت بجي...
وهيه هم بجت ويايه....
عاد كالت....
نتي لازم تعيشين حياتج مو لازم ترتبطين بواحد بين الحياة والموت....
بذيج اللحظه ردت اعيط بس رجعت ابجي وبصوت عالي...
كتله عمه ماعوفه لو شميصير .... جنت احجي واشهك بالبجي....
بس يا عمه... مخليته تكمل...
لا لا هذا مازن ماعوفه .....
ملت مني وطلعت....
ثاني يوم رحت عله ابويه وتوسلت اله اشوف مازن....
اخذني وهم رحت شبعت مشي ورجعت....
مشت الايام مثل السم...
الي ان اجه يوم صاحني ابويه....
رحت اله...
ها يابه...
اسمعيني بنتي ... السنه حتبدي ونتي بعدج ممسويه شي... (يقصد الكليه)...
ردت احجي سكتني...
ادري بيج مقهوره عله رجلج وبعدج عروس بس لازم تكملين اللي بديتي بيه....
اذا اجه اليوم اللي يصحه بيه غير يلكاج قويه وووو....
صراحه فكرت باللي كاله ابويه وتذكرت كلام مازن وتشجيعه اليه للدراسه ....
طلبت من ابويه يوديني للشقه مالتنه ....
رحت وبس طبيت شبعت بجي....
تذكرت هوايه مواقف...
هنا ضحكنه وهنا سوينه فلان شي وهنا وهنا....
طلعت ملابسه وبديت اشم بيهن واصرخ...
ظليت ابجي الي ان ارتاحيت...
اخذت قسم من ملابسي وقميص من قمصان مازن....
اجتي عمتي بالليل وكالت مصاريفج عليه .... ابويه رفض وضلو يتناقشون....
بالاخير عمتي كالت تجهيزات الكليه عليه...
وافقو واخيرا....
تعشو يمنه وراحو...
اتذكر شكد جانت رؤى تحاول تضحكني او تنسيني بس ولا اهتم....
اجتي عمتي وره كم يوم واخذتني للسوق حته تشتريلي ملابس ...
بالبدايه رفضت بس قنعتني....
جنت اتمشى بالسوق وتذكرت من جنه نجهز للعرس...
رأسا دموعي كامت تصب....
بالكوه سكتتني عمتي ....
رجعنه للبيت وكملت البجي هناك...
جهزت كلشي...
وبأول يوم ابويه وصلني....
شبيه لو هسه مازن ويايه ويوصلني ويفتخر بيه.....
بالكوه سيطرت عله دموعي....
دخلت للكليه وني مثل الاطرش بالزفه...
جتي بنيه هم مثلي كلشي متندل ....
تعرفت عليه.... وخذت رقمه...
دخلنه للشعبه مالتنه وكل وحده اخذت ستيج كعدنه بالاخير...
مشت الايام... بس جان اكو شي واحد يتكرر كل يوم واللي هوه الزم قميص مازن واغركه دموع وانام....
جنت لابسه الحلقه بالكليه فعبالهم متزوجه...
بيوم سألتني صديقتي سهى ...
ليش متحجيلي شنو بيج...
حجيتله وني دموعي متوكف ... صدك جنت محتاجه واحد احجيله...
سكتتني واخذتني للحمامات غسلت وجهي ورجعت....
بقيت بين الدوام والبيت وجان يوم الجمعه والسبت اروح بيهم اشوف مازن....
مرات احمد رب العالمين نو هوه عايش ويتنفس ...
بس هم صعبه اشوفه بهالوضع....
صارت العطله الربيعيه وخلصت ....
داومنه وستلمت النتيجه ناجحه الحمدلله...
بيوم جنت كاعده ني وسهى دك الفون...
باوعت هذا رقم المستشفى...
اخ بس لا صاير شي....
فتحت الخط....
الدكتور كال.... هذا رقم عائله المريض مازن...
جاوبته ... يي..
جان الخوف مسيطر عليه ارجه وسهى لازمتني..
اخر شي كال ...
خابرت حتى ابلغكم مازن........
